Nú er fyrsta haustlægðin á leiðinni, - kosningalægðin...

...sem samkvæmt gleggstu manna, spá verður ekki kröpp.  Lítil þáttaka kjósenda mun setja mark sitt á þessar kosningar.  Athyglivert er að verða vitni að þessum takmarkaða áhuga á pólitík en að sama skapi kröfuhörku um öflugan og heilsteyptan þingheim.  Þingheimur verður þó aldrei betri en þeir sem kjósa hann, - eða kjósa ekki.

Þeir sem ekki kjósa eru hins vega mjög áhugasamir um Alþingi og vita allt betur en kjörnir flulltrúar.  Þeir hafa því miður aðeins yfir að ráða, röfli og dónalegri útgeislun á netinu. 

Þeir sem ekki kjósa ættu að sjá sóma sinn að halda sig til hlés í umræðunni a.m.k. þar til kosið verður næst.

Afréttarinn mættir til að rétta kúrsinn á....

...kútter D-listans áður Bjarni Ben siglir öllu í strand.

Hefði betur verið kominn við umræðuna um Orkupakka 3.

Arnar þiggur sætið: „Ekki á móti alþjóðasamstarfi“

Spígsporandi um hálendisþjóðgarð með allt niður um sig?

Vá hvað forgangsröð VG er brengluð.  Rjúkandi rúst á bráðadeild og fleiri stöðum innan ríkisgeirans vegna fjárskorts og á sama tíma á að fari í þann flottræfilshátt að vera stæstir og bestir í þjóðgörðum í Evrópu.

Hvað er hægt að ganga langt í tómri vitleysu og rugli?

Sjá einnig: https://pelli.blog.is/blog/pelli/entry/2265733/

Fjórir flokkar berjist fyrir þjóðgarðinum

Halló. Er Óli Björn að bjóða sig fram í fyrsta skiptið....

...til Alþingis???

Enhvernvegin finnst mér að hann hafa verið að væplast um ganga Alþingis áður.  

Hvernig gekk þá??

Er hann ekki samferða Sjálfstæðisflokknum í að setja Íslandsmet í hækkuðum álögum á landsmenn?

Skattar og/eða tilfallandi gjöld.

Hver er munurinn??

Óli Björn vill lækka skatta

Önnur fluggátt inn í landið ekki í sjónmáli.

Þrátt fyrir fögur fyrirheit um að reyna að dreifa ferðamönnum um landið, m.a. með því að nýta ekki eingöngu Keflavíkurflugvöll í þeim tilgangi að koma ferðamönnum inn í landið virðist fátt eitt í sjónmáli um aðrar lausnir.

Ljóst að stjórnun í innkomu ferðamanna eru enn í sama gamla farinu, sem jaðrar við náttúrulögmál.  Ekkert virðist geta hnikað þeirri skoðun ráðamanna á SV-horninu og samgönguráðherra virðist ekki hafa neina stjórn á verkefninu þrátt fyrir stór orð um að breytinga sé þörf. Ráðuneytið gaf út Hvítbók þar sem átti að taka á þessu máli, en einhver hafði komist í að lagfæra kaflann um þau mál.

Nýsameinað sveitarfélag Múlaþing sá ástæðu til að álykta um þessi mál.

Byggðaráð Múlaþings mótmælir harðlega þeim áformum sem koma fram í Hvítbók um byggðamál um að aðgerð B.10. í núverandi áætlun, jöfnun á aðstöðumun á millilandaflugvöllum, falli þar út.

Byggðaráð Múlaþings lítur svo á að aðgerðinni sé ekki lokið og felur sveitarstjóra að skila inn umsögn í samræmi við umræður á fundinum.

Hvar eru þingmenn NA-kjördæmis?

Kosningaórói Njáls Trausta.

Ekki hafa margir Alþingismenn orðið á vegi íbúa Austurlands undanfarið og ef ekki hefðu komið til hörmungarnar á Seyðisfirði hefði enn minna sést til þeirra á svæðinu en ella.  Covid19 er ekki eina skýringin á fjarveru Alþingismanna og svo merkilegt sem það kann að hljóma, þá er þeirra sárt saknað.  Fátt jafnast á við gott samtal, maður við mann, -  jafnvel við Alþingismann.

Njáll Trausti Friðbertsson er einn þeirra.  Hann er núna hrokkinn í kosningagírinn og búinn að manna skjálftavaktina, enda mikið í mun að haldast inn á þingi.  Hann birtir hverja greinina af annarri um allt sem hann ætlar sér að gera næsta kjörtímabil.  Nánast allt tilheyrir það í Eyjafjarðarsvæðinu. 

Kjósendur á Austurlandi blekktir

Hitt er ekki síðir athyglivert hjá Njáli Trausta.  Hann er að reyna að blekkja kjósendur á Austurlandi.  Af veikum mætti gefur hann í skyn að hann beri einhverja umhyggju fyrir svæðinu og sérstaklega Egilsstaðaflugvelli.  Það er öðru nær.  Ef svo væri hefur hann haft mörg tækifæri til að þrýsta á um endurbætur á flugvellinum.  En það hefur hann ekki gert.  Hann hefur nánast aldrei lagt nokkuð til málanna á Egilsstaðaflugvelli nema að nefna Akureyrarflugvöll í sömu andránni.  Það gerir hann þrátt fyrir að það stefni í að allt að fimm milljörðum verði búið að verja í framkvæmdir á Akureyrarflugvelli frá síðustu aldarmótum, en núll krónum í Egilsstaðaflugvöll.  Þar að auki þarf tvo milljarða til að klára nýju flugstöðina fyrir 2025.

Gott er að eiga hauk í horni fyrir suma a.m.k.

Fyrir Njál er það ekki ónýtt að hafa á sínu bandi, framkvæmdastjóra flugvallasviðs Isavia, Sigrúnu Björk Jakobsdóttur, fyrrverandi bæjarstjóra á Akureyri og flokkssystur.  Það getur ekki klikkað.

Fyrir löngu var búið að nefna veikleika Akureyrarflugvallar vegna hárra fjalla umlykjandi.  Einmitt vegna þeirra var farið í uppbyggingu Egilsstaðaflugvallar og þar auki eru hvað bestar veðurfarslegar andstæður miðað við Keflavíkurflugvöll og gerir hann heppilegastan til að taka við þegar eitthvað truflar rekstur Keflavíkurflugvallar.

Börnin læra það sem fyrir þeim er haft

Rétt er einnig hér að minnast á læriföður Njáls, Kristján Þór Júlísson. Áherslurnar hans voru þrjár í samgöngumálum NA-kjördæmis alls, þ.e. betra vegasamband frá Akureyri til Reykjavíkur, Akureyrarflugvöllur og Vaðlaheiðargöng. Þá sjaldan hann kom austur á land var það til að etja mönnum saman í hrepparíg t.d. þegar hann hvatti menn til að beita sér fyrir að færa þjóðveg eitt svo hann lægi um þéttbýliskjarnana við sjávarsíðuna.  Engu breyttu rök um lengingu þjóðvegarins, sem af því hlytist.  Aðspurður um hvort hann mundi nota sömu rök og beita sér fyrir legu þjóðvegar eitt fyrir Tröllaskaga.  Því svaraði hann engu. 

Öfugt við Kristján er Njáll ekki í náðinni hjá Samherja.  Óljóst er hvort það er kostur eða galli og hæpið að það verði mælanlegt þegar vegin verða saman önnur afrek Njáls fyrir Austurland.

En hvað varðar sjálfstæðismenn austan Vaðlaheiðar, ættu þeir alvarlega að hugsa sinn gang, þegar kemur að því að velja þingmannsefni á lista flokksins.

VG vilja ekki sjúkrahús á Egilsstöðum

Við alla flugvelli landsins eru boðlegt sjúkrahús, - ekki á Egilsstöðum.

Þetta stendur samfélaginu fyrir þrifum vegna þess að eitt af atriðum, sem ungt fólk setur fyrir sig þegar það ákveður hvar það vill búa, er sjúkrahús.

Þetta ástand er í boði VG og rétt að muna það í kjörklefanum í haust.

 

Flestir hafna einkarekstri í heilbrigðiskerfinu

Flugsveit Landhelgisgæslunnar

ÞAÐ er eflaust að bera í bakkafullan lækinn að koma með tillögu um staðsetningu á aukaþyrlusveit Landhelgisgæslunnar þar sem ákveðnar hugmyndir virðast nú vera rétt handan við hornið, ef marka má fréttir í fjölmiðlum.

Læknar hafa enn og aftur hvatt til þess að þyrlur verði staðsettar á landsbyggðinni og ekki er hægt að vera meira sammála þeim samþykktum. Þeir eru hins vegar fastir í að staðsetja fyrstu þyrluna á Akureyri, sem er illskiljanlegt. Þeir líta eingöngu á þyrlur sem tæki til sjúkraflugs en þyrlur eru fyrst og fremst heppilegar til björgunarstarfa við erfiðar aðstæður en geta nýst ágætlega til flutninga á sjúklingum um styttri veg.

*Ég vil benda á Egilsstaðaflugvöll sem valkost fyrir þetta verkefni og í því samhengi hef ég látið teikna inn á meðfylgjandi kort 200NM radíus út frá Reykjavík, Akureyri og Egilsstöðum. Rauði fleygurinn er ávinningurinn að hafa þyrlu á Akureyri, umfram Egilsstaði. Blái fleygurinn er ávinningurinn að hafa þyrlu á Egilsstöðum umfram Akureyri. Þar sést gjörla hvar ávinningurinn er meiri í drægi, að því gefnu að alltaf verði þyrlur staðsettar í næsta nágrenni við Reykjavík.

*Suður af landinu eru einnig helstu siglingaleiðir fragtskipa og megnið af flugleiðum til og frá Íslandi liggja einnig þar um. Norræna siglir suðaustur af landinu og þetta er það svæði sem flest skemmtiferðaskip eiga leið um ár hvert.

Tekið skal fram að þetta er ekki vísindaleg úttekt, en gefur tilefni til þess að kanna nánar þessa tvo þætti, sem taka þarf tillit til við ákvörðun um staðsetningu þyrlunnar. Nánari rannsóknir þarf að framkvæma með tilliti til flugumferðar í samráði við Flugstoðir ohf. og afla upplýsinga um siglingaleiðir ferja og fragtskipa, sem eru væntanlega til í gögnum Landhelgisgæslunnar.

Staðsetning björgunarþyrlu og starfsstöðvar Landhelgisgæslunnar er um margt ákjósanleg á Egilsstaðaflugvelli.

1. Sjónflugleiðir frá Egilsstöðum eru góðar út á sjó, Héraðsflóinn, Fagridalur og Öxi. Ekki má gleyma vaxandi umferð um hálendi norðanverðs Austurlands og slysum vegna óhappa, m.a. á hópferðabifreiðum þar og á þjóðvegi eitt um hálendi Austurlands.

2. Upp hafa komið tilfelli þar sem ekki hefur reynst unnt að fljúga þyrlum frá Reykjavík til leitar og björgunar, sem hefðu tekið fullan þátt í aðgerðum með staðsetningu á Egilsstaðaflugvelli.

3. Ég bendi á að um Egilsstaðaflugvöll er mikil flugumferð og í ljósi atburða fyrir skömmu, þegar Fokker flugvél Flugfélagsins varð að lenda þar með annan hreyfilinn dauðan, þarf ekki ríkt ímyndunarafl til að sjá að þá má á ekki mikið út af bera til þess að flugvöllurinn lokist.

4. Ef flugvél brotlendir á flugvellinum er líklegast að vellinum verði lokað og þar með er ekki hægt að lenda venjulegum flugvélum á vellinum til ná í sjúklinga. Þyrlur geta þrátt fyrir það athafnað sig á svæðinu.

5. Næsta aðgerðasjúkrahús er á Norðfirði og það tekur þyrlu um 15 mínútur að fara þangað með slasaða en um klukkustund tekur að fara þessa leið í sjúkrabíl. Þar er einnig flugvöllur til að ná í sjúklinga, ef flytja þarf þá annað, t.d. til Reykjavíkur.

6. Verði óhapp á Akureyrarflugvelli er einungis um fimm mínútna akstur á mun betra og fullkomnara sjúkrahús en hægt er að státa af í öllum Austurlandsfjórðungi.

Ég vil einnig vekja athygli á eftirfarandi:

A. Engin sjúkraflugvél er staðsett á Egilsstaðaflugvelli þrátt fyrir um 10.000 manna byggð innan áhrifasvæðis flugvallarins og lengst að fara á bestu sjúkrahús landsmanna. Þetta er þó talið nauðsynlegt í Vestmannaeyjum þar sem flugleiðin er 57NM á Reykjavíkurflugvöll með allar öflugustu vélar í íslenska flugflotanum og björgunarþyrlur tiltækar.

B. Á Ísafirði er einnig talin þörf á sjúkraflugvél.

C. Öflugasta sjúkraflugvélin er staðsett á Akureyri.

D. Á Ísafirði, Akureyri og í Vestmannaeyjum eru öflugar sjúkrastofnanir en ég tel einsýnt að sjúkrastofnun á Austurlandi standi þeim öllum langt að baki.

E. Það er hins vegar staðreynd að best búnu sjúkrahús landsins eru í Reykjavík, næstbest búna á Akureyri og síðan slappast þetta allt niður í kofaþyrpingu eins og á Egilsstöðum, þar sem menn skilja bara ekkert í því að enginn læknir vilji ráða sig til starfa.

F. Það er líka staðreynd að nær allt sjúkraflug er til Reykjavíkur. Örfá eru til Akureyrar og þar af eru flutningar með sjúka milli sjúkrahúsa sem ekki eru eiginleg sjúkraflug.

G. Ég bendi jafnframt á það, ef talin er þörf á að staðsetja flugvél á Ísafirði og í Vestmannaeyjum, hljóta að gilda sömu rök fyrir Austurland, sem er lengst frá hátækniþjónustu sjúkrahúsanna.

H. Hvernig reka á sjúkraflug og heilbrigðisþjónustuna er mat til þess bærra manna. Það eru sömu „sérfræðingarnir“ sem eru ráðuneyti heilbrigðismála til ráðgjafar um starfsemi vítt og breitt um Ísland og það ráðuneyti stjórnar, merkilegt nokk, einnig heilbrigðismálunum hér á Austurlandi. Því hljóta sömu rökin að gilda.

 

Grein mín í Morgunblaðinu 3.3.2008

Þjóðvegur Eitt um Fjarðabyggð

Stjórnendur í Fjarðabyggð lögðu á sínum tíma, mikið upp úr  því að Þjóðvegur Eitt færi um Fjarðabyggð í stað Breiðdalsheiðar og helstu rökin voru að skila fleiri ferðamönnum inn í sveitarfélagið.  Stjórnvöld urðu við þessu og er það eflaust fordæmisgefandi við aðra fjórðunga, t.d. væri eflaust hagur í því fyrir Dalvík, Ólafsfjörð, Siglufjörð og Sauðárkrók, yrði Þjóðvegur Eitt skilgreindur um þá bæi.

Aftur austur á land. 

Leiðin frá Djúpavogi til Egilsstaða um Öxi (vegur 939) er 85 km en 152 km ef farin er fjarðaleiðin, þ.e. 67 km lengri leið.  Mestmegnis er um sumarumferð að ræða um Öxi, enn sem komið er.  Leiðin um Breiðdalsheiði, sem var Þjóðvegur Eitt, er tíu kílómetrum styttri en að fara fjarðarleiðina.  Þrátt fyrir að bera þann sæmdartitil, að vera Þjóðvegur Eitt um Breiðdalsheiði, var nánast engin vetrarþjónusta á þeirri leið, frekar en um Öxi.

Talsverðar vegabætur hafa undanfarið verið gerðar á Öxi og í Skriðdal er vegurinn malbikaður langleiðina upp að vegamótum Axar og Breiðdalsheiðar og fróðlegt verður að sjá hvort Vegagerðin fær fjármagn til að vera með einhverja vetrarþjónustu um Öxi, ekki síst til að auðvelda innanbæjarsamgöngur í sameinuðu sveitarfélagi Múlaþingi.

Heilsárs umferðartölur (dagsumferðin) um Öxi árið 2009 voru 80 ökutæki en árið 2019 fóru 202 þá leið.  Aukningin er 128% þrátt fyrir að lítil sem engin umferð er þar um vetrarlangt.

Heilsárs umferðartölur (dagsumferðin) um Streiti árið 2009 voru 187 ökutæki en árið 2019 fóru 352 þá leið.  Aukningin er 94% á vegi með vetrarþjónustu.

Er Njáll Trausti Friðbertsson dýrasti þingmaður aldarinnar?

Njáll Trausti Friðbertsson hefur beitt sér hressilega sem þingmaður Eyjafjarðar í málefnum þess kjördæmis.  

1. Lenging Akureyrarflugvallar á .................u.m.þ.b. 3.500.000.000

2. ILS inn á Braut 01 fyrir smávélar á ...........u.m.þ.b.   250.000.000

3. ILS inn á Braut 19 á ..........................u.m.þ.b.   250.000.000

Samtals eru þetta um fjórir milljarðar ...........u.m.þ.b. 4.000.000.000

 

Hver er raunkosnaður við verkefni Akureyrarflugvallar á þessari öld?

Hvað hefur áunnist?

Hefur millilandaflugið aukist mikið?

Hvað hefur útflutningur á fiskiafurðum aukist mimið?

Hvar eru fréttahaukarnir?