Hvað er einn keppur í sláturtíðinni?

Gaman að sjá hvað það fer í taugar frú forsætisráðherra, þegar þingmenn fara sínar eigin leiðir í samstarfi.  Athygli vert er einnig að skoða sögu þingmannsins Jóhönnu Sigurðardóttur og síðar ráðherra og þær þumalskrúfur sem hún beitti sínu samstarfsfólki, innan flokks og utan.  Þá var ekki verið að fara einhverja sáttaleiðir í samstarfi. 

Lengi er hefur verið ljóst að lítið má útaf bregða til þess að frúin leggi á kúst sinn og þeysi í Bessastaði með uppsagnarbréfið.  Hún virðist vera að þreytast á að kyrja yfir söfnuði sínum faðirvor sitt.  "Verði minn vilji svo á jörðu og á himni"  - annars er mér að mæta.  Eru ef til vill breytingar í aðsigi?  Er sláturtíðin hafin hjá JS?  Eru þetta fjörbrot ríkistjórnarinnar? 

Hvað um það, nú er greinilegt að Jóhönnu er að takast að koma róti á jafnaðargeð Steingríms J með ítrekuðum árásum á VG.  Hótanir og yfirlýsingar eru farin að taka sinn toll.  Dropinn holar Steingrím.  Ef það er ekki kattasmölun, þá er það svik þremenningaklíkunnar og nú hnykkir hún á því að hald skuli í heiðri samstarfsyfirlýsingu flokkanna.

Það er umhugsunarvert að forsætisráðherra gerir ekkert með kosningaloforð VG, hvað varðar að sækja ekki um aðild að ESB né greiða Icave-reikninginn.  Henni er svo sem vorkunn, kosningaloforð VG eru Steingrími J svo sem ekkert heilagt plagg heldur.

Því er illskiljanlegt hugarvíl Steingríms J nú af framgöngu forsætisráðherra, þegar skoðað er það sem á undan er gengið. 

Hvað er einn keppur í sláturtíðinni?

Eigum ekki að „hræra í innyflum hvers annars“

Púðurkerlingin óttast eldinn.

Það er ekki nema von að hún vilji forðast eldinn, - púðurkerlingin sjálf. 

Gaman að  heyra í henni í ræðustól eftir úrskurð Hæstaréttar um stjórnlagaþingskosninguna.

Efnislega hvatti hún alla flokka til að snúa bökum saman og leysa það mál.  Enda á hún sem forsætisráðherra að vera tákn sátta, samstöðu og samvínnu. 

Hún var ekki fyrr búin á Alþingi, að tala með sinni mýkstu silkirödd um sættir í þingi, þegar hún snéri sig að sjásfstæðismönnum og þrumaði yfir þeim. 

Þeir væru væru búnir að rústa öllu sem hægt væri að rústa og gengu svo fram fyrir skjöldu og stoppuðu stjórnlagaþingið.  Og skammist ykkar svo.   Þetta er í hnotskurn hvað hún sagði.  Hvernig er hægt að taka í útrétta sáttahönd, þegar von er á löðrungi frá hinni.

Því miður er konan ekki með öllum mjalla.  Hennar tími er liðinn.

Annað mál.  Hvort eru meiri svik hjá VG, að svíkja samstarfsyfislysingu stjórnarflokkana eða kjósendur sína?

Eru að leika sér að eldinum

Ben Ali forseti vill örugglega hlaupa í skarðið....

.....fyrir Marie Amelie (Madina Salamova).  Þeir félagar þurfa ekkert frekar að hafa samband við hann, en Marie.

Gott að þingmenn skuli vera að vinna að einhverju uppbyggilegu, jafnvel þó enginn hafi beðið þá um það.  Það er hvort sem er ekkert annað sem liggur sérstaklega fyrir þinginu til að klúðra þessi vikulokin.  Þjóðlagaþingið bíður bara síns tíma, eins og að gera eitthvað til að koma atvinnu af stað eða hjálpa heimilunum í skuldavanda svo ekki sé minnst á að koma í veg fyrir uppsagnir í heilbrigðisgeiranum.

Ja, - svona er nú lífið einfalt hjá sumum þingmönnum.

Amelie vill ekki verða Íslendingur

Múlaþing, það er málið.

Það er ekki að verða hægt annað en að fara inn í rúm og breiða yfir haus, svo vitlaust er þetta mál allt orðið.

Svo eru menn að gera lítið úr Jóni Gnarr.  Þegar hann lék Bjarnfreðason, sem miskilinn var allstaðar, samt með fimm, - segi og skrifa fimm háskólagráður, samt tók enginn mark á honum.

Þessi ríkisstjórn er með a.m.k. fimm háskólagráður, segi og skrifa a.m.k. fimm háskólagráður og vinnubrögðin eru svipuð og hjá Bjarnfreðasyni, nema við þurfa að sitja undir þessum vinnubrögðum.  Nú er mælirinn fullur.  Burt með þessa þingmenn, veit ekki hvað þeir eru að gera á þingi.  Er alveg orðinn gáttaður á vinnubrögðunum.  Eigum við þetta Alþingi skilið?

Ég legg því til, að Múlaþing verði endurvakið. 

Þar taki menn til hendinni, án þess að nokkur kjörinn póltískur fulltrúi komi þar nærri og komi fram með kröfur um nýtt Ísland. 

Þema þingsins verði m.a.:

• Sameina Austurland í eitt sveitarfélag.
• Meira sjálfstæði.
• Fjármunirnir verða eftir heima í héraði.
• Framkvæmdavaldið nær fólkinu.

Ákvörðun Hæstaréttar kom á óvart

Flytjið framkvæmdavaldið út til fólksins og hættið....

....þessari miðstýringu.  Fjármunirnir verða að stoppa á þeim stöðum sem þeirra er aflað og þá kemst á jafnvægi í byggðum landsins.  Byggðastofnun verður í framhaldi óþörf og jafnframt sértækar björgunaraðgerðir, sem ávallt verða mislukkaðar aðgerðir, eins og dæmin sanna.

Til þess að þetta getur orðið, verður að bylta skattkerfinu og gjörbreyta.  Öll skattinnheimta verði í höndum bæjar- og sveitarfélaga, sem síðan  greiða í einn sjóð skv. höfðatölu, öll sömu krónutölu á hvern einstakling. 

Sá sjóður er ríkissjóðurinn og sér m.a. um að reka Alþingi með 15 alþingismönnum.  Þeirra verkefni verður að setja lög og fylgjast með að þeim lögum sé framfylgt.  Ekkert annað.  Allri hagsmunagæslu verði stungið undir stól og hagsmuna- og kjördæmapot verði ekki liðið.

KERFIÐ, eins og það er, hefur ekki virkað í mörg ár.  Því þarf að skera það við trog og koma framkvæmdavaldinu til fólksins, en ekki láta það í hendur fárra eins og nú er.  Það er bara áframhaldandi ávísun á spillingu, sem hefur verið landlæg hér í áraraðir og afleiðingarnar afleitar.

Vestfirðir og Suðurnes í forgang

Skrautfjöður stífð úr sterti Þorvaldar.

Þar fór það.  Þá get þeir félagar Þorvaldur Gylfason og Illugi Jökulsson hætt að grobba sig á almannafæri og draga verulega úr þeim hroka að senda þingi, þjóð og forseta Íslands pillur um að halda sig til hlés.  Að þeirra mati átti það einungis að vera fulltrúar á þjóðlagaþingi,  sem einir máttu hafa skoðun á stjórnarskránni og þeir félagar manna best til þess fallnir að hafa þar áhrif á.

Miklir menn þar á ferð.

Stjórnlagaþingskosning ógild

Ef fjámunirnir mundu ekki renna beint í sukkið í Reykjavík....

....þyrfti hvorki byggðarstofnun né aðrar björgunaraðgerðir, sem eru ekkert annað en sjálfskaparvíti okkar vegna þess að í hverju þjóðfélagi býr skrímsli, sem kallast "KERFIÐ".

KERFIÐ er þungt í vöfum.
KERFIÐ þvælist fyrir t.d. er ekki hægt að flytja til landsins hvítvoðung frá Indlandi sem hefur fengið íslenskan ríkisborgararétt.
KERFIÐ tekur ekki til greina hvar teknanna er aflað.
KERFIÐ tekur lögin í sínar hendur og vinnur úr þeim á sinn hátt.
KERFIÐ er að rústa heilsugæslunni á landsbyggðinni.
KERFIÐ telur á sama tíma að nægt fjármagn sé til að byggj HÁTÆKNISJÚKRAHÚS
KERFIÐ fækkar möguleikum á að nýta fólkið sem við menntum.
KERFIÐ áttar sig ekki á nauðsyn þess að fækka háskólum í tvo, hjá 318.000 manna þjóð.
KERFIÐ áttar sig ekki á því, að í menntun gildir; framboð, eftirspurn og gæði.
KERFIÐ er búið að verðfella menntunina í landinu með fíflalegum áherslum.

Þetta er ekki allt.

Þeir sem fundu upp KERFIÐ eru blekbyttur (byrokratar) sem eru eins og krabbamein í hverju landi og vinna að því að hægja á samfélaginu og lengja allar boðleiðir.  Þeir flækja síðan lögin þannig að mjög erfitt er að vinna eftir þeim og forskrúfa alla hluti það rækilega að nær öruggt er, að ekki verður hægt að draga neinn þeirra til saka fyrir vanrækslu.  Í KERFINU er hægt að benda hver á annan.

Byggðastofnun þarf 3,5 milljarða

Þetta lagast ekki fyrr en framkvæmdavaldið færist heim í hérað....

....og tekjur, sem aflast þar, verðin notaðar í heimabyggð.   Það er gengn öllu réttlæti að fjármunir renni nær óskiptir í hítina í Reykjavík og síðan þurfa fulltrúar landsbyggðarinnar að slíta þá til baka með glóandi töngum.

Skattkerfið verði stokkað þannig upp, að allir skattar verði innheimtir á heimaslóð og síðan greitt eftir höfðatölu í ríkiskassann til að reka löggjafasamkunduna (Alþingi) og þær stofnanir sem nauðsynlegt er að reka til almannaheilla.

Allar stofnanir, sem beinlínis þurfa ekki að vera í Reykjavík, veði fluttar annað. 

Margir á fundi um atvinnumál

Óvenju ósvífinn fréttastjóri RÚV.

„Óvenju ósvífið að halda að RÚV taki við leiðbeiningum um hvað sé fréttnæmt“                          

Gunnar Gunnarsson skrifar frétt í www.agl.is föstudaginn 21 jan. sl með þessari yfirskrift.  Áfram heldur hann:

„Óðinn Jónsson, fréttastjóri Ríkisútvarpsins, hafnar því að efni á fréttastofu sé unnið eftir listum frá forsvarsmönnum sveitarfélaga. Hann vonast til að aðrir Austfirðingar hafi meiri skilning á hlutverki fjölmiðla en þeir sem sendi fjölmiðlum slíka lista. „

Og áfram í þessum dúr:

„Þetta er einstakt og óvenjulega ósvífið að láta sér til hugar koma að Fréttastofa RÚV taki við leiðbeiningum frá sveitarstjórnarmönnum eða nokkrum öðrum um hvað sé fréttnæmt og hvað ekki.,“ sagði Óðinn í samtali við Agl.is í dag. „Ég tek þetta ekki alvarlega. Vona bara að aðrir í þessu ágæta sveitarfélagi hafi meiri skilning á hlutverki fjölmiðla.“

Upphaf þessa máls er að formaður SSA og bæjarfulltrúi í Fjarðabyggð, hafði sagt frá því að hann hefði óskað eftir því að fréttamaður RÚV á Austurlandi tæki jákvæðara sjónarhorn á fréttaflutningi sínum úr fjórðungnum.  Jafnframt voru ábendingar sendar um helstu mál sem umræddur fulltrúi vildi sjá fjölmiðla fjalla um.

Viðbrögð fréttastjóra RÚV eru í senn hrokafull og sorgleg.  Þarna fer maður fyrir fréttastofu, hver á að túlka hlutlaust það sem fram fer og til þess að sinna því verkefni, vill hann að fréttastofan geti starfað sjálfstætt og haft fullt mál- og skoðanafrelsi til að „matreiða“ fréttir og fréttatengt efni ofan í landsmenn.   Þetta vilja fréttamenn gera á sinn eigin hátt.  Þetta er í sjálfu sér gott og blessað.  En þetta eitt og sér gefur fréttamönnum ekkert einkaleyfi á því að koma fram með sínar skoðanir og sjónarhorn á líðandi stundu. 

Eins og allir vita, hvort sem mönnum líkar það betur eða verr, litast oft umfjöllunarefni skoðunum þess sem frá segir, hversu ákveðinn sem viðkomandi er í að gera það ekki.  Þetta er mannlegt og ekkert við því að segja. 

Því skýtur það skökku við, þegar frétta- og dagskrárgerðarmaður hrekkur upp af standinum við það eitt, að einhver hefur samband og er á allt annarri skoðun og viðrar hana við viðkomandi.  Frétta og dagskrárgerðamaður, sem nýbúinn var að koma með sinn eigin viknil í einhverju máli, verður oftar en ekki, fjúkandi illur á því að einhver annar skuli vera það ósvífinn að hafa aðra skoðun á málinu.  Svo tekur steininn úr að vera ofan í kaupið það óforskammaður hringja í fréttamanninn og halda fram annarri skoðun og verja hana.  Sveiattan.

Hér eru menn nú heldur betur komnir fram úr sjálfum sér, því það er málfrelsi á Íslandi og það gildir um alla.    Frétta- og dagskrárgerðamenn hafa engan einkarétt á því.  Mál- og skoðanafrelsi er bundið í landslög.  Frétta- og dagskrármönnum er hins vegar frjálst að taka gildar ábendingar sem þeir fá, - eða hunsa.

Svona hroka á að uppræta.  Menn sem svona láta, eru orðnir sjálfum glaðir og heimaríkir, svo ekki sé dýpra á árina tekið.  Þeir eru hættulegir lýðræðinu og  ættu að velja sér starfsvettvang þar sem mannlegra samskipta er ekki krafist.

Ráðherra að pissa í skóinn sinn.

Exel möppudýrin ráðast enn á líssgæðin og auðveldasta skotmarkið er fólkið á landsbyggðinni.  Það er lengst frá skrifborðum ráðuneytanna og því þægilegast að skjóta þau niður úr fjarlægðinni. 

Ekki hefur verið bruðlað með almanna fé á þessum stofnunum. Húsin eru bæði gömul, þröng og smá.  Aðstaðan er þannig að læknar fást ekki til þess að vinna við þær aðstæður.  En það vita "sérfræðingarnir" í Reykjavík auðvitað ekki.  Þeir hafa ekki lagt á sig að fara austur og kanna málið í eigin persónu.  Það er svo langt austur að þangað kemst enginn nema fuglinn fljúgandi.

Þessir sömu "sérfræðingar" eru síðan að fletta teikningum af HÁGÆÐASJÚKRAHÚSI við Hringbrautina sem kostar okkur milljarða að byggja. 

Halló!!!, er þetta ekki sama tóma ríkisbuddan?? 

Hvernig er hægt að bera það á borð fyrir okkur, að engir fjámunir séu til í rekstur heilsugæslunnar á landsbyggðinni, þegar sömu "sérfræðingarnir" eru á sama tíma að hrinda af stað enn einu fjármálasukkinu í Reykjavík.

Nú er nóg komið, - burt með þessa vanhæfu starfsmenn!!

Ráðuneyti setur niður