Þegar Jóni Bjarnasyni var fórnað á altari ESB

Kafli I

Stjórnmálaflokkur komma, sem nefnist í seinni tíð Vinstri Grænir, hefur tungur tvær og talar sitt með hvorri.

Viðskiptablaðið var með þetta sérstaka mál sem kom upp 2009. https://www.vb.is/skodun/kosningasvikin/142376/

Sigmar Guðmundsson: „Kemur það til greina Steingrímur bara svo ég spyrji þig […] að hefja undirbúning að því að sækja um, strax núna eftir kosningar…“

Steingrímur J. Sigfússon, formaður Vinstrigrænna: „Nei!“

Sigmar Guðmundsson: „…vegna þess að þannig hefur Samfylkingarfólkið talað.“

Steingrímur J. Sigfússon: „Nei!“

Sigmar Guðmundsson: „Að þetta byrji í sumar?“

Steingrímur J. Sigfússon: „Nei!“

Sigmar Guðmundsson: „Hvenær getur þetta byrjað?“

Steingrímur J. Sigfússon: „Það samrýmist ekki okkar stefnu og við hefðum ekkert umboð til slíks. Og þó við reyndum að leggja það til, forystufólkið í flokknum, að það yrði farið strax í aðildarviðræður, gagnstætt okkar stefnu, í maí, þá yrði það fellt í flokksráði vinstrigrænna. Þannig að slíkt er ekki í boði.“

Það leið ekki mánuður frá þessu samtali þar til ríkisstjórn Steingríms J. undir stjórn Jóhönnu Sigurðardóttur skellti fram tillögu um aðildarumsókn að ESB og hraðafgreiðslan var slík að mánuði síðar var hún samþykkt.

Kafli II 

Jón Bjarnason, sjávar- og útvegsráðherra var allt annað en kátur með þetta ráðslag Steingríms J. enda líklegt að það hafi verið handsalað við stjórnarmyndunarviðræður K.K. bandsins (Krata og Komma) og Steingrímur J. hafi eitthvað verið á vappi langt frá sannleikanum og einn í heimi VG þegar þessi gjörningur var samþykktur.

En andstaða Jóns Bjarnasonar var ef til vill ekki eini ásteytingasteinninn, því hann var með frumvarp í smíðum, sem ef til vill hugnaðist ekki stórútgerðinni á Íslandi neitt sérstaklega og þá ekki ríkisstjórninni.

„Nú þegar hann kynn­ir loks­ins rík­is­stjórn­inni þetta á þriðju­dag­inn sýn­ist mér að ráðherr­ann sé kom­inn ansi fjarri stefnu flokk­anna í sjáv­ar­út­vegs­mál­um og ljóst að þetta frum­varp óbreytt verður aldrei lagt fram sem stjórn­ar­frum­varp,“ seg­ir Jó­hanna.

Og í framhaldinu tók Jóhanna Sigurðardóttir til sinna ráða og dró Jón Bjarnason út úr ráðuneyti sjávar- og landbúnaðarmála.

Vinstri höndin veit ekki hvað sú Græna gerir.

Guðmundur Ingi Guðbrandsson verður sein talinn til þeirra sem eru lausnarmiðaður í samfélagi um sjálfbært samfélag á Íslandi.

Nú er hann væntanlega glaður, búinn að standa eins og staðið naut í vegi fyrir virkjanarframkvæmdum og nú stefnir í að nota þurfi olíu við gjaldeyrisöflun þjóðarinnar, loks þegar loðnan sýnir sig á miðunum.

Hvað er hann tilbúinn að ganga langt til þess að rústa raforkukerfinu og koma samfélaginu aftir í það horf að flytja þurfi inn kol og meiri oíu til að hita upp hús og vinna afla hringinn í kringum landið?

Eru þeir sem kusu VG í síðustu Alþingiskosningum, ánægðir með þetta framferði fv. umhverfis- og auðlindaráðherra?

Verst að það skuli ekki vera hægt að endurtelja hann út af þingi.

 

Friðlýsti Dranga á síðustu dögum sem ráðherra

Er eitthvað líf austan Ártúnsbrekku?

Það er örugglega ekki margir meðvitaðir um gróskumikið atvinnulíf á landsbyggðinni þegar kemur að Tjarnar-Bakkabræðrum og -systrum.

Þau eru öll með MikluMýrarsyndromið.

Það lýsir sér í þeirri óbilandi trú:

- að ekki er hægt að flytja fólk til og frá Íslandi nema --

- að ekki er hægt að flytja vörur til og frá Íslandi nema --

- að ekki er hægt að flytja póst til og frá Íslandi nema --

                      -- það fari um gatnamót Miklu- og Kringlumýrarbrautar.

Auk þess fylgir þessari óværu nokkrar hliðarverkanir:

1. Allt stórt á að vera í sjónmáli úr turni Hallgrímskirkju á Skólavörðuholti.

1.1. Sjúkrahús.

1.2. Stjórn landsins

1.3. Allar menntastofnanir landsins

1.4. Yfirstjórn alls fjármálakerfisins

1.5. Yfirstjórn allra stórfyrirtækja landsins

1.6. Fyrirtæki sem enga framleiðslu hafa í Reykjavík s.s. Landsvirkjun.

1.7-999. Sem er of langt upp að telja.

 

2. ER BARA EKKI BEZT AÐ GANGA Í ESB?

2.1 Þá flyst allt bixið til Brussels.

Sjálfstæðisflokkur sýni landsbyggð lítilsvirðingu

Er MDE með hraðþjónustu?

Það bregður þá nýrra við.  Gott ef niðustaða verður komin að fjórum árum liðnum.

Á þá að kjósa í NV-kjördæmi?

Ef þarf að víxla stólum, eiga þeir sem þar kunna að sitja, að endurgreiða launin til þeirra sem teljast rétt kjörnir?

Verða öll lög næsta þings ómerk?

Eina lausnin, sem er marktæk núna úr því sem komið er, er að senda kjörna fulltrúa heim launalaust og forseti lýðveldisins skipar starfsstjórn.

það er eini löglegi leikurinn í stöðunni, að mínu mati.

Auglýsa þarf nýjan kjördag með tilskyldum fyrirvara í vor og kjósa upp á nýtt í landinu öllu og fara að þeim loknum í stjórnarmyndunarviðræðurnar.

Ella verður enginn friður á landinu, vegna þess að þeir sem ekki fengu það sem þeir vildu, setja eigin hag ofar hag landsmanna.

Þannig met ég stöðuna.

 

Vísa verði niðurstöðum kosninga til MDE

Og fyrst sæstrengurinn er hvort eð er kominn svona langt - - -

- - - borgar það sig þá ekki bara að fara með hann alla leið í land og þá verður jafnræðið virkt og raforkan á Íslandi hækkar til samræmis við löndin, sem koma til með að fá orku frá okkur.

Vá hvað þetta skín í gegn. Það er plottið.

Hvað gerist svo?

Dagprísar poppa upp og efnaminna fólk neyðis til að elda og þvo þvott á nóttinni þegar raforkuverðið er lægst.

Það er kristaltært að raforkuverð til heimila og fyrirtækja hækkar snarlega.

Er þetta það sem þjóðin vill?

Hverra hagsmuna er ráðherrann að gæta?

Ekki almennings. 

Metnaðarfullar hugmyndir um vindorkugarð

Menn ganga ekki til rjúpna með fallbyssu

Af hverju eru sóttvarnayfirvöld ekki að vinna með skynsemina í farteskinu?

Af hverju er ekki hægt að vera með svæðisskiptar aðgerðir í takt við fjölda smitaðra.

Af hverju er ekki hægt að banna fólki að nota almenningssamgöngur, sem ekki framvísa gildu sóttvarnarvottorði?

Geta sóttvarnayfirvöld ekki sniðið tillögur sínar að mismunandi ástandi svæða?

Kvikni í húsi á 101 Reykjavík, kalla menn ekki út slökkvilið um allt Ísland til að sprauta á eitthvað hús einhversstaðar.  Það sjá allir hvað það er galið. 

50 manns mega koma saman

Hjarðónæmi gegn heilbrigðri hugsun

Þjóðin er að verða komin á það stig, að lesskilningurinn er takmarkaður við að nýta fyrirsagnir og frasa.  Þetta lýsir sér í því að með því að lesa eingöngu fyrirsögn í blaði, telur viðkomandi sig skilja innihald greinarinnar, sér í lagi ef hún rímar við einhvern frasa sem lesandinn er nú þegar búinn að tileinka sér.

Í góðri grein í Morgunblaðinu í dag á bls. 16, eftir Hauk Ágústsson fyrrverandi kennara, er farið yfir greiningu á heilaþvegnum fórnarlömbum samfélagsins og vandamálið skilgreint með skýrum hætti.  Hún er ýtarlegri en greining mín á sama vandamáli. Greining er ekki alveg ný og þar nefnd hóphugsun og þeir sem hópnum fylgja í blindni eru fórnarlömb.  

Irving L. Janis (1918-1990) var rannsóknarsálfræðingur við Yaleháskólann. Árið 1972 gaf hann út bókina Victims of Groupthink (Fórnarlömb hóphugsunar)

Haukur nefnir til sögunnar nokkur af einkennum fórnarlamba hóphugsunar og telur upp eftirfarandi liði:

• Meðlimir hópsins telja sig fullkomna og óskeikula.
• Þeir ígrunda e.t.v. ástæður þess, að aðrir eru ekki sammála, en hagræða þeim og láta þær engu breyta.
• Þeir telja sig þekkja mun rétts og rangs og trúa því, að það sem þeir gera, sé óumdeilanlega rétt.
• Meðlimir hópsins gera sér staðalmyndir af þeim, sem eru ósammála og telja þá vanhæfa til þess að taka réttar ákvarðanir.
• Þeir ógna andmælendum innan hópsins (og utan hans) og beita þrýstingi til að ná fram samþykki.
• Meðlimir hópsins beita sig sjálfsrýni og telja, að ef þeir efast, hljóti þeir að hafa rangt fyrir sér.
• Þögn einstakra meðlima hópsins er talin samþykki.
• Innan hópsins taka menn sér það hlutverk, að hindra að andstæðar hugmyndir komi fram.

Hver hefur ekki upplifað sig í minnihluta gagnvart slíkum söfnuði?

Rétt er að hafa það í huga:
Meirihlutahópur þarf ekki endilega að hafa rétt fyrir sér, þó hann orgi á torgi.

Nauðsynleg mannvirki og staðsetning þeirra

Allir er hafa á hreinu hvar stórskipahöfnum er best fyrir komið þ.e. við sjávarströnd.

Flestir eru sammála að brýr eiga að vera þar sem þær eru best staðsettar vegna umferðar og í þjóðvegakerfinu.

Margir skilja það að, flugvöllum er best fyrir komið þar sem há fjöll eru ekki áhættuþáttur í aðflugi og/eða fráflugi viðkomandi flugvallar.

Sumir skilja það, að sjúkrahúsum er best fyrir komið þar sem margir búa og samgöngur eru greiðar til og frá sjúkrahúsinu.

Fáir skilja að það er ekki endilega best að hnoða hlutum í heimabyggð, þegar annar staður hentar heildinni vel og fjármagn nýtist betur.

Og enginn skilur hvað ég er að fara með þessari færslu, - eða hvað

En svona er lífið dásamlegt og margt skrítið í kýrhausnum.

Tvö tilboð bárust vegna Akureyrarflugvallar

Hvaða stjónmálaflokkar settu þennan óskapnað á?

Væri ekki rétt að halda því til haga, því ekki kemur það fram í fréttinni?

Hvað voru margir á Austurvelli sem kusu þessa flokka í september sl., þrátt fyrir aðför þeirra að kjörum eldri borgara?

 

 

„Við bara heimtum okkar pláss!“

VG vafra um í mengunarskýi sem ekki er til staðar.

Vinstra Græna framboðinu er að takast að hnoða inn í þjóðarsálina að hamfarahlýnun sé á næsta leiti.  Sannleikurinn er sá, að ekkert bendir til að eitthvað mikið muni gerast næstu árþúsundin, sem ekki hefur átt sér stað áður í jarðsögunni.

Ekki má þó skilja það svo að ekkert sé að og ekki megi bæta.  Vissulega er það svo.  En engar hamfarir eru handan við hornið, eins og skilja má á stórum hluta trúarbragðahóps um hamfarahlýnun.

Stefna VG í þessu máli, er að sópa vandamálunum undir teppið og/eða koma þeim þannig fyrir að vandamálin sjáist ekki frá íslensku byggðu bóli.  Ekki má vera með brennara til að farga rusli vegna reglna um mengunarvarnir.  Engu skiptir þó verið sé að hita híbýli manna og sundlaugar.  Enginn frestur gefinn til að koma upp betri búnaði inn í framtíðina.  Nei, burt með sorpið.  Því ekið um langan veg, sem ekki er urðað, og sett um borð í skip og erlendis er því ekið aftur um langan veg áður en það er brennt.

Fáir, nema VG, líta svo á að engin mengun fylgi þessari aðgerð, hvorki vegna flutnings á sjó eða landi né vegna brunans vegna þess að hann er öðru landi.  Þetta er komið úr sjónmáli VG og þá kemur þeim það ekki rassgat við.  Ekki telja þeir heldur að þetta hafi nokkur áhrif á heildarmyndina og þurfi ekki fara í þann stóra pott, sem nefnist hnattræn hlýnun. 

Hvað geta VG verið með takmarkaða sýn á mengun, þegar kemur að orsökum og afleiðingu?

Þá kemur að öðru rugli.  Núverandi Umhverfisráðherra er á góðri leið með að sannfæra þjóðina á að vatnsorka sé uppspretta allrar mengunar á Íslandi og því beri að friða allt vatn sem rennur óbeislað til sjávar.  Þannig ætlar hann að stoppa að nýta vatnsafl til framleiðslu raforku.  Í staðinn vill hann byggja vindorkugarða vítt og breytt um landið.

Vindorka og Ísland eiga enga samleið eins og er.  Vindur er ýmist of mikill eða of lítill.

Hvað um það. Guðmundur biskup Góði fór um landið til að blessa álagabletti með vígðu vatni, til hagsbóta fyrir íbúa landsins.  Guðmundur Óði fer um landið til að friða það svo að ekki sé hægt að nota vatn (vígt eða óvígt) til hagsbóta fyrir land og þjóð.

Á sama tíma telja einhverjir spákaupmenn að þeir hafi leyfi til skipta á hreinleika orku Íslendinga og fá í staðinn skítuga drullusekki, gegn gjaldi.  Þessi viðskipti gjaldfella Íslenskan hreinleika þannið að Ísland, sem samkvæmt bókhaldinu virðist framleiða orku með kolum, kjarnorku, olíu og gasi. 

Hvað er hægt að minnka kolefnaspor Íslands mikið með því að fella þessi gildi niður og senda þessi skítasamninga aftur til föðurhúsanna?    

Hver hefur leyfi til þessara viðskipta?

Hver gefur leyfi til þessara viðskipta? 

Eru þessi hrossakaup kanski í boði ESB?

Stjórnarmyndun heldur áfram enn