Minnimáttarkendin skiljanleg......

.....þegar Logi Már Einarsson kemst ekki á forsíðu fréttamiðla með skemmtiatriði (uppistand) í ræðustól Alþingis, nokkuð sérstaka tilburði, sem féllu þó ekki í kramið hjá forseta þingsins.  Þetta er skólabókardæmi Samfylkingarinnar í háttvísi.

Ritstjórn Eyjunnar
Þriðjudaginn 4. desember 2018 13:31:

Þriðjudagskvöldið 27. nóvember fór fram önnur umræða um veiðigjaldsfrumvarp Kristjáns Þórs Júlíussonar, sjávarútvegsráðherra. Höfðu þeir Logi Einarsson, formaður Samfylkingarinnar, karpað um orðaval og útfærslur á frumvarpinu.

Í andsvari sínu virtist Logi orðinn pirraður á frammíköllum Kristjáns Þórs, sem eru ógreinanleg.

„Frú forseti, nennirðu að biðja hann um að steinhalda kjafti meðan ég tala ?“

„Nei hættu nú alveg, Logi ?“ heyrðist þá úr þingsalnum frá ónefndri þingkonu. Í kjölfarið bað Þórunn Egilsdóttir, 4. forseti Alþingis, „þingmanninn vinsamlegast um að gæta orða sinna.“

Spurði Logi þá að bragði og horfði á Þórunni:

„Hvorn?“

„Háttvirtan þingmann í pontu“, svaraði Þórunn, með ísköldu augnaráði.

 

Þetta eru náttúrulega mannasiðir í lagi, - og rúmlega það.

 

Boðuðu Sigmund ekki á fundinn

Pólitískar pyntingar fréttagammanna.

Nú er maður búinn að hlusta á, lesa um og innbyrða úr sjónvarpi í rúma viku, um svokallað Klaustursmál.

Dettur ekki augnablik í hug að verja þann gjörning sem þar átti sér stað, en hvað er þarna í gangi gagnvart sakborningum og almenningi í landinu.

Halda fréttahaukar þessa lands að einhver Íslendingur viti ekki af þessu máli?

Hvað er málið að þetta sé stórfrétt í hverjum einasta miðli dag eftir dag?

Vita fréttamenn ekki að þetta fólk á foreldra, maka, börn og vini, sem líða fyrir þessa umfjöllun?  Hvers eiga þau að gjalda?  Hvernig munu þeir  í framtíðinni, taka á nafngreindum ölvuðum ökumanni, sem veldur alvarlegu slysi, þar sem einstaklingar láta lífið?  Er fréttastuðullinn að breytast?  Hvar er meðalhófið? 

Fréttamenn, eða á að segja fréttatæknar, nú er mál að linni.  Þetta er komið á það stig að vera ofsóknir af ykkar hálfu, sem er ekki hótinu betra en það sem þið eruð að fjalla um og hneykslar ykkur svo mjög. 

Nú segi ég, skammist ykkar fréttagammar, og komið með eitthvað jákvætt í skammdeginu og í tilefni hátíðar ljóss og friðar. 

Segir ekkert hafa sært sig eins mikið

Mikið er ég sammála Steingrími.

Ef einhver axlar ábyrgð, er það vel.  Fleiri þingmenn mættu í því sambandi hugsa sinn gang.

 

„Hörmung að horfa upp á“

Sá yðar sem syndlaus er.....

Ummæli þingmanna dæma sig sjálf.  Það er morgunljóst og þeir sjálfir hafa skaðað mannorð sitt, sem erfitt verður fyrir þá að byggja upp aftur.  Ekki dettur mér í hug augnablik að verja þessa framúrkeyrslu þeirra á almennu siðferði eða skynsamlegri umfjöllun á öðru fólki.

Hitt er hinsvegar athyglivert, sem ekki er fjallað um í fjölmiðlum:

- Hvernig má vera að samtöl milli manna kemst í hámæli og hvaða tækni er beitt til að taka þau upp?

- Hvernig stendur á því að ekki stafkrókur kemur um þann vinkil, er þetta ekki gróflegt inngrip í persónuleg samskipti fólks, - þ.e. persónunjósnir?

- Hvernig á að taka á því?

- Er líklegt, að þeir sem hvað mest hneykslast á þessu ölvunarrausi,  hafi aldrei, drukknir eða ódrukknir, talað illa um nokkurn mann?

- Hvað með Steingrím J Sigfússon?  Er vandlæting hans hrein og bein? 

Sjálfur er ég ekki það skyni skorpinn, að ég viti ekki upp á mig skömmina að kríta liðugt þegar talað er um aðra.  Stundum er það í fúlustu alvöru og stundum er það í hálfkæringi. 

Vandamálið er hins vegar það, að það kann að reynast erfitt fyrir þann sem hlustar, - að greina þarna á milli. 

Skammarleg viðhorf til kvenna

Sæstrengur skiptir máli ef til hamfara kemur....

...segir Guðmundur Ingi Ásmundsson forstjóri Landsnets.  Þetta eru að sjálfsögðu réttmætar áhyggjur, eins og menn hafa í gegnum tíðina byggt upp innviði á Íslandi.

Hverjar eru líkurnar á að hægt verði að koma raforku til notenda, ef til hamfara kemur?

Er ekki megnið af línum ofanjarðar, sem þola tæplega hressilegt íslenskt vetrarveður án þess að bila?

Þola raflínurnar betur hraunflóð, jarðskjálfta og öskufall?

Hvaða vit hefur verið að koma öllum helstu stofnunum fyrir á einu ótryggasta svæði landsins?

Hver er rýmingarálætlun Reykjavíkur ef til hamfara kemur?

Í fljótu bragði lítur út fyrir að hér sé um áróður að ræða, og sönnun þess að alltaf verður með í þriðja orkupakkanum að leggja sæstreng til meginlandsins og öll meðul notuð til að tala fyrir því.  

Nær væri að tala um hvernig rýma eigi Reykjavík við slík átök náttúrunnar, hvar á að hýsa fólkið og hvernig á að hlúa að slösuðum.  Hvað með flugvöll í Vatnsmýrinni þegar til slíkra hamfara kemur og rýminga er þörf, er Bláfell og/eða Hengillinn fara að rumska.

Þá kemur sæstrengur að litlu gagni, - ég verð að segja það.

Afhverju fjallar Samfylkingin og VG ekki um kjarnorku....

....olíu, kol og gas, sem Íslendingar eru sagðir nota til að framleiða raforku????

Hvernig stendur á því að við erum sagðir framleiða raforku með þessum efnum, þegar við gerum það ekki???? 

Hvernig væri að einhver sérfræðingur Samfylkingarinnar skýrði hvernig þetta tengdist orkupakka eitt og tvö.  Viðkomandi má hringja í vin, - hjá VG.

Bændablaðið fjallaði um þessi mál.  Sjá: https://www.bbl.is/frettir/frettir/87-raforku-a-islandi-sogd-framleidd-med-kjarnorku-kolum-oliu-og-gasi/20353/

Ef það er ekki galið að við Íslendingar séum að nota mengandi orgugjafa, samkvæmt pappírunum, veit ég ekki hvað orðið galið þýðir. 

„Á dagskrá til að fela fjárlögin“

Orkusóðinn Ísland. Stefna VG í umhverfismálum?

Bændablaðið segir svo frá:

"87% raforku á Íslandi sögð framleidd með kjarnorku, kolum, olíu og gasi

Frá því í desember 2011 hafa íslensk orkufyrirtæki gefið út og selt upprunaábyrgðir raforku. Það ár voru seldir slíkir papp­írar sem námu um það bil 2 teravattstundum [TWst] vegna raforku­framleiðslu á Íslandi en heildarframleiðslan nam 16,8 TWst. Nú er salan komin í nær 17 terawattstundir, eða um 87% af  rúmlega 19 TWst framleiðslu samkvæmt gögnum Orku­stofnunar.

Samkvæmt gögnum sömu stofnunar var  nánast öll raforku­framleiðsla frá endur­nýjanlegum orkugjöfum árið 2011. Úr jarðvarma 27% og vatnsorku 73% en einungis 0,01% er framleidd með jarðefnaeldsneyti.  Meirihluti raforku í Evrópu átti hins vegar uppruna sinn í jarðefnaeldsneyti og kjarnorku."

https://www.bbl.is/frettir/frettir/87-raforku-a-islandi-sogd-framleidd-med-kjarnorku-kolum-oliu-og-gasi/20353/

Sjá einnig: https://pelli.blog.is/blog/pelli/entry/2225358/

Hvað er í gangi hjá Íslenskum stjórnvöldum?

Tilraunaland með tækninýjungar

87% raforku á Íslandi sögð framleidd með kjarnorku, kolum, olíu og gasi....

...samkvæmt samantekt í Bændablaðinu. https://www.bbl.is/frettir/frettir/87-raforku-a-islandi-sogd-framleidd-med-kjarnorku-kolum-oliu-og-gasi/20353/

Hvernig má það vera?
Hver getur selt mengunarkóða?
Er það gert með vilja ríkistjórnar og Alþingis?
Veit Umhverfisráðherra VG af þessu?
Er þetta gert í samráði við Umhverfisráðherra VG?
Hvert er hreinleiki Íslenskrar náttúru kominn?
Hvernig er þetta orðað í þriðja orkupakka ESB?
Er Atvinnu- og nýsköpunarráðherra og (S) og Umhverfisráðherra (VG) samstíga?
Hvort er betra í ráðherrastól atvinnu- og nýsköpunar, Reykfjörð eða Reykás?

Sjá einnig: https://pelli.blog.is/blog/pelli/entry/1987367/

 

 

 

Orkupakkinn innleiddur þrátt fyrir viðvaranir

Auðlindagjald / veiðigjald. Hver er mismunurinn???

Þann 21.10.2017 bloggaði ég um sama mál.

Af hverjur er eingöngu talað um veiðigjald (lesist: auðlindagjald) á fiskinn í sjónum?

Hvað með aðrar auðlindir?:

- Heita vatnið

- Kalda vatnið

- Gufuaflið

- Raforkuna

- Landið sem fer undir vegi

- Landið sem fer undir raflínur, ljósleiðara og aðrar lagnir

- Sand og möl í byggingar, flugvelli og vegi

Allt sem nefnt er hér að ofan tengis atvinnustarfsemi, eins og útgerðin og þeir sem eru að nýta sér þjónustuna, borga uppsett verð.

Nefni þetta bara sem dæmi um atriði, sem sumir hafa meiri aðgang að en aðrir.  

Hvað á að skattleggja og hvað ekki?
Hverja á að skattleggja og hverja ekki?
Er það ekki mismunun að leggja þyngri birgðar á sum byggðarlög en önnur?
Hver er jafnræðisreglan í stjórnarskránni?
Er þessi mismunun undanþegin henni?

„Gríðarlegt högg fyrir svona samfélög“

Jarðgöng milli Héraðs og Vopnafjarðar

Nú hillir undir að grafin verði göng til Seyðisfjarðar og víst kominn tími til. Næsta verkefni hér eystra er að gera göng norður fyrir Smjörvatnsheiðina, sem ítrekað hefur verið ályktað um. Það er því tímabært að fara að vinna að fullum þunga við undirbúning að jarðgöngum til Vopnafjarðar og hefja framkvæmdir um leið og Seyðisfjarðagöng verða tekin í gagnið.

Svæðið, sem nyti góðs af þessari framkvæmd, nær til íbúa Þórshafnar, Bakkafjarðar og Vopnafjarðar og sveitanna í kring. Þetta verkefni væri vænlegast með því að vinna þetta í tvennu lagi. Í fyrsta áfanga væri farið í gegn hjá Torfastöðum í Jökulsárhlíð og yfir í Böðvarsdal og í þeim seinni milli Böðvarsdals og Skjaldþingsstaða.

Sem dæmi má nefna, að það er landfræðilega styttra frá Þórshöfn til Egilsstaða en frá Þórshöfn til Akureyrar, bæði hvað varðar beina loftlínu og eftir vegakerfinu. Samkvæmt gögnum Vegagerðarinnar eru 163 km frá Þórshöfn til Egilsstaða (Hellisheiði, Sandvíkurheiði) á meðan það eru 231 km frá Þórshöfn til Akureyrar miðað við að fara Vaðlaheiðina, Tjörnesið og Öxarfjarðaheiði. Þar munar 68 km aðra leiðina. Einhverjar styttingar eru mögulegar, en það gildir einnig um leiðina til Egilsstaða. Loftlínan frá Þórshöfn til Akureyrar er um 139 km á meðan hún er um 112 km til Egilsstaða. Hér munar um 27 km aðra leiðina. Það er þar með ljóst, að þetta svæði hefur meiri samleið með Mið-Austurlandi, en Akureyri.

Meðfylgjandi er tillaga að samgöngubótum milli Héraðs og Vopnafjarðar. Þar sem Út-Héraðsvegur (94) er beinn og lítill kostnaður því samfara að klæða hann varanlegu slitlagi á þann kafla sem slitlag vanta milli Eiða og Laufáss. Utan við Móberg verði lagður nýr vegur, sem beygir til norðurs með tveim brúm á Lagarfljóti og Jökulsá á Brú og á heppilegum stað við Torfastaði í Jökulsárhlíð verði grafin göng í Böðvarsdal. Nýr vegur lagður út Böðvarsdal að Eyvindastöðum. Þessi fyrri áfangi (Göng 1) rýfur vetrareinangrun byggðalaga norðan Smjörfjalla og liggur þar að auki á láglendi inn Fljótsdalshérað og vegfarendur sleppa við leiðinlegan kafla um Heiðarendann. Aksturstími milli Vopnafjarðar og Egilsstaða yrði um sextíu mínútur á löglegum hraða.

Áfangi tvö (Göng 2) er síðan að grafa önnur göng, frá gangamunnanum í Böðvarsdal í Skjaldþingstaði og stytta leiðina enn frekar. Við þá styttingu kæmust vegfarendur á fjörutíu og fimm mínútum milli umræddra áfangastað.

Það er hinsvegar athyglivert hve Vopnfirðingar eru litt þenkjandi um vegabætur við Fljótsdalshérað, sem mundi kalla á gríðarlegar samgöngubætur með meiri samvinnu og samlegðaráhrifum inn á öflugt þjónustusvæði, sem er með verslun, þjónustu, menntastofnanir og samgöngur við höfuðborgina, svo eitthvað sé nefnt. Þó er ekki sjálfgefið að ríkisvaldið komi til móts við svæðið með samgöngubætur, því verður að negla það sem skilyrði ef kemur til sameiningaviðræðna.

Hvað varðar aðra þætti eins og hitaveitu, gæti Hitaveita Egilsstaða og Fella komið sterk inn með verkþekkingu og fjárhagslegan stöðugleika, til að koma heitu vatni frá Selá í þéttbýlið við Kolbeinstanga, ef nægjanlegt vatn er þar fyrir slíka notkun.

Væntanlega vekja þessar vangaveltur upp umræður og meiri samvinnu á milli svæða til hagsbóta fyrir alla íbúa þess Eins og kemur fram hér að framan, tekur þessi framkvæmd yfir stærra svæði en Vonafjörð og ætti því að vera framarlega í röðinni hjá sveitastjórnum norðan Smjörfjalla, til að auka lífsgæði íbúa þessara svæða.

Það sakar ekki fyrir sveitarstjórnarmenn að ræða hver við annan. Orð eru til alls fyrst.