Verkfælin og vonlaus ríkisstjórn

Ofanflóðasjóður er tómur, en stjórnin sjóðsins er með það á hreinu hvað skal gera, hvar og hvenær.  Það vantar bara stolnu peningana og eitt orð frá ríkisstjórninni. "GO"

Nei....það er ekki svona einfalt vinnuferlið hjá ríkisstjórninni. Það þarf nauðsynlega að skipa nefnd til að fara yfir málið. TIL HVERS????

Þegar Útlendingaeftirlitið vinnur eftir reglum sem Alþingi setur vegna erlendra reglugerðafargans og býr sig undir að vísa fólki úr landi eftir landslögum, tekur fólkið í landinu sig til og mótmælir brottvikningunni.  Ráðherra nýtir þá rétt sinn, vegna þess að hann vill ekki dala í skoðanakönnunum og frestar því brottvikningunni.  Þá kemur enn og aftur að því að það vantar peninga frá ríkisstjórninni til að ná upp hraða hjá Útlendingastofnun. 

Þar að auki sannast eina ferðina enn, að það kostar minna að hafa þrýstihópa sem ráða, því við höfum handónýtt kerfi til að fara yfir þessi mál og verklausan ráðherrann sem setur ekki nothæfar leikreglur að vinna með.  Greinilegt er hver er ekki að vinna vinnuna sína, en fær samt greitt fyrir úr sjóðum almennings. TIL HVERS???

Auðvita bíður maður hundspenntur eftir því, að ríkisstjórnin skipi millinefnd og aðalnefnd yfir allar nefndirnar, til að fylgjast með hinum nefndunu, sem eru að vinna óþarfa vinnu að málum sem ríkisstjórnin á að vera vinna í. 

Ríkisstjórn??  TIL HVERS??  

 

 

„Múhammeð og fjölskylda eru örugg“

RÚV best einkavætt skv. stefnu ESB. Öryggisþátturinn jafnframt stórlega ofmetinn.

Þegar eingöngu ein útvarpsstöð var starfrækt á landinu og tæknin takmörkuð við að fá lesna áríðandi tilkynningar vegna válegra tíðinda, var hægt að skýla sér á bak við öryggisþáttinn.  Þá var hægt að sýna fram á hversu RÚV væri mikilvægur hlekkur í öryggi landsmanna.

Nú eru margar stöðvar í loftinu og tæknilega hægt, með samkomulagi við stöðvarnar, að senda sameiginlega tilkynningu í gegnum allar stöðvarnar beint frá Almannavörnum. Því er löngu tímabært að endurskoða allt ferlið og greiða öllum útvarpsstöðvum fyrir að sinna öryggisþáttum samfélagsins, sem myndi uppfylla ýtrustu kröfur um öryggi til hlustenda.....

 

.....eða selja RÚV ella. 

Enda kom berlega í ljós, þegar óveðrið gekk yfir landið fyrir jól, verulegir hnökrar á útsendingakerfi RÚV. Þá brugðust langbylgjustöðvarnar báðar.  Ekki það að þær sendu ekki út, heldur vegna bilana og/eða rafmagnsleysis á flutningsleiðum til Eiða og að Gufuskálum kom engin dagskrá til stöðvanna og þær sendu þar af leiðandi svikalaust út þögnina eina, - í margar klukkustundir.  Allir sjá hversu gríðarlega vel öryggisþátturinn virkaði þá. 

Svo heyrði maður að starfsmaður RÚV var að guma að þessum útsendingum, sem allir sjá að er ekki túskildings virði.

Notum tækifærið með nýjan sóp í sæti útvarpsstjóra og seljum allt bixið.

 

En auðvita er það vörn RÚV að útsendingar lágu niðri hjá hinum líka. 

 

Þá er spurningin.  Hvaða útvarpsstöð fær borgað sérstaklega fyrir öryggisþáttinn? 

„Tel að við höfum valið þann hæfasta og besta“

Til hamingju Austurland.

Nú er komið að því.  Sýnum hvað í okkur býr, látum samtakamáttinn birtast öllum landsmönnum og notum slagkraftinn til góðra verka.

Sameining á Austurlandi samþykkt

Flugið ekki almenningssamgöngur???

Þvílíkt rugl. Þetta er vandamálið í hnotskurn. Alltaf eru til einhverjir trúboðar, sem túlka hlutina eftir sínu höfði. Hér er náttúrutrúargoðið, Auður Önnu Magnúsdóttir, með sína túlkun á almenningssamgöngum.

Niðurgreiðslur á almenningssamgöngum í landinu í staðinn fyrir flugið?

Vá hvað sólin rís hátt í 101.

„Ekki mjög sniðugt í loftslagssamhengi“

Kjaftstóri VG-flokkurinn gleypir mikið loft.

Magnað að upplifa það, að Vinstri Grænir skulu ekki treysta sér fyrir horn, hvorki með samþykktir flokksins, stefnu né markmið.

Þora, geta, gera; sagði Katrín á flokksráðsfundi um daginn.

Þora: Á ð svíkja markmið sín og taka þátt í hernaðarbrölti

Geta: Hunsað vilja flokksmanna og svíkja þjóð sína

Gera: Gleypa allt þetta án minnsta samviskubits né ógleði

 

 

 

 

Hergögn streyma til landsins

Engir fyrirvarar teknir gildir hjá ESB, segir dósent í HR

Margrét Einarsdóttir dósent í lögfræði við Háskólann í Reykjavík og sérfræðingur í Evrópurétti segir útilokað að Íslendingar gætu fengið undanþágu frá innleiðingu þriðja orkupakkans. "Það er náttúrulega nú þegar búið að semja á vettvangi sameiginlegu EES nefndarinnar um upptöku löggjafarinnar í EES-samninginn og við fengum ákveðnar undanþágur,” segir hún. Það myndi því ekki skila neinu að senda málið aftur þangað. RÚV 30.8.2019

Það er því rökrétt í framhaldinu að álykta að fyrirvarar Utanríkisráðherrans, um sæstreng, séu einskis virði og þá fellur allt málið um sjálft sig.

Hver var að ljúga að þjóðinni?  

Voru það ráðherrar í núverandi ríkisstjórn?

Hvernig á að taka á því?

„Nú byrjar þetta mál í raun fyrir alvöru“

Jarðgöng sem gagnast fleirum

Á heimasíðu Samgönguráðuneytisins má finna eftir farandi frétt:

“Verkefnishópur skipaður af samgöngu- og sveitarstjórnarráðherra hefur skilað skýrslu um Seyðisfjarðargöng. Niðurstaða hópsins er að með hliðsjón af ávinningi samfélags og atvinnulífs á Seyðisfirði og Austurlandi í heild sé vænlegast að rjúfa einangrun Seyðisfjarðar með jarðgöngum undir Fjarðarheiði og styrkja samfélagið á Austurlandi öllu með tvennum göngum milli Seyðisfjarðar og Mjóafjarðar annars vegar og Mjóafjarðar og Norðfjarðar hins vegar á síðari stigum. Slík hringtenging færi samfélaginu á Austurlandi miklar samgöngubætur.”

Þetta er nú svo sem gott og blessað, að loks eftir áratuga baráttu, sjái til í lands með samgöngubætur til Seyðisfjarðar.  Ljóst er að þessi útfærsla hefur verið sumum stór biti að kyngja og því hefur þurft að gefa einhver sleipiefni til að fá þessa útfærslu til að renna ljúflega.

Mikið verk er framundan að hanna endanlega útfærslu og því er tímabært að kom á framfæri hugmyndum um útfærslu, sem henta mundi heildinni best, án þess að kvika frá megin stefi um úrbætur til Seyðisfjarðar.

Meðfylgjandi er tillage að fyrirkomulagi, sem henta mundi meirihluta íbúa Austurlands best, að mati síðuhafa (sjá mynnd).

1. Seyðfirðingar fengu sín langþráðu göng
2. Einangrun Mjóafjarðar yrði rofin með göngum út úr þeim göngum
3. Í fyllingu tímans yrðu grafin göng undir Eskifjarðarheiði

Með því að grafa hliððargöng út úr Seyðisfjarðagöngum sparest einn vegskáli.  Á Vestfjörðum eru þríarma göng á milli Ísafjarðar, Suðureyrar og Flateyrar.  Ekki er annað vitað að þetta fyrirkomulag hafi reynst prýðilega.

Auk þess að spara einn vegskála við gangagerð til Seyðisfjarðar og Mjóafjarðar, væri hægt að stytta verktíma verulega með því að vinna sig inn frá Mjóafirði og grafa þaðan í sitthvora áttina.  Með þessar útfærslu væri loftræsting jafnframt betri í öllum göngunum og auk þess væri komin flóttaleið úr göngunum, ef til þess kæmi að rýma þau og mun skemmri tíma gæti tekið að koma þeim í gagnið.

Göng undir Eskifjarðarheiði væri mun meiri samgöngubót fyrir þorra íbúa Austurlands, en aðrar lausnir sem eru í spilunum.  Nánast sama vegalengdin er frá Egilsstöðum og að Álveri Alcoa á Reyðarfirði og greiðari leið um hávetur að fara þar á milli, en að fara um Fagradal.  Hagstæðast yrði þetta fyrir Eskfirðinga að komast til Héraðs t.d. að komast í flug.  Lítið lengra er fyrir Norðfirðinga að fara sömu leið, - í langþráða ferð til Héraðs.

Fyrir Reyðfirðinga og þá sem á Suðurfjörðum búa, er þetta einnig varaleið, þegar válind veður herja á Fagradal.

Samtals yrðu þetta um 25 km, eða svipuð vegalengd og bráðabirgða útfærsla um jarðgöng, sem kynnt var á dögunum og trúlega jafnframt eitthvað ódýrari. 

Auðvita á ekki að sóa fé Reykjavíkurborgar í tóma vitleysu....

...og náttúrulega frábært að meirhlutinn skuli loks komast að því.  Braggamálin með sjálftökuliðið í borgarsjóð og innfluttum rándýrum puntustráum hefur greinilega rifið upp glyrnurnar á meirhlutanum. 

Betra seint en aldrei.

Hitt er meirihlutanum í borgarstjórn greinilega ekki ljóst, hvað síðar verður, að hér situr hann í skjóli lögbrota, sem af lagatæknilegum ástæðum er ekki hægt að dæma hann frá.

Brotið er jafn alvarlegt fyrir það.

Einhverjir hefðu haft vit á því að þegja og skammast sín.

Það er hins vegar ekki hægt að ætlast til þess af meirihlutanum í Reykjavíkurborg. 

Þar ræður siðblindan ríkjum.

„Vandræðaleg erindisleysa“ Vigdísar

Tímabært að ræða um að Noregur skili Jan Mayen og .....

.... borgi leigu síðustu áratuga.  Er ekki rétti vettvangurinn að ræða þetta núna, þegar Erna Solberg er á svæðinu.

„Andstyggileg“ viðbrögð Frederiksen

Lokuðu Grænbók, um stefnu stjórnvalda....

....of snemma svo ekki var hægt að skila inn athugasemdum.  Á heimasíðunni var frestur gefinn til og með 16. ágúst en um klukkan 21:30 var síðan óvirk.  Fjöldi áskorana er kominn á síðuna um að lengja frestinn vegna sumarlokana í minni sveitarfélögum, hjá stjórnum og ráðum.

ATHUGASEMD:

Við byggingu á flugvellinum á Egilsstöðum var áformað að endanleg lengd vallarins yrði 2.700 metrar og við hönnun hans var það haft að leiðarljósi. Það var ekki að frumkvæði heimamanna að það var gert, heldur var það ákvörðun frá hinu háa Alþingi.

 

Ákvörðun þessi var mjög skynsamleg og fyrir því liggja nokkrar ástæður. 

 

• Aðflug er hindranalaust inn á báða enda.
• Aðflugslágmörk með því besta á landinu.
• Aðstaða fyrir flughlöð með miklum ágætum.
• Egilsstaðaflugvöllur á öðru veðursvæði en Keflavík og veðurfarslegar andstæður þær mestu á landinu.

 

Auk þess eru aðrar ástæður sem mæla með Egilsstaðaflugvelli.

 

• Hægt að koma fyrir aukabraut sem er 040 gráður frá aðalbrautinni.
• Flugbraut þessi væri með stefnuna 180/360 gráður og 2100 metra á lengd, sem skv. vindrós mundi vera til verulegra bóta.
• Flugvöllur er í 76 feta hæð (rúmlega 23 m) og hækkuð sjávarstaða vegan bráðnunar jökla, mun seint hafa áhrif, öfugt við marga flugvelli á landinu.
• Með núverandi stefnu stjórnvalda vegan uppbyggingar hernaðarmannvirkja á Keflavíkurflugvelli, verður vaxandi krafa á að herflugvélar geti leitað til varavallar, sem uppfylla kröfur um fullnægjandi aðstæður fyrir flugflota hersins.
• Vaxandi laxeldi austanlands kallar fyrr eða síðar á flug beint frá Austurlandi með afurðir á markað, einnig af Norðurlandi með bættum landsamgöngum.
• Egilsstaðaflugvöllur er veðurfarslega mjög vel staðsettur fyrir fraktflug með sjávarfang, með innan við þriggja tíma aksturfjarlægð frá Norður- Austur- og Suðausturlandi.
• Með vaxandi umhverfisvitund má leiða líkum að því, að flugi með ferðamenn frá norður Evrópu til Íslands, verði í auknu mæli vísað til Egilsstaða og þar með reynt að bæta kolefnaspor landsins.

 

Til að fullnægja markmiðum um góðan varaflugvöll, verður Egilsstaðaflugvöllur að geta tekið við öllum flugvélum sem gera áætlanir sínar inn á Keflavíkurflugvöll og þar með þarf að breikka aðalbrautina í 60 m og lengja hana í 2700 og leggja auka flugbraut 45x2100 með stefnu 180/360 gráður.

 

Benedikt V Warén