Staðalbúnaður í leik fyrir Suárez....

..verður að vera eins og á Dr. Hannibal Lecter.

Suárez gæti fengið tveggja ára bann

Votir draumar um sæstreng

Að selja orku úr landi er ein arfavitlausasta hugmynd sem upp hefur komið lengi og ég er mjög dapur yfir þætti forseta vors í þessu sambandi.  Þeir sem vilja selja, sjá gróða í hverju horni, en þegar betur að gáð, hefur þetta sömu áhrifin og að pissa í skóinn sinn, - tímabundin áhrif.

"Gróðinn" sem menn sjá, er vegna þess að lítið sem ekkert á að greiða landeigendum fyrir vatnsréttindin, heldur á "ágóðinn" að renna beint í hítina fyrir sunnan, eins og allar "góðu " hugmyndirnar sem koma frá EXECL-tæknunum.  Summan sem fæst fyrir orkuna, rennur beint til Landsvirkjunar og sama og ekkert er greitt af því fyrirtæki í fasteignagjöld fyrir stíflumannvirki, sem með réttu ætti að renna til sveitarfélaga.

Orkan okkar er hrein og verðmæt afurð, og vilji erlendir menn nýta hana, þá "versgú" komið og nýtið hana hér.  Skapið vinnu á Íslandi.  Sé eins mikil orka til í "kerfinu" eins og menn vilja vera láta, getum við nýtt hana í eigin þágu t.d. matvælaframleiðslu, ylrækt, fullvinnslu iðnaðarvöru, þar sem raforka er stór áhrifavaldur.

Orkan okkar er hrein og verðmæt afurð, því á ekki að eyða henni í tap í köplum milli landa.

Segir sæstrenginn ekki ganga upp

Hvers virði er samningsrétturinn, - ef lög koma eins og af flæðilínu frá Alþingi?

Hvert á þá að vera framhaldið?  

Hver er réttur launþega?

Er eðlilegt að ríkisstjórn sé strengjabrúða atvinnurekenda?  

Hver verða afdrif farþega í útlöndum, ef vélar verða ekki afgreiddar vegna aðgerða stjórnvalda? 

Að setja lög á frjálsa samninga eru gróf inngrip í eðlilegan farveg samningsaðila.  Verkföll eru neyðarréttur launþega, ef ekkert þokast í samningsátt.

Það verður einnig að ætlast til af þeim sem hafa skoðun á málinu, að koma með vitræna tillögu til lausnar, - ekki bara upphrópanir.

Þá þarf að gera þá kröfu til löggjafasamkomunnar, að hún þoki málinu áfram, - en ekki að koma því í pattstöðu eða enn harðari hnút.

 

Lög verða sett á flugmenn

Er verkfallsrétturinn gólfmotta Hönnu Birnu?

Nýlega var haft í hótunum við félagsmenn FFR, SFR og LSS vegna lausra samninga við ISAVIA.  Engar sjáanlegar bætur fengust þó upp í kröfugerð þessara félaga, - bara hótun stjórnvalda.

Nú liggur í  loftinu hótun úr sömu gryfjunni, þó ekki sé málið jafn víðfermt og í fyrra dæminu, þar sem mörg flugfélög sinna nú millilandafluginu.

Nú virðast stjórnendur og samninganefndir fyrirtækja geta stólað á aðkomu ríkisstjórnarinnar til að berja menn til  hlíðni í samningum, - bótalaust.  

Áður fyrr var ítrekað talað um að starfsmenn hins opinbera gætu vel verið á lægri launum, vegna þess hve lífeyrissjóður þeirra var sterkur og með ríkisábyrgð.  Sú söguskýring stenst ekki lengur og því er verið að vega í sama knérunn, með því að skjóta einnig verkfallsréttinum út af samningaborðinu.

Icelandair er ekki eiginlegt ríkisfyrirtæki, þó það væri nánast á fjárlögum mörg ár í röð fyrir nokkrum árum.  Nú græða þeir hins vegar á tá og fingri, en þó má engu skila til almennings, ekki einu sinni til starfsmanna fyrirtækisins.

Flugmannaverkfall kynnt í ríkisstjórn

Karlarnir eru einfaldleg betri prestar....

...Guð vill greinilega hafa þetta svona.  

Al­var­leg­ur kynja­halli í kirkj­unni

Ef þetta eru stóru málin á Alþingi íslendinga.....

.... að forsætisráðherra sé ekki tíl í að spjalla við stjórnarandstöðuna og eilíft sífr og nöldur um fundarstjórn forseta Alþingis, þá þarf stjórnin ekki að hafa áhyggjur.  Þá eru þingstörfin í góðu ferli.

Það er hins vegar athyglivert, hve þessi söfnuður hefur litla tengingu við raunveruleikann.  Sami hópurinn kallar nú á þjóðaratkvæðagreiðslu um áframhald í ESB ferlinu, var á móti að spyrja þjóðina hvort hún hefði minnsta áhuga á inngöngu í sértrúarreglu heilagrar Merkel.  Þá var ekki verið að eyða tímanum í "marklaust hjal" heldur hoppað á vagninn, þvert ofan gefin kosningaloforð VG.

Það stendur ekki á þeim að snúa út úr orðum frabjóðenda síðustu kosninga og lýsa vanþóknun á meintum loforðum í aðdraganda síðustu Alþingiskosninga.

Ekker heyrist lengur múkk um skjaldborgina um heimiln, loforð sem tók þó fjögur ár að svíkja. Grátkórinn æfði stíft þá fjóra mánuði, sem liðu frá kosningum og þar til fram komu tillögur núverandi stjórnar um leiðréttingu lána. 

Ja. - það er lítilfjörlegt innleggið þessa dagana á Alþingi og ekki furða þó Sigmundur skreppi af bæ á meðan, til að létta sér lundina.  Ég segi nú ekki annað en það.

Sigmundur eftirbátur forvera sinna

Pólitísk hungursneyð

Landsmenn er að refsa ríkisstjórninni, m.a. vegna meintra svika hennar við þjóð sína, um að fram fari þjóðaratkvæðagreiðslu um áframhaldandi aðildarumræður að ESB.  Er virkilega ekkert merkilegra að gera í þjóðfélaginu en að snúa út úr orðum stjórnarliða og skella skollaeyrum við rökum ráðamanna í ESB?  Þetta ber vott um málefnafátækt pólitískra andstæðinga og ákafri þörf til að leita hefnda fyrir kosningaósigur á s.l. ári.

Í allri umræðunni virðist sem menn séu stöðugt að bera saman epli og appelsínur í aðildaferlinu að ESB.  Upphaflega var farið í ESB vegferðina til „að kikja í pakkann“.  Þegar það reyndist orðin tóm, var farið að tönglast á „Þjóðaratkvæðagreiðslu um áframhaldið“.  Nú virðist það vera annar frasi sem engin innistæða er fyrir.  Samt halda menn áfram að kalla á torgum og götuhornum.  Er furða þó það flökri að manni að Pisa-könnunin gefi ýmislegt annað til kynna, en slaka kennara og ónýta námsskrá?

Vissulega er hægt að kjósa um hitt og þetta.  Sumt hefur lítinn tilgang en í nokkrum tilfellum á að kjósa um ágreiningsmál, eins og t.d ICESAVE og hvort hefja átti aðildarumræður um inngöngu í ESB. Kosið var um ICESAVE en ekki um upphaf aðildaviðræðna að ESB. Það virðist hins vegar vera aukaatriði í allri umræðunni, svo merkilegt sem það er.  Hvers vegna var því ekki mótmælt á sínum tíma?

Af og til koma fram kröfur um að kjósa um eitthvað sem er marklaust að kjósa um. Það er auðvita hægt að kjósa um það hvort veðrið í Reykjavík eigi að vera gott alla daga, en það hefur lítinn tilgang. Veðurfræðingar geta tekið það til greina, en líklegra en ekki að þeir vinni sína vinnu út frá öðrum gögnum.

Það er vissulega hægt að kjósa um það hvort við viljum halda áfram aðildarviðræðum við ESB eða ekki.  En það hefur litla þýðingu. Það er í hödum Alþingis að ákveða það. Alþingismenn geta vissulega tekið slíka kosningu til greina, en líklegra er að þeir vinni út frá öðrum forsendum.

Best er að höggva á þennan Gordonshnút, með að kjósa um eftirfarandi:

Villt þú aðild að ESB?
__ Já
__ Nei

Það er það eina, sem er virkilega vert að kjósa um í þessu sambandi.  Annað eru pólitískar flugeldasýningar, sem lítið skylt á við hagsmuni og velferð Íslands.

40,9% styðja ríkisstjórnina

Ef þetta eru stóru málin á Alþingi....

...í dag, þarf ekki að hafa áhyggjur.  En, - í framhaldi af þessu, tel ég rétt að fækka þingmönnum og draga þar með úr þeim smámálum sem smámálaþingmenn eru að draga upp í "gúrkutíðinni".

Sakaði ráðherrann um geðþótta

Vegurinn heitir Fagradalsbraut...

...en Vegagerð Íslands tók sér það alræðisvald að skíra upp Fagradalsbrautina og kalla hann Norðfjarðaveg um Fagradal.  Dugleysi kjörinna fulltrúa, fyrst Egilsstaðabæjar síðan Austur-Héraðs og nú Fljótsdalshéraðs fólst í því að mótmæla ekki þeim gjörningi Vegagerðarinnar.  

Mér er slétt sama þó umræddur spotti sé númer 92 til að einfalda vegabókhaldið, en alræðsvald Vegagerðarinnar nær ekki til að endurskýra fornar þjóðbrautir, þó hún liggi ekki alla leið nákvæmlega í því vegstæði þar sem forfeður okkar byggðu upp þá braut í öndverðu.

http://timarit.is/view_page_init.jsp?issId=291907&pageId=4301784&lang=is&q=Fagradalsbraut
http://timarit.is/view_page_init.jsp?issId=347045&pageId=5441048&lang=is&q=Fagradalsbraut
http://timarit.is/view_page_init.jsp?issId=346963&pageId=5439865&lang=is&q=Fagradalsbraut

Hvað varðar óhappið í dag, var lukka að enginn slasaðist.  

Rann niður brekku með 40 tonn af fiski

ESB og ropvatnið

Það kom fram hjá Gunnari Braga í Kastljósinu í gær, að CocaCola noti minna fé til auglýsinga en ropvatnsgengið hjá ESB. 

Þessu trúi ég vel, þó Já-sinnar reyni að halda öðru fram.  Auðvita neita þeir öllu og tefla eingöngu fram skilgreindum styrkjum í þetta verkefni. 

Mér er til efs að inn í þeirri tölu séu allir IPA-styrkirnir sem eru beinlínis til þess að kaupa atkvæði um inngöngu, þó reynt sé að klæða þá í einhverja felubúninga og látið í veðri vaka að þeir séu óháðir umsóknaferlinu. 

ESB er og verður deilumál