Gamlir hamrar.

Afi átti forláta hamar, þann flottasta í sveitinni. Þegar afi kvaddi hélst hamarinn í eigu fjölskyldunnar. Hann var mjög dýrmætur vegna þess að þetta var gamli hamarinn hans afa. Það var að vísu búið að skipta fimm sinnum um skaft og þrisvar um haus. En þetta var samt alltaf sami góði hamarinn, sem afi átti.

Afi átti líka annan hamar, þann ekki síðri. Og afi dó ekki ráðalaus. Þegar hann vantaði sleggju, festi hann járnklump á hausinn á hamrinum til að þyngja hann. En þá varð skaftið of lítið svo hann bjó sér til stærra skaft og brenndi hitt. Nú var þetta hvorki hamar né sleggja og þar sem hausinn hentaði ílla svona góðu skafti, ákvað afi að þyngja hausinn meira. En þá var skaftið ekki nógu öflugt til að bera hausinn, svo það brast. Hann setti það skaft líka á eldinn. Nú átti hann þennan fína haus og því ákvað hann að smíða enn eitt skaftið. Gamli hamarinn var nú kominn í þá stærð, að hann hentaði ekki í neitt verk.

En þar sem skaftið orðið svona öflugt, ákvað afi að fá sér enn einn járnklumpinn og þyngja hausinn enn meir og nota græjuna til að reka niður girðingastaura. Eftir fyrsta daginn var afi alveg orðinn handlama, því skaftið var af óhentugri stærð, fór illa í hendi og allar viðbæturnar gjöktu á skaftinu.

Nú var afa nóg boðið. Hann brá því á það ráð að kaupa nýja sleggju í kaupfélaginu og leggj gamla draslinu, sem hentaði hvort eð er aldrei almennilega í neitt verk. Allt þetta bjástur var búið að taka slíkan tíma frá afa, að hann dó áður en hann gat klárað nokkurn skapaðan hlut af því sem hann ætlaði að gera, hann var alltaf að endurbæta hamrinn.

Þetta segir manni það eitt, að sjaldnast borgar það sig að klastra í gamalt dót. Betra er að útvega sér það sem hentar best í hvert verk fyrir sig. 

Vill finna LSH nýjan stað

Raðfréttir mbl.is um stóra ILS-málið á Akureyri

Það er viðtekin venja að fjalla mikið um mál, sem tengjast atburði eða atburðum líðandi stundar.  Þá er fjallað um þau á öllum fjölmiðlum og hver og einn fréttamaður reynir að nálgast málið á sinn hátt og velta upp mögulegum og ómögulegum vinklum málsins, - þ.e. segja sannleikann.

Það sem vekur athygli, að tvö fráhvörf þotu í millilandaflugi á Akureyri, vekur litla sem enga athygli nema í mbl.is, jafnvel fyrir þau miklu tíðindi, að níu farþegar komust ekki sína leið þann dag. Ekki er minnst á það einu orði, hvers vegna ekki var notast við   ILS- eða LLZ-búnaðinn til aðflugs í hina áttina, úr suðri. Ekki var annað að sjá, að það væri flugtæknilega gerlegt á þessum tíma.

Í þessum raðfréttum mbl.is, virðist það eitt vera markmið, að kalla eftir ILS-búnaði á 19 á Akureyrarflugvelli (úr norðri), en ekki reynt á nokkurn hátt að fá álit sérfræðingu um nauðsyn þess.  

Pólitískir réttrúnaðarkúskar eru ekki sérfræðingar í ILS-búnaði, þó þeir hafi að sjálfsögðu sama rétt og hinir að hafa skoðun.  Merkilegtast við öll þessi skrif, að hversu djúpt er á öðru sjónarhorni en ILS-búnaðar-vöntun hjá raðfréttaritaranum.

Til dæmis var fundur ISAVIA um flugmál, á slóðinni: https://www.isavia.is/frettir/innanlandsflug-a-timamotum-%E2%80%93-morgunverdarfundur-isavia/1680

Högni Ómarsson flugstjóri er þar á tímalínunni 2:21:30 með áhugavert innskot, sem hvergi hefur veriið birt.  Þar dregur hann í efa að ILS-búnaður hefði einhverju bjargað í síðasta tilfellinu á Akureyrarflugvelli.

Ég leyfi mér hér með einnig að setja inn tvær leikmannafærslur Þórhalls Pálssonar af Facebock.

 

Verði búin blindflugsbúnaði í október

Hin vitlausa árlega klukku umræða, -kræst.

Nú er komið að hinni árlegu umræðu að færa klukkuna aftur um eina klukkustund.  Þannig hefur þetta verið í mörg ár og þannig verður þetta í einhver ár enn.

Hvar er hægt að finna það að líkamsklukkan þurfi færslu?  Er líkamsklukkunni ekki nákvæmlega sama hvort klukkan stendur á 12, 13, 14, 144 eða eitthvað allt annað?  

Þar sem klukkunni er breytt, fer stór hluti samfélagsins úr skorðum vegna þess að fólk er utan við sig og fylgist ekki nægjanlega með.  Það er að mæta á vitlausum tíma í vinnuna, skólabörn ruglast  í ríminu, samgöngukerfin fara úr skorðum og svona mætti áfram telja.

Við þessar breytingar hrökkva alltaf einhverjir Íslendingar upp og heimta sömu aðgerðir hér.  Þeir skilja illa að við færðum fram klukkuna 1968 og höfum síðan þá keyrt á sumartíma.  Með því að færa sumartíma enn frekar fram, erum við að rugla baugstímann um tvær klukkustundir.

Þeir sem eru svona þjakaðir af þessum tímamismun ættu frekar að beina kröftum sínum að því að koma á sveigjanlegum vinnutíma og uppfæra samninga í samhengi við það.  Það á ekki vera trúarathöfn að vakna klukkan 08:00 og mæta í vinnuna klukkan 09:00 þegar hægt er að fara á fætur klukkan 07:00 og vera komin í vinnustöð klukkan 08:00.  Á mörgum vinnustöðum er mjög auðvelt að vera með breytilegan vinnutíma á meðan aðrir vinnustaðir geta það ekki.  En það er hvort eð er ekki hægt gera svo öllum líki.

Í sjálfu sér skiptir ekki sköpum að breyta klukkunni, - en það skiptir enn minna máli að gera það ekki.

Nútíma samfélag er njörfað niður í tíma og tímasetningar.  Allt samfélagið er klukkuverk þar sem tími er hluti af stoðkerfi og skipulagi.   Kjarasamningar eru rígbundnir við tíma.  Opnunartímar banka eru rígbundnir við tíma.  Samgöngur eru rígbundnar við tíma.  Skólar eru rígbundnir við tíma. Þetta eru bara nokkur dæmi.  Þess vegna er óráðlegt að rugla fram og til baka með tímann.

Tímalega væri nær að vera meira sveigjanleika. Það væri hægt að vinna með tímann klukkustund seinna eða fyrr, án þess að allir breyti klukkunni tvisvar á ári með tilheyrandi rugli dagana á eftir, á heimilinu, í vinnunni, í skólanum og í samgöngum. 

Það er hins vegar vísindalega sannað, að vera með i-Padinn eða tölvuni í rúminu langt fram á nótt, ruglar notandann mun meira í ríminu en hæð sólar í hádegisstað. 

Við eigum ekki að vera þrælar klukkunnar.  Við verðum að læra að vinna með tímann og klukkan á að vera leiðbeinandi viðmiðun, - ekki yfirþyrmandi ógn.

Og svo menn átti síg á einfaldri staðreynd. Klukkan (tímaeiningin) er mannanna verk, ekki náttúrulögmál.

„Klukkan okkar er vitlaus“

Auðlindagjald. - Má mismuna í því???

Af hverjur er eingöngu talað um auðlindagjald á fiskinn í sjónum?

Hvað með aðrar auðlindir?:

- Heita vatnið

- Kalda vatnið

- Gufuaflið

- Raforkuna

- Landið sem fer undir vegi

- Landið sem fer undir raflínur, ljósleiðara og aðrar lagnir

- Sand og möl í byggingar, flugvelli og vegi

Allt sem nefnt er hér að ofan tengis atvinnustarfsemi, eins og útgerðin og þeir sem eru að nýta sér þjónustuna borga.

Nefni þetta bara sem dæmi um atriði sem sumir hafa meiri aðgang að en aðrir.  

Hvað á að skattleggja og hvað ekki og hverja á að skattleggja og hverja ekki?

Ætlaði sér aldrei að ná sátt um málið

Sannir íslendingar á ferð, allt er annað hvort svart eða hvítt.

Sorglegt að horfa upp á það ítrekað, hvernig fólk leggur upp hlutina annað hvort með eða á móti.  Fólki virðist fyrirmunað að setjast niður, ræða sig í gegnum málin á lausnarmiðaðan hátt.

- Það fylgir ekkert fólk þessari virkjun, henni verður fjarstýrt að sunnan - 

Hvað með það?  Það verður tryggara rafmagn í sveitinni, þriggja fasa og möguleikar aukast á að nýta rafmagn á fleiri vegu.

Ég veit ekki um neinn sem hefur keypt eldavél og kvartað síðan undan því að enginn matur fylgi.

- Það verða settar upp vinnubúðir og svo verða þær rifnar og fjarlægðar -

Er ekki ráð að gera samning um að reysa húsnæði yfir vinnuflokkana og gera það almennilega, þannig að nýta mætti húsnæðið í ferðaþjónustu? Hótel eða eitthvað þess háttar.  Semja um frítt rafmagn í einhvern tíma til að kynda upp og lýsa.  T.d. 20 ár.

Ræða málið, ekki reyna að nálgast það og leysa með upphrópunum og allra síst á síðum dagblaða.

„Engin glóra“ í Hvalárvirkjun

Er ekki rétt að Sigurður fari að íhuga að taka pokann sinn?

Þetta er náttúrulega bara hamfarir af mannavöldum i Framsóknarflokknum.  

Með bolabrögðum á síðasta flokksþingi í Háskólabíói, kom berlega í ljós að Flokkseigendaklikan kann ekki að meta að grasrótin segi sína skoðun né hafi málfrelsi og tillögurétt.  Fráleitt er að mati þessara Svarstakka að almennur flokksmaður megi nýta lýðræislegan rétt sinn og kjósa að eigin sannfæringu.

Sagan frá kosningu í Rússlandi á væntanlega vel við hér.  

Þegar kjósandi kom á kjörstað fékk hann í hendurnar lokað umslag.  Hann tók við umslaginu og gerði sig líklegan til að opna það.

"Hvað ertu að gera maður" sagði fulltrúinn bystur.

"Ég ætlaði bara að skoða hvað ég væri að kjósa" sagði kjósandinn niðurlúpur.

"Ertu vitlaus maður" gargaði fulltrúinn foxillur, "-veistu ekki að þetta er leynileg kosning!"

Segir eftirsjá að Gunnari Braga

Eru formennirnir í sandkassinn að skjóta púðurskotum.....

...til að treina þinglok.  Strax á nýju þingi þarf að breyta lögum og stjórnarskrá, þannig að fest verði inni að kosið skuli til Alþingis á fjögurra ára fresti.  Ekki verði hægt að rjúfa þing og boða til kosning, eingöngu vegna þess að einhver örflokkur er illa fyrir kallaður og telur sér misboðið.  

Komi þingheimur sér ekki saman um meiri- eða minnihlutastjórn, fara þeir bara í launalaust frí fram að næstu reglubundnu kosningum og forsetinn setur á utanþingsstjórn.

Er ekki nokkuð seint í rassinn gripið?

Nú virðist orðin tíska hjá nokkrum einstaklingum í landinu, að mótmæla verkefnum á lokastigi þeirra og krefast þess að verki verði stöðvað samstundis.

Kísilver og Þeistareykjavirkjun krafan um að stöðva línulögn, þegar framkvæmdin er á lokastigi.

Laxeldi í Reyðarfirði, þegar fyrstu laxarnir eru komnar í kvíarnar.

Fosshótel í Mývatnssveit, þegar fyrstu gestirnir eru komnir í hús.

Hvað er að þessu fólki sem stendur að þessum mótmælum?  Er þetta athyglissýki?

Lái mér hver sem vill, að mér detti í hug sagan af heimsku konunni:

Í höfuðstaðnum var kona sem átti svo vangefinn son, að ekki var viðlit að kenna honum nokkurn skapaðan hlut. Einn daginn tók hún það ráð að heimsækja lækni sinn.   Þar sem hún sat á móti lækninum, stundi hún upp erindinu.

-Ég þarf fóstureyðingu.
-Jæja Gunna mín er nú svo komið fyrir þér?
-Já og það má ekki dragast meir úr þessu.
-Já, - en hann Steini þinn dó fyrir þremur árum, hvernig kom þetta til?
-Hvað kemur þetta Steini við?
-Ja sko, - ég velti bara fyrir mér hvernig þetta hafi komið til, þú á sjötugsaldri. Auðvitað er hollt er að stunda allskonar líkamsrækt, en það verður að hafa í huga afleiðingar og grípa til viðeigandi ráðstafana á réttum tímapunkti.
-Gert er gert. Er hægt að fá fóstureyðingu eða ekki?
-Já, svosem, - ehh..... Er ekki rétt að ég skoði þig og sjái hvað þú ert langt gengin
-Langt gengin? Er ekki í allt lægi með þig. Það er ekkert að mér. Ég þoli þetta barasta ekki lengur. Ég þarf að losa mig við drengsfáráðlinginn, - og það strax.

 

 

Ákvörðun Skipulagsstofnunar ógild

Einn furðudagurinn enn.

Alkunna er að borgarstjórinn í Reykjavík er á móti samgöngum landsmanna til höfuðborgar allra landsmanna, m.a. með því að vilja flugvöllinn okkar burt, - Aðal lestarstöð Íslands.

Dálítið sérstak núna er svo að heimta það að allir landsmenn taki fjárhagslegan þátt í samgöngukerfi borgarinnar, - gæluverkefni borgarstjóra.

Þetta er svona eins Hrói Höttur, sem rændi óvildarmenn sína og útdeildi til vina. Nú er sagan þannið, landsbyggðarpakkið getur lagt aukalykkju á ferð sinni til borgarinnar, með tilheyrandi óhagræði, lengri ferðatíma og aukakostnaði.  

Nú á þetta sama landsbyggðarpakk, að auka hagræðið í innanbæjarferðalögum með fjárframlögum til borgarinnar.

Hvað er hægt að kalla svona framkomu?

 

Fleiri farþegar grundvöllur borgarlínu

Ef eitthvað er að marka þessa yfirlýsingu....

...ætti nú þegar að fara af stað vinna við að finna út hvert millilandaskipin sigla og flugfélögin fljúga.  Auk þess þarf að rafvæða bílaflotann af meiri krafti og með þeim hætti, að það verði meira áhugavert að eiga og reka slík tæki.

Hvað varðar skipafélög, þá ætti Evrópusiglingar að vera inn á Austurland.  Vandamálið er "sérfræðingastóðið" í Reykjavík, sem ekki geta skilið að varningur þarf EKKI ALLUR að fara um Miklumýrarbraut (Miklubraut/ Kringlumýrarbraut) á leið sinni til neytenda.  Það vill svo til, að vörur fara "út á land" en það þarf ekki endilega að vera í gegnum hafnir í Reykjavík.  Það er t.d. styttra til Akureyrar frá Austurlandi en frá Reykjavík.  Það er heldur ekkert vandamál að keyra vörum til Reykjavíkur frá Austurlandi, fullt af bílum að fara þá leið nú þegar, með vörur frá Reykjavík.  Það er nefnilega hægt að flytja vörur í báðar áttir, - takið eftir því!

Hvað varðar flugið, þá er Keflavík að verða ofsetin, á meðan flugstöðin á Egilsstöðum hungrar í farþega.  Það er í flestum tilfellum styttra (stundum jafn stutt) frá Evrópu til Egilsstaða og Keflavíkur.  Fögur fyrirheit á tyllidögum fara fyrir lítið, þegar lítið er gert til að beina flugi austur.  Öll erlendu flugfélögin gætu í a.m.k. helmingi tilfella flogið til Egilsstaða og á móti spara sér flugtíma, biðtíma við Keflavík og minnka í leiðinni útblásturs mengun.

Íslensku flugfélögin geta illa nýtt annað en Keflavík, vegna tengiflugsins.

Til að hvetja til þess að skoða þessa hluti betur, væri vert að setja kolefnagjald á skip og flugvélar, sem reiknast frá þeim tíma sem komið er inn í landhelgi/lofthelgi og sjá, menn munu fara að skoða hvernig hægt verður að lágmarka þá gjaldtöku.

Stjónmálamenn verða að fara að tala minna og hugsa meira í raunhæfum lausnum.

Ýttu úr vör áætlun í loftslagsmálum