Nema hvað???

Þessir einstaklingar fylgdu ekki leikreglum um að halda sig utan vinnusvæðis.  Þetta er ekkert öðruvísi en að halda sig á réttum hraða í umferðinni.  Séu hraðamörk ekki virt, má búast við sekt.  Þetta er eins, - svo einfalt er það!!

Sektuð fyrir að hlýða ekki lögreglu

Kárahnjúkarnir eru þá....

....ef til vill ekki eins hábölvað fyrirbrigði eins og sumir vildu vera láta.  Það er þó hægt að draga andann við Kárahnjúkalónið án þess að fá fyrir brjóstið.

Hvar eru nú þeir sem sem kalla gufuorkuna sérstakleg umhverfisvæna?? 

Gróður drepst vegna mengunar

Valþjófstaðahurðina heim strax.

Þessir hlutir geta alltaf gerst aftur, og enn er mönnum í fersku minni þegar stjórnendur Þjónminjasafnsins glötuðu stórum hluta menningarverðmæta, þegar bróðurpartur gamalla báta í vörslu safnsins, brann á einu bretti í eldsvoða í Kópavogi um árið.

Það hefur aldrei þótt góð latína að hafa öll eggin í sömu körfunni.  Það er einnig menningartengd ferðaþjónusta að hafa verðmæta fornmuni í sinni heimabyggð.

Valþjófsstaða hurðina heim strax.  

Þjóðargersemar brunnu til kaldra kola í Noregi

Hvar eru sérfræðingarnir.....

...sem sögðu að nauðsynlegt væri ríkistjórnin að taka lán til auka gjaldeyrisforðann og með því að styrkja krónuna??

Nú er búið að taka lánið og að auki að gefa út krónubréf, - en samt er krónan í frjálsu falli.

Hvað er í gangi núna?  Hver getur svarað því??

 

 

Viðskiptahallinn ástæðan

Náttúrulögmál hagsmunavarða í Reykjavík....

....er að ekki er hægta að flytja neitt til landsins eða frá því nema það fari um Reykjavík á leiðinni.  Til eru ótal dæmi um fíflalega flutninga, eins og hér er bent á.

Ætli hæsti þröskuldurinn að klífa í þessu verkefni, hafi ekki verið samtök lobbíista (hagsmunavarða) í Reykjavíkurhreppi??

Ekið norður með verksmiðju í 60 gámum

Grunnaflið í heimabyggð.

Það eru mannréttindi hvers íslendings að hafa raforku.  Til þess að svo megi verða þarf að virkja, því þvert á það sem sumir halda í fúlustu álvöru, verður rafmagnið ekki til í tenglunum á húsum, hvorki í Reykjavík né annarsstaðar.

Ísland er stórt land og strjálbýlt og til að koma rafmagni á milli staða þarf oft á tíðum að fara yfir fjallvegi.  Þeir sem búa út um land þekkja það haust- og vetrarveður sem getur verið í byggð og hálfu verra er það þá til fjalla.  Það er akkilesarhællinn í orkukerfinu og línur eiga það til að láta undan þegar ofsaveður geysa.

Mjög kostnaðarsamt er að leggja kapla í jörð og langar lagnir taka sinn toll í tapaðri orku.  Það er því nauðsyn, þar sem þess er kostur, að koma upp grunnafli raforku sem næst notanda hverju sinni. 

Hvalárvirkjun ekki svarið

Létt verk.....

....að reka fyrirtæki þegar allt er að singjandi sveiflu upp á við.  Það þarf ekki merkilega heila í það.  Þá fyrst kárnar gamanið þegar hlutirnir ganga ekki upp.  Þá þurfa menn að kunna sitt fag.

Hvað varðar bankana og þeirra útrás, er ekki erfitt að fá hlutina til að ganga upp.  Fá þá á tombóluprís og fá í kaupbæti "öryggisbrók" á útlán og vera þar að auki bæði með belti og axlabönd á brókinni.   Samt er verið að gera á sig í þeim geira.

Gaman væri að reka fyrirtæki, sem ríkisstjónin verndar af jafnmikilli einlægni. 

Einkennilegt að verða síðan vitni að kveinstöfum þessara nýríku rekstraraðila bankanna, - þegar örlítið þrengir að markaðnum.

Gunnar Smári: Samdráttur á markaði gerði útslagið

Grafalvarlegt ástand.

Hvernig kemur þetta niður á ferðaþjónustunni? 

Hvaða áhrif hefur þessi aðgerð á verðlag flugferða milli Íslands og annara landa?

Geta flugfélög fengið stærri spón hjá ferðamönnum?

Hvar geta ferðamenn þá sparað í ferð sinnu um landið?

Hefur ferðaþjónustan flegið feitan gölt í sinni starfsemi?

Hvernig er með útrásina hjá bönkum og fyritækjum ef samdráttur verður í flugi?

Hvernig ætla pólitíkusar heimsins að höndla eldsneytisverðið?

Svona mætti lengi spurja, þetta er grafalvarlegt mál!  Hver eru svörin??
 

Fleiri flugmönnum sagt upp

Græðum landið, - frábært framtak.

Hér er verkefni sem kemur öllum landsmönnum til góða.  Að klæða landi gróðri gerir það mun byggilegra en ella, ekki einasta það að manninum líði betur þá hefur það verið sannað að uppskera er meiri þar sem skógur er og/eða skjólbelti eru.

Nokkrir eru að agnúast út í þetta verkefni og vilja sjá "Ísland eins og það er" og þetta sé ekki það sem á að fara í og geti vel flokkast undir sjónmengun.  Lúpínurækt hefur einnig sætt gagnrýni, en eins og með skógrækt er verið að klæða landið nýrri kápu.

Bæði þessi verkefni eru til að auka lífsgæði og ef svo ólíklega að skógur verði á einhverjum tímapunkti fyrir einhverju öðrum verkefni sem sátt er um að hafi forgang, þá er bara að fella trén á því svæði.  Við megum ekki sjá tré eins og innfættir líta heilaga belju á Indlandi.

Á sjötta milljarð króna til um 800 bænda í skógrækt

Liturinn á Lagarfljóti......

.....er uppspretta að vangaveltum hjá Jóni Inga Cæsarssyni á bloggi hans http://joningic.blog.is/blog/joningic/entry/628677/.

Eins og heittrúuðum andstæðingum virkjana og stóriðju er tamt, er skautað mjög frjálslega yfir sannleikann og þar er trúað eins og nýu neti bull-frétt fréttastofu RúvAust frá því á s.l. fimmtudag í svæðisútvarpinu og sama frétt birt í fréttum útvarps allra landsmanna á föstudag.

Sævar Helgason hefur oft tekið undir slíkan málflutning og verð ég að játa það hér, að ekki hef ég haft nennu til að lesa það sem hann hefur frá sér látið, en það litla sem ég hef komist yfir er sammerkt annari umfjöllun þessa hóps, byggð á upphrópunum, rangfærslum og trúarhita andstæðinga umræddra framkvæmda.

Auðvita á maður ekki að reyna að rökræða við einstaklinga í þessum ham, en stundum freistast maður þó til þess.  Því miður líður manni eins og ónefndum riddara sem var stöðugt að berjast við vindmyllur.