Liturinn á Lagarfljóti......

.....er uppspretta að vangaveltum hjá Jóni Inga Cæsarssyni á bloggi hans http://joningic.blog.is/blog/joningic/entry/628677/.

Eins og heittrúuðum andstæðingum virkjana og stóriðju er tamt, er skautað mjög frjálslega yfir sannleikann og þar er trúað eins og nýu neti bull-frétt fréttastofu RúvAust frá því á s.l. fimmtudag í svæðisútvarpinu og sama frétt birt í fréttum útvarps allra landsmanna á föstudag.

Sævar Helgason hefur oft tekið undir slíkan málflutning og verð ég að játa það hér, að ekki hef ég haft nennu til að lesa það sem hann hefur frá sér látið, en það litla sem ég hef komist yfir er sammerkt annari umfjöllun þessa hóps, byggð á upphrópunum, rangfærslum og trúarhita andstæðinga umræddra framkvæmda.

Auðvita á maður ekki að reyna að rökræða við einstaklinga í þessum ham, en stundum freistast maður þó til þess.  Því miður líður manni eins og ónefndum riddara sem var stöðugt að berjast við vindmyllur.

Athugasemdir

[Sævar Helgason, 1.9.2008 kl. 09:33]

Ekki er þessi gagnrýni mín á Kárahnjúkaverkefnið nokkur minnsta gagnrýni á þig , Benedikt. Þú hefur að sjálfsögðu þínar skoðanir á verkefninu og tjáir þig skilmerkilega um þær. Mér finnst þú bara gera það ágætlega. En mér virðist að þú sért mjög ósáttur við að skoðanir annara falli ekki að þínum. Mjög stór hluti þjóðarinnar er og verður ósáttur við þessar Kárahnjúkaframkvæmdir- 15 þús. manns söfnuðust í mótmælagöngu vegna þessa.  Þessi gagnrýni mín á þetta mikla náttúruinngrip er fyrst og síðast vegna umhverfis og náttúrusjónarmiða.  Því miður er eðli álvera bundið gríðarlegri orkunotkun og nú er hart sótt að íslenskum náttúruauðlindum til byggingar álvera. Við verðum að nýta okkar auðlindir en fara með miklili gát- rasa ekki um ráð fram.  Sjálfur á ég að baki 36 ára starf í okkar fyrsta álveri og þekki því vel til þess sem fólkið á Reyðarfirði er að gangsetja núna. Ég óska því velfarnaðar. 

Ég á margar góðar minningar frá Austfjörðum en þar starfaði í meira og minna á árunum 1961-1967 við uppbyggingu og rekstur síldarverksmiðja- einkum á Seyðisfirði og Breiðdalsvík-sumar,vetur, vor og haust. Og ekki skemmir að faðir minn var fæddur í Nesi á Norðfirði árið 1901- Neskaupstaður tekur nafn af þeim bæ. Landshlutinn stendur mér því nærri og er mér hugstæður... bæði fólkið og umhverfið.

Læt ég nú þessu spjalli lokið og kveð þig , Benedikt. 

[Benedikt V. Warén, 1.9.2008 kl. 10:00]

Ég er ekki ósáttirð við að menn hafið skoðun á hlutunum og ekki skemmir fyrir ef þær eru byggðar á rannsóknum og staðreyndum. 

En þegar verið er að apa hver upp eftir öðrum rangfærslur og staðleysur, verð ég pirraður.  Staðleysur sem virtir einstaklingar í samfélaginu hafa bent á að enginn fótur er fyrir og/eða hægt að vitna í rannsóknir hlutlausra einstaklinga, sem eru að vinna sína vinnu að heilindum og leggja fræðimannsheiður sinn að veði.  

Þannig umfjöllun er mér ekki að skapi, - ég verð að segja það!