Þetta er náttúrulega alveg skelfilegt- - -

...þegar fólk þarf að fara út á land til að fá lögboðna þjónustu.  Það er líka stórfrétt.

Fyrir okkur á landsbyggðinni er þetta ekki-frétt því nær alla þjónusta sérfræðinga þurfum við að sækja til Reykjavíkur.

Svona eru vandamálin mis alvarleg eftir af hvaða hóli er horft og fréttamatið líka.

 

 

Kallar eftir breytingum á „meingölluðu“ kerfi

Egilsstaðaflugvöllur: Starfstöð fyrir þyrlur Landhelgisgæslunnar

Austurland er lengst frá bestu sjúkrahúsum landsins, en til þess að gera stutt frá siglingaleiðum frakt- og farþegaskipa til og frá landinu.  Norræna kemur vikulega til Seyðisfjarðar.  Allt flug frá Evrópu til Íslands er út af Austurlandi.  Oft hefur verið bent á að sjúkraflug með þyrlum sé ekki heppilegt um langan veg, en til björgunaraðgerða á slysstað er ekki til betri tækni en þyrlur.  Þá er frábært að koma slösuðum frá vettvangi slysa á næsta byggða ból til aðhlynningar og þaðan á hraðfleygum flugvélum á viðeigandi stofnun, oftast sjúkrahús í Reykjavík.

Á Austurlandi er búið að hagræða svo í heilsugeiranum að til óheilla horfir og nánast ekki hægt að tala um neina bráðaþjónustu í fjórðungnum, sem stendur undir því nafni.  Nokkur dæmi er hægt að nefna, þar sem bjarga hefði mátt mannslífum, ef þyrla hefði verið staðsett á Egilsstaðaflugvelli.

Rökstuðningur um að staðsetja þyrlu á Egilsstöðum var sett fram í Morgunblaðinu 3.3.2008 og er enn í fullu gildi.  Ekkert hefur þokast í lausn á þessu máli og ekki verður lengur unað við að þumbast við eins og staðið hross.

Við viljum starfsstöð fyrir þyrlur Landhelgisgæslunnar á Egilsstöðum, - STRAX.

https://pelli.blog.is/blog/pelli/entry/2264892/

Freyja fékk góðar móttökur

Akureyri 2026. Verður lausaganga músa bönnuð?

Innlent | mbl | þriðjudagur 3.11.2026 | 14:50

Ljóst er að árið 2025 hefur verið Akureyringum þungt í skauti, en í dag er eitt ár frá því að lausaganga katta tók gildi, en það var samþykkt síðla árs 2021 af bæjarstjórninni.  Engu er líkara en músafaraldur hafi stungið sér niður í bænum og ekki er þverfótað fyrir haga- og húsamúsum um allan bæ.  Mýsnar skriða inn um allar rifur og taka yfir öll rými í bænum, þar sem kettir eru ekki á heimilinu. 

Meindýraeyðar vita ekki sitt rjúkandi ráð.  Matvæli í verslunum bera þess glögg vitni að þar hafa nagdýrin farið um og nartað í flest það sem er á boðstólunum.  Ekki geta þau tekið einn ávöxt eða einn kexpakka og étið hann upp til agna.  Nei aldeilis ekki, þessi kvikindi þurfa að smakka á öllu, eins og það sé einhver munur á innihaldi þegar um sömu vöru er að ræða.  Dömubinda pakkar eru kjörnir fyrir hreiðurgerð músa og í stað túrtappa var mús rétt lent í blóðugum aðstæðum, en gat forðað sér á ögurstundu.

Ekki er þá öll sagan sögð, því verslanir sem selja föt eru eingöngu með götóttum flíkum og í vefnaðarvöruverslunum hafa mýs byggt sér fjölbýlis-  og raðhús inn um alla efnastrangana fulla af hoppandi, skríkjandi og skoppandi músaungum. Svo tók steininn úr þegar kartöflumús lá útglennt á diski bæjarstjóra í hádeginu í gær.   

Fuglar flögra einnig um allt í stórum flokkum og eru að langt komnir að skíta bæinn í kaf.  Fólk lætur ekki bjóða sér þetta ástand lengur og er að flýja bæinn umvörpum vegna ástandsins. 

15:50 Fréttin hefur verið uppfærð:

Nú stendur yfir neyðarfundar bæjarstjórinnar um hvort setja á bann við lausagöngu músa.

 

Nauðsynleg mannvirki og staðsetning þeirra

Allir er hafa á hreinu hvar stórskipahöfnum er best fyrir komið þ.e. við sjávarströnd.

Flestir eru sammála að brýr eiga að vera þar sem þær eru best staðsettar vegna umferðar og í þjóðvegakerfinu.

Margir skilja það að, flugvöllum er best fyrir komið þar sem há fjöll eru ekki áhættuþáttur í aðflugi og/eða fráflugi viðkomandi flugvallar.

Sumir skilja það, að sjúkrahúsum er best fyrir komið þar sem margir búa og samgöngur eru greiðar til og frá sjúkrahúsinu.

Fáir skilja að það er ekki endilega best að hnoða hlutum í heimabyggð, þegar annar staður hentar heildinni vel og fjármagn nýtist betur.

Og enginn skilur hvað ég er að fara með þessari færslu, - eða hvað

En svona er lífið dásamlegt og margt skrítið í kýrhausnum.

Tvö tilboð bárust vegna Akureyrarflugvallar

Hvað er framleidd mikil raforka í Fjarðabyggð

...og hvernig skiptist það á raforkuverin í sveitarfélaginu?

Ég bara spurði svona.

 

Skrefi nær vetni og rafeldsneyti á Reyðarfirði

Handan Smjörvatnsheiðarinnar

Greiðar samgöngur

Til þess að gera Austurlandsfjórðung áhugaverðari til búsetu þurfa samgöngur að vera í lagi, helst í mjög góðu lagi.  Tvíbreiðar brýr og varanlegt slitlag er ekki munaður, það er réttur hvers vegfaranda, að geta keyrt á milli staða án þess að eiga von á því að farartækið hljóti skaða af.  Stór verkefni hafa lengi setið á hakanum hér eystra og enn bólar ekkert á Axarvegi og litlir tilburðir í þá átt að tvöfalda brýr á Austurlandi.

 

Vegalengdir

Hafa menn hugleitt fjarlægðir milli staða?  Það er styttra frá Þórshöfn til Egilsstaða en frá Þórshöfn til Akureyrar, bæði eftir þjóðvegakerfinu og í beinni loftlínu.  Samkvæmt gögnum Vegagerðarinnar er stysta leiðin 163 km frá Þórshöfn til Egilsstaða á meðan það eru 231 km frá Þórshöfn til Akureyrar. Þar munar 68 km aðra leiðina.  Loftlínan frá Þórshöfn til Akureyrar er um 139 km á meðan hún er um 112 km til Egilsstaða. Hér munar um 27 km aðra leiðina. Þar með er ljóst að þetta svæði hefur meiri samleið með Mið-Austurlandi, en Eyjafirði.  Vopnfirðingar eru þar í betri stöðu fyrir aðdrætti en þeir sem norðar eru.

 

Hvað er málið?

Það þarf talsvert ríkt hugmyndaflug norðan Smjörfjalla,  að telja málum sínum betur borgið við að snúa sér alfarið norður í land með alla aðdrætti, þjónustu og verslun.  Vissulega er ýmislegt stærra í sniðum í Eyjafirði, en með bættum samgöngum má færa ýmislegt til betri vegar og efla og hækka þjónustustigið á mið-Austurlandi, - öllum íbúum fjórðungsins til hagsbóta.  Mesti ávinningurinn er að Austurland verður enn áhugaverðari kostur fyrir ungt fólk, sem er að velja sér stað til framtíðar búsetu.  Stytting á milli staða og möguleikinn að fara/koma er lykillinn að betra samfélagi.  Allir þekkja þann ótta að komast ekki milli staða þegar veður eru válynd og brýna nauðsyn ber til.

 

Jarðgöng

Jarðgangagerð hefur lengi verið í skoðun til Vopnafjarðar, en lítt miðað.  Hér er lögð til leið um út-Héraðið og að landsamgöngur norður fyrir Smjörfjöllin fari þar um.  Vegtenging til Vopnafjarðar væri þá um þjóðveg 94 að Móbergi.  Þaðan yrði lagður vegur þvert yfir sléttlendið (sjá kort).  Brýr þarf að byggja á Lagarfljótið og Jökulsá á Brú/Dal og vegur að göngum (A) hjá Hlíðarhúsum/Torfastöðum í gegnum Hlíðarfjöllin og yfir í Böðvarsdal.   Vegur þaðan yrði lagður út dalinn og tengdur við veginn hjá Eyvindarstöðum.  Efnið úr göngunum nýttist í vegalagningu.  Þar með yrði rofin vetrareinangrun íbúa vegna Smjörfjalla.  Seinna væri haldið áfram með önnur jarðgöng (B) gengt þeim fyrri, sem myndu opnast í hinn endann á svæðinu Skjaldþingsstaðir/Syðri-Vík.  Hæglega má skipta þessu verkefni í þrjá sjálfstæða áfanga.

 

Láglendisvegur

Með jarðgöngum “A” og vegalagningu þvert yfir Út-Héraðið væri vegurinn á láglendi alla leið frá Vopnafirði til Egilsstaða og innan við klukkustunda akstur fyrir íbúana að nýta það sem þar er að hafa.   Göng “B” mundu síðan stytta leiðina enn frekar. Innan tíðar verður vegurinn með varanlegu slitlagi frá Egilsstöðum í Útmannasveit og Heiðarendinn ekki til trafala vegna snjóa.  Auk heldur verða fleiri áhugaverðar útfærslur á ferðalögum fyrir gesti og gangandi. 

 

Ófyrirséð

Engin mun sjá fyrir öll tækifærin, sem munu skapast með slíku verkefni.  Sveitarstjórnir beggja vegna Smjörvatnsheiðar þurfa að hafa metnað til að vinna með stórar hugmyndir og fylgja þeim eftir við ráðamenn þjóðarinnar.  Kosið verður til sveitastjórna í vor og þá er brýnt að velja kröftuga fulltrúa, sem hafa vilja, þor og getu til að vinna með djarfar lausnir.

Kirkjan.

Birgir í byggingu traustri

Blessaði Miðflokk í flaustri

Þá kirkjan stóð klár

varð hann reiður og sár

að skipt’ekki á henni og klaustri

Kæra borist kjörbréfanefnd vegna Birgis

Hvaða stjónmálaflokkar settu þennan óskapnað á?

Væri ekki rétt að halda því til haga, því ekki kemur það fram í fréttinni?

Hvað voru margir á Austurvelli sem kusu þessa flokka í september sl., þrátt fyrir aðför þeirra að kjörum eldri borgara?

 

 

„Við bara heimtum okkar pláss!“

VG vafra um í mengunarskýi sem ekki er til staðar.

Vinstra Græna framboðinu er að takast að hnoða inn í þjóðarsálina að hamfarahlýnun sé á næsta leiti.  Sannleikurinn er sá, að ekkert bendir til að eitthvað mikið muni gerast næstu árþúsundin, sem ekki hefur átt sér stað áður í jarðsögunni.

Ekki má þó skilja það svo að ekkert sé að og ekki megi bæta.  Vissulega er það svo.  En engar hamfarir eru handan við hornið, eins og skilja má á stórum hluta trúarbragðahóps um hamfarahlýnun.

Stefna VG í þessu máli, er að sópa vandamálunum undir teppið og/eða koma þeim þannig fyrir að vandamálin sjáist ekki frá íslensku byggðu bóli.  Ekki má vera með brennara til að farga rusli vegna reglna um mengunarvarnir.  Engu skiptir þó verið sé að hita híbýli manna og sundlaugar.  Enginn frestur gefinn til að koma upp betri búnaði inn í framtíðina.  Nei, burt með sorpið.  Því ekið um langan veg, sem ekki er urðað, og sett um borð í skip og erlendis er því ekið aftur um langan veg áður en það er brennt.

Fáir, nema VG, líta svo á að engin mengun fylgi þessari aðgerð, hvorki vegna flutnings á sjó eða landi né vegna brunans vegna þess að hann er öðru landi.  Þetta er komið úr sjónmáli VG og þá kemur þeim það ekki rassgat við.  Ekki telja þeir heldur að þetta hafi nokkur áhrif á heildarmyndina og þurfi ekki fara í þann stóra pott, sem nefnist hnattræn hlýnun. 

Hvað geta VG verið með takmarkaða sýn á mengun, þegar kemur að orsökum og afleiðingu?

Þá kemur að öðru rugli.  Núverandi Umhverfisráðherra er á góðri leið með að sannfæra þjóðina á að vatnsorka sé uppspretta allrar mengunar á Íslandi og því beri að friða allt vatn sem rennur óbeislað til sjávar.  Þannig ætlar hann að stoppa að nýta vatnsafl til framleiðslu raforku.  Í staðinn vill hann byggja vindorkugarða vítt og breytt um landið.

Vindorka og Ísland eiga enga samleið eins og er.  Vindur er ýmist of mikill eða of lítill.

Hvað um það. Guðmundur biskup Góði fór um landið til að blessa álagabletti með vígðu vatni, til hagsbóta fyrir íbúa landsins.  Guðmundur Óði fer um landið til að friða það svo að ekki sé hægt að nota vatn (vígt eða óvígt) til hagsbóta fyrir land og þjóð.

Á sama tíma telja einhverjir spákaupmenn að þeir hafi leyfi til skipta á hreinleika orku Íslendinga og fá í staðinn skítuga drullusekki, gegn gjaldi.  Þessi viðskipti gjaldfella Íslenskan hreinleika þannið að Ísland, sem samkvæmt bókhaldinu virðist framleiða orku með kolum, kjarnorku, olíu og gasi. 

Hvað er hægt að minnka kolefnaspor Íslands mikið með því að fella þessi gildi niður og senda þessi skítasamninga aftur til föðurhúsanna?    

Hver hefur leyfi til þessara viðskipta?

Hver gefur leyfi til þessara viðskipta? 

Eru þessi hrossakaup kanski í boði ESB?

Stjórnarmyndun heldur áfram enn

Buslað í kuldapolli stjórnarheimilisins

Eru kærleikarnir ekki eins miklir og af var látið fyrir kosningarnar?  

Hvað er að gerast í reykfyllta bakherberginu?

Hver er ekki að gefa eftir af sínum ítrustu kröfum?

Á hverju strandar?

Verður Kata, eftir allt, - sett út í kuldann?

Viðræðurnar þokast jafnt og þétt áfram