Bloggfærslur mánaðarins, febrúar 2009

Er þetta nú ekki undir beltisstað.

Þetta er nú aldeilis að verða pínlegt, ef það er kyn frambjóðenda sem á að ráða, frekar en hvað er í höfðinu á viðkomandi.

Konur hafa hingað til átt alla mína samúð, en nú er mál að linni.  Veit ekki betur en að þær fái jöfn tækifæri til náms og athafna, bara spurning um vilja. 

Eina skömmin, sem virðist erftt að uppræta, er launamunur kynjanna.  Þar vantar ekki lögin, - bara framkvæmdina.
mbl.is Dregur framboð sitt til baka vegna kynjakvóta
Tilkynna um óviðeigandi tengingu við frétt

Sendum þingheim allan til Jan Mayen.....

....þar geta þeir karpað sér til hita.  Þannig væri hægt að slá tvær flugur í einu höggi.  Vinna það landsvæði til baka frá norðmönnum og þjóðin þarf ekki að horfa upp á þessi vinnubrögð lengur. 

Dapurleg forgangsröðin hjá þingmönnum. Er hægt að leggjast lægra?
mbl.is Þingmenn karpa um fjaðrir
Tilkynna um óviðeigandi tengingu við frétt

Er Geir ekki búinn að þvælast nægjanlega fyrir?

Þetta er orðið ansi dapurlegt, að fylgjast með tilburðum Geirs á þingi.  Á meðan hann hafði alla þræði í sinni hendi var ekki að sjá að neitt gerðist.  Allt var í lagi í samfélaginu, að hans mati, þrátt fyrir hrunið.  Það sýnir best áhyggjur fyrrverandi forsætsráðherra á ástandinu, að undir taktföstum slætti mótmælenda fyrir utan Alþigishúsið, var ekkert mikilvægara en að fjalla m.a. um exem í hestum, á fyrsta fundi eftir jólafrí. 

Athafnasemin (-leysið) náði svo nýjum hæðum, þegar ljóst var að hann hafði enga tilraun gert til að ná í kollega sinn í Bretlandi, til að freysta þess að milda höggið frá Breska ljóninu.

Hvernig væri að hann héldi bara uppteknum hætti og léti fara lítið fyrir sér og gerði ekki neitt.  Hann var nokkuð góður í því, a.m.k. sem forsætisráðherra.
mbl.is Segir Jóhanna ósatt um trúnaðinn?
Tilkynna um óviðeigandi tengingu við frétt

Vilhjálmur stendur fyrir sínu.

Hann hefur verið að velgja útrásarliðinu undir uggum. 

Vilhjálmur er minn maður!!
mbl.is Aldrei of blönk til að hugsa
Tilkynna um óviðeigandi tengingu við frétt

Hvernig var með endurgreiðsluna....

...á gjöldum, sem talað var um til að auðvelda útflutning?? 

Var það komið eitthvað lengra?? 

Er það orðið of seint??  Eru markaðir erlendis einnig að lokast vegna samdráttar og kreppu??


mbl.is Alkul í bílasölu
Tilkynna um óviðeigandi tengingu við frétt

Var það bara til góðs að, færa út landhelgina?

Oft hefur þessi spurning angrað mig.  Þegar ég var barn bjó ég í Neskaupstað og var áhorfandi á það mannlíf sem tengdist sjónum og upplifiði asa síldaráranna.  Inn á firði lágu mörg skip, stór og smá, frá fjölmörgum löndum, sem voru hér á norðurslóð til að sækja björg í bú.  Sum þessara skipa voru að elta síldina á meðan aðrar útgerðir voru uppteknar að botnsjávarafla.

Á þessu árum þurfti að brauðfæða stóran hóp sjómanna, sem kom í land til að sækja vistir og þjónustu.  Kjöt og annað ferskmeti rann út, “eins og heitar lummur” og ekki þurfti að greiða niður íslenska lambakjötið í þessa erlendu “íbúa” landsbyggðarinnar.  Verslanir þurftu að hafa tiltækar vörur í búðum sínum, langt umfram þarfir íbúanna.  Í landlegum gat “íbúatalan” hækkað margfalt og þá þurfti eitthvað til að bíta og brenna.  Þetta voru uppgangstímar hjá verslunarmönnum, ekki síst af framangreindum ástæðum, en einnig vegna fjölda innlendra sjómanna.

Þá kemur að efanum.  Höndluðum við rétt útfærsluna?  Rétt til að halda því til haga, þá er ég þeirri aðgerð sammála, að hafa yfirráðarétt á auðæfum okkar og landgrunni.  En, - hefði ekki verið réttara að stjórna veiðum erlendra fiskiskipa og leyfa þeim að veiða hér áfram, - gegn gjaldi? 

Þeir hefðu þá haldið áfram að koma í land og sækja vistir og þjónustu.  Þeir höfðu áhættuna vegna veiðanna, bæði hvort fiskaðist og á heimsmarkaðsverði olíu á hverjum tíma.  Þeirra var einnig að afla markaða og selja.  Var ekki ástæðulaust að hreinsa flotnn út á einu bretti?  Innlendir útgerðamenn hefðu haft samkeppni, því ekki er ég að fjalla um að þeir fengu ekki "sína sneið af kökunni". 

Er ekki samhengi í þessari aðgerð og því að landsbyggðinni fór að blæða út?  Fyrir útfærslu var verið að selja landbúnaðarafurðir "úr landi" gegn gjaldeyri, án niðurgreiðslu, sem seinna tíðkaðist til að koma þessum afurðum á markað. 

Var ekki verið að færa útgerðarmönnum tækifæri á kostnað bænda?  Var réttur bænda fyrir borð borinn og ekki hugsað á hvern hátt átti að koma á mlóts við þá?

Maður spyr sig.  Blush


Stóð sína vakt með sóma.

Við austfirðingar stöndum í þakkarskuld við Valgerði.  Hún stóð með okkur, þegar öll sund sýndust lokuð og kom í gegn virkjun og álveri á Austurlandi.  Samfylkingin klofin í herðar niður í þessu máli eins og öllum öðrum.  Sjálfstæðisflokkurinn i innhverfri íhugun og gerði ekkert frekar en endra nær og VG uppfullir að "gera eitthvað annað" við þá peninga sem ekki voru til.  Þeir eru enn í fjallagrösunum.

Hvert timabil hefur sín einkenni og hver persóna hefur sinn vitjunartíma.  Valgerður stígur nú frá borði og rýmir fyrir nýjum einstaklingum.  Í pólitík gefur á bæði borð, en í gegnum þann ólgusjó komst Valgerður með sóma.  Ýmsu er klínt á hana og framsóknarflokkinn sem engin fótur er fyrir, en það er nú allt önnur saga.

Þakk fyrir mig, Valgerður

mbl.is Valgerður ekki í framboð
Tilkynna um óviðeigandi tengingu við frétt

Sú hefur aldeilis verið....

...góð í að prjóna.  Gat fitjað upp á neglurnar í stað þess að þurfa að leita að prjónum um allt hús.  Munur að hafa prjónagræjurnar "við hendina".  Grin
mbl.is Braut lengstu neglur í heimi
Tilkynna um óviðeigandi tengingu við frétt

Ætlar siðleysið engan endi að taka?

Eru bankamenn allir jafn siðblindir?  Þetta er að verða nokkurð skondið, hver bankastofnunin af annarri er mönnuð einstaklingum, sem hugsa um það eitt að bjarga eigin brókum. 

Fyrst fjárfesta þeir þar sem við hin vitum ekki hvar er hagstæðast að fjárfesta og síðan þegar hrunið er þessum mönnum ljóst, hlaupa þeir til og bjarga eigin skinni.

Ef þetta fólk hefði staðið í brúnni og stýrt Titanic, hefðu það verið fyst í bátana.  Þvílíkur siðferðisbrestur.  Fyrir hvað var verið að borga þessu fólki??


mbl.is Stjórnarmenn í rannsókn
Tilkynna um óviðeigandi tengingu við frétt

Aðþrengd umhverfiskona

Umverfisráðherra var í RÚV-aust í gær og upplýsiti enn eina ferðina hversu þrönga sýn hún hefur á verkefni líðandi stundar og umhvefislepparnir, sem hún hefur við augun, þrengdu sjóndeildarhringinn eins og vanalega.  Þannig var henni ekki ljóst hvað hafði áunnist hér eystra við virkjun og álver. 

Í svo stóru verkefni, er ekki hægt að sjá allt fyrir, og fráleitt er að halda því fram að verkefnið hafi ekki bjargað fjórðungnum frá því að blæða út.  Í aðdraganda þessa stóra verkefnis fjölgaði fólk ekki eins og ítrustu áætlanir gerður ráð fyrir.  En þar kemur eitt og annað til sem ekki var fyrir séð, en ráðherra kýs að nefna ekki. Eða það sem verra er, að hún kýs að vera enn í skotgröfum Vinstri Grænna gegn atvinnuuppbyggingu í landinu.  Hugsanlega hefur hún ekki haft dug í sér að kafa ofan í málefnin, áður hún kemur fram og opinberar fávisku sína á mannlífinu á Mið-Austurlandi. 

Þar er hægt að nefna að sjávarafli minnkaði verulega milli ára við upphaf framkvæmda á Austurlandi. Núna er glímt við mesta efnahagshrun heimsins, eru menn þar af leiðandi í atthagfjötrum og geta ekki flutt austur, - líka þeir sem búa í Reykjavík og vildu gjarnan flytja. Eignir seljast ekki.  Eitthvað sem hefur greinilega farið fram hjá ráðherranum??

Annað, sem ekki var nægjanlega vitað, hvað mundi losna mikið af eldra húsnæði á svæðinu við verkefnið.  Það húsnæði losnaði í meira mæli en reiknað var með, og eldri borgarar á Austurlandi nýttu tækifærið með hækkandi fasteignaverði og minnkuðu við sig og/eða seldu til þess að flytjast búferlun og vera nær sínu fólki utan fjórðungs.

Furðulegt er einnig að hlusta á umhverfisráðherrann tala um að jaðarsvæðunum hefði blætt fyrir þessa framkvæmd.  Hvernig ætlar þessi ágæti ráðherra þá að skýra fólksflutninga til Hafnar í Hornafirði?

Oftast gerir maður kröfu til þess að ráðamenn þjóðarinnar fjalli um hlutina á þann veg, að það líti a.m.k. þannig út að þeir viti um hvað þeir eru að fjalla.  Í þessu tilfelli gerir maður ekki kröfu til þess.  Rétt er þó í litlu, að andmæla hluta af þeim ambögum sem komu fram í svæðisútvarpinu úr munni aðþrengdum ráðherra umhverfismála.

 

 

 


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband