Mínir menn taka slaginn......

.....gegn úrtöluliðinu með samsæriskenningarnar. 

Einar Benediktsson varar menn við, telur kínverja vera að leita að heppilegu hafnarstæði þegar norðurleiðin opnast.  Grímsstaðir á fjöllum kemur þar sterk inn að mati þessa fyrrverandi sendiherra þjóðarinnar. 

Jón Valur Jensson ofurbloggari stendur þessum sendiherra ekkert á sporði, telur kínverjana geti smyglað inn hlutum og búnaði til að setja upp stórfellda vopnaframleiðslu á Grímsstöðum og í framhaldinu náð undirtökum með vopnavaldi.

Það er ekki ónýtt að eiga svona ljósálfa, sem svífa um og sjá allt ljóslifandi, sem okkur hinum er gjörsamlega hulið.

Stofnaðili að félagi um kaup á Grímsstöðum

Nábrók Samfylkingarinnar mátuð

„Árni Páll er að máta formannsbrækur, Katrín og Dagur eru nefnd, fleiri langar, margir þeirra hæfir. En formaðurinn heitir Jóhanna,“ segir Össur á dv.is í dag.

       

          Nábrókarstafur

Til að gjöra sér nábrók þá gjör samning við einhvern í lifandi lífi til að fá að nota skinnið af honum, dauðum.  (Þ.e. að ganga frá þjóðinni dauðri með ósannindum að koma henni óbrotinni inn í ESB)

Þegar svo er komið far að næturþeli í kirkjugarðinn og graf hinn dauða upp. Flá síðan af honum skinnið, allt ofan frá mitti og niður úr í gegn, og lát það vera í smokk. Varast skal að gat komi á brókina. Þar næst far í brókina og verður hún þá óðar holdgróin (Auðveldar ESB innlimunin í skjól myrkurs og með ósannindum að ekki sé uð aðlögunarferli að ræða, bara að „kikja í pakkana“).

Áður en brókin verður að notum, verður að stela pening af bláfátækri ekkju, á einhverri hinna þriggja stórhátíða ársins, á milli pistils og guðspjalls, og láta hann í pung nábrókarinnar ásamt stafnum. (Þetta er auðvelt vegna aukinna skatta ríkisstjórnarinnar og svika bankakerfisins)

Eftir það munu brækurnar draga að sér fé af lifandi mönnum, svo aldrei verður pungurinn tómur. (Fiskurinn í hafinu, vatnið okkar og orkan) Varast verður þó að taka þaðan peninginn þjófstolna. (Þetta verður hins vegar erfitt fyrir stjórnvöld)

Sá er annmarki með brækur þessar að sá er þær á getur ekki skilið þær við sig þegar hann vill, (Ekki verður nokkurri þjóð úthýst úr ESB án þess að hún brjóti mjög alvarlega af sér) en á því ríður öll hans andleg heilsa að hann sé búinn að því áður en hann deyr, auk þess sem lík hans úir og grúir allt í lúsum, ef hann deyr í þeim. Því er eigandanum enginn annar kostur en að losa sig við brækurnar og verður hann að fá einhvern til að fara í þær af sér. Verður það með því eina móti gert að eigandinn fari fyrst úr hægri skálminni og jafnskjótt fari hinn er við þeim tekur í hana. Verður þá nábrókin óðar holdgróin. (Er Árni ekki tilbúinn?)

Náttúru sinni halda nábrækurnar mann fram að manni og slitna aldrei. (Þar fór í verra).

Höfuðborg án flugvallar er bara þorp

Óskar Borg, innkaupastjóri Alcoa Fjarðaáls flutti á dögunum erindi á Hótel Héraði, en þar var fjallað um innanlandsflugið og stöðu Reykjavíkurflugvallar í því samhengi.  Óskar sagði það skipta miklu fyrir Alcoa að Reykjavíkurflugvöllur verði áfram á sínum stað og tíðni ferða milli þess flugvallar og Egilsstaðaflugvallarins væri mikil.

Hann benti á samning Alcoa við Flugfélag Íslands, sem  hafa aukið verulega framboð á flugsætum milli þessara staða. 

Agl.is fjallar um þetta:

„Það eru um 22 þúsund flugferðir farnar á vegum Fjarðaáls á hverju ári. Við höfum ekki einokað sæti heldur fjölgað þeim. Um helmingur ferða okkar er á dýrum fargjöldum“ sagði Óskar á ráðstefnu um innlandsflug sem haldin var á Egilsstöðum fyrir skemmstu.

Hann segir núverandi stöðu flugvallarins skipta máli fyrir greiðar samgöngur. „Höfuðborg án flugvallar er bara þorp. Við viljum geta komist til borgarinnar að morgni dags og til baka um kvöldið. Menn hafa um sex og hálfan tíma milli fluga og reyna að afgreiða nokkur erindi í hverri ferð því flugið er dýrt. Tíminn sem við hefðum myndi styttast niður í fjóra tíma ef völlurinn væri í Keflavík. Það er ekki nóg.“

Óskar segir að erlendir gestir sem heimsæki fyrirtækið séu almennt ánægðir með íslenska samgöngukerfið, utan eins staðar á Austurlandi.

„Við fáum til okkar 20-30 manns á viku, hvaðanæva úr heiminum. Þeir eru ánægðir með hversu smurt samgöngukerfi okkar er smurt, fyrir utan Oddskarðsgöngin. Það kemur ekkert í staðinn fyrir flugið. Það er hryggjarstykkið í almenningssamgöngum á landsbyggðinni.“

Hver há er virðisaukaprósentan á stangveiði?

Er það rétt munað að hún sé 0% ????  Er það vegna þess hve blankir veiðmennirnir eru?

Aðrir þurfa að borga virðisaukaskatt af allri þjónustu.  Virðisaukaskattur er skattur af þeim virðisauka sem verður af seldri vöru og þjónustu. 

Skattur getur seint flokkast undir virðisauka, það breytti þó ekki því, þegar ég fyrir nokkru var ég að lesa orkureikninga mína og rak þá upp stór augu.  Það var skattur á orkunni hjá Orkusölunni og annar reikningur frá RARIK með skatti á flutningi, sem er í sjálfu sér ekki í frásögu færandi, en það sem stakk hins vegar verulega í augun var virðisaukaskattur á nefndum skatti.

Er hægt að toppa það. 

Íslensk veiðisíða fyrir erlenda veiðimenn

Sæstrengur til Evrópu vísasta leiðin......

....til að lengja skrifborðin í Reykjavík.

Það skilar litlum sem engum tekjum til sveitarfélaga. Einu tekjur sveitarfélaga er af mannvirkjum, steyptum húsum og þess háttar, sem eru staðsett þar. Stíflumannvikri liggja utan laga um mannvirki, - þó óumdeilt séu þau það.

Tekjur sem verða til vegna orkusölu fara því beint í kassa Landsvirkjunar, í Reykjavík og þar þarf fullt af fólki til að umstafla möppum.

Gagnrýna rammaáætlun og sæstreng

Getur einhver sagt mér til hvers þessi gæsla er?

Hvern er verið að verja?
Hver er óvinurinn?
Koma óvinirnir bara á fyrirfram auglýstum tíma?
Ef þetta er bráð nauðsyn, afhverju er gæslan ekki samfelld allt árið, alla daga?
Hver greiðir fyrir þessa gæslu?

Fyrirgefið, en mér er alveg fyrirmunað að skilja hvað er í gangi er varðar þessa gæslu.

Tékkneskar herþotur til Íslands?

Til hamingju....

....nú er að snúa bökum saman og taka á stóra sínum og sýna að þetta flug sé komið til að vera. 

 Baráttukveðjur að austan. 

Flogið til Húsavíkur

Hvað með virðisaukaskattinn?

Er stangveiði ekki enn undanskilin VSK greiðslum?

Hvernig væri að Steingrímur J og Jóhanna tæku á þessu máli?

Stangveiðin hefst

Uppsigaður og taugaveiklaður sértrúarsöfnuður.

Það er með sérstaklegri gleði sem maður fylgist með tryllingslegum hrunadansi Samfylkingarinnar þessa dagana.  Ástæðan er að framsóknarflokkurinn er að kroppa í líkþorn prelátanna í söfnuðinum.

Auðvita er þetta hárrétt hjá Sigmundi, þetta er ekkert annað en samsafn einstaklinga sem halda að eilíft líf fylgi inngöngu í söfnuð ESB.  Það er að sjálfsögðu ekkert annað en ofsatrú og meðlimirnir, sem mynda þannig hóp, - er sértrúarsöfnuður.

Það er orðið morgunljóst að þessi söfnuður er tilbúinn að ganga fyrir björg í sannfæringu sinni um gósentíð á hinum óendanlegu lendum ESB-himnaríkisins.

„Sértrúarsöfnuður en ekki stjórnmálaflokkur“

Össur: "Heyrðu Nicolai, ég var að velta einu fyrir mér......

....getum við ekki bara tekið upp þráðinn þegar við vorum enn inn undir hjá ykkur?  Við lýsum því bara yfir að allt bröltið í Jóni Sigurðssyni, þú mannst kallinn frá Dýrafirði, eða þarna frá vestfjöðum einhversstaðar, - getum við bara ekki gleymt því öllu? 

Er ekki öll umræða á villigötum í þessu máli? Er ekki bara einfaldara að skríða upp í til ykkar aftur? Við tökum bara upp sama verklag og í Færeyjum. Ha?" 
 

Kæru Íslendingar.  Nú er bara að skella sér í verkið:

1. Sendum Össur til Færeyja.
2. Hann bendi á að sjálfstæðisbarátta Íslendinga sé einn alsherjar misskilningur.
3. Vinnum að því að verða eins og Færeyingar, - hjáleiga í Danaveldi.
4. Auðveldast er að sameina skerin og nefna þau sameiginlega Færeyjar.
5. Ísland verði þar með stærsta eyjan í Færeyjaklasanum.
6. Danskan verði ríkismálið.
7. Þjóðþingið verði í Þórshöfn, enda nær Brussel.
8. Tökum upp Færeysku krónuna, sem er tengd DKK sem tengd er Evru.

Rúsinan í pylsuendanum; - við losnum við sitjandi ríkisstjórn Íslands.

Er þetta ekki nákvæmlega það sem allir vilja? 

Fundaði með danska Evrópumálaráðherranum