Orð í tíma töluð......

.....bíð spenntur eftir greininni í Morgunblaðinu. 

Búinn að vera að fjasa um þessi mál hér heima fyrir.  Einkaflug hefur hér dregist verulega saman.  Þetta ber allt að sama brunninum.  Einhverjir utanaðkomandi þurfa að sýna föðurlega umhyggju við allt og alla.  Það er gert til þess að menn fari sér ekki að voða.  Við núverandi fyrirkomulag aukast verulega líkurnar á því.  Í þeim farvegi sem þetta er í nú, sitja verklegar æfingar á hakanum.  Það er vegna kostnaðarins við að halda úti m.a. skrifstofubákni hjá Flugmálastjórn Íslanda.  Þar á bæ er verið að túlka allar reglur ESB í botn.  Litlar sem engar undanþágur gefnar, þrátt fyrir sérstöðu landsins.  Þar hafa þingmenn og ráðherrar samgöngumála brugðist.  Gleyptu allt regluverkið frá Bruxell hrátt, án þess að gera sér grein fyrir afleiðngunum.

Þetta virðist allt vera á eina bókina lært.  Einkaflugmenn eru bara skipimint ráðamanna og enn eitt lóðið á vogaskálarnarð til þess að auðvelda krötunum að henda skjóðunni með íslensku þjóðinni inn fyrir gullna ESB-hliðið.

Síðan tekur steininn úr, öll þessi gögn og umsóknareyðublöð eru á ensku.  Búum við ekki á Íslandi?  Er íslenskan ekki lengur tungumál okkar?

Óttast að einkaflug leggist af á Íslandi

Athugasemdir

[Vendetta, 9.10.2010 kl. 13:10]

"Gleyptu allt regluverkið frá Bruxell hrátt, án þess að gera sér grein fyrir afleiðngunum."

Í þessu sambandi vil ég nefna, að þegar ég bjó í Danmörku (ESB-ríki) var mikið verið að kvarta yfir því hvað danskir embættismenn væru alltaf að flýta sér að setja ESB-tilskipanir í framkvæmd, þegar ríkisstjórnir í suður-evrópskum ESB-ríkjum gerðu það seint eða alls ekki.

Íslendingar eru ekki einu sinni aðilar að ESB. Samt leggja íslenzk yfirvöld sig marflöt niður í skítinn til að Bruxelles geti nú virkilega orðið vitni að þrælseðli íslenzkra embættismanna. 

[Kristján Sigurðsson (IP-tala skráð) 9.10.2010 kl. 13:59]

Mikið sammála þér Benedikt.

Samlíkingin með skjóðuna og gullna ESB-hliðið er óþægilega raunsönn lýsing á stöðu mála í dag.