Þetta hefur náttúrulega með byrgðarstöðuna að gera....

...þessi tilviljun, eins og hjá olíufélögunum, þegar lækkun er í pípunum þá er lagirinn stór og verður því að selja með tillit til inkaupaverðs, en svo þegar á að hækka, vill alltaf svo einkennilega til að ekkert var til á lager og þurfti því að endurnýja lagerstöðuna á hærra verði, - strax.

Það er merkilegt hvernig þetta hittir alltaf illa á gagnvart neytendum.

„Hvar eru þessar lækkanir?“

Sjálfstæðisflokknum rétt lýst.

Samráðsnefnd um Reykjavíkurflugvöll verður skipuð

8.4.2009

• 
  Skrifað undir samkomulag um samgöngumiðstöð og Reykjavíkurflugvöll.

Samgönguráðherra og borgarstjóri undirrituðu í dag minnisblað vegna framkvæmda við samgöngumiðstöð í Vatnsmýri og vegna skipunar samráðsnefndar um framtíðarstaðsetningu Reykjavíkurflugvallar.

Hanna Birna Kristjánsdóttir borgarstjóri og Kristján Möller samgönguráðherra undirrituðu samkomulagið og fögnuðu þau bæði að hafa náð þeim áfanga að hefja nú undirbúning samgöngumiðstöðvar. Verður hún löguð að breyttum efnahagsaðstæðum og er stefnt að því að Flugstoðir geti hafið framkvæmdir á árinu.

mbl.is 25.okt 2013.

Fulltrúar Ríkisins, Reykjavíkurborg og Icelandair Group skrifuðu í dag undir samkomulag í Hörpu um Reykjavíkurflugvöll sem fær að vera áfram á sínum stað næstu sjö árin en norður-suðurbrautin fær þó að vera áfram til ársins 2022 en fyrri áætlanir gerðu ráð fyrir að brautin myndi hverfa árið 2016.

Það var Jón Gnarr, borgarstjóri sem skrifaði undir samkomulagið ásamt Hönnu Birnu Kristjánsdóttir innanríkisráðherra, Sigmundi Davíð Gunnlaugssyni, forsætisráðherra og Björgólfi Jóhannssyni, forstjóra Icelandair Group.

 

Miðvikudagur 13. nóv 2013

Neyðarflugbraut Reykjavíkur lokað fyrir áramót

Í samkomulagi sem undirritað var af Hönnu Birnu Kristjánsdóttur og Jóni Gnarr Kristinssyni kemur fram að tilkynnt verði um lokun neyðarbrautar Reykjavíkurvallar (NA/SV brautar) fyrir áramót. Af því má ljóst vera að innanríkisráðherra, borgarstjóri og formaður borgarráðs ætla með því að hunsa vilja 82% landsmanna, 73% Reykvíkinga og liðlega 70.000 einstaklinga sem skrifuðu undir sérstaka áskorun til borgaryfirvalda og Alþingis um óskerta flugstarfsemi til framtíðar í Vatnsmýri.

 

Þetta er bara um flugvöllinn í Reykjavík.

 

Ætti sjálfstæðisflokkurinn ekki að skipta út fálkanum í flokksmerkinu sínu fyrir svikamerkið?

 

 

 

 

Mistök við sölu landsins

Ætli jörðin sé ekki flöt líka....

.....þeir sem trúa svo heitt á alsherjarlausn ESB, hljóta að trúa því að jörðin sé flöt einnig. 

 

„Segja ESB lausnina“

Gildur limur strokinn

Grannar okkar í austurveg héðan kunna að nefna það.

Gildur limur = Meðlimur í félagsskap með gilt félagsskírteini.

Strokinn = Rekinn.

Svo getur hver og einn lagt annan skilning í þetta. 

„Hann er ekki bara stór limur“

Speki Elísabetar

Væri ekki frábært að fá forseta með svona speki, í þessu tilfelli um framboð Ólafs R. til embættis forseta Íslands:

“Mér finnst þetta vera of­beldi. Þetta er eins og karl sem held­ur að kon­an sín geti ekki fengið full­næg­ingu án hans”.

Er einhver tilbúinnn að segja börnunum sínum hvað þetta þýðir á venjulegri íslensku?

Sem forseti gæti hún þurft, á einhverjum tímapunkti, að hitta Páfann.  Ekki vildi ég fyrir nokkurn mun vilja vita hvað hún segði við það tækifæri.  En fréttnæmt mundi það ugglaust verða.

Er þá ekki betra að byrgja brunninn........?

Segir Ólaf Ragnar meðvirkan

Sérkennileg sýn Pírata á lýðræði

Hvað er lýðræði?
Eru Píratar ekki að biðla til fólksins í landinu, að koma nýjum valdhöfum að?
Er þessu fólki treystandi til þess?
Er það ekki sama fólkið sem kýs sér forseta?
Hvaða máli skiptir hve lengi forseti situr, ef það er í umboði kjósenda?
Er það ekki lýðræði, að fólkið í landinu hafi leyfi til að kjósa þann sem það vill í trúnaðarstörf?
Þarf einhverja forræðishyggju gagnvart lýðræðinu?
Eru það ekki sömu kjósendur sem kjósa þingmenn og forseta lýðveldisins?
Eiga að gilda sömu reglur um forseta og þingmenn?
Eiga þingmenn ekki að vera kjörgengir nema t.d. þrjú kjörtímabil?
Hvað kostar það landsmenn að hafa atvinnulausa þingmenn á launum?
Hvað kostar að hafa fyrrverandi forseta á launum?
Er ekki betra að nota þessa einstaklinga á meðan þeir eru á launaskrá?
Svo er náttúrulega hin hliðin, það er ágætt að greiða sumum þingmönnum að vera heima hjá sér,- til að skapa vinnufrið og framlegð á Alþingi.
Hafa Píratar hugleitt það?

Forsetinn skapaði óvissuna sjálfur

Hefur hitakostnaður hækkað á móti?

Fróðlegt væri að fá það upp gefið.

Er einhver með það á hreinu?

Rafmagnsnotkun heimila minnkað um 8%

Bara rétt til að upplýsa höfund þessarar fréttar....

....þá fer styrkur flokksins eftir atkvæðamagni í kosningu, en ekki eftir skoðunarkönnun.

Atkvæði greitt á kjörstað er skuldbindandi fyrir kjörtímabil og þar breytir skoðanarkönnun engu um, jafnver þó þær séu margar í röð.

Gera þarf greinarmun á skoðun og skuldbindingu.

Þetta er hægt að gúggla ef einhver er í vafa.

Framsókn næst minnsti flokkurinn á þingi

Meira hvað þetta er fréttamönnum erfitt

Sigmundur Davið Gunnlaugsson er forsætisráðherra Íslands, þar til hann hefur gengið á fund Forseta Íslands og beðist lausnar.  

Hvað eru margir sérfræðingar búnir að upplýsa þetta?

Láti Wallander rannsaka „afsögnina“

Ertu að taka allan kostnaðinn með í reikninginn?

Það tekur tíma að auglýsa nýjar leiðir og innkomu á nýja ferðamannaslóð.  Erlendir ferðamenn skipuleggja sín frí langt fram í tímann og því er óþarfi að örvænta strax þessar niðurfellingar.  Það skal þó fúslega viðurkennt, - að það er súrt.

Hins vegar verður maður þess oft var  í nærumhverfinu, að austfirðingar eru að bera saman flugferðir frá Keflavík á erlenda grund, við reglubundið leiguflug frá Egilsstaðaflugvelli og finna að því, hve dýrt er að fara frá Egilsstöðum.

Ávall vantar inn í þennan samanburð, að það kostar talsvert að komast til Keflavíkur, jafnvel á eigin bíl, því það er meira en bensínið sem telur.  Það verður að reikna inn í dæmið skoðanir, slit, tryggingar, afskriftir, ferðatíma og fleira.  Það kostar um 32 krónur á kílómeter, að eiga og aka einkabil þegar allt er með talið.  Í umræðunni virðist þessi þáttur aldrei vera inn í heildardkostnaðinum við ferðalagið.  Fjármunir til ferðalaga innanlands og aukatími ferðalangsins, koma hér heildardæminu hreint ekkert við, eða það finnst manni vera bjargföst skoðun hjá ótrúlega mörgum.  Merkilegir útreikningar það.  Er einhver annar sem ber þann kostnað?

Æði oft lenda menn jafnframt í því, að auglýst lægsta verð flugfélags/ferðaskrifstofu er ekki í boði, þegar viðkomandi vill ferðast, hvað þá á báðum leiðum.  Mikla fyrirhyggju þarf og langan fyrirvara til þess að komast í þessi ódýru sæti.  Einn aukafrídagur tapast aukheldur við að ferðast landið á enda til að komast í flug.  Er sá dagur einskis virði?

Svo ber að hafa það í huga, að tilraunaverkefni í flugi milli landa inn á óþekkt svæði, getur aldrei keppt í verði við lagjaldaflugfélag á “feitum” flugleiðum, - hvað sem síðar kann að verða, - ef vel tekst til.  

Þegar kemur að ferðalögum milli landa, má segja að mjög óhagstætt sé að búa á landsbyggðinni, nánast sama hvar búið er.  Ég sætti mig við þá mismunun vegna þess að aðrir kostir vega það upp og rúmlega það.  Við, sem erum það ljónheppin, að hafa farið í beinu flugi frá Egilsstöðum skiljum verðið og viljum taka þátt í að koma verkefninu á.  Það eru ómæld þægindi, að geta á nokkrum stundarfjórðungum frá heimilinu, að vera komin á millilandaflugvöll.  Það að komast af bæ og heim aftur, án þess að leggjast í langt ferðalag, ætti að vera gleðiefni allra á landsbyggðinni, en ekki tilefni til að falla í þá gryfju að tala verkefnið í niður.  

Menn verða einnig að hafa þann þroska, að sjá heildardæmið, ekki bara takmarkaðan fjölda tilboðssæta sem eru í boði,  sem eingöngu eru til þess fallin að vekja væntingar um ódýra utanlandsferð, sem oftast nær eru hillingar einar er á reynir. Upplifa síðan örtröðina á stórum millilandaflugvelli og þurfa að punga út peningum fyrir farangur og tilheyrandi.  Það gleymist einnig oft í upplifun og útreikningi ferðalangsins.

Á slóðinni http://pelli.blog.is/blog/pelli/entry/2167656/#comments tók ég saman kostnað við ferð sem  hefjast átti 1 júní nk og bar sama nokkra valkosti fyrir tvo ferðalanga í millilandaflugi frá Austurlandi.  Hagstæðasti kosturinn var með WOW-air og þar gátu ferðalangarnir sparað heilar 5.239 krónur á mann.  Þá var ekki reiknaður timi farþeganna til og frá flugvelli af Austurlandi.  

(Gagn að vinnuveitandi viðkomandi frétti ekki hve lágt menn meta eigin vinnu, þeir gætu farið fram á það sama í vinnutímanum, - annað er náttúrulega hrein mismunun.)

Ef menn hugsa allt dæmið til enda, sjá þeir að tilboð sumarsins frá Egilsstaðaflugvelli er ekki hátt, miðað við þá sanngirni að taka alla þætti ferðalagsins inn í dæmið.

Er það ekki heildarkostnaðurinn sem gildir?

Oft eru verð í fargjaldafrumskógi flugfélaga, sýnd veiði en ekki gefin.

 

Dregið verulega úr Lundúnaflugi