Reykvíkingar borgi fyrir sig!

Það er athyglivert að enn skuli vera til þeir einstaklingar, sem í skjóli mestu hamfara íslandssögunnar í fjármálageiranum, trúi því í einlægni, að virkjunin við Kárahnjúka hafi valdið óbærilegri þenslu á Íslandi.  Þannig hefur Ómar Ragnarsson verið óþreytandi í tíma og ótíma að benda á þennan “stóra sannleik”.  Sérhver er nú aldeilis barnatrúin.  

Nú hefur Alþjóða gjaldeyrissjóðurinn sett þjóðinni stólinn fyrir dyrnar og ástæðan m.a. að Kárahnjúkavirkjun hafi verið upphafið að þenslunni. Hvernig getur það verið?  Enginn treystir sér til að rökstyðja þar með haldbærum rökum.  Ef sjóðsstjórnin mundu kanna  Kárahnjúkamálið eftir öðrum leiðum, en að lesa skáldsöguna “Draumalandið” væri niðurstaða þeirra klárlega önnur. 

 

Það hentaði einnig vegar málpípum bankanna á sínum tíma, að benda á Kárahnjúkana, sem sökudólg.  Það var einmitt á sama tíma og þeir fóru ránshendi um fjármálaheiminn, ljúgandi og svíkjandi út fé.  Samhliða þessum áróðri undirbjuggu þeir hvert skúffufyrirtæki af öðru til að “gambla” með fé til að geta tekið lán í bönkunum, til þess eins að kaupa í bönkunum sjálfum og hækka verðmæti þeirra.  Veðið? Auðvitað hin gulltryggu hlutabréf. 

Banka- og borgarmaskínan fóru einnig offari í fjárfestingum í Reykjavík.  Þar var byggt sem aldrei fyrr og nú þarf ekki að byggja þar hús næstu 20 árin, svo geyst var farið í bjartsýniskasti góðærisins.  Þar var "gamblað" með þúsundir milljóna.
   

Í Reykjavík var það fjármálasukkið sem hélt uppi þenslunni, ekki þessar skitnu rúmu hundrað milljónir sem fóru í arðbæra starfsemi á Austurlandi.  Því er rétt að Reykjavík beri ábyrgð á hruninu og taki á sig þann skaða, sem íbúar borgarinnar komu sér í, ekki við hinir sem borgum okkar skuldir, sem stofnað var til, með veði í fasteign.

Er Samfylkingin bæði í stjórn og stjórnarandstöðu?

Samfylkingin hefur löngum leikið tveimur skjöldum eða fleirum.  Sjaldan hefur neitt komið frá þeim, fyrr en eftir skoðanakannanir í fjölmiðlum, og þá fyrst var forráðamönnum flokksins ljóst hvað gekk í kjósendur.

Þess vegna kemur ekkert á óvart, að fulltrúar Samfylkingarinnar enn tala tungum tveim, einn hópurinn vill sitja sem fastast sem límdir við ráðherrastólana, á meðan hinn tala stöðugt fyrir kosningum.

Samfylkingarmönnum ætti að vera í lófa lagið, að samstilla miðin á kanónum sínum og slíta stjórnarsamstarfinu strax.  Núverandi vinnubrögð eru hallærisleg fyrir þingflokkinn og lítilsvirðing við kjósendur.  Vonandi muna kjósendur þessi vinnubrögð. 

Hverjir eru nú búnir að nappa enn einu sérkenninu, sem var eignað Framsóknarflokknum, - nefnilega já, já, nei, nei stefnunni.

Óhjákvæmilegt að kjósa í vor

Er það ekki "68 kynslóðin" sem er orðin geld?

"68 kynslóðin" stóð fyrir mótmælum og uppþotum upp úr miðbiki síðustu aldar.  Þá voru gerðar kröfur um róttækar breytinar í samfélaginu og kjörnir fulltrúar þjóðarinnar fengu heldur betur til tevatnsins.

Nú situr þessi sama kynslóð í stólum sínum, bæði með öryggisbelti og axlabönd, og eru svo öruggir með sig, að meðal stór kjarnorkusprengja megnar ekki að skilja þar að stól og mann.

Er ekki rétt að fara að rifja upp gamlar kröfur?  Ef til vill eru þær í fullu gildi enn.  

Hvað um það, ég held að það sé öllum að verða ljóst, nema þá ríkistjórninni, að ráðherrar sem virðist ekki átta sig á nokkrum sköpuðum hlut lengur og kunna ekki að forgangsraða, eiga að segja af sér, - og það strax!

Er hann ekki bara eins og Davíð....,

....aumur embættismaður, sem litlu ræður.  Sakna þess, að sama röggsemi Björns Bjarnasonar skuli ekki ná yfir sambærileg embættisverk (afglöp?) Davíðs Oddsonar.

Hvað hindrar BB í að taka til hendinni í Seðlabankanum einnig??  

Endurskoðar fjárnámsaðgerðir

Flokkur sem þorir.

Nú hamast andstæðingar Framsóknarflokksins að blogga sem óðir séu og lýsa út í hvert skot til að finna eitthvað, bara eitthvað til að næra samsæringakenningarfíkn sínar um eitthvað slæmt vegna kosningar Sigmundar.

Grasrótin tók hinsvegar völdin af gæðingunum í Framsóknarflokknum, sem héldu að þeir hefðu tökin á þeim bæ.  Það er ekki furða þó flokksgæðingar annara flokka fái örlítinn hroll niður hryggjasúluna, því nú er búið að gefa tóninn.  Handónýtir flokkseigendur sjá nú fram á erfiða tíð við að svara grasrótinni. 

Spurningin til frambjóðenda allra flokka verður:

Hvernig gat þetta farið svona og hvað gerðir þú til að koma í veg fyrir það?

Flokknum bjargað, segir Siv

Framsóknarflokkurinn gefur tóninn...

.....eins og oft áður.  Nú meiga flokkseigendur og flokksgæðingar annara flokka fara að vara sig.  Nú er hafin nýbylgja endurnýjunar, sem mun fara um alla stjórnmálaflokkana, - og ekki veitir af.

Til hamingju Signundur!

Sigmundur kjörinn formaður

Flokkseigendafélagið að missa tökin?

Þetta eru góð tíðindi fyrir almennan flokksmann, að sjá að nokkrir þungaviktamenn geti ekki rekið flokksbatterýið, eins og þeir eigi það prívat og persónulega skuldlaust.

Þetta er það sem verður flokknum til bjargar, nú er bara að sópa betur út og mublera upp á nýtt. 

Til hamingju!

Höskuldur og Sigmundur áfram

Hvað með fé til landvarna Íslands...

...er ekki hægt að nota það til gæslunnar frekar.  Um hve háar upphæðir er að ræða?  Átti ekki að borga Bretu 150 - 200 milljónir til að leika sér hér í lofthelginni nokkra daga rétt fyrir jólin?

Uppsagnir hjá Gæslunni

Er ekki kominn tími á nýja Unaóshöfn?

Er ekki rétt að skoða í samhengi að setja upp olíuhreinsistöð á Héraðssöndum og stórskipahöfn inn í Héraðsflóann í skjóli við Svertlinga, rétt við Unaós.  Fyrir mörgum árum var höfn þar.

 Landsvæði er fyrir hendi, og ef eitthvað er að marka náttúrusinna, er búið að eyðileggja Hérðaðið hvort eð er til frambúðar.  Er því ekki rétt að þyrma svæðinu við Bakkaflóa og hreinum fjörðum á Vestfjarðakjálkanum.

Á Héraði er til umfram raforka, nægjanlegt undirlendi, byggingarefni á staðnum fyrir höfn og önnur mannvirki og stutt á Drekasvæðið.  Alþjóðlegur flugvöllur í rúmlega 40 km fjarlægð.

Hvað vilja menn hafa það betra?? 

Olíuleit á Drekasvæðinu boðin út

Er forgangsröðin eitthvað að bögglast.....

...fyrir heilbrigðisráðherranum.  Væri ekki rétt að kynna sér starfsemina og koma síðan með tillögu til úrbóta?

Þetta virðist vera sér-Reykvísk vinnubrögð, skera og/eða sameina úti á landsbyggðinni, en "splitta" og/eða byggja upp í Reykjavík.

Dæmi 1. Leggja niður/sameina: Guðlaugur Þór uppfullur af því að sameina.  Páll Magnússon hjá Stöð2 leggja niður fréttastofur úti á landi.  Sami Páll Magnússon hjá RÚV leggja niður fréttastofur úti á landi, eða a.m.k draga verulega úr starfseminni.  Sameina kjördæmi.

Dæmi 2. "Splitta": Skipta Reykjavík í tvö kjördæmi, í stað þess að sameina allt "bixið" frá Kjalanesi vestur fyrir Straumsvík.  Skipta lögreglu umdæminu á suðurnesjum upp.

Dæmi 3. Byggja upp:  Byggja íbúðar- og atvinnuhúsnæði fyrir borgarbúa 20 ár fram í tímann.

 

Heimsótti sjúkrahúsið á Sauðárkróki