Hver há er virðisaukaprósentan á stangveiði?

Er það rétt munað að hún sé 0% ????  Er það vegna þess hve blankir veiðmennirnir eru?

Aðrir þurfa að borga virðisaukaskatt af allri þjónustu.  Virðisaukaskattur er skattur af þeim virðisauka sem verður af seldri vöru og þjónustu. 

Skattur getur seint flokkast undir virðisauka, það breytti þó ekki því, þegar ég fyrir nokkru var ég að lesa orkureikninga mína og rak þá upp stór augu.  Það var skattur á orkunni hjá Orkusölunni og annar reikningur frá RARIK með skatti á flutningi, sem er í sjálfu sér ekki í frásögu færandi, en það sem stakk hins vegar verulega í augun var virðisaukaskattur á nefndum skatti.

Er hægt að toppa það. 

Íslensk veiðisíða fyrir erlenda veiðimenn

Sæstrengur til Evrópu vísasta leiðin......

....til að lengja skrifborðin í Reykjavík.

Það skilar litlum sem engum tekjum til sveitarfélaga. Einu tekjur sveitarfélaga er af mannvirkjum, steyptum húsum og þess háttar, sem eru staðsett þar. Stíflumannvikri liggja utan laga um mannvirki, - þó óumdeilt séu þau það.

Tekjur sem verða til vegna orkusölu fara því beint í kassa Landsvirkjunar, í Reykjavík og þar þarf fullt af fólki til að umstafla möppum.

Gagnrýna rammaáætlun og sæstreng

Getur einhver sagt mér til hvers þessi gæsla er?

Hvern er verið að verja?
Hver er óvinurinn?
Koma óvinirnir bara á fyrirfram auglýstum tíma?
Ef þetta er bráð nauðsyn, afhverju er gæslan ekki samfelld allt árið, alla daga?
Hver greiðir fyrir þessa gæslu?

Fyrirgefið, en mér er alveg fyrirmunað að skilja hvað er í gangi er varðar þessa gæslu.

Tékkneskar herþotur til Íslands?

Til hamingju....

....nú er að snúa bökum saman og taka á stóra sínum og sýna að þetta flug sé komið til að vera. 

 Baráttukveðjur að austan. 

Flogið til Húsavíkur

Hvað með virðisaukaskattinn?

Er stangveiði ekki enn undanskilin VSK greiðslum?

Hvernig væri að Steingrímur J og Jóhanna tæku á þessu máli?

Stangveiðin hefst

Uppsigaður og taugaveiklaður sértrúarsöfnuður.

Það er með sérstaklegri gleði sem maður fylgist með tryllingslegum hrunadansi Samfylkingarinnar þessa dagana.  Ástæðan er að framsóknarflokkurinn er að kroppa í líkþorn prelátanna í söfnuðinum.

Auðvita er þetta hárrétt hjá Sigmundi, þetta er ekkert annað en samsafn einstaklinga sem halda að eilíft líf fylgi inngöngu í söfnuð ESB.  Það er að sjálfsögðu ekkert annað en ofsatrú og meðlimirnir, sem mynda þannig hóp, - er sértrúarsöfnuður.

Það er orðið morgunljóst að þessi söfnuður er tilbúinn að ganga fyrir björg í sannfæringu sinni um gósentíð á hinum óendanlegu lendum ESB-himnaríkisins.

„Sértrúarsöfnuður en ekki stjórnmálaflokkur“

Össur: "Heyrðu Nicolai, ég var að velta einu fyrir mér......

....getum við ekki bara tekið upp þráðinn þegar við vorum enn inn undir hjá ykkur?  Við lýsum því bara yfir að allt bröltið í Jóni Sigurðssyni, þú mannst kallinn frá Dýrafirði, eða þarna frá vestfjöðum einhversstaðar, - getum við bara ekki gleymt því öllu? 

Er ekki öll umræða á villigötum í þessu máli? Er ekki bara einfaldara að skríða upp í til ykkar aftur? Við tökum bara upp sama verklag og í Færeyjum. Ha?" 
 

Kæru Íslendingar.  Nú er bara að skella sér í verkið:

1. Sendum Össur til Færeyja.
2. Hann bendi á að sjálfstæðisbarátta Íslendinga sé einn alsherjar misskilningur.
3. Vinnum að því að verða eins og Færeyingar, - hjáleiga í Danaveldi.
4. Auðveldast er að sameina skerin og nefna þau sameiginlega Færeyjar.
5. Ísland verði þar með stærsta eyjan í Færeyjaklasanum.
6. Danskan verði ríkismálið.
7. Þjóðþingið verði í Þórshöfn, enda nær Brussel.
8. Tökum upp Færeysku krónuna, sem er tengd DKK sem tengd er Evru.

Rúsinan í pylsuendanum; - við losnum við sitjandi ríkisstjórn Íslands.

Er þetta ekki nákvæmlega það sem allir vilja? 

Fundaði með danska Evrópumálaráðherranum

Lækka hámarkshraðann og sekta grimmt....

....þá sem ekki virða settar reglur.  Þetta virkar þar sem viðurlögum er beitt af hörku.

Var oft ferðinni á einfaldri Reykjanesbrautinni á hámarkshraða, þegar rútur og vörubílar með tengivagna fóru fram úr.  Sama hefur gilt um marga aðra, fóru fram út á hraða sem var langt fram úr leyfilegum hámarkshraða.  Þetta hefur lítið skánað, nema það er meira pláss fyrir þennan glæfra akstur.

Svo virðast menn oft vanmeta aðstæður í rigningu og hálku.  Vanmeta búnað bílsins og síðast en ekki síst, vanmeta eigin getu til að stjórna ökutæki við slíkar aðstæður.

Þetta er náttúrulega ekkert annað en rússnesk rúlletta.

Tvíbent öryggi í umferð

Hvað voru þeir búnir að "græða" til 2008?

Eru menn ekki að missa sig í þessu?  Var ekki "ofsa gróði" fram á haustið 2008.  Var það ekki sýnd veiði en ekki gefin?  Voru þeir fjármunir ekki meira og minna "Matadorpeningar"? 

Stjórnendurnir á þessum árum, voru búnir að slá sér á brjóst og lýsa á hendur sér mikilli fjármálasnilli og stjórnkænsku.  En hver var innistæðan?  Var þetta ekki í takt við bankauppsveiflu þessara ára?  Allir voru að græða svo svakalega. 

Skoðum hlutina í samhengi frá árinu 2000 til ársins 2010 og sleppum ruglinu þar á milli.  Þá kemur hin raunverulega staða í ljós.  Þessi aðferð er "2007" og engum til gagns að velta sér upp úr henni og hún er gjörsamlega ómarktæk.

LSR tapaði 101 milljarði

Hvað voru þeir búnir að græða fyrir hrun?

Voru það ekki tölur án raunveruleika tengingar?   Hver var staðan árið 2000 og hver er staðan nú? Er það ekki sá samanburður sem við þurfum?  Það er ekki til neins að taka með í reikninginn ruglið sem var í gangi á árunum rétt fyrir hrun.  Þá voru menn að græða "Matadorpeninga" sem ekkert gildi hafa í alþjóðaviðskiptum.

Legg til að allir ársreikningar frá 2001 til og með 2009 verði settir á ís og hvergi notaðir til samanburðar, hvorki til góðs né ills.  Þeir hafa ekkert vægi í samanburði. 

 

Endurskoða þarf lög um sjóðina