Já er það?

En peniningarnir frá Samherja eru vel þegnar í kosningasjóðinn, - eða hvað?

Listinn laus við fingraför Samherja

Stór-Reykjavíkursvæðið og Kraginn = Eitt kjördæmi

Um nokkurn tíma hefur talsverður þrýstingur á sveitarfélög Íslands að sameinast.  Það ku vera svo hagkvæmt.  Kjördæmaskipan hefur hins vegar verið óbreytt, að kalla, í langan tíma fyrir utan það að NA-kjördæmi varð til með hrókeringum frá Tröllaskaga að Lónsheiði.

Nú tel ég, að fenginni reynslu í NA-kjördæmi, að hafin verði vinna við sameiningu Stór-Reykjavíkursvæðisins og Kragans í eitt kjördæmi og jafnframt að innlima Akranes í leiðinni.

Þetta ætti að verða gríðarleg hagræðing í stjórnsýslunni, ekki síst ef Hafnafjörður, Garðabær, Kópavogur, Seltjarnanes, Mosfellsbær og Reykjavík yrðu sameinuð.  Illmögulegt er hvort eð er að vita innan hvaða bæjarmarka maður er í kerfinu eins og það er uppbyggt núna.

Nota tvo stóra dráttarbáta....

....stilla þeim við skut skipsins, festa þá saman og setja taug í festu í landi bakborðs megin og stjórnborðsmegin sett taug í skipið.  Vélar dráttarbátanna keyrðar á fullt og þá mun sandurinn undan skut skipsins skolast í burt. Enn betra væri síðan gera sama hinu megin við stefnið, þar sem dráttarbátarnir snéru í gagnstæða átt.

Skipið álíka langt og Empire State byggingin

Væri Sigurður Ingi til í að rúnta á Egilsstaðaflugvöll....

...og rifja upp með Karli Gauta það sem Sigurður Ingi  sagði haustið 2019!

„Eins og mér hefur skilist af þeim sem í fluginu starfa að þá séu það aðstæðurnar til flugs að og frá. Það er opið hér til allra átta. Eins að hér er þá rými til þess að gera þessa viðbótarbraut og þannig á mjög fljótlegan hátt að koma hér upp öruggu umhverfi í fluginu,“ segir Sigurður Ingi Jóhannsson, samgöngu- og sveitarstjórnaráðherra.

Þar var hann að vitna bæði í grænbók að flugstefnu og nýlegri skýrslu um flugvallakosti á suðvesturhorninu er talið ódýrast og fljótlegast að byggja upp Egilsstaðaflugvöll sem helsta varaflugvöll landsins.

Áfram heldur Sigurður:

..."að ISAVIA taki við rekstri og uppbyggingu Egilsstaðaflugvallar býr til svigrúm strax á næsta ári sem felst í viðbótarfjármagni sem nýtist til viðhalds á öðrum flugvöllum. Ástandið er vægast sagt orðið mjög bágborið víða og of lítið fjármagn fer í flugvöllinn á Akureyri. Með því að ISAVIA taki að sér Egilsstaðaflugvöll þá verður hægt að setja meira fjármagn til annarra flugvalla, m.a. hér á Akureyri".

https://www.ruv.is/frett/egilsstadaflugvollur-byggdur-upp-sem-adal-varavollur

Af hverju hef ég misst í loforðaflaumnum?

Að öðru. 

Ekki verður komist hjá því að velta upp kostnaði við framkvæmdir við Akureyrarflugvöll á fyrsta fjórðungi þessarar aldar og velta því upp hvað ríkið er tilbúið að leggja mikið fjármagn í hann.  Það er vitað að við hverja framkvæmd fer kostnaður talsvert fram úr áætlunum.  Ég hef reynt að fá þingmenn Norð-Austurlands að gefa mér upp heildarkostnað við framkvæmdir á Akureyrarflugvelli fram að 2025, en engin svör hafa borist.

1. Getur verið að heildar kostnaður við lengingu á flugbrautarinnar hafi farið í a.m.k. 3,0 milljarða? 
2. Að kostnaður við allar breytingar í kortagerð, hönnun og flugprófanir á aðflugsbúnaði úr suðri (ILS og LLZ fyrir RWY01) séu 0,6 milljarðar?
3. Að kostnaður við allar breytingar í kortagerð, hönnun og flugprófanir á aðflugsbúnaði úr norðri (ILS RWY19) séu 0,4 milljarða?
4. Að hönnun á flughlaði og bygging þess verði 1,2 milljarður?
5. Að hönnun á nýrri flugstöð og byggingakostnaður verði 1,8 milljarður?
6. Getur verið að allur framkvæmdakostnaður og breytingar við Akureyrarflugvöll verði kominn í a.m.k. 7,0 milljarða fyrir árslok 2025?

Það má velta fyrir sér, þar sem svo ríkulega er veitt í einn flugvöll, sé ekki vandamál að fjármagna aðra.

Hafin var bygging Egilsstaðaflugvallar vegna þess að hann skoraði hæst veðurfarslega og landfræðilega þeirra fjögurra flugvalla sem voru til skoðunar.  Veðurfarslega  er mesti munur á veðri milli Egilsstaða- og Keflavíkurflugvallar og landfræðilega eru engin fjöll hindrun í flugferlum við Egilsstaðaflugvöll. 

Viðhald Egilsstaðarflugvallar er hinsvegar komið á það stig, að Öryggisnefnd Íslenskra flugmanna sá fyrir skömmu ástæðu til að benda á bágborið ástand á yfirborði Egilsstaðaflugvallar.  Þetta kallar á eftirfarandi spurningar:

• Hvaða fjármagn er áætlað í viðhald flugbrautarinnar og byggingar akstursbrautar á Egilsstaðaflugvelli?
• Hvenær á að hefja framkvæmdir á Egilsstaðaflugvelli og hvenær eru verklok áætluð?
• Hvar í fjárlögum er hægt að finna áætlað fjármagn í Egilsstaðaflugvöll? 

 

 

Ráðherra hyggst bjóða þingmanni á rúntinn

Hver er munurinn á hrúgast saman á gossvæði eða skíðasvæði??

Hvað er að gerast hjá ráðamönnum þjóðarinnar?

Eru sóttvarnagrúppan alveg að missa sig?

Afhverju má hópast á gossvæði með hjálp björgunarsveita, en ekki fara á skíðasvæði?

Afhverju þurfa Austfirðingar að sæta sömu takmörkunum og í Reykjavík?

Hvað eru mörg smit í Reykjavík á móti smitum á landsbyggðinni?

Afhverju er ekki hægt að koma upp litakerfinu, sem hefur verið talað um?

Hvers vegna eru ekki sett upp sóttvarnahlið eins og þegar mæðuveikin var í algleymingi?

Næst þegar sóttvarnargrúppan fer í berjamó, verða þau líklegast öll saman í einni jarðýtu!?!

„Átti erfitt með að hemja mig“

Það er bara víðáttuvitlaust á Reykjavík fái úr Jöfnunarsjóði

Landsbyggðin er að borga með: SVR um milljarð

Búið er að ná samkomulagi um að ríkið leggji milljarða í leikfangalest Dags í Reykjavík.

Rvk. fær megnið af skatttekjum fólks sem er að vinna fyrir ríkið við að þjónusta landsbyggðina.

Af tekjum kennara á frmhaldsskólastigi

Af tekjum fólks sem vinnur við farþegaflutninga á landsbyggðina

Af tekjum fólks sem vinnur við flutninga á landsbyggðina

Af tekjum fólks sem vinnur í heilbrigðisgeiranum

Af fólki í fjölmiðlageiranum

Þessi listi er langur, - mjög, mjög langur. 

Hvernig væri t.d. að færa Lagarveginn til fyrra horfs, svo þar getir þrifist einhver atvinnustarfsemi?

Tími kominn á að senda Vælubíllinn niður í ráðhús, - og það strax.

 

Segir reglur jöfnunarsjóðs ósanngjarnar

Ófagleg vinnubrögð sveitarstjórnar Múlaþings.

Eftir haustkosningar 2020, var haft eftir Hildi Þórisdóttur, oddviti Austurlistans, þar sem hún segir Sjálfstæðisflokkinn hundsa vilja kjósenda í nýju, sameinuðu sveitarfélagi á Austurlandi með að hefja viðræður við Framsóknarflokkinn um myndun meirihluta. Austurlistinn telur rétt að látið hefði verið reyna á samstjórn allra framboða til að mæta stórum verkefnum sem framundan eru.

„Ég fékk símtal frá Gauta í gærkvöldi þar sem hann tilkynnti mér að til stæði að hefja viðræður við Framsóknarflokkinn. Ég lýsti djúpum vonbrigðum með það,“ segir Hildur Þórisdóttir, oddviti Austurlistans.

Í framhaldinu hefði einhver talið að Austurlistinn myndi hafa frumkvæði að faglegri vinna í sameinaða sveitarfélaginu, en ekki keyra mál fram í pólitík og nýta stöðuna til hins ýtrasta að  tylla sínu fólki í nefndir.

Sérstaklega er þetta pólitíska vafstur sýnilegt í stjórn Hitaveitu Múlaþings, þar sem greinilega er ekki verið sérstaklega að hugsa um hag þess fyrirtækis þegar valdir eru kandídatar í stjórnina, heldur er notuð hin rammpólitíska leið og aflsmunar beitt. Framsóknartækling er endurnýtt að hætti Stefáns Boga Sveinssonar.

Ef bæjarstjórn Múlaþings hefði haft hagsmuni Hitaveitu Múlaþings í fyrirrúmi, hefði hún geta lagt til rafmagnsverkfræðing í stjórn.  Bæjarstjórnin valdi að hunsa þann einstakling, sem hefur mikla reynslu í rekstri fyrirtækis og ekki síst sætir það furðu vegna þess að það liggur tillaga fyrir stjórn Hitaveitu Múlaþings, að athuga hvort ekki sé hagkvæmt að breyta nafninu í Orkuveitu Múlaþings.  Tillagan gengur efnislega út á það, að færa inn í fyrirtækið raforkuveitu samhliða annarri veitustarfsemi fyrirtækisins.

Eitthvað  hefur það skolast til og frambjóðendur framboðslistanna hafa greinilega ekki kynnt sér hvað hefur áður verið að fjalla um hjá Hitaveitunni og hverjir væru til þess bærir að koma faglega þar að.  Orð oddvita Austurlistans hér að framan verða ansi hjáróma þegar þessi vinnubrögðin eru skoðuð og ekki að vænta faglegrar ákvarðatöku úr þeirri áttinni, ef fram heldur sem horfir.

Þurfa lögfræðingar MATÍS ekki að fara að hugsa sinn gang?

Það er að verða ótrúleg hrakfallasaga MATÍS í mörgum málum og þetta mál er aðeins eitt af furulegri ákvörðunum sem stofnunin tekur en af nægu er að taka.  

Er ekki orðið ljóst að það þarf eitthvað að skerpa á vinnulagi þar innan dyra og skipta út lögfræðingum, sem eru tilbúnir að vinna, þó ekki væri í öðru en að taka sér tak í meðahófi.

Þetta leiðir hugann að verki MATÍS í Loðmundafirði í apríl 2018::

DV Mánudaginn 2. apríl 2018 21:54

„Á ferðalagi okkar félaganna í gær vakti það furðu okkar að það var óvenju mikið af tófuslóðum sem lágu í átt að Loðmundarfirði og sumstaðar svo margar að það mætti halda að þetta væri Laugavegurinn. Þegar í Loðmundarfjörð var komið þá leyndi sér ekki hvers kyns var, starfsmaður MAST fór með menn úr Berufirði og Breiðdal þungvopnaða og skutu á allt sem hreyfðist. Þegar mesti móðurinn rann af þeim settu þeir lömb og rollur í poka og fóru svo heim eftir að hafa unnið þetta illvirki, en skildu pokana eftir.“

Þetta skrifar Víðir Sigbjörnsson um aðkomu í Loðmundarfirði þar sem Matvælastofnun (MAST) lét skjóta 29 kindur snemma í marsmánuði en féð var sagt án fóðurs og umhirðu í firðinum. Menn hafa hreyft efasemdum um að nauðsynlegt hafi verið að farga fénu og MAST er líka gagnrýnd fyrir að hafa ekki hirt hræin og heldur dreift þeim víðsvegar. Víðir skrifar um þetta á Facebook og tók jafnframt ljósmyndir sem birtast með fréttinni. Í pistli sínum segir Víðir enn fremur:

„Nú eru allar tófur á Austulandi komnar í pokana og svo koma allir hrafnarnir og hræfuglar, þegar þeir koma til landsins og setjast að kræsingunum í boði MAST. Í innan við kílómetra fjarlægð er æðarvarp með um 4000 hreiðrum, þegar hrææturnar verða leiðar á úldnu kjöti í boði MAST fer öll hersingin í æðarvarpið hjá Óla og þá verður gaman að sjá hvort MAST mætir með skotmennina á svæðið og hreinsar til eftir sig. Hafið þið allir skömm fyrir þetta ódæði, ef þið berið einhverja umhyggju fyrir þessu fé sem þarna var þá hefðuð þið átt að hafa með ykkur hey til að gefa þeim og koma þessu svo til byggða.“

Fyrrverandi forstjóri Matís sýknaður

Egilsstaðaflugvöllur. Svikið loforð Framsóknarflokksins.

AUSTURFRÉTT:

Viðspyrna fyrir Austurland

Höfundur: Sigurður Ingi Jóhannsson, • Skrifað: 05. maí 2020.

Ríkisstjórnin kynnti nýverið annan áfanga efnahagsaðgerða sinna undir yfirskriftinni „Viðspyrna fyrir Ísland“. Í fyrsta áfanga fyrir um mánuði síðan voru kynntar miklar fjárfestingar í samgöngum og byggðamálum til að vinna gegn samdrætti. Mikill einhugur er um að bregðast hratt við þeim usla sem heimsfaraldur kórónuveiru hefur valdið um allan heim. Áskorunin er tvíþætt, annars vegar hefur innlend eftirspurn dregist saman og hins vegar er algert frost í ferðaþjónustu á heimsvísu

........

og áfram heldur Sigurður:

........

Gerðar verða nauðsynlegar endurbætur á Egilsstaðaflugvelli til að tryggja flugöryggi á Íslandi, efla varaflugvallarhlutverkið og auka virði og getu til aukinna umsvifa. Á Egilsstöðum verður hægt að taka á móti stærri og fleiri flugvélum sem gæti skapað atvinnu.


........

Var að glugga í fjárlagarumvarpið, sem er nú í vinnslu á Alþingi, ekki finn ég neitt sem byggir undir það sem Sigurður var að fjalla um og verður athyglivert hvort eitthvað rekur á fjörur hans til að hann hafi einhverja innistæðu fyrir digurbarkalegum yfirlýsingum þegar hann ríður um héröð Austurlands

Skoðun Sidda

Að loknum kosningum á Austurlandi: Ég er sekur ... karlremba og afturhald

Höfundur: Sigurður Ragnarsson • Skrifað: 25. september 2020.

Ég varð fyrir talsverðu áfalli um daginn þegar ég uppgötvaði að ÉG, endurtek ég sjálfur, væri karlremba, afturhaldsseggur, dóni, og sennilega laumu kynþáttaníðingur og kvenhatari í þokkabót. Allt þetta af því mér hafi orðið það á að verða miðaldra og væri að sönnu karlmaður, bæði í grunninn og enn þann dag í dag.

Ég hélt í einfeldni minni að það væri lukka allra karlmanna að fá að verða miðaldra, en það virðist ekki vera samkvæmt ýmsu málsmetandi fólki sem telja menn af mínu sauðahúsi allt til foráttu og þegar mér varð það síðan á að krossa við Miðflokkinn í kosningum þá fyrst átti ég mér ekki viðreisnar von, útskúfaður til eilífðar bölvunar í ríki hinna fordæmdu.

Það mætti halda að ég væri bitur yfir úrslitum kosninganna, og það er alveg hárrétt, ég er mjög bitur og alveg miður mín. Ekki vegna þess að fólk hafi haft aðrar skoðanir en við, það er bara lýðræðislegt og ekkert við það að athuga og í raun byggir lýðræðið á því að fólk geti haft misjafna sýn á málin og geti rökrætt þau. En mér finnst afar ósanngjarnt að ég og aðrir sem unnum af heilindum í aðdraganda þessarra kosninga skyldum endalaust þurfa að svara fyrir fyllerísröfl Gunnars Braga Sveinssonar á bar suður í Reykjavík, og allar þær hugmyndir og hugsjónir sem við hefðum væru einskis virði þess vegna.

Gunnar Bragi og aðrir sem hlut áttu að máli hafa sannarlega fengið að iðrast þessarra gjörða sinna, en ég er ekki viss um að aðrir sem létu fúkyrði og svívirðingar dynja á þeim á samfélagsmiðlum, jafnvel allsgáðir, hafi gert slíkt. Vissulega var fólki misboðið og margir tjáðu sig málefnalega og er það vel, við hina vil ég hinsvegar segja að netið gleymir engu og það verður gaman fyrir barnabörn þessa fólks að lesa svívirðingar forfeðra sinna seinna meir eða þannig.

Okkar nýja sveitarfélag getur orðið fyrirmynd og bjargað bæði landsbyggð og höfuðborg frá þeirri hnignum sem of mikil slagsiða á búsetu landsins getur valdið. Það er alveg ljóst í mínum huga að styrkur hvers þjóðfélags liggur í mannauðnum sem byggir allt landið, og nýtir auðlindir þess í eigin þágu á hverjum stað. Þannig geti þéttbýli og dreifbýli best stutt við hvort annað.

Við þurfum að láta allar raddir heyrast og nýta allan þann kraft sem býr í áhugasömu fólki, og hætta að troða inná það ábyrgð sem það hefur ekki, skoðunum sem það hefur ekki, og virkja alla sameiginlega að borðinu og hætta þessum átakastjórnmálum.

Það er undir okkur komið hvernig til tekst við sköpun þessa nýja sveitarfélags. Ég vona sannarlega og fólk fari að hugsa stórt, að ekkert sé ómögulegt. Við eigum frábært ungt fólk sem hefur alist upp við mun betri aðgang að heiminum í gegnum netmiðla, ferðalög, skiptinám, svo fátt eitt sé nefnt og með því öðlast mun meiri víðsýni á marga hluti en við áttum kost á.

Að lokum vil ég óska öllum bæjarstjórnarmönnum og heimastjórnarfulltrúm til hamingju, og þó ég sé svekktur þá veit ég að í öllum flokkum er gott fólk sem vill láta gott af sér leiða í að gera sveitarfélagið okkar enn betra og skemmtilegra fyrir komandi kynslóðir, og full ástæða til bjartsýni.

Með kærri kveðju,
Sigurður Ragnarsson (Siddi)

Tekið af Austurfrétt

https://www.austurfrett.is/umraedan/adh-loknum-kosningum-a-austurlandi-eg-er-sekur-karlremba-og-afturhald