Deilan um keisarans skegg.

Stóra málið er að ljúka við þetta stórfenglega verk og leggja í þetta það fjármagn sem þarf til að klára það. Það þarf að gera um þetta fjárhagsáætlun og opinberir sjóðir þurfa að leggja í það fjármagn þar til það stendur fullklárað hönnuðum og frumkvöðlum til sóma. Það er næsta víst að hjá almenningi og stöndugm fyrirtækjum má finna fjármagn.

Nú þegar hefur verkefnið aðdráttarafl, sem gefur nokkuð glögga mynd um hvað verður við það fullklárað.

Þetta er frábært verkefni til að uppfylla verkefni um Brothættar byggðir.

Koma svo!

Telja brotið á sæmdarrétti

Löng umræða um fjárlög allt frá 2002

-- Ein­hverj­ir þing­menn voru orðnir nokkuð lún­ir við fyrstu umræður um fjár­laga­frum­varp for­sæt­is­ráðherra fyr­ir árið 2002 á Alþingi í gær.--

segir á mbl.is

Ekki furða að Birgir ruglist í ríminu. Hann skreiddist í rúmið að kveldi kjördags sem Miðflokksmaður og vaknaði að morgni í Sjálfstæðisflokknum.

„Frú forseti...“

Handan Smjörvatnsheiðarinnar

Greiðar samgöngur

Til þess að gera Austurlandsfjórðung áhugaverðari til búsetu þurfa samgöngur að vera í lagi, helst í mjög góðu lagi.  Tvíbreiðar brýr og varanlegt slitlag er ekki munaður, það er réttur hvers vegfaranda, að geta keyrt á milli staða án þess að eiga von á því að farartækið hljóti skaða af.  Stór verkefni hafa lengi setið á hakanum hér eystra og enn bólar ekkert á Axarvegi og litlir tilburðir í þá átt að tvöfalda brýr á Austurlandi.

 

Vegalengdir

Hafa menn hugleitt fjarlægðir milli staða?  Það er styttra frá Þórshöfn til Egilsstaða en frá Þórshöfn til Akureyrar, bæði eftir þjóðvegakerfinu og í beinni loftlínu.  Samkvæmt gögnum Vegagerðarinnar er stysta leiðin 163 km frá Þórshöfn til Egilsstaða á meðan það eru 231 km frá Þórshöfn til Akureyrar. Þar munar 68 km aðra leiðina.  Loftlínan frá Þórshöfn til Akureyrar er um 139 km á meðan hún er um 112 km til Egilsstaða. Hér munar um 27 km aðra leiðina. Þar með er ljóst að þetta svæði hefur meiri samleið með Mið-Austurlandi, en Eyjafirði.  Vopnfirðingar eru þar í betri stöðu fyrir aðdrætti en þeir sem norðar eru.

 

Hvað er málið?

Það þarf talsvert ríkt hugmyndaflug norðan Smjörfjalla,  að telja málum sínum betur borgið við að snúa sér alfarið norður í land með alla aðdrætti, þjónustu og verslun.  Vissulega er ýmislegt stærra í sniðum í Eyjafirði, en með bættum samgöngum má færa ýmislegt til betri vegar og efla og hækka þjónustustigið á mið-Austurlandi, - öllum íbúum fjórðungsins til hagsbóta.  Mesti ávinningurinn er að Austurland verður enn áhugaverðari kostur fyrir ungt fólk, sem er að velja sér stað til framtíðar búsetu.  Stytting á milli staða og möguleikinn að fara/koma er lykillinn að betra samfélagi.  Allir þekkja þann ótta að komast ekki milli staða þegar veður eru válynd og brýna nauðsyn ber til.

 

Jarðgöng

Jarðgangagerð hefur lengi verið í skoðun til Vopnafjarðar, en lítt miðað.  Hér er lögð til leið um út-Héraðið og að landsamgöngur norður fyrir Smjörfjöllin fari þar um.  Vegtenging til Vopnafjarðar væri þá um þjóðveg 94 að Móbergi.  Þaðan yrði lagður vegur þvert yfir sléttlendið (sjá kort).  Brýr þarf að byggja á Lagarfljótið og Jökulsá á Brú/Dal og vegur að göngum (A) hjá Hlíðarhúsum/Torfastöðum í gegnum Hlíðarfjöllin og yfir í Böðvarsdal.   Vegur þaðan yrði lagður út dalinn og tengdur við veginn hjá Eyvindarstöðum.  Efnið úr göngunum nýttist í vegalagningu.  Þar með yrði rofin vetrareinangrun íbúa vegna Smjörfjalla.  Seinna væri haldið áfram með önnur jarðgöng (B) gengt þeim fyrri, sem myndu opnast í hinn endann á svæðinu Skjaldþingsstaðir/Syðri-Vík.  Hæglega má skipta þessu verkefni í þrjá sjálfstæða áfanga.

 

Láglendisvegur

Með jarðgöngum “A” og vegalagningu þvert yfir Út-Héraðið væri vegurinn á láglendi alla leið frá Vopnafirði til Egilsstaða og innan við klukkustunda akstur fyrir íbúana að nýta það sem þar er að hafa.   Göng “B” mundu síðan stytta leiðina enn frekar. Innan tíðar verður vegurinn með varanlegu slitlagi frá Egilsstöðum í Útmannasveit og Heiðarendinn ekki til trafala vegna snjóa.  Auk heldur verða fleiri áhugaverðar útfærslur á ferðalögum fyrir gesti og gangandi. 

 

Ófyrirséð

Engin mun sjá fyrir öll tækifærin, sem munu skapast með slíku verkefni.  Sveitarstjórnir beggja vegna Smjörvatnsheiðar þurfa að hafa metnað til að vinna með stórar hugmyndir og fylgja þeim eftir við ráðamenn þjóðarinnar.  Kosið verður til sveitastjórna í vor og þá er brýnt að velja kröftuga fulltrúa, sem hafa vilja, þor og getu til að vinna með djarfar lausnir.

Kirkjan.

Birgir í byggingu traustri

Blessaði Miðflokk í flaustri

Þá kirkjan stóð klár

varð hann reiður og sár

að skipt’ekki á henni og klaustri

Kæra borist kjörbréfanefnd vegna Birgis

Fílar í postulínsbúðum

Fyrir nokkru bloggaði ég; Stór-Reykjavíkursvæðið og Kraginn = Eitt kjördæmi. 

Ég setti þetta svona upp til að fá umræður um hve óheppilegt er að hafa einn stóran áhrifavald inn í stóru kjördæmi lítilla eininga, þar sem valdahlutföllin eru þeim minni mjög í óhag.  Sá stóri er eins og fíll í postulínsbúð. 

Svo merkilegt sem það kanna að virðast hafði einungis einn skoðun á málinu.  Ég verð að biðja vin minn, Magnús Sigurðsson, afsökunar á þessari útfærslu, þar sem ég ruglaði hann í ríminu með að setja hlutinn upp þvert á hug minn.

Ég hef nokkrum sinnum bent á að það sé óheppilegt að hafa Eyjafjörðinn í einni sæng í NA-kjördæminu og eins og að setja Reykjavík í kjördæmi með Kraganum, þá verður þyngdarpunkturinn á röngum stað og raddir minni sveitarfélaganna eru kæfðar af því stóra.

Þetta sést best á því að efstu menn framboðslistanna raða sér eftir búsetu í stærsta kjarnanum og hinir minni fá þann „heiður“ að raða sér neðar á listann, til að öllu „réttlæti“ sé fullnægt.  Allir vita að þar eru þeir eingöngu sem uppfylling.

Næsta þing verður að taka á þessu misvægi og í NA-kjördæmi verður að færa hlutina til betri vegar og kanna hvort ekki sé heppilegra að Eyjafjörður verði eitt kjördæmi í framtíðinni, og NA-kjördæmið nái frá Vaðlaheiðinni að Skeiðarársandi. 

Verndum Íslenska náttúru fyrir náttúruverndarsinnum

Náttúruverndarsinnar eiga mjög erfitt að beygja sig undir lög og reglur.  Löngu eftir að búið er að samþykkja framkvæmd eru þeir að hóta að stöðva framkvæmdir og það löngu eftir að öllu lögformlegu ferli lýkur og jafnvel dæmi um að heimta að stöðva framkvæmdir löngu eftir að þær eru hafnar.

Sérkennilegast er upplifa það ítrekað að vatnsaflsvirkjanir eru útskúfaðar af þessum háværa minnihluta, þrátt fyrir að vera þær hreinustu sem völ er á.  Sami hópurinn  hengir sig á vindrellur, sem enga leið eiga með Íslenskum raunveruleika í stóra samhenginu.  Ekki eingöngu valda þær yfirþyrmandi sjónmengun heldur hafa óafturkræf náttúrspjöll för með sér og auka CO2 gildið í náttúrunni, sem verður til við að flytja mikið hráefni og þungan búnað um  langan veg, heldur henta þær mjög illa veðurfari Íslands vegna óstöðugs veðurfars.

Það er ógjörningur að ræða raforkuframleiðslu vatnsaflsstöðva á vitrænu plani við þetta fólk.  Margar litlar virkjanir geta nýst til heimabrúks og við að framleiða orkugefandi efni á vinnuvélar svo sleppa megi því að flytja þann orkugjafa um langan veg.  Bændur hafa margir hverjir góðar aðstæður til smávirkjana án þess að raska náttúrunni að neinu marki.  Þeir geta framleitt sjálfir raforku á tæki og tól sín og dregið umtalsvert úr loftmengun.

Jafnvel stórar virkjanir eru að vinna að mestu með náttúruleg efni, a.m.k. er óumdeilt að vatnið er eitt það vist- og heilnæmasta efnið á jörðinni.

Jökulsá á fjöllum þarf nýja brú. Hefur þingmanninum ekki dottið í hug....

...að það sé meira aðkallandi en vegur yfir Kjöl?

Bara datt í hug hvernig vænlegt sé að forgangsraða fyrir íbúa NA-kjördæmis.

Segja að veggjald gæti þurft að vera 10 til 20 þúsund kr.

Fréttastofa RÚV er ekki sú sem biður afsökunar á rangfærslum......

.....nema þegar rangt er farið með nöfn í fréttum.

Aðrar rangfærslur lenda milli þils og veggjar hjá RÚV.

Athylivert hvernig stofan sleppir fréttum, sem henni eru ekki þóknanlegar.

 

Furðar sig á afsökunarbeiðni Samherja

DV er með falsfrétt í formi myndar um Covid útbreiðsluna.....

....og notar hana óspart þegar fjallað er um smit eða ekki smit á Íslandi.

Þekkt er að ein mynd segir meira en þúsund orð og eftir að skoða myndina í DV er ekki flókið að setja sig í spor lesendans, sem dregur sína ályktun út frá því sem hann sér.

Hvaða ályktun dregur þú, lesandi góður, eftir að skoða þessa mynd?

Hvar telur þú að Covid-19 sé mest grasserandi?

 Það ömurlega við þessa birtingu er að   Austurland hefur nánast verið   smitlaust frá upphafi faraldursins.

 Hvað gengur DV til með þessu?

Eitthvað, sem mátti búast við

Hér ættu kjósendur að staldra við og skoða framboð sjálfstæðsflokksins frá því síðast.

Njáll Trausti Friðbertsson, Kristján Þór Júlíusson og Valgerður Gunnarsdóttir, öll í framboði fyrir Eyjafjörð.

Ekki er von á stórum breytingum, nema nöfnin eru að hluta ný en þungaviktafólkið á listanum er í skjóli hárra fjalla í Eyjafirðinum.

Er einhver von til að kjördæminu austan Vaðlaheiðar verði í nokkru betur sinnt af umræddum lista frekar en hingað til?

 

Gauti hafnar þriðja sætinu