Banna ber filter sígarettur með lögum.

Reykingamenn menga þegar þeir reykja og sumt fólk lendir í óbeinum reykingum, oft gegn vilja sínum.  Þetta er mengun sem búið er að taka á og gera reykingar útlægar frá nær öllum stöðum þar sem almenningur hefur aðgang að.  Það var til verulegra bóta, en eftir stendur að oft þarf að brjótast í gegnum þykkt reykský þegar þarf að fara um útidyr fyrirtækja og stofnana, vegna starfsmanna í reykingapásum.

Annar hluta vandamálsins, sem ekki hefur verið tekið á, eru stubbarnir sem liggja vítt og breytt, hvort sem er utan við fyrirtæki, verlsanir, flugstöðvar eða á áningastöðum ferðamanna.  Verst af öllu eru filterin, sem eru búin til úr efnum sem leysast seint og illa upp í náttúrunni og er þar af leiðandi ein mesta og hvimleiðasta sjónmengum sem fylgir nútímafólki. 

Því miður ber sumt reykingafólk ekki meiri virðingu fyrir umhverfi sínu en það, að stubbunum er fleygt að lokinni notkun þar sem viðkomandi reykingamaður stóð síðast við athöfn sína.

Hér með legg ég til, að bannað verði að flytja inn og selja sígarettur með filteri, að viðlagðri refsingu við broti þessu með sektagreiðslu.

 

 

Athugasemdir

[Bjarki Sigurðsson (IP-tala skráð) 15.5.2008 kl. 12:44]

 Filterinn/stubbarnir eru ekki vandamálið, það eru reykingamennirnir sjálfir. Þeir virðast margir hverjir eiga við einhvern "hegðunarvanda" að stríða!! sem felst í því að þeir eiga mjög erfitt með að hitta í ruslatunnur eða þar til gerða dalla fyrir ósómann. Kanski væri rétt að senda þá á námskeið í því hvernig sígrettustubbum er komið fyrir í ruslatunnum eða öðrum döllum!

[Benedikt V. Warén, 15.5.2008 kl. 22:08]

Vandamálið er Bjarki, að filterin eyðast svo seint.  Reykingamennirnir eru sannanlega vandamálið, en það er erfitt að kenna gömlum hundi að sitja.  Annað vandamál er að á ferðamannastöðum (s.s. Gullfoss, Dettifoss og Geysir) þyrfti tugi slíkra dalla til að þeir skiluðu árangri og mikla vinnu við að halda þeim tómum. 

Tóbak brotnar til þess að gera fljótt niður í náttúrunni og pappírinn einnig, öðru máli gegnir um gegnsósa filterinn, ömulegt að sjá þennan óþverra liggja mánuðum og árum saman úti undir berum himni á umræddum stöðum. 

Yfirgengilega sóðalegt.

[Bjarki SIgurðsson (IP-tala skráð) 22.5.2008 kl. 12:45]

Þetta er alveg rétt hjá þér Pell, get tekið undir þetta allt!