Dýraníð. Hver er skilgreining Haga?

Forstjóri Haga áttar sig greinilega ekki á því, að eitt er samningur við bændur og annað er dýraníð.  Einkennilegt að til séu þingmenn, sem ekki átta sig á því heldur.

Það er ekkert samhengi þar á milli framleiðslusamnings og dýraníðs.  

Dýraníð er lögbrot, og ef erfitt er að stöðva það, eins og dæmin sanna, er það vegna þess að lögin eru gölluð.  Það ætti því að vera þingmönnum hæg heimatökin að kippa því í liðinn.

Fyrir forstjóra Haga, er rétt að benda á það, að dýraníð er viðtækara en einungis hvað varðar þann bústofn, sem fyrirtæki hans selur afurðir af.  

Hvað með hunda og ketti. Eigendur þeirra hafa orðið uppvísir að fara illa með dýrin sín og það er því miður ekki eingöngu við þessar dýategundir.

Níð á aldrei að líðast, sama hvaða lífvera á í hlut.