Hvað er "ristavél"?

Stígvél (http://is.wiktionary.org/wiki/st%C3%ADgv%C3%A9l) eru til að setja á fætur, en er ristavél skóbúnaður, sem er bara á ristinni?

Ætlaði að kveikja sér í pípu

Athugasemdir

[corvus corax, 10.4.2015 kl. 09:31]

Einu sinni var gert grín að manni fyrir að kalla "ristabrauðsvélina BRAUÐRIST!" Svo kemur fram í fréttinni að reyk BAR upp úr brauðristinni... Það er margt skrýtið í kýrhausnum.

[Benedikt V. Warén, 10.4.2015 kl. 12:55]

Já Krummi og nú er búið að laga þetta hjá mbl.is.  

Blaðamenn verða að skilja ábyrgð sína, þegar þeir koma svona rugli á framfæri, apa einhverjir vitleysun upp eftir þeim og fara nota það sem gott og gilt.  

Hvað hefur maður t.d. oft heyrt talað um pússupappír (sandpappír).  Ég spyr á móti.  Hvað er pussupappír?  Er það Always ultra?  

[Guðmundur Ásgeirsson, 10.4.2015 kl. 14:00]

Brauðrist er gott og gilt íslenskt orð yfir rafmagnstæki sem ristar brauð.

"Ristavél" er hinsvegar ekki íslenskt orð, og notkun þess er því málvilla.

[ls (IP-tala skráð) 10.4.2015 kl. 14:46]

Orðið "Ristavél" er eldra en Guðmundur og á því alveg rétt á sér þó eihverjum þyki annað orð yfir tækið betra.

[Guðmundur Ásgeirsson, 10.4.2015 kl. 15:00]

Vel má vera að orðskrípið "ristavél" sé visst gamalt og kannski er það eldra en ég.

Það er samt ekki í íslenskri orðabók og er þar af leiðandi ekki íslenska.

Þetta eru einfaldlega staðreyndir, en ekki persónulegar skoðanir neins.

Hvort orðskrípið "ristavél" eigi einhvern "rétt á sér" er allt annað mál.

Málfrelsið verndar nefninlega líka rétt manna til að fara með rangt mál.

Þess vegna mega þeir sem "finnst betra" að fara með rangt mál alveg gera það.

[Benedikt V. Warén, 10.4.2015 kl. 16:25]

Það er hægt að rista niður brauð (skera í sneiðar) og það er hægt að rista brauð.
Brauð er ristað í brauðrist og eftir atvikum á grilli.

Ristavél finnst ekki í orðabók, hvers vegna þá ekki að nota gott og gilt orð yfir það tæki, - brauðrist.

Því miður færist í vöxt að búin eru til orðskrípi yfir ýmsa hluti, tæki og tól, sem eiga sitt ágæta nafn í orðabókinni.  Sjálfsagt er að setja saman ný orð yfir það sem ekki er til og í mörgum tilfellum hefur það tekist með ágætum, en oft hörmulega.

Svo er annað.  Það ábyrgðarhluti að koma opinbelega fram og verður að gera þær kröfur til þeirra innlendnu blaðamanna og annarra, sem koma fram opinberlega, að þeir setji fram skrifað og talað mál, eins og þeir hafi fullt vald á málinu, annars síast ambögurnar inn í málið og menga það.  Öllum gerur orðið á í hita leiksins, en flestar þessar ambögur flokkast því miður ekki undir það.

Menn fara t.d. ekki erlendis, en eru erlendis.  Þeir fara hins vegar utan.