Hátæknisjúkrahúsið á Hólmsheiðina.....

....ef flugvöllurinn í Vatnsmýrinn verði hrakinn þaðan í burt af misvitrum borgarfulltrúum.  Ríkið semji um lóð við Mosfellsbæ og selji svo gamla Landspítalann fyrir offjár, en það getur ekki verið mikið mál, ef eitthvað er að marka suma fulltrúa borgarinnar um hátt fasteignaverð á þessu svæði.

Það er alveg ljóst að flugvöllur og hátæknisjúkrahús er "par" fyrir almannaheill og heilbrigðisþjónustu alls landsins og verður ekki sundur skilið, sama hvaða skoðun læknirinn Dagur B Eggertsson hefur í því máli.

Samkomulagið er ekki í höfn

Athugasemdir

[Benedikt V. Warén, 17.3.2013 kl. 22:10]

PS.

Samningar hafa tekist á milli Reykjavíkurborgar og ríkisins um kaup á landi ríkisins í Skerjafirði. Í samningnum felst að Reykjavíkurborg kaupir land ríkisins, alls um 112 þúsund fermetra svæði. Katrín Júlíusdóttir, fjármálaráðherra (Samfylkingunni), og Dagur B. Eggertsson (Samfylkingunni), sem staðgengill borgarstjóra, undirrituðu samninginn á Reykjavíkurflugvelli.

Er til meiri lágkúruháttur gagnvart landsbyggðarmönnum, að undirrita samning um landakaup í Vatnsmýrinni í flugstöðinni á Reykjavíkurflugvelli. Það má ef til vill til sanns vegar færa að þetta stolt Reykjavíkurborgar í samgöngumálum þjóðarinnar, dragi dám af samningi þeim sem þar var gerður í óþökk landsbyggðarmanna og án vilja húsráðendi stövarinnar.

Skömm þessarra fulltrúa Samfylkingarinnar er mikil og vonandi sýna landsbyggðarmenn það í verki þegar kemur að því að kjósa fulltrúa landsbyggðarinnar á Alþing Íslendinga í vor.

[Ingvar (IP-tala skráð) 17.3.2013 kl. 23:38]

Ef flugvöllurinn verður lagður niður í Vatnsmýrinni, skulum bara byggja þetta hátæknisjúkrahús á Akureyri.

Þaðan er sjúkraflugið gert út, flugvöllurinn er nánast við hliðina á sjúkrahúsinu og síðan er hægt að færa stjórnsýsluna smátt og smátt norður líka.

Þetta myndi skapa mörg tækifæri á Akureyri.

[Sturla Snorrason, 18.3.2013 kl. 00:04]

Það væri nær að  læknirinn Dagur B Eggertsson stæði fyrir því að flytja millilandaflugið til Reykjavíkur og spara þannig allan þennan rútukosnað. 2.500.000 farþegar þurfa núna að komast með bílum og rútum til Keflavíkur.

Núna er rétti tímin til að stofna til samkeppni um að útfæra Reykjavíkurflugvöll ásamt gjaldþrota háskólabyggingu fyrir millilandaflug. Stærsti hluti flugs fer til Evrópu sem myndi styttast um 40km.

Borgin getur snúið sér að uppbyggingu á Höfðanum sem hentar miklu betur en Vatnsmýrin.

Myndir 1-9 sýna hvaða þróun gæti orðið með nýjum Landspítala á Höfðanum, skoðið myndirnar fram og til baka. 

[Benedikt V. Warén, 18.3.2013 kl. 00:12]

Þakka innlitið Sturla og mikið er ég sammála þér. Einnig finnst mér frábærar hugmyndir þínar um miðbæ á og við Geirsnef. Athyglivert er einnig að verða vitni að því, að þursaflokkurinn í borgarstjórn skuli ekki fyrir löngu vera búinn að gera faglega úttekt á hugmyndinni og veita þér viðurkenningu fyrir frábært framtak og frumlega útfærslu.

Kveðja að austan

[Sturla Snorrason, 18.3.2013 kl. 00:54]

Ég vil benda á að Bikarstaðar landið er stæra en Reykjavíkurflugvöllur og mun veðursælla en er að vísu ekki í Reykjavík en samt stutt frá miðpunti höfuðborgarsvæðisins.