Hver há er virðisaukaprósentan á stangveiði?

Er það rétt munað að hún sé 0% ????  Er það vegna þess hve blankir veiðmennirnir eru?

Aðrir þurfa að borga virðisaukaskatt af allri þjónustu.  Virðisaukaskattur er skattur af þeim virðisauka sem verður af seldri vöru og þjónustu. 

Skattur getur seint flokkast undir virðisauka, það breytti þó ekki því, þegar ég fyrir nokkru var ég að lesa orkureikninga mína og rak þá upp stór augu.  Það var skattur á orkunni hjá Orkusölunni og annar reikningur frá RARIK með skatti á flutningi, sem er í sjálfu sér ekki í frásögu færandi, en það sem stakk hins vegar verulega í augun var virðisaukaskattur á nefndum skatti.

Er hægt að toppa það. 

Íslensk veiðisíða fyrir erlenda veiðimenn

Athugasemdir

[Kristinn Pétursson, 30.4.2012 kl. 14:49]

Þeir hafa gleymt skemmtanaskattinum, -  með VSK líka - það  er svo svakalega gaman að fá reikninginn...    maður skemmtir sér svo rosalega í fúlustu alvöru þegar maður sér svona fallega reikninga með skemmtíleug ívafi...  Því meiri hækkanir (hakkanir inn í eigið fé okkar) því meira gaman....

[Gunnar Heiðarsson, 30.4.2012 kl. 15:52]

Það eru lagðir skattar á eldsneyti og svo virðisaukaskattur lagður á þá. Það er víða sem virðisaukaskatturinn leggst á skattlagningu, þó það sé með öllu óheimilt. Það er bannað að skattleggja skatt.

Annars er orðið "virðisauki" svolítið undarlegt í sambandi við þennan skatt. Þetta er skattur sem lagður er á allar vörur og þjónustu, utan auðvitað nokkura hluta eins og fram kemur í bloggi Benedikts. En skattur er þetta og ekkert annað. Eitt sinn hét þetta söluskattur og var sú nafngift mun nærri sannleikanum.

Að tala um einhvern virðisauka er út í hött. Ekki eykur það neitt virði þess hlutar sem ég kaupi mér, þó ég greiði ríkinu 25,5% álag á hann. Sá hlutur sem ég kaupi mér á 100 kall er ekki neitt verðmætari en það, þó ég greið svo ríkinu 25.50 kr. að auki.

Svo má heldur ekki gleyma þeirri staðreynd að það þekkist varla nokkurstaðar í heiminum svo há próenta á söluskatti og hér á landi!!