Virðisaukaskattur á skatt...

....er það ekki að bera í bakkafullan lækinn.

Var að lesa orkureikninga mína og rak þá upp stór augu.  Það var skattur á orkunni hjá Orkusölunni og annar reikningur frá RARIK með skatti á flutningi.  Það sem stakk hins vegar í augun var virðisaukaskattur á skattinum.

Er hægt að toppa það.

Segir skattbyrði nálægt meðaltali á Íslandi

Athugasemdir

[Gunnar Heiðarsson, 20.5.2011 kl. 21:58]

Því miður er þetta þekkt á fleiri sviðum hjá okkur Benedikt. Eldsneyti er skattlagt og virðisaukaskattur síðan lagður á þann skatt. Flestar vörur eru skattlagðar inn í landið og síðan þarf neytandinn að greiða virðisauka af þeirri skattlagningu.

Að skattleggja skatt er auðvitað út í hött, sérstaklega þegar við búum við hæðsta virðisaukaskatt sem þekkist milli póla. Ekki veit ég hvort þetta sé löglegt en grunar þó að ekki sé heimilt að skattleggja skatt.

Virðisaukaskattur er eins og nafnið ber með sér, skattur á eitthvað sem eykur virði, s.s. vöru eða þjónustu. Að halda því fram að skattálagning auki virði einhvers er nokkuð langsótt og því ætti ekki að vera hægt að leggja virðisaukaskatt á skatt!!

[Jón Steinar Ragnarsson, 20.5.2011 kl. 23:57]

Tvísköttun er einfaldlega bönnuð.

[Sandy, 21.5.2011 kl. 07:45]

Er tvísköttun bönnuð með lögum? Ef svo er þá ættu eldri borgarar og öryrkjar sem unnu mest allan sinn tíma fyrir breytingu á skattalögum sem varðaði tvísköttun á lífeyrissjóðsgreiðslur að fá leiðréttingu sinna mála. Þegar kerfinu var breitt þá var það ekki afturvirkt, þannig að þeir sem voru búnir að vinna mest af sínum tíma fyrir breytingu eru tvískattaðir á lífeyrissjóðsgreiðslur. Það mátti hinsvegar ekki nefna það á sínum tíma að réttlátast væri þá að þeir sem kláruðu sína starfsæfi fáum árum eftir þessar breytingar fengju þá lífeyrissjóðsgreiðslurnar skattfríar þar sem þeir voru búnir að greiða skatta af þeim tekjum sem lífeyrissjóðsgreiðslurnar voru miðaðar við.