Eru ekki allir rosalega hissa.

Það sem kemur mest á óvart í þessari könnun, að flokkurinn skuli þó fá þetta fylgi með þessa líka stjórnendurna í borginni.  Svo er verið að tala um þá bræður Gísla, Eirík og Helga, sem einhverja furðufugla.

Fylgi Sjálfstæðisflokks minnkar mikið í Reykjavík

Væri ekki rétt að breyta nafninu á Elliðavogi í Brákarsund....

... þ.e.a.s.  ......Olíubrákarsund.....

Olíuhreinsun gengur vel

Mér stendur ekki lengur á sama.

Það er sjálfsagt að bera í bakkafullan lækinn að reyna frekar að fjalla um flugvallarmál í Vatnsmýrinni, minnihluti þeirra sem vilja leggja niður núverandi starfsemi, er enn við sama heygarðshornið.  Þangað inn bíta engin rök það er eingöngu bullað út í eitt um það að flugvöllurinn hverfi úr miðbænum í Reykjavík. 

Flugmenn hafa bent á það með gildum rökum að flugvöllurinn verði þar áfram og veðurfræðingar eru sama sinnis.  Það er meira mark á þeim takandi en borgarfulltrúum í Reykjavíkurborg, sem hafa minna vit á flugmálum, en hundar á harmonikku.

Aftur og aftur kemur upp umræðan um að þyrlur geti þetta og þyrlur geti hitt.  Oft er búið að reyna leiðrétta þetta, en allt kemur fyrir ekki.  Þyrlur eru góðar til síns brúks, en afleitar í lang- og blindflugi en koma að gagni þegar þarf að komast að veikum eða slösuðum þar sem önnur tæki eiga ekki hægt um vik. 

Flugvalla-niðurlagninga-umræða er orðin að  þráhyggju.  Hún er í raun einelti á íbúa landsbyggðarinnar, sem nýta flugvöllinn lang mest.  Ýmist eru landsbyggðarmennirnir að fara á eigin vegum eða þurfa að greiða fyrir þjónustu þeirra sem koma út á landsbyggðina að sinna þeim, þar með talið allan ferðakostnað.

Með því að rústa innanladsfluginu í núverandi mynd, leggjast meiri álögur á þá sem fyrir þessa þjónustu þurfa að greiða.  Fargjaldið í rútu milli Reykjavíkur og Keflavíkur er nú 1.200 ÍKR hvora leið og ekki verður það ódýrara með hraðlest.

Rúmlega 500 þúsund íslendingar ferðast um Reykjavíkurflugvöll ár hvert og ef að líkum lætur mun sá fjöldi fara vaxandi.  Eins og staðan er í dag gerir þetta um 1.200.000.000 IKR (einn komma tveir milljarðar) í auka skattheimtu á landsbyggðina og einhverjum þykir nóg um nú þegar.

Hefur flugvalla-niðurlagninga-hópurinn hugleitt þetta??

Hverjum er ekki sama.

Það fer nú að vera fréttnæmt þá sjaldan sem hún er edrú, ekki á trippi eða laus úr fangelsi.

Amy Winehouse handtekin

Vændisþáttur RÚV Egilsstöðum

Það er fróðlegt að fylgjast með fréttum af meintu vændi á Egilsstöðum.  Það er eins og ágætur fréttamaður hafi ekki áttað sig á að þetta er talin ein elsta ef ekki lang elsta atvinnugrein í heimi.  Ótrúleg flétta að tengja þetta stóriðju og framkvæmdum á Austurlandi.  Veit fréttamaðurinn ekki að framkvæmdum eru á lokastigi og þorri þeirra sem við Kárahnjúka vann, eru farnir af svæðinu.  Er þetta ekki gömul frétt?? 

Það er löglegt að stunda vændi á Íslandi og löglegt að verða sér út um það.  Þriðjið aðili má hins vegar ekki græða á því.  Það er því alveg á mörkunum að fréttamaðurinn geti flutt af þessu fréttir, vegna þess að hann er þessi þriðji aðili, sem hefur hagnað af því með að selja fréttina....-eða hvað??

 

Ólafur stendur á sínu.

Veit ekki betur en að núvaerandi borgarstjóri hafi haft þá skoðun lengi og ekki farið í grafgötur með hana, að flugvöllurinn ætti að vera áfram í Vatnsmýrinni.  Það leiðir af sjálfu sér, að skipulagstillagan er arfavitlaus að hans mati og þorri þjóðarinnar er honum sammála.

Ólafur segist ekki hafa skipt um skoðun

Krosssaumur borgarfulltrúans

Í Vísi (http://visir.is/article/20080505/SKODANIR03/696625839) skrifar Oddný Sturludóttir greinina "Krossferð borgarstjóra", sem er um skipulagsmál í Reykjavík og er í henni að (kross-) sauma að borgarstjóra sínum fyrir að segja sína skoðun á skipulagsmálum Vatnsmýrarinnar.  Ég verð nú bara að viðurkenna það hér, þetta útspil borgarstjóra er eitt það vitrænasta sem komið hefur úr borgarstjórakróknum nú í langan tíma.

Borgarfulltrúinn Oddný Sturludóttir er eins og örfáir aðrir reykvíkingar, blinduð af einhverju óskilgreindri "fóbíu" út í Reykjavíkurflugvöll og vill hann burtu.  Merkilegt nokk þessi hópur er nær allur saman kominn í borgarstjórninni, óháð flokkslínum. 

Það gleymist í skrifum þessa ágæta borgarfulltrúa, að Reykjavík er fráleitt höfuðborg reykvíkinga einna, og hér upplýsi ég ef til vill hið stóra leyndarmál sem henni var hulið.  Það fylgir vandi vegsemd hverri og þar með talið að samgöngur við borgina verði eins góðar og kosið verði, jafnvel þó það rugli svefn stöku borgarfulltrúa. 

Annað er það, að samgöngumiðstöðvar (lestarstöðvarnar) í erlendum  borgum eru í miðbænum, en  þar sem flugið eru okkar samgöngur, er eðlilegasti hlutur í heimi að hafa flugvöllinn í Vatnsmýrinni. 

Í þriðja og síðasta lagi (að sinni) er umferðaröngþveitið algjört á þessum kafla í borginni og eingöngu að æra óstöðugan að troða niður byggð í Vatnsmýrinni áður en borgarfulltrúar sjá fyrir endanum á þeim vandamálum sem þeir hafa komið borgarbúum með illa hönnuðum umferðar mannvirkjum.

Bendi svo í lokin á frábæra lausn á heimasíðu Sturlu Snorrasonar og má sjá m.a. á þessari slóð http://midborg.blog.is/blog/midborg/entry/467918/#comments 
 

Fátt er svo með öllu illt.....

....að ei boði gott.  Kuldakastið utan suð-vesturhluta landsins er farið að fara í þær fínustu hjá nokkrum á skilgreindum "köldum" svæðum og ekki bætir úr skák að þeir hinir sem hafa góða veðrið hafa verið iðnir við að nudda þeim upp úr veðurfarinu með skemmtilegum tilvitnunum.

Eitt getum við þó huggað okkur við, - við erum laus við alla sinubruna.  

Austlægar áttir á Norðurlöndunum.....

....gæti verið ávísun á sunnanáttum á Íslandi.  Það gefur Reykvíkingum og íbúum á vestur- og suðurlandi ekki góða von um bjart veður, líklegt að rigni þó það geti verið sæmilega hlýtt.  Þessi átt er hins vegar frábær á norður- og austurlandi. 

Eins og oft í fréttum, er ekki gott að átta sig á hvert blaðamaðurinn er að fara, vegna skorts á frekari upplýsingum frá norrænu veðurfræðingunum.

Hlýindi í kortunum í sumar?

Er þetta það......

.....sem kallað er að ríða út ??? 

Ástarleikurinn barst út á bílastæði