Dýrasti kosningarvíxill sögunnar?

Nú á að fara í furðulegustu framkvæmd sögunnar, þó er af nægu að taka.  Nú á að troða sjúkrahúsi niður við helstu umferðarteppu Reykjavíkur.

Ekki er hægt að endurnýja tæknibúnað Landsspítalans né kaupa nauðsynlega varahluti.    Tækjabúnaðurinn á samleið með helstu fornminjum þjóðarinnar.  Væri ekki nær að stækka Þjóðminjasafnið. 

Ekki er hægt að borga læknum né öðru hjúkrunarfólki sambærileg laun og á norðurlöndum, en stjórnarliðar eru tilbúnir að styðja við fólk sem stundar óhefðbundnar lækningar.  Er tími lækningamiðla að renna upp aftur.  Ekki vantar framsýnina.

Ekki er hægt að taka ákvörðun um hvort landsbyggðarfólk eigi að hafa ótakmarkaðan aðgang að sjúkrahúsinu og ekki er vitað hvort það þarf að sæta því að fara fársjúkt um Reykjanesbrautina í öllum veðrum, vegna gáfnateppu borgaryfirvalda Reykjavíkur í flugvallarmálunum.

Sömu borgaryfirvöld standa hins vegar slefandi við helstu innkomuleiðir fjármagnsins, með útrétta hönd beiningarmannsins, tilbúin að ausa úr tómum ríkissjóði.  Harpan á hausnum og landsbyggðin stritar jafnframt sem henni er að blæða út.  Lausn Samfylkingarinnar er ESB.   Lausnin mín er ný ríkisstjórn.  Það versnar ekki úr þessu. 

Sjötíu milljarðar í sjúkrahús

Tímabært að girða sig í brók.....

...og hætta alveg við þennan skatt.   Snúa sér síðan að uppbyggingastarfi, sem skapa mundi störf til frambúðar og halaði inn gjaldeyri?

Þessi skattur skapar ekki gjaldeyri, færir hann bara úr einum vasa í annan.  Í besta falli heldur hann í horfinu, en meiri líkur eru á að þetta dragi úr viðkomu erlendra ferðamanna og minna klink komi í kassann, - líka hjá Steingrími.

Er það markmiðið?

Fresta hækkun virðisaukaskatts

...sem þýðir einfaldlega það.....

....að Ísland getur á einni nóttu, gengið inn í ESB með því að afsala sér öllum réttindum og skriðið upp í hjá Dönum aftur.

Við lýsum því bara yfir að allt bröltið í Jóni Sigurðssyni, þið munið ruglaða kallinn frá Dýrafirði, eða þarna frá vestfjöðum einhversstaðar og var á framfæri Dana í mörg ár, hafi verið í tómu rugli og ekkert að marka hann.

Við vinnum málið á eftirfarandi hátt:

1. Sendum Össur á fund Þórhildar Margrétar danadrottningar
2. Hann bendi drottningu á að öll sjálfstæðisbarátta Íslendinga sé einn alsherjar misskilningur
3. Hann komi því á framfæri, að við viljum fá sömu stöðu og Færeyingar, - hjáleiga í Danaveldi
4. Danskan verði ríkismálið
5. Þjóðþingið verði í Kaupmannahöfn, enda nær Brussel
6. Tökum upp Dönsku krónuna, sem tengd er Evru
7. Sjoppan við austurvöll verður útibú og afgreiði styrki og bætur til íslendinga
8. Kjósum svo þrjá fulltrúa á danska þingið

Best af öllu er þó, að með þessu losnum við núverandi valdhafa 

Þá getum við haldið blessuð jólin glöð í bragði, - eða hvað? 

 

Skotland yrði utan Evrópusambandsins

Framtakssjóður fyrir Reykjavíkurvaldið.....

.....og slóðagangur stjórnvalda á þar stóran þátt í því að lítið sem ekkert má gera utan áhrifasvæðis rotþrónna í Reykjavík.

Þetta kallar á endurstokkun skattkerfisins.  Það er ekki nægjanlegt að jafna kosningarétt landsmanna á sama tíma og stórfellt misrétti viðgengst þar og skattlagning lansbyggðarinnar er langt fram úr því sem eðlilegt getur talist. 

Það er ósanngjarnt að stoppa eingöngu við þann þátt að jafna vægi atkvæða, það verður jafnframt að stokka upp og jafna öll lífsgæði eins og kostur er.  Jafnframt verður krafan sú, að raðstafa tekjum sveitarfélaga þar sem þeirra er aflað.  Verulega hallar á landsbyggðina í þeim efnum.

Á Austurlandi eru útflutningstekjur landsins um 22% tekna þjóðarbúsins.  Einungis búa þar um 12000 manns, eða um 4% þjóðarinnar.  Lítið brot af þessum tekjunum verða eftir í kjördæminu.

Óþolandi er að þurfa síðan að fara með betlistaf til Reykjavíkur og þurfa að slíta með glóandi töngum út það fjármagn sem landsbyggðamenn eiga rétt á í gegnum sjoppu sem heitir jöfnunarsjóður.

Krafan er því: Skipta þarf jafnt í öllu, ekki einungis því sem hentar sunnlendingum.  Skattar og skyldur verði eftir krónutölureglu og allir borgi jafnt í sameiginlegan sjóð.  Sveitarfélög innheimti alla skatta og greiði síðan í ríkissjóð eftir höfðatölureglu óháð stöðu einstaklings og aldri.

(Sjá meira um Framtakssjóð hér örlítið neðar.)

„Strandaði á Framtakssjóðnum“

Byrjað á vitlausum enda?

Við höfum ekki efni á að endurnýja tæki og tól sjúkrahúsanna.
Við höfum ekki efni á að borga læknum laun.
Við höfum ekki efni á borga hjúkrunarfræðingum laun.
Við höfum ekki efni á leggja í viðhald á byggingum í heilbrigðisgeiranum
Við höfum ekki efni á að halda opnum deildum á landsbyggðinni
Við höfum ekki efni á reka sjúkrabílaflotann
Einhverjir hafa ekki efni á því að hafa sjúkraflugvöll í Reykjavík.

Svona get ég áfram talið, það kemur því skemmtilega á óvart að:

Við höfum samt efni á að byggja yfir ónýt tæki örbirgðina í heilbrigðisstéttinni. 

Er ekki íslenska fjármálasérfræðingastóðið dásamlegt?

Hvað höfum við lært á 2007?

 

Deildar meiningar um deiliskipulag

Kapalverksmiðja...... að gera eitthvað annað......nei takk!

Í marga mánuði hefur verið unnið að  undirbúningi á að starta kapalverksmiðju á Seyðisfirði.  Viðsvegar um land leita menn logandi ljósi að tækifærum í ýmsum greinum til að skapa störf.  Ekki vantar lýðskrumið í ráðamönnum þjóðarinnar þegar á að "leggja fé í rannsóknarvinnu", svo framarlega að sérfræðingastóðið sé í landnámi Ingólfs Arnarssonar.

Frétt í ruv.is segir ma:
"Á vegum atvinnuþróunarfélaga um land allt er unnið að ýmsum nýsköpunarverkefnum sem ætlað er að skapa störf. Styrkir eru veittir og hvetja á fólk til að leggja alla krafta sína í verkefni. Í fjögur ár hefur verið unnið að einu slíku verkefni á Seyðisfirði en þangað stóð til að flytja álkaplaverksmiðju frá Noregi og vinna álvíra frá álverinu í Reyðarfirði í háspennustrengi."

Enn fremur segir í fréttinni að:
"Norskir eigendur verksmiðjunnar vildu flýja háan launakostnað í heimalandinu og ætluðu taka þátt í að flytja verksmiðjuna til Íslands. Þeir voru tilbúnir að leggja til tæki, þekkingu, markaðshlutdeild og eigið fé í fyrirtækið; allt að fjórðungshlut."

Síðan er vitnað í Sigfinn Mikaelsson sem stýrði verkefninu:
"Hann segir alla útreikninga hafa sýnt fram á arðbærni verkefnisins. Byggðastofnun hafi litist vel á en skort fé og kallað eftir pólitískri ákvörðun. „En hún fékkst ekki samþykkt þessi pólitíska ákvörðun.“"

Þarna má sjá svart á hvítu að það "að gera eitthvað annað" er í besta falli nothæft til að drepa málum á dreif og í versta falli nýtt til þess að drepa endanlega niður allt frumkvæði og heilbrigða hugsun á landsbyggðinni.  Forræðishyggja stjórnvalda og ráðamanna þjóðarinnar nær nýjum hæðum og á starfsstöðvum þessarra manna ríður heimskan ekki við einteyming. 

Ríkkisstjórnin svarar ekki og ekki er betur vitað að leitað hafi verið til Framtakssjóðs Íslands, án árangurs.  Sá sjóður er þó ávallt tilbúinn að skoða verkefni í Reykjavík og nágrenni.  Í reglum sjóðsins segir:

"Markmið FSÍ um samfélagslega ábyrgð
8. Stjórn FSÍ og starfsmenn hans eru meðvitaðir um þá ábyrgð sem fylgir því að ráðstafa fjármunum hluthafa FSÍ, sem eru almannafé, og taka jafnframt tillit til samfélagslegrar ábyrgðar í rekstri fyrirtækja.  FSÍ tekur ekki þátt í fjárfestingum sem orka tvímælis út frá almennum siðferðisreglum."

Hafa stjórnarmenn FTS haft 8. grein að leiðarljósi?  Til að einfalda þeim mönnum vinnuna ætti auk þess að standa: "Heimilisföng fjárfestinga skulu einskorðast við póstnúmer 101 - 201".

Framtakssjóður var ekki til þegar verið var að virkja við Kárahnjúkana, en það voru lífeyrissjóðirnir hins vegar sem standa nú að Framtakssjóði.  Hver var þáttur þeirra í Kárahnjúkavirkjun?  Enginn minnir mig.  Kárahnjúkavirkjun malar nú gull.

Lífeyrissjóðirnir hafa hins vegar sópað upp gjaldþrota fyrirtækjum og redda þeim með því að eyða í  þau almannafé.  Það vefst ekki fyrir stjórnendum að makka á þann hátt, svo framarlega að þau fyrirtæki séu heimilisföst í áðurnefndu landnámi.

Það styður best við það sem ég skrifa, að Framtakssjóður treysti sér ekki til að eiga í þessari kapalverksmiðju á Seyðisfirði, sem þó er með góða arðsemisspá og ekki í samkeppni við aðra sambærilega á Íslandi, en tóku Húsasmiðjuna upp á arma sína 100%, sem er tæknilega gjaldþrota og í bullandi samkeppni við aðra í sama geira.

Er ekki orðið morgunljóst að Íslenskir lífeyrissjóðir eru í reddingum sunnanlands í nafni Framtakssjóðs.  Geta menn því ekki komið einu sinni út úr skúmaskotunum og til dyranna eins og þeir eru klæddir og breytt nafninu í Framtakssjóður Reykjavíkur.

 

Og hve margir VG þingmenn falla út af þingi í kosningunum?

Ljóst er að flokkurinn mun lenda í verulegum hremmingum í kosningunum og geldur afhroð, vegna svikinna kosningaloforða.   

4 af 12 þingmönnum VG hætta

Flottræfilsháttur á undanhaldi.

Sjúkrahús:
Hvernig dettur mönnum í hug að fara í að byggja bæjarfélag yfir ónýt tæki og láglaunahópa? Væri ekki rétt að byrja á réttum stað. Endurnýja búnað, borga mannsæmandi laun til heilbrigðisstarfsmanna og endurskoða síðan heilsugæslu og sjúkrahús á landsbyggðinni.  Að því loknu er tímabært að hugsa að flottræfilshættinum.

Ps.  Margir hafa blásið á þau rök dreyfbýlismanna, að vera með flugvöll nærri stjórnsýslunni í miðbæ Reykjavíkur og Alþingis.  Hvers vegna þarf sjúkrahúsið að vera þar?

Vaðlaheiðagöng:
Víkurskarð flokkast sem hraðahindrun, ekki fjallvegur, enda ekki nema um 325 mys. Nær væri að laga veginn eitthvað og minnka hallann og endurbæta síðan veginn um Dalsmynni. Vilji norðlendingar hins vegar gera þetta sjálfir með stuðningi milljarðamæringanna við Pollinn, er það reyðilaust af minni hálfu.

Bara ekki vera í þessum feluleik með staðreyndir. Það sjá allir í gegnum grát- og lygakór sveitarstjórnamanna á Akureyri og i Eyjafjarðasveit. Einkafyrirtæki getur aldrei staðið undir nafni, ef ríkið á 51% í því og á einnig að bera fulla ábyrgð á verkinu.

Opinber fjárfesting í sögulegu lágmarki

Löngutímabært að sameina þorpin í landnámi Ingólfs.

Magnað, - að stöðugt er verið að tala um hagræðið við að sameina þorp úti á landi, en þegar kemur að þorpunum við Kópavoginn þá er það allt annað mál.

Þegar ekið er um þetta svæði, þarf að vera í meiralagi staðkunnugur til að átta sig á því í hvaða hreppi maður er í það og það skiptið, því í fæstum tilfellum eru skilti sem upplýsa um hreppamörk.

Það meiga þeir þó eiga sem búa úti á landi, að þau mál eru í góðu lagi í flestum tilfellum.

Aðalmálið er þó, að sameina allt "bixið" til þess að lágmarka kostnaðinn í hverjum hreppi, vegna skipulagsmála og sameiginlegra þarfa.  Flest sem skiptir máli er hvort eð er orðið sameiginlegt eða í mjög náinni samvinnu.  

Til að friða smákóngana, má gjarnan vera með einhverja "heimastjórn" í málum sem litlu skipta fyrir heildarhagsmunina. 

Sameining er ekki tímabær

Því ekki bara nefna það Reykjavík?

Er ekki löngu tímabært að sameina þessi þorp við Faxaflóa í eitt stórt?

Hver er munurinn að sameina á landsbyggðinni og við Faxflóa?

Ef lítil þorp geta sameinast á landsbyggðinni geta stór við Faxaflóa það einnig. Lítið til þeirra sveitarfélaga sem hafa á umliðnum árum sameinast og takið slaginn alla leið, - enga hálfvelgju.

 Reykjavík = (Kjalarnes, Mosfellsbær, Seltjarnarnes, Kópavogur,Garðabær, Álftanes og Hafnafjörður)

Til þess að virkja smákóngaveldið, má hverfaskipta nýja samfélaginu eitthvað.

Vill stofna sveitarfélagið Heiðmörk