Eru það rotturnar sem sitja eftir.....

.....fyrst það eru villikettirnir sem yfirgefa fleyið? 

Sýður upp úr hjá VG vegna ESB

Gísli Marteinn Baldursson skilur ekki....

.....að skarta sæmdarheitinu, höfuðborg, er ekki eingöngu skotleyfi á fjármagn af landsbyggðinni, það fylgja því titlinum einnig kvaðir.

það er ekki eingöngu hægt að æpa á bættar vegasamgöngur  innanbæjar í Reykjavík af ríkinu og jafnframt að gera þær erfiðari fyrir þá sem ekki búa innan borgarmúranna.

Dagur B Eggertsson og Gísli Marteinn eru sama markinu brenndir, þeir sjá ekki hlutina í samhengi.

Nánar um þetta málefni hér úi fyrri færslu.

„Ég hata landsbyggðina ekki“

Smáborgaraháttur Dags B. Eggertssonar

Þetta kallast þráhyggja í venjulegum skilningi þess orðs, að geta ekki hætt að hugsa um aðra kosti, þó ítrekað sé bent á vankanta þess að leggja niður flug úr Vatnsmýrinni. 

Að geta ekki með nokkru móti skilið að venjuleg borg sem vill rísa undir því að kallast höfuðborg þegna sinna, er með samgöngur í lagi til og frá borginni.  Flestar stærstu borgir heimsins eru byggðar á krossgötum vatna og stórfljóta vegna þess að í öndverður voru það "þjóðbrautir" viðkomandi landa og mikið lagt upp úr því að tengja vatnaleiðir saman með skurðum, skipastigum og jafnvel brúm fyrir skip og báta.  Í þá daga skildu menn mikilvægi tengingu borga við landsbyggðina.

Nú hafa áherslur siglinga breyst og þær dregist verulega saman frá því sem var.  Aðrir möguleikar eru nú í boði, s.s. bílar, lestir og flugvélar.  Þetta skilja stjórnendur borga erlendis.  Þar er mikið lagt upp úr því að hafa lestarstöðvar í miðborgum og leitun er að borg, sem vill gera sig gildandi meðal þegna sinna, að ekki sé lestarstöð í miðbænum.  Umfang lestarstöðva er eins og flugvallar, þegar tekið er tillit til lestarstöðvarinnar og sporanna að henni.

Það sem Degi B. Eggertssyni og félögum er ómögulegt að skilja, það eru engar lestir á Íslandi.  Reykjavíkurflugvöllur er því lestarstöð okkar.  Það fylgir vandi vegsemd hverri og það að vera höfuðborg lands, felur ekki eingöngu í sér að soga fjármunina frá landsbyggðinni, stjórnsýsluna eins og leggur sig, allar stofnanir og helstu skóla- og menntastofnanir.  Það þarf að byggja brýr fyrir þá sem þjónustuna þurfa, ekki bara í Grafarvoginn. 

Haldi borgin því til streytu, að leggja niður flug í Vatnsmýrinni og beita þvingunarúrræðum til að koma því á Hólmsheiðina, verður að gera annað tveggja:

1.  Byggja hátæknisjúkrahúsið frá grunni á Hólmsheiðinni
2.  Finna annað bæjarfélag sem gert verði að höfuðborg landsins  

„Stríðsyfirlýsing við landsbyggðina“

Það eru til aðferðir til að laga stöðuna....

.....bara að hafa hugmyndaflug til þess og peninga.  Þetta plagar okkur Héraðsbúa ekki átakanlega, fáir voru að nýta veiði í Lagarfljóti, en vissulega hefði verið betra að hafa það eins og það var.

Athyglivert hvað samúðin í garð okkar Austfirðinga, vex í réttu hlutfalli við fjarlægðina í beinni loftlínu til þess er samúðina veitir

Kveðja af Héraði.

„Vatnasvæðið verulega laskað“

Eiðar: Þjónar það flugöryggi að ljósin séu biluð langtímum saman?

Þetta er frétt í Austurfréttum (http://www.austurglugginn.is sem er eftirfarandi:

"Íbúar á Eiðum eru óhressir með ljósabúnað í langbylgjumastri Ríkisútvarpsins á Eiðum sem sé alltaf í ólagi og valdi þeim óþægindum. Annað hvort verði að setja upp búnað sem virki eða finna mastrinu annan stað fjær mannabyggðum.

Þetta kemur fram í áskorun sem fjórtán íbúar á Eiðum hafa undirritað og send er sveitarfélaginu Fljótsdalshéraði, RÚV, Flugmálastjórn og ISAVIA. Þar segir að ljósabúnaður í mastri langbylgjusendisins hafi nær stöðugt verið í ólagi undanfarinn áratug.

„Viðgerðir eins og þær sem fóru fram a.m.k. í tvígang á nýliðnu ári virtust ekki duga nema í örfáar vikur. Jafnvel ekki heilan mánuð.“

Bilun lýsir sér þannig að ljósin fara úr takti og byrja að senda út leiftur á fullu afli eftir að dimmt er orðið. „Þetta er vægast sagt hvimleitt og truflandi.“

Ljósunum var komið fyrir á sínum tíma að kröfu flugmálayfirvalda. „Það er því vægast sagt undarlegt ef það þjónar flugöryggi þegar sum ljósanna eru biluð langtímunum saman, meðan hin senda út á allt of miklum styrk og úr takti.“

Skorað er á flugmálayfirvöld, RÚV og Fljótsdalshérað að finna varanlega lausn á málinu. „Við sem búum hér í næsta nágrenni við þetta mannvirki unum þessu ekki lengur. Enn ein viðgerðin sem dugar ekki nema í mánuð er engin lausn.

Annað hvort verður að skipta um búnað og setja upp annan sem uppfyllir þær kröfur sem gera þarf og er stöðugur, eða hreinlega að þessu mannvirki í heild sinni verður að finna annan stað fjær mannabyggð.“

Varaleiðir

Í nafni hagræðingar (lesist; gróðasjónamiða) er búið að hrúga saman tæknideildum Mílu (brot úr gamla Símanum heitnum), þannig að seint og illa gengur að gera við það sem aflaga fer.  Langar boðleiðir, skriffinnska og helgarfrí starfsmanna eru helstu ástæður fyrir slóðagangi fyrirtækisins. 

Glerþráðurinn er að vísu sérstakur að því leyti, að viðgerð á honum krefst sérbúnaðar og sérþekkingar starfsmanna.  Því er erfitt að átta sig á því, hvers vegna eru svona fáar varaleiðir í kerfinu.  Það varðar almannaheill að ekki heyrist klukkustundum saman í útvarpi/sjónvarpi né hægt að notast við síma á stórum svæðum. 

Er þetta ekki eitthvað sem taka þarf á og verkefni almannavarna að fylgja því eftir.  Besta leiðin við svona fyrirtæki, sem hafa svo til einokun á Íslandi, er að beita miklum sektum þegar sambandið fer af.  Ef þeir þurfa að borga hverjum notenda 5000.- IKR  fyrir hverja byrjaða klukkustund sem sambandið dettur út (talningin hefst eftir 15 mín eftir að rof verður), þá mun ýmislegt breytast til batnaðar.   Við að eiga slíkar sektagreiðslur yfir höfði sér,  munu þeir bregðast betur við og hafa fleiri hjáleiðir upp á að hlaupa til að halda kerfinu virku og starfsmenn klára í verkið.

Viðgerð á ljósleiðara lokið

Líffæra- og blóðbanki Íslands....

....er það ekki málið?  Utanumhald hjá núverandi Blóðbanka, sem breytir nafni samfara auknum verkefnum í Líffæra- og blóðbanki Íslands (LBÍ). 

Frjálst að gefa, frítt að þyggja.

Reikningseigandi er skráður með "reikning", sem er kennitala viðkomandi líffæra- og blóðgjafa
Þú gefur samþykki að gefa lifandi blóð og látinn líffæri
Þú hefur forgang í líffæra- og bóðgjöf, - frítt
Aðrir greiða skv. taksta um líffæri og pr. ltr af blóði

Skráning geti átt sér stað sérstaklega í gegnum heimasíðu LBÍ
eða krossa í viðkomandi reit á skattaskýrslu

Hver og einn skoðar kosti og galla þess að vera með, - eða ekki

Frjálst og óháð val án afskipta löggjafans að öðru leiti en að heimila LBÍ

Leggst gegn ætluðu samþykki

Af gefnu tilefni.

Matvælahneyksli skekur ESB löndin, þar sem hver matvælaframleiðandinn af öðrum hefur orðið uppvís að svindli og fölsun á innihaldslýsingu matvöru, þar sem hrossakjöt er notað í þá rétti, sem ekkert hrossakjöt eiga að innihalda.

Íslendingar hafa tekið þetta alla leið, það er ekkert kjöt í nautakjötsbökum og enginn hvítlaukur í hvítlauksrétti, skv. niðurstöðu Matvís fyrir skemmstu.  Það er náttúrulega tær snilld.

Þá dettur manni eitt dæmi í hug. 

Þú lendir í því að kaupa Svikinn Héra á veitingastað
Svikinn Héri inniheldur jafnan ekkert hérakjöt
Margrómað prósentusvindl getur einnig átt sér stað, þar sem ekki er alltaf allt sem sýnist í þeim æfingum

Þú spyrð vertinn hvort hérakjöt sé í réttinum
Veitingamaðurinn fullyrðir að svo sé, - 50%
Er annað kjöt í réttinum
Já, þetta er Svikinn Héri og við blöndum öðru kjöti saman við segir vertinn
Hvaða kjöt er það?
Hrossakjöt
Íhvaða hlutfalli?
50:50%
Einmitt, má treysta því?
Já þú getur treyst því 100%,  það er einn héri á móti einu hrossi!
Já, - sæll

 

 

 

Minnimáttarkenndin þjakar ekki þennan mann.

Gaman,  eða hitt þó heldur, að þurfa stöðugt að sitja undir svona gorgeir.  Skilur maðurinn ekki að að hann fékk ekki umboð frá þjóðinni til að koma með þessar tillögur.  Látum það nú vera, en þessi sibylja frá honum jaðrar við einelti gagnvart þjóðinni.  

Geta fréttastjórar ekki sett á hann fréttabann?  Það er hvort eð er ekkert nýtt sem frá honum kemur, alltaf sama tuggan.

„Þetta heitir valdarán“

Þorvaldur Gylfason og skapari alheimsins

Þorvaldur Gylfason hefur af sérstöku lítilræði jafnan litið á sig sem jafningja þess, sem rétti Móse sáttmálann á Sinaífjalli (boðorðin 10), nema hjá Stjórnlagaráði voru boðorðin nokkuð fleiri og ekki jafn vel meitluð, hvorki í leir né mál.  Móse var að sögn, fjörutíu daga og fjörutíu nætur á fjallinu að semja við Guð sinn, en það lætur nærri að það sé sami dagafjöldinn og Stjórnlagaráð sat við sína iðju og hlustaði á Þorvald. 

Við hinir dauðlegu teljum hins vegar að hér sé um vinnuplagg að ræða, ekki sáttmála, sem krefst ítarlegrar yfirlegu og varfærni áður en endanleg útgáfa sér dagsins ljós.  Ítrekað hefur verið sýnt fram á það að margt mætti betur fara og annað þarf að skýra betur, til að ekki verði verr af stað farið en heima setið.

"Ef frestun stjórnarskrármálsins verður niðurstaðan eins og formaður Samfylkingarinnar lætur nú liggja að, kallar Alþingi yfir sig mestu vansæmd sögu sinnar allar götur frá 1845, ef ekki frá 930." er nú haft eftir Þorvaldi á Eyjunni.  Ekki er nokkur vafi að hér talar maður, sem ekki er þjakaður af mikilli minnimáttakennd.  Þó veltir maður fyrir sér, er þetta ekki sami maðurinn sem vildi borga ICESAVE?  Voru það ekki svik við þjóðina?  Er eitthvað að marka þennan mann?  Hvers vegna er fjölmiðlafólk sífellt að draga skoðanir hans fram?  Leiðrétting; það þarf ekki að draga skoðanir hans fram, þær koma, hvort sem manni líkar það betur eða verr.  En, - hefur einhver áhuga á þeim? 

Misjafnt er hvað telst jafnrétti, en það vefst ekki fyrir prófessornum og hér gefur að líta sýnishorn af tillögum Stjórnlagaráðs og ekki var annað að skilja á fréttum af prófessornum, að tillögur rásins hefði átt að leggja óbreyttar fyriri þjóðina í kosningu.

Eitt sýnishorn:

 "6.gr Jafnræði

Öll erum við jöfn fyrir lögum og skulum njóta mannréttinda án mismununar, svo sem vegna kynferðis, aldurs, arfgerðar, búsetu, efnahags, fötlunar, kynhneigðar, kynþáttar, litarháttar, skoðana, stjórnmálatengsla, trúarbragða, tungumáls, uppruna, ætternis og stöðu að öðru leyti.

Konur og karlar skulu njóta jafns réttar í hvívetna."

Hér er farið á hundavaði yfir jafnrétti og engar tillögur um hvernig ná á fram þessum jöfnuði, t.d. í búsetu.  Er það með endurgreiðslu til íbúa á afskekktum stöðum, svo dæmi sé nefnt eða með annarri prósentu á VSK-i og/eða tekjuskatti?

Annað: 

"39.gr. Alþingiskosningar

Á Alþingi eiga sæti 63 þjóðkjörnir þingmenn, kosnir leynilegri kosningu til fjögurra ára.

Atkvæði kjósenda alls staðar á landinu vega jafnt."

Hér vefst hins vegar ekki fyrir Stjórnlagaþingi að kveða skýrt að að vægi atkvæða skuli vera jafnt, enda 90% þingheims af stór-Reykjavíkursvæðinu, sem sogar til sín megnið af tekjum landsbyggðarinnar og síðan þurfa stjórnendur sveitarfélaga að fara sem beiningamenn og slíta út með töngum það sem margir Reykvíkingar kalla styrki út úr Jöfnunarsjóði.  

Hægt væri að leggja niður þann sjóð og Byggðastofnun, ef fjámunum yrði betur varið í því sveitarfélagi sem þeir verða til.  Þá mundi hægt og bítandi lagast íbúahalli landsbyggðar gegn Reykjavík.  

Fyrr en jöfnuði er náð í skiptingu fjárins, er tómt mál að tala um jöfnun atkvæða.  Í venjulegum hlutafélugum ræður eign hluthafa í hlutafélaginu, ekki höfðatala.  Auðvita ætti jöfnuðurinn að vera þannig í okkar "hlutafélagi", - Ísland ohf.

En hérna fer réttlætið verulega á skjön jafnréttishugljómun prófessorsins.