Hér hefði þyrla komið sér vel.

Óska þess að drengurinn nái fullum bata.

Það eru gömul sannindi og ný, að sjúkraþjónusta íbúanna á landsbyggðinni er langt fyrir neðan það sem getur talist ásættanlegt.  Hér hafa orðið alvarleg slys fjarri alfaraleið og talsverðum erfiðleikum bundið að koma slösuðum undir læknishendur.  Ekki einasta er erfitt að koma þeim í sjúkrabíl, heldur þarf að koma þeim í flug og fljúga til Reykjavíkur. 


Auglýsingaherferð Umerðarstofu um 15mín sem skipta máli, verður ansi hjákátleg fyrir okkur dreifbýlismennina, þar sem við erum yfirleitt að tala í klukkustundum, ekki mínútum að komast til læknis.

Því er krafan enn og aftur, þyrlu í Egilsstaði ..STRAX..!!

Sjá umfjöllun um þyrlumál:
http://pelli.blog.is/blog/pelli/entry/463719/

Ungur drengur á batavegi eftir slys

Athugasemdir

[Áslaug (IP-tala skráð) 3.11.2008 kl. 15:40]

Æji ekki binda Þyrlu við ákveðinn stað eða staði  verum heild  stöndum öll sem eitt og segjum "Þyrlu á Austurland STRAX"
Frábært að heyra að drengurinn sé á batavegi, sem foreldri og austfirðingur fékk maður sting í hjartað þegar maður heyrði af þessu hræðilega slysi um helgina.

[Gisli Freyr Valdórsson (IP-tala skráð) 3.11.2008 kl. 17:30]

Þyrlan var komin langleiðina á staðinn þegar hún var svo afpöntuð. Sjá hér: http://www.lhg.is/starfsemi/stjornsyslusvid/frettir/nr/1226

[Benedikt V. Warén, 3.11.2008 kl. 17:43]

Það tekur þyrlu um tíu mínútur að fljúga frá Egilsstaðaflugvelli að slysstað í Svínadal.  Sama farartæki er hátt í tvo tíma að flúga úr Reykjavík. 

[Hafliði Hinriksson, 3.11.2008 kl. 20:09]

http://hinriksson.blog.is/blog/hinriksson/entry/171931/

forréttindi að búa á SV horninu???

[Eiður Ragnarsson, 3.11.2008 kl. 21:06]

Þetta er náttúrulega ekki rétt að þyrlan hafi verið komin langleiðina á staðinn, því að það liðu um 30 mínútur frá því að útkallið kom þar til að drengurinn var komin í sjúkrabíl.  Þá var tekin ákvörðun um það að afturkalla þyrluna og fá í staðin sjúkravél.

Viðbragðstími í þyrluni er að mig minnir 30 mínútur og því hefur hún varla verið komin í loftið þegar hún var afpöntuð.  Það sama á við ef að þyrla hefði verið staðsett hér fyrir austan, sennilega hefði hann verið komin í sjúkrabíl áður en þyrlan hefði komið á staðin, en engu að síður hefði þá þyrlan getað tekið hann og flutt beint á sjúkrahús.

Það er náttúrulega frekar furðulegt að ekki skuli vera farið að vinna í því að staðsetja þyrlu hér fyrir austan..

En það er ánægjulegt til þess að vita að drengurinn sé að braggast.

[Benedikt V. Warén, 4.11.2008 kl. 08:55]

Það er vel að verki staðið, að koma sjúklingi á 30 mínútum frá útkalli í sjúkrabíl.  Þá átti eftir að koma viðkomandi á flugvöll í veg fyrir sjúkraflugvélina til að koma honum undir læknishendur. 

Það er útbreiddur misskilningur að þyrlur henti til sjúkraflugs um langan veg.  Þær fljúga til þess að gera hægt, eru ekki með afísingarbúnað og ekki heppilegar til blindflugs.  Þær henta hins vegar vel að koma sjúklingi af slysstað, eins og í þessu tilfelli og í veg fyrir hraðfleygari sjúkraflugvlé.  Þyrla hefði hins vegar hentað frábærlega við að koma viðkamandi á sjúkrahús á Norðfirði, ef um minniháttar slys hefði verið að ræða.

Fjarmunir til reksturs þyrlu er aldrei nægjanlega miklir, en hafa samt vaxið á umliðnum árum.  Sé ekki mun á því að reka þyrlu út frá Reykjavík eða Egilsstöðum.  Það verður að velja og hafna í þessu, annað hvort þarf að byggja sjúkrahús, sem stendur undir nafni á Egilsstöðum, eða staðsetja þar sjúkraflugvél og þyrlu. 

Hvorutveggja kostar peninga, en það síðarnefnda er trúlega skynsamlegri ráðstöfun.