Ofnotkun á orðinu "nauðlending".

Ýtrekað eru blaðamenn með upphrópun um nauðlendingu þegar vikið er frá upphaflegu flugplani.  Það er vissulega alvarlegt mál þegar þarf að lenda einhversstaðar vegna drykkjuláta farþega eða annarra truflunar misgáfulegra farþega.  Í þessu tilfelli var það hins vegar ekki nauðlending hvað þá að farþegaþotnan  "neyðarlenti".

Nauðlending er þegar flugstjóri sendir frá sér neyðarkall um að fá forgang til að lenda vélinni á næsta flugvelli án tafar vegna þess að flughæfi flugvélarinnar er skert eða það yfirvofandi, t.d. aðvörun um eld um borð eða sprengjuhótun.

Læti í rugluðu fólki og fyllibyttum getur seint flokkast undir það, en auðvitað geta verið undantekningar á því.

Dyr á þotum eru þannig úbúnar, að ógjörningur er að opna þær á flugi.  Minni vélar hafa sumar hverjar hinsvegar þann möguleika á að opna á flugi.  Það átti ekki við í þessu tilfelli, ef fréttin er að öðru leyti rétt og því nær að fjalla um öryggislendingu.

Reyndi að opna flugvélarhurð

Athugasemdir

[Che, 9.5.2011 kl. 01:55]

Á netinu er t.d. hægt að lesa um þetta hér og víðar. Alls staðar er notað orðalagið "emergency landing", sem þýðir bæði neyðarlending og öryggislending ef mig misminnir ekki. Þannig að í Bandaríkjunum er ekki gerður munur á þessu í fréttaflutningi.

[Axel Jóhann Hallgrímsson, 9.5.2011 kl. 07:09]

Þó að í ensku sé þetta orðalag notað samrýmist það ekki íslenskri málvenju Che.  Það er vaxandi vandamál í íslenskri blaðamannastétt að þýða fréttir hrátt og orðrétt, án tillits til  íslenskrar setningafræði og málvenju. 

[Benedikt V. Warén, 9.5.2011 kl. 08:57]

Che.  Þó einhverjir kapitalistar í Ameríku, geri hlutina á einhvern tiltekinn veg, flokkast það ekki undir  heilagan sannleik.  Það ættir þú vð vita manna best.

Það er skilgreining til á því hvað er nauðlending og líka hvað er öryggislending. 

Að öðruleyti er ég nákvæmleg sammála Axel (2#).

Blaðamenn eru farnir að létta sér verkin og láta Guggle-vélina þýða fréttir fyrir sig.  Þvílíkar ambögur sem oft sjást eftir slíka meðferða á texta eru hreint með ólíkindum og virkilega sorglegt að upplifa.

[Benedikt V. Warén, 9.5.2011 kl. 09:00]

Google-vélina átti það að vera. Hefði betur látið hana fara yfir textann minn. 

[Einar Steinsson, 9.5.2011 kl. 09:28]

Ef ég man rétt er fræðilega hægt að opna hurðina á flugi en vegna þrýstingsmunar þyrfti ofurmannlega krafta til þess ef vélin er í einhverri hæð. Rétt fyrir lendingu er það hugsamlega hægt.