Benedikt V. Warén

12.9.2008 | 08:36

Metrana sem vantaði.

Þegar flugvöllurinn á Egilsstöðum var endurbyggður, voru uppi áform um að hann yrði 2700 metrar, en í fyrsta áfanga var hann byggður í 2000 metra. Hefði settum áformum verið fylgt, eru líkur á að þessi atburður hefði ekki orðið.

Flugmaðurinn, sem lenti í þessu óhappi, hefur komið hingað nokkrum sinnum áður. Skilyrðin voru hins vegar mjög óhagstæð, myrkur, rigning og þokuslæður í lítilli hæð. Við þessar aðstæður eru talsverðar líkur á að það sjáist inn á braut lengra til, en síðan er flogið inn í þokuslæðuna á versta stað, þegar hæðin á flugvélinni yfir jörð eru nokkrir metrar og hraðinn lítill. Ef eitthvað fer úrskeiðis við þessar aðstæður, er nánast ekkert svigrúm til að bjarga sér út úr þeirri klemmu.

Fyrir mestu var þó, að flugmaðurinn skuli hafa gengið óstuddur frá óhappinu.

	Flugvél lenti utan flugbrautar
Ábyrgðarmaður færslu Tilkynna um óviðeigandi tengingu við frétt

Flokkur: Dægurmál | Facebook

Athugasemdir

Tæplega... hann hefði þá lent enn lengra "út á túni" var hann ekki bara að "Bösta minimums" eða með öðrum orðum hann "varð" að komast inn á BIEG... RNF grefur þetta upp.

Lúðvik Þór (IP-tala skráð) 12.9.2008 kl. 09:54

Veðrið 11 sept 2008.

BIEG 112200Z 01010KT 9999 FEW001 SCT030 BKN060 09/07 Q0993=
BIEG 112100Z 36005KT 7000 BR BKN002 BKN020 OVC048 09/07 Q0993=

Þeir sem þekkja svæðið, vita að þokubakkar geta náð inn í aðflugið á RWY04 og svifar þar fram og aftur. Hending ein ræður hvar bakkinn er nákvæmlega þegar kemur að lámarkinu. Ekkert er hægt að fullyrða hvort lengri braut hefði gert gæfumuninn, en líkur eru á því eins og veður var í gær, hefðu gert það. Þá hefðu eltiljós trúlega hjálpað flugmanninum út úr þessari klemmu.

Llíkur eru á að flugmaður í viðkomandi vél hafi verið í sjónflugsskilyrðum eftir 3000 fet, enda hálfskýjar s.k.v. veðurskeyti kl 22:00 og ekki orðið var við láþokubakkann á lokastefnunni fyrr en hann lenti inn í honum.

Þetta skýrist vonandi að lokinni rannsókn.

Benedikt V. Warén, 12.9.2008 kl. 18:26