Að öðru eins bulli.....

....hef ég ekki orðið vitni að lengi.  Það sem formaður Félags íslenska leiðsögumanna, Ragnheiður Björnsdóttir, lætur hafa eftir sér er í versta falli yfirmáta hrokafull athugasemd, í besta falli rakin vankunnátta á málefninu. 

Hér er fyrst og fremst verið að reyna að slá ryki í augu lesenda, vegna þeirrar sérstöðu Austurlands, að vera með innkomu í landið, yfir 100.000 manns árlega.  Auðvitað sárnar formanninum að íslenskir farastjórar getir ekki einir ráðskast með ferðamenn að eigin geðþótta.  Formaðurinn þolir greinilega ekki samkeppnina, ef þeir væru að standa sig, væri ef til meira leitað til þeirra, - eða hvað??

Fram að þessu hafa margir íslenskir fararstjórar nær eingöngu litið á Austurland sem stað, þar sem fátt eitt er hægt að gera, annað en að sofa, éta og skíta.

 

 

 

Uppselt á ferðamannastaði

Athugasemdir

[Gunnar Th. Gunnarsson, 7.8.2008 kl. 16:03]

Hehhe... góður Benedikt

[Maelstrom, 7.8.2008 kl. 16:19]

Sammála!

[Jens Ólafsson, 7.8.2008 kl. 18:13]

Benedikt.

Áður en þú ferð að saka aðra um fákunnáttu og bull þá ættirðu kannski að hafa staðreyndir á hreinu: Að vera fararstjóri annars vegar og leiðsögumaður hins vegar er alls ekki sama starfið, ekki frekar en það að vera rafeindavirki (sem ég sé að er þín menntun) sé sama og vera rafvirki (þó álíka störf séu og svipuð menntun) eða vélvirki eða múrari. Og á sama hátt og fagmenntaðir iðnaðarmenn líta það hornauga að ófagmenntað fólk sé að ganga í þeirra störf eru íslenskir leiðsögumenn ekkert yfir sig hrifnir af því að ófaglært fólk sé að ganga í þeirra störf. Það ætti að vera eitthvað sem við gætum verið sammála um, ekki satt?

Bestu kveðjur,

Jens Ólafsson. 

[Dunni, 7.8.2008 kl. 18:31]

Sammála Pelli.  Ferðafólki er algerlega frjálst ferðast um landið á leiðsögumanna eða ómenntaðra fararstjóra.

Að sjálfsögðu eru sumar ferðir þess eðlis að óráð er fyrir útlendinga að taka sér þær á hendur án kunnugra. Þar á ég einkum við hesta og jöklaferðir. Efti að hafa verið "ómenntaður fararstjóri" í 10 ár veit ég vel að það er helber þvættingur að útlendir hópar eyði varla krónu er þeir heimsæki landið á eigin vegum.  Þeir ausa ekki af sjóðum sínu eins og við gerum þegar við komum til fjarlægra landa.  Ástæðan er einföld. Minjagripir, matur og drykkir eru bara svo miklu dýrari á Íslandi en í öllum löndum álfunnar ef frá er talinn Noregur sem er með svipað verð á flestum vörum.

"er í versta falli yfirmáta hrokafull athugasemd, í besta falli rakin vankunnátta á málefninu". Nema hvoru tveggja sé.  

[Benedikt V. Warén, 7.8.2008 kl. 18:32]

Á heimasíðu Félags leiðsögumanna  http://www.icelandonline.is/Guides/lsm_fararstj_skilgr.htm  má lesa um þetta.

Ég get ekki séð að þó ég sé að blanda þessum störfum saman, sé það jafnmikil mikil yfirsjón hjá mér né jafn alvarlegt mál og Jens vill láta í veðri vaka.

Á umræddri heimasíðu stendur eftirfarandi:

"Fararstjóri er maður/kona, sem sér um framkvæmd ferðar fyrir hönd ferðaskrifstofu/ferðaskipuleggjanda og tryggir að kaupendur þjónustu njóti alls þess, sem tilgreint er í ferðaáætlun, auk þess að gefa þeim hagnýtar upplýsingar.  Fararstjórar geta einnig verið leiðsögumenn, hafi þeir tilskilin, viðurkennd réttindi á viðkomandi svæði (landi) eða sviði...."

(Leturbreyting BVW.)