Gefast upp......?!?!

......það er á mörkunum að geta sagt að þeir hafi nokkuð byrjað.  Valinn var arfavitlaus tími fyrir sumarið 2008, þeir fækkuðu um eina ferð frá því í fyrra og markaðssetningin í molum og síðasta auglýsing þeirra, sem birtist á forsíðu í maí var þar að auki vitlaus. 

Þeri voru tveim árum of seinir að taka við sér, áttu alla möguleika að byggja þetta flug upp samhliða virkjunar og álversframkvæmdum.  Það tímabil var vikulegt flug til Kaupmannahafnar og fluttir 18000 farþegar milli Egilsstaða og erlendra flugvalla, mest til Kaupmannahafnar. 

Forstjórinn segir svo í viðtali við Vísi að þeir séu fljótir að bregðast við.  Það eina sem þeir eru sérstaklega fljótir við í að bregðast við, - er að leggja skottið mill fóta og læðast burt. 

Þetta er skólabókadæmi um mislukkaða markaðssetningu.

Iceland Express gefst upp á Egilsstöðum

Athugasemdir

[Benedikt V. Warén, 3.6.2008 kl. 14:09]

 

Af síðu Neytendasamtakanna:

15.5 Breytingar á ferð. Ferð aflýst

Breyti ferðaskrifstofa alferð áður en hún hefst á að tilkynna kaupanda um það svo fljótt sem unnt er. Ef um verulega breytingu er að ræða skal kaupandi tilkynna ferðaskrifstofunni svo fljótt sem unnt er hvort hann vilji rifta samningnum. Kaupandinn getur valið að fara ekki í ferðina svo breytta eða gert viðbótarsamning um ferðina með þeim breytingum sem ferðaskrifstofa tilkynnir. Ferðaskrifstofunni ber að upplýsa kaupanda, um leið og honum er kynnt breyting á ferð, að kaupanda beri að tilkynna án tafar hvort hann vilji rifta samningnum um ferðina eða ekki. Rifti kaupandi ferð vegna verulegra breytinga, sem gerðar hafa verið á henni eða hafi henni verið aflýst, þá á hann rétt á fullri endurgreiðslu eða fá í staðinn sambærilega ferð eða betri, geti ferðaskrifstofan boðið kaupanda upp á það.

Verði kaupandi fyrir tjóni vegna verulegra breytinga á alferð eða því að henni er aflýst, á hann rétt á skaðabótum nema að ferð sé aflýst vegna þess hvað fáir þáttakendur eru í ferðinni eða ófyrirsjáanlegar aðstæður valda því, sem að ferðaskrifstofa hefur ekkert með að gera og fær ekkert við ráðið, t.d. ef að styrjaldarátök brjótast út og ekki er hægt að lenda í viðkomandi landi á þeim tíma, sem ætlað var að fara í ferðina.

Liggi fyrir áður en ferð er farin, að hún er ekki í samræmi við samninginn og ferðaskrifstofan getur ekki bætt úr því, getur kaupandi krafist þess að verð fyrir ferðina sé lækkað eða rift samningnum sé verulegur brestur á að hann sé með þeim hætti, sem samið var um. Oft kann það að vera matskennt hvort að frávikin eru með þeim hætti, að þau heimili riftun. Það skiptir í því sambandi máli hvort það sem um ræðir hefði ráðið því, að kaupandi hefði ekki pantað ferðina ef annmarkarnir hefðu legið fyrir við pöntun hennar.

© Neytendasamtökin 2004