Flugferð í blíðunni.

Síðdegegis var TF-KLO dregin úr skýli, vegna þess að það nálgast guðlast að nýta sér ekki blíðu eins og í dag til flugs.  Farið var í loftið á braut 22 á Egilsstöðum og stefnan tekin út Héraðið og flogið með Dyrfjöllunum, niður í Njarðvík og teknir nokkrir hringir yfir Borgarfirði-Ey. 

Þaðan var ströndin rakin til Seyðisfjarðar og eftir nokkra dól þar, var klifrað upp úr þessum firði með aldamótarbænum og stefnan tekin til Hérað aftur.  Flogið var lágt yfir Fjarðarheiði og dýrð Héraðsins blasti við fyrr en varði.

Það var lækkað undan vindi fyrir braut 22 og við Tókastaði var beygt inn á langa lokastefnu.

Stutt ferð en frábær í yndislegu vetrarveðri, - eins og það gerist best á Íslandi. 

Athugasemdir

[Valur Stefánsson, 15.4.2008 kl. 19:08]

Sæll Pelli.

Já við erum ekkert betri en kýrnar á vorin.  Ég skrapp austur í Múlakot fyrir rúmri viku í blíðskapar veðri, frábært að sjá uppbygginguna þar, nokkur sumarhús í smíðum og einnig flugskýli.  STRáið stóð sig eins og hetja eftir vetrarlegu að sjálfsögðu.

[Benedikt V. Warén, 16.4.2008 kl. 08:45]

Sæll Valur. 

Þú ert kýr-skýr að fatta samhengið. 

En, - það er fátt sem jafnast á við góða flugferð, bæði skemmtileg og afslappandi afþreying.  Frábært að geta skoðað landið sitt úr lofti jafnt vetur sem sumar. 

Synd hve fáir geta notið þess.  

[Stefán Þór Helgason (IP-tala skráð) 17.4.2008 kl. 23:37]

Sæll Pelli,

Rakst hingað inn fyrir tilviljun, gaman af þessari síðu hjá þér. Ég get svo ímyndað mér að ferðin hafi verið góð, sérstaklega í svona góðu veðri einsog þú nefnir.

Bið að heilsa,
Stefán