Raðfréttir mbl.is um stóra ILS-málið á Akureyri

Það er viðtekin venja að fjalla mikið um mál, sem tengjast atburði eða atburðum líðandi stundar.  Þá er fjallað um þau á öllum fjölmiðlum og hver og einn fréttamaður reynir að nálgast málið á sinn hátt og velta upp mögulegum og ómögulegum vinklum málsins, - þ.e. segja sannleikann.

Það sem vekur athygli, að tvö fráhvörf þotu í millilandaflugi á Akureyri, vekur litla sem enga athygli nema í mbl.is, jafnvel fyrir þau miklu tíðindi, að níu farþegar komust ekki sína leið þann dag. Ekki er minnst á það einu orði, hvers vegna ekki var notast við   ILS- eða LLZ-búnaðinn til aðflugs í hina áttina, úr suðri. Ekki var annað að sjá, að það væri flugtæknilega gerlegt á þessum tíma.

Í þessum raðfréttum mbl.is, virðist það eitt vera markmið, að kalla eftir ILS-búnaði á 19 á Akureyrarflugvelli (úr norðri), en ekki reynt á nokkurn hátt að fá álit sérfræðingu um nauðsyn þess.  

Pólitískir réttrúnaðarkúskar eru ekki sérfræðingar í ILS-búnaði, þó þeir hafi að sjálfsögðu sama rétt og hinir að hafa skoðun.  Merkilegtast við öll þessi skrif, að hversu djúpt er á öðru sjónarhorni en ILS-búnaðar-vöntun hjá raðfréttaritaranum.

Til dæmis var fundur ISAVIA um flugmál, á slóðinni: https://www.isavia.is/frettir/innanlandsflug-a-timamotum-%E2%80%93-morgunverdarfundur-isavia/1680

Högni Ómarsson flugstjóri er þar á tímalínunni 2:21:30 með áhugavert innskot, sem hvergi hefur veriið birt.  Þar dregur hann í efa að ILS-búnaður hefði einhverju bjargað í síðasta tilfellinu á Akureyrarflugvelli.

Ég leyfi mér hér með einnig að setja inn tvær leikmannafærslur Þórhalls Pálssonar af Facebock.

 

Verði búin blindflugsbúnaði í október

Athugasemdir

[Benedikt V. Warén, 22.1.2018 kl. 13:16]

Einkennileg vinnubrögð

• ,,Stór verk­efni í milli­landa­flugi eru í hættu ef ekki fæst vil­yrði fyr­ir svo­kölluðum blind­búnaði (ILS) á Ak­ur­eyr­arflug­völl, inn­an mánaðar. Þetta seg­ir Arn­heiður Jón­as­dótt­ir, fram­kvæmda­stjóri Markaðsstofu Norður­lands. Hún get­ur ekki gefið upp hvaða fyr­ir­tæki eiga í hlut annað en að um milli­landa­flug er að ræða".

Vissi þetta fólk ekkert um þessa vankanta áður en farið var í það að fá þessa bresku ferðaskrifstofu og flugfélag til skipuleggja ferðir til Akureyrar um hávetur???

 

Kristbjörn Árnason 

https://kristbjorn45.blog.is/blog/kristbjorn45/entry/2209912/

[Þórhallur Pálsson, 22.1.2018 kl. 15:45]

Gamalt máltæki segir að trúin flytji fjöll, en það virðist ekki lengur eiga við núorðið.  Nú er töfraorðið ILS.  Enn meiri aðflugsbúnaður á að bjarga því að unnt sé að lenda á flugvelli sem er rækilega fjöllum kringdur.  Þó er þar fyrir ekki einn búnaður af því tagi, heldur tveir !  Allt er þá þrennt er.
En eftir sem áður eru fjöllin þarna og það yrði seinlegt verk að moka þeim niður, þannig að aðflug og fráflug frá þessum velli yrði með sæmilega viðunandi móti.
Túrisminn á Akureyri beinist aðallega í austur. Auk búðanna í bænum er það Mývatn sem er aðal segullinn fyrir ferðamenn.
Nú vill svo til að í aðeins rúmlega sömu fjarlægð frá Akureyri er annar flugvöllur sem ekki er fjöllum kringdur svo að það komi niður á öruggum flugsamgöngum. Þessi flugvöllur er opinn alla daga ársins, dag sem nótt. Það er fátítt að veður hamli flugi þangað og þaðan.  Það hlýtur að verða niðurstaða skynsamra manna að betra sé að beina millilandaflugi þangað, hvort sem er að sumri eða vetri. Helstu bílaleigufyrirtæki landsins eru með bækistöðvar við þennan flugvöll og Hringvegurinn er alveg nákvæmlega jafn langur, sama hvar ferðin á honum hefst. Og þaðan er ekki bara Mývatnssveitin innan seilingar, heldur annar helsti ferðamannasegull um landið austanvert:  Jökulsárlón.

[Benedikt V. Warén, 22.1.2018 kl. 18:19]

Þegar virkjanafrakvæmdir við Kárahnjúka og við álver á Reyðarfirði stóðu sem hæst, var mikið flug þota erlendis frá til Egilsstaða.  við mjög þröngan kost voru allar þessar vélar afgreiddar.  Samhentir starfsmenn unnu þar þrekvirki við afgreiðslu vélanna.  Ekkert flug féll niður allan þann tíma.  Þó var brautin ekki lengd, flugstæðið eins og það er og einungis einn ILS-búnaður.  Bílastæðið fékkst ekki malbikað, vegna fjárskorts. 

[Benedikt V. Warén, 22.1.2018 kl. 18:34]

Samkvæmt frétt frá stjórnarráðinu 5.juní 2007

"Norðanflug ehf. hóf á sunnudag reglulegt fraktflug milli Akureyrar og Belgíu. Áætlað er að fljúga þrjár ferðir í viku og er önnur ferðin farin í dag, þriðjudag. Norðanflug er nýtt fyrirtæki í eigu Samherja, Saga Capital bankans og Eimskips."

https://www.stjornarradid.is/efst-a-baugi/frettir/stok-frett/2007/06/05/Fraktflug-hafid-fra-Akureyri/

Það gekk brösulega og lengd flugvallarins var kennt um.  Farið var í kostnaðarsamar framkvæmdir á Akureyrarflugvelli til að sníða þá annmarka af og brautin lengd verulega.  Hvað hefur síðan gerst í útflutningi á fiski frá Akureyrarflugvelli?

[Gambri (IP-tala skráð) 23.1.2018 kl. 21:23]

Það er löng saga fyrir því, að engum á Austurlandi hefur gagnast að kynda elda hrepparígs.

Það gagnast heldur ekki í baráttu fyrir hagsmunum flugöryggis á Íslandi. Það er rík þörf fyrir varaflugvelli á Egislsstöðum OG Akureyri, með tilheyrandi búnaði.

Þetta veistu allt saman, Pelli.

[Benedikt V. Warén, 23.1.2018 kl. 23:49]

Gambri.

Hafir þú hundsvit á flugöryggi, þá veistu mæta vel hvaða flugöryggi felst í því að setja upp ILS-búnað á 19 fyrir BIAR og hvernig veður er í firðinum þegar sú braut er í notkun.  Hrepparígur er saklaust grín miðað við önnur meðul, sem oft eru notuð til að ná sínu fram.  Það tel ég þig vita, þó erfitt muni fyrir þig að kyngja því.