Er ekki nokkuð seint í rassinn gripið?

Nú virðist orðin tíska hjá nokkrum einstaklingum í landinu, að mótmæla verkefnum á lokastigi þeirra og krefast þess að verki verði stöðvað samstundis.

Kísilver og Þeistareykjavirkjun krafan um að stöðva línulögn, þegar framkvæmdin er á lokastigi.

Laxeldi í Reyðarfirði, þegar fyrstu laxarnir eru komnar í kvíarnar.

Fosshótel í Mývatnssveit, þegar fyrstu gestirnir eru komnir í hús.

Hvað er að þessu fólki sem stendur að þessum mótmælum?  Er þetta athyglissýki?

Lái mér hver sem vill, að mér detti í hug sagan af heimsku konunni:

Í höfuðstaðnum var kona sem átti svo vangefinn son, að ekki var viðlit að kenna honum nokkurn skapaðan hlut. Einn daginn tók hún það ráð að heimsækja lækni sinn.   Þar sem hún sat á móti lækninum, stundi hún upp erindinu.

-Ég þarf fóstureyðingu.
-Jæja Gunna mín er nú svo komið fyrir þér?
-Já og það má ekki dragast meir úr þessu.
-Já, - en hann Steini þinn dó fyrir þremur árum, hvernig kom þetta til?
-Hvað kemur þetta Steini við?
-Ja sko, - ég velti bara fyrir mér hvernig þetta hafi komið til, þú á sjötugsaldri. Auðvitað er hollt er að stunda allskonar líkamsrækt, en það verður að hafa í huga afleiðingar og grípa til viðeigandi ráðstafana á réttum tímapunkti.
-Gert er gert. Er hægt að fá fóstureyðingu eða ekki?
-Já, svosem, - ehh..... Er ekki rétt að ég skoði þig og sjái hvað þú ert langt gengin
-Langt gengin? Er ekki í allt lægi með þig. Það er ekkert að mér. Ég þoli þetta barasta ekki lengur. Ég þarf að losa mig við drengsfáráðlinginn, - og það strax.

 

 

Ákvörðun Skipulagsstofnunar ógild

Athugasemdir

[Jós.T. (IP-tala skráð) 7.7.2017 kl. 15:27]

Þegar framkvæmdaaðilar sækja bara um hjá þeim sem þeir vita að gefa samþykki og æða svo af stað í framkvæmdir með helming nauðsynlegra leyfa, jafnvel áður en kærufrestur er liðinn, verða þetta viðbrögðin. Þegar málið kemur á borð þeirra sem um það áttu að fjalla eru framkvæmdir stöðvaðar. Framkvæmdaraðilar taka sjensinn á því að enginn geri neitt ef staðið er frammi fyrir orðnum hlut. Halda að enginn segi þeim að fjarlægja hótelið ef það er komið á staðinn. Stundum virkar það og stundum ekki.

[Benedikt V. Warén, 7.7.2017 kl. 16:27]

Sæll Jós.T.

Hvenær var kærufrestur liðinn, vegna hótelbyggingarinnar?

[Benedikt V. Warén, 7.7.2017 kl. 16:40]

Íslenska kerfið er þannig uppbyggt, að það þarf að fara um víðan völl til að sækja um leyfi til að framkvæma.  Flækjustigið eitt í umsóknarferlinu, ætti að nægja til hindra menn í að fara í framkvæmdir á Íslandi.

Ef hlutirnir væru eðlilegir, ætti að vera um einn stað að ræða til að sækja um.  Sá staður kallar síðan eftir athugasemdum og ábendingum inn í stjórnsýslunni og til þeirra er málið varðar eftir eðli starfseminnar.

Eins og þetta er, líkist þett helst tölvuleik.  Það þarft stöðugt að komast áfram í leiknum og hoppa inn á nýtt borð til að fá framvindu í málið.  Lítið sem kkert í ferlinu hjálpar.