Mínir menn taka slaginn......

.....gegn úrtöluliðinu með samsæriskenningarnar. 

Einar Benediktsson varar menn við, telur kínverja vera að leita að heppilegu hafnarstæði þegar norðurleiðin opnast.  Grímsstaðir á fjöllum kemur þar sterk inn að mati þessa fyrrverandi sendiherra þjóðarinnar. 

Jón Valur Jensson ofurbloggari stendur þessum sendiherra ekkert á sporði, telur kínverjana geti smyglað inn hlutum og búnaði til að setja upp stórfellda vopnaframleiðslu á Grímsstöðum og í framhaldinu náð undirtökum með vopnavaldi.

Það er ekki ónýtt að eiga svona ljósálfa, sem svífa um og sjá allt ljóslifandi, sem okkur hinum er gjörsamlega hulið.

Stofnaðili að félagi um kaup á Grímsstöðum

Athugasemdir

[Óskar Helgi Helgason (IP-tala skráð) 17.5.2012 kl. 20:17]

Heill og sæll Benedikt; æfinlega !

...... og ekki má gleyma ''snillingnum''  Ögmundi Jónassyni, meðal grátkórs meðlima, þeirra Einars og Jóns Vals, síðuhafi góður.

Með beztu kveðjum; sem jafnan, á Austurlandið, úr Árnesþingi /

[Stefán Stefánsson, 17.5.2012 kl. 21:43]

Ekki myndi ég vilja skrifa undir óútfylltann víxil og er ekki hissa á þeim sveitarfélögum sem velja að vera ekki með.

Það liggur ekki fyrir nein viðskiptaáætlun og vantar allar upplýsingar og virðist vera aðalatryði að keyra þetta í gegn með sem minnstum upplýsingum.

Einfaldast er að hann leigi landið bara af núverandi landeigendum á sömu forsendum og Bergur Elías ætlar að gera.

[Benedikt V. Warén, 18.5.2012 kl. 16:22]

Óskar þakka innlitið. Ögmundur fellur vel í kramið hjá þessum ljósálfum.

Stefán. Hvaða áhætta er fólgin í þessu? Fljótsdalshérað er að leggja í "púkkið" 100.000.- IKR. Í versta falli er það jarðarverðið sem kemur til þess að falla á sveitarstjórnir og ætti ekki að vera ónýtt að eiga jörð á besta stað á Íslandi, ef marka má skrif sérfræðingana í samsæriskenningumsem nefndir eru hér að framan. Fleiri falla í þann flokk.

Endurtek hver er áhættan?