Þar sem háir hólar, - hálfan þingmann fylla.

Ef þessi jarðgöng verða grafin núna, munu þingmenn vera að endurskilgreina hvað kallast eigi fjallvegir á Íslandi. 

Með því að samþykkja að grafa göng undir Vaðlaheiðina, sem ætlað er að leysa af hólmi þann gríðarlega farartálma norðlendinga, - Víkurskarð, eru ný viðmið sett um hvað skal flokkast sem fjallvegur.  Víkurskarð er um 325 metrum yfir sjó.  

Þá hljóta sömu þingmenn, hér eftir, vera að stuðla að því að jarðgöng skulu grafin, ef fjallvegurinn er 325 metrum  yfir sjó eða meira. 

Ekki trúi ég öðru en að þetta gildi utan Eyjafjarðasvæðisins einnig.  Á Austurlandi lítum við björtum augum til framtíðarinnar. 

Ný göng milli Vopnafjarðar og Héraðs, Seyðisfjarðar og Héraðs, göng milli Norðfjarðar og Eskifjarðar, ein milli Eskifjarðar og Héraðs, milli Djúpavogs og Héraðs og undir Lónsheiðina.

Hélt að það væri langt til kosninga, en samt virðast sumir þingmenn vera að komast í kosningagírinn, - fullir áhuga á verkefninu.....skál....! 

Framkvæmdin sjálfbær

Athugasemdir

[drilli, 9.11.2011 kl. 22:33]

ja nú erum við sammála félagi. Mæl þú manna heilastur.

[Benedikt V. Warén, 9.11.2011 kl. 23:28]

Drilli, - nú er ég aldeilis í vondum málum.  Kíktu inn á http://mofi.blog.is/blog/mofi/entry/1203254/ 

[drilli, 11.11.2011 kl. 01:40]

Þú mátt ekki gera grín að þessu mofi-fólki.

Það er bara svona. Hvers vegna er ekki gott að vita.

Ég er reyndar 9. dags premonisti en hef ekkert verið að flíka því.

[drilli, 11.11.2011 kl. 01:57]

Kíkti aftur á the mofo´s.

Er þetta lið allt meira og minna snargeggjað ?