"Eru ekki enn lausar lóðir á Jótsku Heiðunum, - Magga mín?"

Af hverju talar Össur bara ekki við Margréti Þórhildi og segir henni að þetta með Jón Sigurðsson hafi verið eitt alsherjar klúður og misskilningur og við séum hættir við allt sjálfstæðisbrölt og viljum koma heim aftur.

Hvað er hann að rugla í pólitískum milliliðunum?  Auðveldast að ganga dönum á hönd og taka upp þráðinn sem frá var horfið með því að tala við drottininguna beint.

Heitir þetta kanski landráð? 

Hvað heitir hitt þá að afsala sér sjálfsstjórninni til ESB án samþykkis þjóðarinnar?

Heita fullum stuðningi

Athugasemdir

[Garðar Valur Hallfreðsson, 2.11.2011 kl. 18:12]

Össur er að mínu mati veruleikafirrtur.  Ég skil ekki af hverju þeir geta ekki sett þetta ferli í salt og tekið það upp að nýja seinna (ef þjóðin vill það yfir höfuð).  ESB er í glundroða í dag og það er algjör fásina að halda þessu ferli til streitu.

[Benedikt V. Warén, 2.11.2011 kl. 18:22]

Sammála Garðar.

Samfylkingin er eins og Bakkabræður.  Þeir byrgja alla glugga og reyna svo að bera sólskin í bæinn með fötum. 

Með öðrum orðum; þeir loka að sér og hlusta ekki á þjóð sína og halda að regluverkið sem þeir sækja í fötuvís til ESB bjargi öllu hjá okkur, reglugerðafargan sem í sumum tilfellum gerir illt verra og í besta falli ekkert nema auka skrifræðið (lesist; flækjustigið).

Þegar allt er ein rjúkandi rúst, bæði innanlands og utan, er eitthvað annað sem kallar á aðgerðir en þetta bjevítans umsóknarrugl.

[Sleggjan og Hvellurinn, 2.11.2011 kl. 22:26]

Meirihluti þjóðarinnar vill klára ferlið. Það er bara þannig.

[Benedikt V. Warén, 3.11.2011 kl. 08:27]

Meirhluti þjóðarinnar vill ekki ganga í ESB, - samkvæmt könnunum.  Það er því tvískynnungur að vilja halda áfram ferlinu.  Það sem ruglar almenning í ríminu er að ríkisstjórnnin er ítrekað búin að ljúga því að þjóðinni að aðeins sé um könnunarviðræður að ræða.  Þetta gengur þvert á það sem er sagt hinu megin við borðið.  Það er ekki hægt að "kíkja í pakkann".  Enda er verið að aðlaga allt regluverk Íslands að regluverki ESB, sem ekki ætti að þurfa nema verið sé að sækja um inngöngu.

[Sleggjan og Hvellurinn, 3.11.2011 kl. 12:54]

Það er ekki tvískynnungur að halda ferlinu áfram þegar meirihluti þjóðarinnar vill klára ferlið.

http://www.ruv.is/frett/meirihluti-vill-klara-vidraedurnar

Svo verður kosið um samninginn og við skulum þá sjá til hver hefur betur.

Ef ESB er svona neikvætt og allt ömurlegt sem kemur þaðan þá ættir þú ekki að hafa áhyggjur af JÁ-inu.