Kökubakstur og einkaflug

Fyrir nokkru rataði það í fréttir að nokkrar mæður á Akureyri áformuðu að baka muffins til að selja og gefa ágóðann til góðgerðamála.  Sama var upp á teningunum þegar mæður skáta á Egilsstöðum áformuðu bakstur til ágóða fyirir skátastarfið.  Fréttin var semsagt sú, að heilbrigðisyfirvöld stoppuðu gjörninginn vegna þess að það var ekki stoð fyrir því í lögum og ekki leyfilegt að nýta eldhúsið heima til að framleiða afurð til sölu.

Undanfarin ár hafa Dalvíkingar verið með magnaða fiskiveislu og boðið heim.  Fiskurinn er matreiddur í eldhúsinu heima og gefinn gestum og gangandi.  Enginn hefur amast við þessu.

Hver er munurinn?  Sama eldhúsið og sömu mæður leggja sig í verkið.  Sælla er að gefa en þyggja en er eitthvað hættulegra að selja en að gefa.  Gera sýklar greinamun á seldri vöru og gefinni?  Er þetta ekki frekar skattamál en heilbrigðismál?
Afsökunin er tilskipun frá ESB.

Nú hefur landbúnaðarráðherra tekið í taumana og undanþága hefur verið veitt fyrir þessum „glæp“.

Einkaflugmenn hafa flogið um loftin blá á flugvélum sem flestar eru smíðaðar í Bandaríkjunum.  Nú hafa þeir í Brussel komist að því að það er stórhættulegt að fljúga flugvélum sem hafa ekki réttann stimpil frá „kerfinu“ í Evrópu.  Semsagt flugvélar sem hafa flogið lukkulega um loftin blá í tugi ára eru nú allt í einu hættulegar vegna þess að þær hafa ekki rétt útfylltu pappírana.  Hvað breytti skyndilega flughæfi þessara loftfara?
Það er tilskipun frá ESB.

Með réttu eyðublöðunum er auðvelt að auka flughæfi flugvéla aftur.  Það stríðir hins vegar gegn lögmálunum um loftflæði um vænginn, sem fram að þessu hefur þótt gott lögmál.  Eyðublaðaúrvinnslan útheimtir hins vegar talsverða vinnu og það kostar fúlgur fjár. 

Eyðublaðabunkinn um eina eins hfeyfils flugvél er eins og um Júmbóþotu í farþegaflugi.  Þetta getur ekki talist eðlilegt og er að ganga að einkafluginu dauðu með þessum auknu álögum.   Ekki verður í fljótu bragði séð, að eyðublöð auki flugöryggi svo neinu nemi.

Ísland er langt frá landamærum annarra Evrópuríkja og líkur á að einkaflugmann lendi óvart innan landamæra annars ríkis þar með engar.  Þetta skilja reglugerðasmiðir í Evrópu ekki og það sem verra er að það eru 63 þingmenn á Íslandi sem skilja þetta ekki heldur.  Þeir sóttu því ekki um undanþágu frá þessu regluverki á sínum tíma hjá ESB.

Er einhver von til þess að innanríkisráðherra feti í fótspor flokksbróður síns og vindi ofan af þessu rugli, sem lítið sem ekkert á skylt við flugöryggi?

Orðalag vegna Nató mildað

Athugasemdir

[Kristján B Kristinsson (IP-tala skráð) 30.10.2011 kl. 13:57]

Ég er hræddur um það Benedikt að Innanríkisráðherra geri ekki nokkurn skapaðan hlut ótilneyddur, það er verkefni okkar sem viljum halda lífinu í einkafluginu að berjast fyrir því.

[Benedikt V. Warén, 30.10.2011 kl. 14:08]

Sæll Kristján.

Ég legg til að allir flugmenn sameinist um það, að taka ekki á loft með nokkurn stjórnmálamann innanborðs, fyrr en þessum málum verði komið í fyrra horf. 

Gildir þá einu hvort stjórnmálamennirnir eru að fara í einkaerindum eða vegna vinnu sinnar, innan lands eða utan, með áætlunar-, leigu- eða einkaflugi.

[Kristján B Kristinsson (IP-tala skráð) 30.10.2011 kl. 15:00]

já það er góð hugmynd ættum við þá ekki að hóa saman liðinu og funda um málið, verði tillaga þín samþykkt þá er ekkert annað en að auglýsa flugbann á pólitíkusa, best hefði verið að þeir væru allir staddir í útlöndum þegar það skylli á til að þeir yrðu strandaglópar og við værum laus við þá um tíma.

[Sigurður Þorsteinsson, 30.10.2011 kl. 16:01]

Mjög gott innlegg. Félagslegt framlag þeirra sem baka og gefa til þess að láta gott af sér láta er seint oflofað.

Nú hefur Ómar Ragnarsson verið innlimaður inn í Samfylkinguna og hann hefur mikinn áhuga á flugi ekki ónýtur bandamaður fyrir einkaflugið. 

[Benedikt V. Warén, 30.10.2011 kl. 17:36]

Sæll Sigurður þakka þitt innlegg. 

Ómar er til alls vís og "traktor" í því sem hann tekur sér fyrir hendur.  Hefði þó frekar vilja sjá hann halla sér að VG.  Þá hefði hann a.m.k. komist nær Ögmundi.