Er það áhættunar virði að lifa?

Það er orðið ögn sérstætt að lifa í þessum heimi.  Hingað til hefur hver og einn verið sinnar gæfu smiður.  En nú er öldin önnur.  Endalaust spretta upp hópar, sem hafa það að atvinnu að bera þessar byrgðar fólks, - gegn vægu gjaldi.  Hópar þessir eru á ríkiframfæri og stækka með ógnarhraða. 

Það má ekki fljúga einkavélum, nema fylla út bílfarma af pappír, sem raða á í hillur skrifstofufólksins, sem er að fórna sér fyrir einkaflugmenn.  Auðvitað er það í nafni flugöryggis.  Ef fyllt er rétt út í öll form á A4 pappírnum, geta menn áhyggjulaust flogið um allt.  Þvílíkur lúxus.  Verst að það kostar álíka mikið og sú upphæð sem maður hefur fram að þessu leyft sér í þann munað að stunda einkaflug. 

Auðvitað er flugöryggið framar öllu og þegar búið er að fylla út alla pappíra, borga fyrir skýrteini og endurnýjun, fá árlegt læknisvottorð, ársskoða flugvélina og borga bæði fyrir skoðun og endurnýjun, þá er dæmið orðið það dýrt að maður fer hvergi. 

Getur öryggið orðið meira í flugi.  Ekkert flug = ekkert flugslys. 

Þetta sér náttúrulega hver heilvita maður að þetta gengur alveg upp.  Tilgangurinn helgar meðalið og fyrirhyggjan alsráðandi.

Ísland er langt úti í hafi, umkringt náttúrulegum landamærum, langt til næsta lands.  Þrátt fyrir alla þessa papísvinnu, þurfum við enn að undirgangast ströng skilyrði til að fljúga milli landa.  Við þetta ósanngjarna kverkatak yfirvalda á einkafluginu, hefur ekkert verið slakað á þessum kröfum.  Því spyr maður til hvers eru þessar kröfur gerðar til einkaflugmanna?  Þeir eru fullkomlega heimaskítsmát hvort eð er og fara ekki utan. 

Fyrir hverja eru þá þessar reglur? Spyr sá sem ekki veit.  Er þetta gert í þeim eina tilgangi að skaffa vinnu hjá Flugmálastjórn Íslands?  Hvaða aðrar hvatir lyggja þarna að baki? 

Er furða þó maður velti fyrir sér.  Er það áhættunnar virði að lifa á þessum síðustu og verstu tímum?  Jú, - auðvita er það þess virði.  Sérfræðingarnir sjá um að ekkert hendi okkur sauðsvartan almúgann, - gegn gjaldi.

Evrópureglugerð kyrrsetur flug

Athugasemdir

[Örn Ingólfsson, 30.10.2011 kl. 05:41]

Já svona er þetta og hefur verið síðan að Lufthansa var ekki veitt leyfi til að fljúga til Íslands fyrir síðustu heimsstyrjöld út af einhverjum hræðsluáróðri vissra flokka á þeim tíma og ekki veit ég betur en að fyrsti forseti okkar hafi sent yfirvöldum bréf um áhyggjur af njósnum á Íslandi fyrir stríðið að mig minnir og jú að er alveg satt Benedikt að öryggið skal ávallt vera fyrst og fremst en svo má líka öllu ofgera, en þá er bara best að halda kjafti svo að einkaflugmenn verði ekki grándaðir fyrir kjaft því að það eru kjaftaskar sem að lepja öllu til þeirra innan ykkar raða og líka í  atvinnufluginu og þess vegna verðið þið að finna það út hverjir þessir vesalingar eru sem að eru á snærum þeirra! Það er ekki erfitt því að smá njósnastarfsemi kostar ekki neitt einfalt eftirlit og þá minnka upplýsingarnar þegar að þessir kjaftaskar vita af njósnum og eða einhverju öðru! Þetta voru bara punktarnir mínir en því miður er það svo að æviráðningin gildir á þeim slóðum sem ráða og þá er ekki aftur snúið að reyna að koma einhverju nýju á og ef að þið mynduð kynna ykkur lög og reglur um flug þá gætuð þið mátað þessa menn(konur) því það hefur sýnt sig þegar að spurt er um hvaða reglugerð og eða lög þá standa þessir aðilar mjög oft á gati!!! Og endilega fá það skriflegt á staðnum og stimplað af hverju loftfarið er grándað (kyrrsett) og helst að það sé með stimpli sem að er stimplaður á staðnum í votta viðurvist og helst hafa þá Lögregluna með til að votta ykkar kæru á gjörningnum!

Örninn

[Benedikt V. Warén, 30.10.2011 kl. 10:20]

Sæll Örn og þakka innlitið.

Það skiptir ekki lengur máli hvort maður rífur kjaft eða ekki, það er hvort eð er nánast búið að "gránda" einkaflugmenn með reglugerðafargani.

Ruglið er toppað með því að stoppa vélar sem hafa flogið í tugi ára án áhugasemda.  Þarna er í raun verið að setja lög og reglur sem gilda aftur fyrir sig.  Það hefur aldrei þótt góð latína.

Öll lög og allar reglugerðir hafa það að markmiði, að laga til og skilgreina einhver tilgreind vandamál.  Lög og reglugerðirr skal ekki setja til þess eins, að vera íþyngjandi fyrir þann hóp sem þau taka til.  Hér virðist það hins vegar vera þungamiðjan.

Flugslysum hefur fækkað undanfarið með þjálfun og bættri vitund einkaflugmanna, en auðvita má alltaf alltaf gera betur. 

Er einhver von að slysum fækki í flugi við þessar ESB-aðgerðir?  Ef svo er, - hvernig er það rökstutt?

[Ómar Ragnarsson, 30.10.2011 kl. 14:00]

Fín hugvekja hjá þér. Þetta fargan á að stuðla að flugöryggi en ef svo fer fram sem horfir mun það til dæmis verða þannig hjá mér, að í stað FRÚarinnar mun ég neyðast til að taka mitt örlitla fis, Skaftið, ofan af sýningarstað tínum á samgöngusafninu í Skógum og fljúga því í staðinn.

Þetta er opið 120 kílóa flygildi með litlum tvígengishreyfli og niðurstaðan hvað mig varðar verður sú að fljúga því í þágu flugöryggis í Evrópu!  Hvílík dýrð og hvílík dásemd !

[Benedikt V. Warén, 30.10.2011 kl. 18:10]

Veit ekki hvert þetta stefnir Ómar. 

Er ekki rétt að hver flugmaður fyrir sig, taki upp flugvélahljóð sinnar vélar, hópurinn fari síðan vopnaðir hljóðmaögnurum og hátölurum niður að Alþingi og síða verði "ræst" á Austurvelli.