Tilnefnum nýjan höfuðstað fyrir Ísland

Íslendingar eru um 340 þúsund og 500 þúsund farþegar fljúga í innanlandsflugi, flestir til og frá Reykjavík.  Þess verður ekki langt að bíða að hver íslendingur fljúgi að meðaltali, tvisvar á ári  í innanlandsflugi.  Nú er búið að koma málum þannig fyrir, að öll helsta þjónustan, hverju nafni sem hún kann að nefnast, er í Reykjavík ásamt bráðaþjónustu í heilsugeiranum og því þurfa samgöngur að vera á háu plani til höfuðstaðarins.

Í ljósi þessa, er það ótrúlegt að nokkrum hugsandi manni skuli detta það í hug, að leggja niður flugvöll í miðbænum í Reykjavík. Engin höfuðborg mundi svo mikið sem leiða hugann að því að senda aðal járnbrautarstöðina 45 km út fyrir miðbæinn?  Flugvöllurinn í Vatnsmýrinni er aðalsamgöngumiðstð Íslands og ber að umgangast flugvöllin sem slíkan.  Það fylgir nefnilega vandi vegsemd hverri og það að vera höfuðborg ríkis táknar það að hún þarf að sýna sínum minnstu bræðrum verðskuldaða virðingu, - ekki hroka.

Nú er komið að endamörkum í þolimæði gagnvart þröngsýnum, hrokafullum stjórnendum Reykjavíkurborgar, sem eru stútfullir af yfirþyrmandi smáborgarahætti og því tímabært að tilnefna nýjan höfuðstað á Íslandi. 

Það er ekkert lögmál að einn staður beri það sæmdarheiti til frambúðar.  Eingöngu einföld ákvöðrun íbúa Íslands um að breyta til.

Ræddu um Reykjavíkurflugvöll

Athugasemdir

[Bjarni Kjartansson, 12.11.2010 kl. 19:42]

Það er á valdi Alþingis og vonandi mun vera gerð sú grundvallar breyting á Stjórnaskrá, að þar verði tekin af allur vafi um, að ætíð í kosningum skulu vera JÖFN atkvæði en að fjöll og dalir skuli ekki fara með atkvæðisrétt.

Einn maður eitt atkvæði er ekki bara eðlileg krafa, heldur grunnur siðaðs þjóðfélags

[Benedikt V. Warén, 12.11.2010 kl. 21:26]

Ef jafna á atkvæðisréttinn, verður einnig að jafna aðra hluti.  T.d. eiga fjármunirnir að verða eftir í því sveitarfélagi sem þeirra er aflað, og öll sveitarfélög greiði til sameiginlegra þarfa eftir höfðatölureglu, sömu krónutöluna.

Getum við verið sammála um að það sé sanngjarnt?

[Magnús Sigurðsson, 12.11.2010 kl. 21:49]

Mér lýst vel á að Neskaupstaður verði gerður að höfuðborg Íslands til eilífðar.   Hver maður hafi eins mörg atkvæði og honum sýnist.  Það skiptir hvort því sem er engu hvað er kosið "flokkurinn" verður áfram við völd. 

Annar verð ég að segja það eins og er að mér lýst vel á að samgöngumiðstöðvar ruglið hafi lagst af í bili nóg komið af verðausum fastignum.  Reykvíkingar eiga eftir að átta sig betur á hverskonar lúxus er að hafa flugvöll í miðri borg.  Sérstaklega ef þeir þurfa austur á Neskaupstað til læknis þá getur leiðin til Keflavíkur orðið löng.

[Sigurður Sigurðsson, 13.11.2010 kl. 01:15]

Hmmm merkilegt en mér finnst nú ekkert séstaklega langt til Keflavíkur. Ég 15-20 mín úr Grafarvogi á flugvöllinn en ca 45 mín í Keflavík. Voðalega viðkvæmni er þetta þó að við Reykvíkingar viljum gjarnan fá að ráða skipulagsmálum í borginni.

[Magnús Sigurðsson, 13.11.2010 kl. 09:36]

Þetta er hárrétt athugað hjá þér Sigurður, ég get vottað það bjó það lengi í Grafarvoginum.  Þetta eru því 50-60 min frá Keflavik á Landsspítalann, 60 min frá Egilsstöðum til Reykjavíkur, 60 mín frá Neskaupstað í Egilsstaði.  Eða öfugt, ef Neskaupstaður verður höfuðstaður "heimskunnar".  Kannski betra að ætla sér dag eða svo í viðtalið hjá lækninum og 2-3 tíma í Keflavíkurkrókinn auk ferðakostnaðar.  Nema að þú vitir um fríar ferðir á milli Keflavíkur og Reykjavíkur?

[Benedikt V. Warén, 13.11.2010 kl. 20:20]

Sigurður.  Ykkur er guðvelkomið að ráða ykkar málum í skipulaginu.  Það er þó óþarfi að ryðjast inn á lóð ríkisins með hugmyndir sem koma landsbyggðinni illa, þegar nýbúið er að endurbyggja allar flugbrautir með ærnum kosntnaði. 

Landið sem er undir flugvellinum er að bróðurparti í eigu ríkisins.  Veit ekki alveg hvernig á að ná því.  Með eignarnámi?  Þar þarf ríka almannahagsmuni til að það gangi fram.

[(IP-tala skráð) 13.11.2010 kl. 20:25]

Já það er alveg með ólíkindum að vilja endilega koma flugvellinum í burtu. Og mikið held ég að margur Rvíkingur mundi skipta um skoðun ef flytja ætti þá út og suður á sjúkrahús eða vegna læknaheimsókna. Ég hef þrisvar þurft að fara með fjölskyldumeðlim í  ferðalag/flug til að komast á hátæknisjúkrahús og hefði ekki viljað lifa aukaklukkustund í ferð frá Keflavík til Reykjavíkur því þetta var allt að vetri til og  ekki aðstæður fyrir mikinn forgangsakstur að neinu tagi milli KEF og Rvík. 

Það virðist sem að mörgum í borginni sé alveg fyrirmunað að sjá að þessi flugvöllur er miklu meira en bara staður til að fljúga frá eða að, að þetta snýst ekki bara um ferðalög landans. Heldur snýst þetta að svo miklu leiti um það að gera öllum íslendingum kost á að njóta höfuðborgarinnar,að gefa okkur öllum kost á bráðaþjónustu með sem styttstum tíma þegar líf liggur við, að gera það sem auðveldast fyrir landsbyggðina að eiga samskipti við borgina og fyrir borgarbúa að njóta landsbyggðar. EF flugvöllur fer úr vatnsmýrinni þá mun ég og flestir sem ég þekki ekki eiga neitt erindi í borgina og við munum setja allan okkar þunga á að hátæknisjúkrahús verði byggt upp á Akureyri,  að mikill hluti opinberrar þjónustu verði miðsvæðis á landinu þ.e á Akureyri því það getur ekki annað en verið sanngjarnt fyrir alla landsmenn. Nú hvað varðar verslun og slíka þjónustu þá er auðvitað miklu betra að safna saman í leiguflug frá Egilsstöðum og skreppa til annara land, ekki meira mál  nú en áður, enda starfsmannafélög í æfingu hvað það varðar.

[Sigrún Jóna (IP-tala skráð) 13.11.2010 kl. 22:28]

Auðvitað á flugvöllurinn að vera þar sem hann er.

Hvað varðar hver er höfuðborg Ísland, þá tel ég að það eigi frekar að miða við hvar alþingi er og landsbyggðinni er guðvelkomið að fá alþingi með þingmönnunum öllum með tölu, til sín.

Landsbyggðin má meira segja flytja það á milli við hverjar alþingiskosningar, svona til að gera öllum til hæfis

[Sumarliði Einar Daðason, 14.11.2010 kl. 02:58]

Er ekki bara besta lausnin að vera með hátæknisjúkrahús, fangelsi og flugvöll á Hólmsheiði?