Benedikt V. Warén

Dapurlegt er að verða vitni að vinnubrögðun Alþingis og þeim grímulausu árásum, sem á hinar dreifðu byggðir landsins mega þola, af hálfu núverandi ríkisstjórnar.

Austurlandsfjórðungur er t.d. afgangsstærð þegar kemur að framkvæmdafé frá Alþingi og hann er ítrekað niðurlægður af þeim sem hafa húsbóndavaldið á Alþingi hverju sinni.  

Ósannur áralangur þvættingur um að Fjarðaheiðagöng þjóni einungis fámennu byggðarlagi á útnára landsins, sem skilja má þannig, að þangað ætti enginn vitiborinn maður erindi.  Það hefur því miður fest sig í sessi hjá illa upplýstum lýð landsins.

Þetta er alveg í takt við hróp andstæðinga á sínum tíma, gegn stóriðjuáformum á Austurlandi.  Í því samhengi töldu nokkrir að Austfirðingar vildu drekkja öllum gæsunum á hálendinu vegna virkjanaframkvæmdanna.  Þar og að auki var þeim borið það á brýn að ætla að hrekja hreindýrin af burðarsvæði sínu og hefðu uppi áform uppi um að leifa að sökkva Snæfellinu í uppistöðulóninu.    Sem betur fer gekk það ekki eftir, enda illframkvæmanlegt, þar sem toppur Snæfellsins 1833 metra yfir sjó (m.y.s) á meðan yfirfall Hálslóns er 625 m.y s.  En undir slíku bulli þurfa Austfirðingar þráfaldlega að sitja.

En svo tekur steininn úr þegar illa upplýstur innviðaráðherrann, Eyjólfur Ármannsson, mætir til Egilsstaða og telur sig óbundinn af ákvörðun og samþykktum Alþingis og slengir framan í fundargesti nýrri nálgun á forgangsröð jarðganga á Íslandi.    Ekki var annað að skilja á fundargestum en að ráðherra væri gjörsamlega ókunnugt um að Seyðisfjörður væri önnur mesta gátt ferðamanna til Íslands, t.d. með að tengja Ísland við Evrópu um þjóðveginn E39.  Smyril-Line er búin að sigla í fimmtíu ár milli Seyðisfjarðar frá Evrópu með frakt og farþega og að undanförnu hefur komum skemmtiferðaskipa fjölgað verulega.  Tugþúsundir ferðamanna fara um Seyðisfjarðarhöfn árlega. 

Í því ljósi þarf að fjalla um Fjarðaheiðargöng og af sanngirni og á heiðarlegan hátt.  Það hefur ítrekað verið fjallað um nauðsyn Fjarðaheiðarganga af þingmönnum og ráðherrum, sem telja sig menn orða sinna.  Margsinnis hefur göngum verið lofað og það skjalfest í samgönguáætlun, sem er þungavigta skjal frá Alþingi og ber að virða.  Hvers eiga Austfirðingar að gjalda þegar kemur að slíku sambandsleysis milli orða og athafna þingheims og framkvæmdavaldsins?  Hvers geldur virðing Alþingis vegna slíks vingulsháttar? 

Svo að stóra samhenginu.  Engum heilvita manni dettur í hug að tengja saman fjárveitingar á Keflavíkurflugvöll við íbúafjölda í Sandgerði.  Slík nálgun er jafn fráleit og að tengja saman Fjarðaheiðargöng við íbúafjöldann á Seyðisfirði.

Er orðið tímabært að hefja umræðuna um frjálst Austurland?

	Snýst ekki um lýðræði heldur peninga
Ábyrgðarmaður færslu Tilkynna um óviðeigandi tengingu við frétt

Fengið að láni af forsíðu Vestfirska frá 26. mars 1992 https://timarit.is/files/66010012

„....annar fór upp á traktorinn“

Björn Andrés Ingólfsson, skólameistari á Grenivík, er áhugamaður um hjúskaparmál bresku konungsfjölskyldunnar og fylgist jafnan með ástandinu í Buckinghamhöll. Þegar Andrés prins gekk að eiga Söru Ferguson hér um árið sendi Björn Andrés honum svohljóðandi skeyti: 

Fögur og björt er framtíðin,
fögnuður ríkir og það er von.
Nú ertu kátur, nafni minn,
nú ertu kominn á Ferguson.

Er rennur á nótt í ríki þínu
hjá rauðhærðu Söru þú háttar vel.
En fyrr má nú gera að gamni sínu
en gifta sig svona dráttarvél!

Síðan var allt í lukkunnar velstandi á þeim bæ, að því er ætla mátti. Þess vegna komu skilaboðin frá drottningunni núna um daginn eins og reiðarslag yfir bæði Björn Andrés og alla heimsbyggðina:

Töluvert ill eru tíðindin:
Hún tilkynnti mér það drottningin,
að nú hefði Andrés nafni minn
neyðst til að selja traktorinn.

Að svo mæltu sendi Björn Andrés nafna sínum eftirfarandi hughreystingarstef:

Báglega fór með búskapinn,
brugðust þér gömlu heilræðin,
í óleyfi þegar, Andrés minn,
annar fór upp á traktorinn.

Nú gildir það bara, góurinn,
að gefast ekki upp við búskapinn.
Næst skaltu Zetor, [Epstein*] nafni i minn,
næla þér í við heyskapinn.

[*Breyting BVW, i ljósi sögunnar]

Það þarf að þvinga löggjafann til að setja um þetta lög, þar sem fyrsta greinin verði að sá sem ætlar að setja á stofn einhverja starfsemi, í upp komnu húsnæði, beri að senda inn tilkynningu til bæjarfélagsins/borgarinnar um eðli starfseminnar.

Lögn segi til um hve langan fyrirvara þarf á slíkri tilkynningu eftir umfang verkefnisins.

Eftir þann tíma, segir lögin tiltaka og sannanlega er liðin frá því að stjórnvald hefur móttekið erindi framkvæmdaaðila og höfnun á starfseminni er ekki fyrir hendi, getur uppbygging hafist.

Fyrir þann sem ætlar að hefja starfsemi skal vera aðgengileg tenging við kröfur um þá starfsemi sem hefja skal. Þar sé hægt að prenta út lista með kröfum sem sem gerðar eru til starfseminnar.

Fyrir tiltekinn tíma í lögum um opnun starfseminnar, skal framkvæmdaaðili skila inn gögnum um að búið sé að uppfylla kröfur yfirvalda um starfsemina.

Áður eða eftir að starfsemin er hafin geta yfirvöld sannreynt hvort unnið sé samkvæmt reglugerðum og þá brugðist við.

Ekki þarf formlegt leyfi frá yfirvöldum um opnun, nema þau komist að því að ekki hafi verið farið að lögum. Þá er hægt að banna starfsemina þar til bætt hefur verið úr.

	Þriggja mánaða bið hjá Starbucks
Ábyrgðarmaður færslu Tilkynna um óviðeigandi tengingu við frétt

Ekki er hægt annað en að velta fyrir sér hve bláeygir menn geta verið þegar kemur að bókun 35 frá EES/ESB.  Þó að sumt sem þaðan kemur sé með vitrænum blæ, þá skyggir það hressilega á hvað jarðtengingin hjá þeim er oft lítt tengd raunveruleikanum.

Hvað segir þú um að ferðast á rútu eða með járnbrautalest milli Íslands og Evrópu.  Það var ekki annað að skilja en þeim (EES/ESB) sé full alvara í þeim efnum og þess vegna væri rétt að skattleggja flug- og skipafélög með því að selja þeim losunarheimildir.  

Það bætist ofan á óskilgreindann kostnað upp á 77 milljarða til loftslagsmála í ílla sklgreind verkefni, sem engu hafa skilað í að bæta loftslagsmálin. 

Hvað með orkupakka tvö og þrjú.  Hverju hefur hann skilað inn í okkar litla hagkerfi annað en hærra orkuverði, sem mun bara versna fyrir landsmenn.

Hvað eru þingmenn oft tilbúnir að láta ræna sjóði almennings um hábjartan dag af fagurgala kerfiskarla í Evrópu.    

"Þór­dís Kol­brún Reykjfjörð Gylfa­dótt­ir ut­an­rík­is­ráðherra sagði í sam­tali við mbl.is í mars [2023] að fyr­ir­huguð lög­gjöf ESB um los­un­ar­heim­ild­ir á flug­ferðir væri stærsta hags­muna­mál Íslands frá upp­töku EES-samn­ings­ins. að það væri vænlegur kostur og þá væri í lagi að setja á los­un­ar­heim­ild­ir á flug­ferðir"

https://www.mbl.is/frettir/innlent/2023/05/16/von_der_leyen_island_faer_undanthagur/

Hvað veldur því að EES samningurinn er í hættu nú, 33 árum eftir samþykkt hans. EB samþykkti á sínum tíma samninginn, eftir afgreiðslu Alþingis, án bókunar 35. Hvað hefur breyst?

https://noldrarinn.blog.is/blog/noldrarinn/entry/2314811/

Oft hefur það verið nefnt að bókun 35 sé ekki íþyngjandi.  Erfitt er að trúa því og ef málin eru ekki án nokkurs vafa, er þá ekki bara best að sleppa að samþykkja slíkt?

Þeir sem eru til í að lána ókunnugum VISA-kortið sitt eru vafalaust þeir sömu og vilja afhenda ókunnugum fjöregg þjóðarinnar.  Ef ekki, væri þá ekki réttast að hugsa sinn gang.

	Vilji til að afgreiða bókun 35
Ábyrgðarmaður færslu Tilkynna um óviðeigandi tengingu við frétt

Hversu rugluð getur stjórnsýsla Íslands orðið og hver ber ábyrgð?

Í Bændablaðinu er mögnuð grein frá 6.7.2017 eftir Hörð Kristjánsson (https://timarit.is/files/45190284) um sölu orkufyrirtækja á mengunarkóða. 

Þar segir m.a:

Í lok júní 2015 upplýsti Bændablaðið um þann sérkennilega leik orkusölufyrirtækja að selja erlendum orkusölufyrirtækjum orkuhreinleikavottorð gegn því að Íslendingar tækju á sig að skrá inn í sína orkunotkun að hluti orkunnar sem hér væri framleiddur ætti uppruna sinn í kjarnorku og jarðefnaeldsneyti. Ráðherra lofaði að kippa þessu í liðinn en lítið gerðist og fátt hefur heyrst af því síðan."

Hörður nefnir að öllum staðreyndum um orkuframleiðslu Íslendinga sé algjörlega snúið á haus og þakkar það innleiðingu tilskipana ESB frá árinu 2009.  Þá var

opnað fyrir það að íslensk orkufyrirtæki seldu fyrirtækjum í Evrópu hreinleikavottorð fyrir framleidda raforku til bæta sína umhverfisímynd. Fyrirtæki þessi nýta orku frá kjarnorkuverum, kola-, olíu- og gasorkuverum og gátu í kjölfarið nýtt tilskipun ESB til hvítþvo sig með syndaaflausnum frá Íslandi án þess að mengunin breyttist nokurn skapaðan hlut. 

Orkufyrirtækin sáu að auki annan vinkil í stöðunni og það var að krefja aðra, sem í góðri trú höfðu samviskusamlega greitt fyrir orku á Íslandi sem tandurhreina. En reyndin var önnur. Nú gátu sömu orkufyrirtækin bætt stöðu sína og rukkað um „hreinleikavottorð“. 
Hversu heimskulegt getur þetta orðið?  

"Hægt var að fá hreinleikavottorð fyrir 5,1 eyri á kílówattstund

Sveinn A. Sæland, fyrrverandi formaður Sambands garðyrkjubænda, sem rak garðyrkjustöðina Espiflöt með fjölskyldu sinni, staðfesti þetta í samtali við Bændablaðið sumarið 2015. Hann segist hafa fengið tilboð frá Orku náttúrunnar, dótturfélagi Orkuveitu Reykjavíkur, um að garðyrkjubændur sem þar eiga viðskipti gætu keypt sig frá þessari óhreinu orku og fengið stimpil um að þeir notuðu aðeins hreina orku." 

Hvar stendur þetta mál núna?

Svo er þáttur ráðherra í málinu. Hvernig getur Jóhann P Jóhannsson, ráðherra, verið á móti að reisa kjarnorkuver á Íslandi og á sama tíma vera sáttur við að drulla út landið með kjarnorkuúrgangi, með því að gefa færi á hreinleikavottorði fyrir skeinipappír úr kjarnorkuveri?

Er þetta tvískinnungur eða heimska?  Verst ef það er hvorutveggja. 

Hvenær ætla landsmenn að átta sig á rotnu kerfi ESB?

	Kjarnorka kemur ekki til greina
Ábyrgðarmaður færslu Tilkynna um óviðeigandi tengingu við frétt