Bloggfærslur mánaðarins, maí 2011

Er skúta ekki með segl...?

Hvað er vandræðalegra en að verða vélavana á seglskipi?   Whistling
mbl.is Skútu rak vélarvana
Tilkynna um óviðeigandi tengingu við frétt

Vonandi heldur þetta áfram....

....þar til menn átta sig á því að þessi ýktu viðbrögð eru ekki viðeigandi. 

Það ætti að koma í ljós, að svona víðtækar niðurfellingar á flugi eru ekki nauðsynlegar og jafnframt ættu þeir að fá uppreysn æru, sem hafa varað við þessum ýktu viðbrögðum stjórnvalda. 

Vonandi verði þá einnig brugðist við á faglegri hátt með staðbundnum mælingum, í stað þess að treysta um of á tölvulíkön úti í heimi.
mbl.is Vonandi ekki árlegur viðburður
Tilkynna um óviðeigandi tengingu við frétt

Er það áhættunar virði að lifa?

Það er orðið ögn sérstætt að lifa í þessum heimi.  Hingað til hefur hver og einn verið sinnar gæfu smiður.  En nú er öldin önnur.  Endalaust spretta upp hópar, sem hafa það að atvinnu að bera þessar byrgðar fólks, - gegn vægu gjaldi.  Hópar þessir eru á ríkiframfæri og stækka með ógnarhraða. 

Það má ekki fljúga einkavélum, nema fylla út bílfarma af pappír, sem raða á í hillur skrifstofufólksins, sem er að fórna sér fyrir einkaflugmenn.  Auðvitað er það í nafni flugöryggis.  Ef fyllt er rétt út í öll form á A4 pappírnum, geta menn áhyggjulaust flogið um allt.  Þvílíkur lúxus.  Verst að það kostar álíka mikið og sú upphæð sem maður hefur fram að þessu leyft sér í þann munað að stunda einkaflug. 

Auðvitað er flugöryggið framar öllu og þegar búið er að fylla út alla pappíra, borga fyrir skýrteini og endurnýjun, fá árlegt læknisvottorð, ársskoða flugvélina og borga bæði fyrir skoðun og endurnýjun, er dæmið orðið það dýrt að maður fer hvergi.  Getur öryggið orðið meira í flugi.  Ekkert flug = ekkert slys.  Þetta sér náttúrulega hver heilvita maður að þetta gengur alveg upp.  Tilgangurinn helgar meðalið og fyrirhyggjan alsráðandi.

Nú er hinni árlegu eldgosahátið að ljúka.  Það er aldeilis sjónarspil í flugheiminum.  Sérfræðingastóð í London matar upplýsingar inn í tölvur og niðurstaðan er að það má ekki fljúga á Íslandi, - þó himinn sé heiður og tær.  Til grundvallar notar sérfræðingastóðið í London mjög ýkt dæmi, þegar Boeing 747 frá British Airways flaug í kolsvarta myrkri inn í gosmökk með þeim afleiðingum að það drapst á öllum hreyflum hennar.  Flugstjóranum tókst að koma mótorum í gang og lenda heilu og höldnu.

Flugstjórinn, Eric Moody var heiðursgestur á rástefnu á Íslandi, sem haldin var sl. haust og flutti þar erindi.  Þar kom fram að hann taldi að flugmálayfirvöld hefðu gengið allt of langt í að stöðva flug, þegar Eyjafjallajökull gaus.  En auðvitað er vita vonlaust að fara eftir þeim leiðbeiningum fagmanns, þegar tölvukerfið í London er með annan vínkil á sama atburð.   Það er ekki hægt, sí sona, að slá striki yfir mikla pappírsvinnu “sérfræðinga” á jöðu niðri.  Það væri hreinn dónaskapur.  Auðvita þurfa flugfarþegar einnig að fá að finna fyrir því, svo um munar, hvað þetta sérfræðingastóð hefur lagt á sig til að ýtrasta flugöryggis sé gætt.

Ómar Ragnarsson hefur gagnrýnt þessar takmarkanir hér innanlands.  Maður sem er með um 7000 flugtíma reynslu og er mjög glöggur á umhverfi og veðurfar.  Auk þess hefur hann verið að fljúga með mælitæki til að kanna magn gosefna í andrúmsloftinu.  En hann hefur ekki roð í skrifstofumann, sem hefur jafnvel meira en 7000 tíma reynslu fyrir framan tölvuna sína, við að finna út hvernig bjarga má fjölda manns frá því að fara sér að voða í flugheiminum.

Er furða þó maður velti fyrir sér.  Er það áhættunnar virði að lifa á þessum síðustu og verstu tímum?  Jú, - auðvita er það þess virði.  Sérfræðingarnir sjá um að ekkert hendi okkur, - gegn vægu gjaldi.
mbl.is Norðmenn öskureiðir
Tilkynna um óviðeigandi tengingu við frétt

Egilsstaðaflugvöllur opinn

Sjá:

A-NOTAM no. 0240/11 BIRD GRIMSVOTN VOLCANIC ERUPTION SFC/F200

http://www.isavia.is/?PageID=258&NewsID=2884

Samkvæmt þeirri upptalningu eru flugvellirnir í Keflavík, Reykjavík og Akureyri lokaðir, ekki Egilsstaðaflugvöllur.


mbl.is Aftur lokað fyrir flug í kvöld
Tilkynna um óviðeigandi tengingu við frétt

Virðisaukaskattur á skatt...

....er það ekki að bera í bakkafullan lækinn.

Var að lesa orkureikninga mína og rak þá upp stór augu.  Það var skattur á orkunni hjá Orkusölunni og annar reikningur frá RARIK með skatti á flutningi.  Það sem stakk hins vegar í augun var virðisaukaskattur á skattinum.

Er hægt að toppa það.


mbl.is Segir skattbyrði nálægt meðaltali á Íslandi
Tilkynna um óviðeigandi tengingu við frétt

Rekkjunautar fræga fólksins

Var á skemmtun í Valaskjálf þar sem flutt voru lög Björgvins Halldórssonar að hætti heimamanna.  Aldeilis fín afþreying og flytjendum til sóma.

Á skemtuninni var einnig kynnir, sem skaut inn athugasemdum um allt og ekkert.  Féll vel í kramið, heyrðist mér.

Þar kom að hann fór að fjalla rekkjunauta fræga fólksins og rifjaði upp að nýlega hefðu um það fréttir ratað í blöðin að Sveinn Andri hafi verið að endurnýja hjá sér.  "Kominn í lambakjötið".  Uppskar léttan kæfðan hlátur. 

"Svo eru aðrir að gera garðinn frægan út í heimi, eins og lesa má í blöðum".  Hnykkti á 50 ára aldursmun á Önnu Mjöll og knapa hennar.  "Það má segja að hún hafi skellt sér í skerpukjötið".  Sick

Svo hélt kynnirinn áfram að velta upp sérstökum kvöldum þeirra hjóna og líðan frúarinnar í rökkrinu þegar: "aldurinn færðist yfir hana"Whistling


Frasaforkálfar LÍÚ

Það hefur löngum loðað við talsmenn LÍÚ að slá fram orðaleppum sem þeir éta hver upp eftir öðrum. 
„Ef þetta verður niðurstaðan, siglum við flotanum í land“
„Útgerðarfyrirtæki þurfa að segja upp fólki og leggja skipum ef frumvörp sjávarútvegsráðherra um stjórn fiskveiða verða að lögum“.

Þetta eru hótanir sem landsmenn þurfa singt og heilagt að sitja undir frá þessum talsmönnum.  Nú er ég enginn sérfræðingur í útgerð og það litla sem ég hef fest hönd á í tillögum sjávarútvegsráðherra, þá er verið að færa heimildir milli „herbergja“ en ekki verið að gera þær upptækar.  Heldur aukið í, ef eitthvað er.

Frá mínum bæjardyrum séð, er þetta frekar málið að LÍÚ brjóti odd af oflæti sínu, hafi samband við sjávarbyggðirnar og segi: „Hei strákar, - við eigum báta og höfum reynsluna.  Hvernig vinnum við þetta best saman?“

...varð sjálf fyrir heilablóðfalli...

..... er hluti af fyrirsögn í DV. 

Hef löngum vitað að menn geta orðið fyrir bíl og/eða skepnu og slasað sig.  Verða fyrir einhverju sem er á ferð og getur því valdið óhappi.  Enhver hefur orðið fyir slysi, þó það slysið sé ekki hreyfanlegur hlutur og að sjálfsögðu ekki rétt orðað.  Rétt er að einhver lendir í slysi, - því miður.  

Þannig lendir einstaklingur í þeim hremmingum að fá heilablóðfall, en lendir ekki fyrir því. 

Tvær hliðar á hverju máli.

Ljóst er að allt önnur útgáfa mun koma fram, en hjá þernunni. 

- Hvað var hún að gera inni á hótelherbergi, þegar gesturinn var enn á staðnum? 
- Var hún að gramsa í eigum hans þegar hann kom fram af baðinu? 
- Var eitthvað óeðlilegt að vera inni á "sínu" umráðasvæði, - nakinn?

Síðan má velta því fyrir sér.  Sá hún aukna "tekjumöguleika" vegna þess að maðurinn var þekktur? 

Það er ljóst, að þrátt fyrir að þjónustufólk á hótelum sé upp til hópa grandvart og heiðarlegt fólk, þá er oft misjafn sauður í mörgu fé.


mbl.is Strauss-Kahn ákærður
Tilkynna um óviðeigandi tengingu við frétt

Þetta er fólkið sem ekki hefur "efni" á því.....

.....skemmta sér á sinn eigin kostnað. 

Aðrir þurfa að borga fyrir sig, - og þau. 

Þetta er menningarelítan, - menningarlegt beiningarfólk
mbl.is Þessir voru í Hörpunni í gærkvöldi
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband