Komi þeir sem koma vilja ll hluti

Fyrir stuttu spurði ég á þessi bloggi.

Er eitthvað í tilskipunum frá ESB, sem hindrar það að við getum sent innflytjendur til síns heima, brjóti þeir gegn íslenskum lögum?

Er eitthvað í tilskipunum frá ESB, sem hindrar það að við getum meinað brottvísuðum innflytjendum um alla framtíð að snúa aftur til Íslands?

Má ekki spara umtalsverðar upphæðir við uppihald og laun brotamanna, með því að vísa þeim úr landi?

Má ekki þá spara umtalsverðar upphæðir vegna bygginga lúxushótela fyrir þessa tegund brotamanna?

Nú er dómsmálaráðherra komin á sömu blaðsíðu og síðuhafi.


Hægt að aft­ur­kalla alþjóðlega vernd á Norður­lönd­un­um 

Eft­ir því sem Guðrún kemst næst þá eru ákvæði til staðar á Norður­lönd­un­um sem heim­ila aft­ur­köll­un vernd­ar ef flóttamaður hef­ur gerst sek­ur um al­var­leg­an glæp eða hann ógn­ar þjóðarör­yggi í land­inu. 

https://www.mbl.is/frettir/innlent/2024/03/13/rett_ad_skoda_afturkollun_a_althjodlegri_vernd/


Þá liggur Austurland vel við höggi

Það liggur beinast við að vega enn eina ferðina í sama knérunn.

  1. Fjarðaheiðargöng
  2. Axarvegur
  3. Egilsstaðaflugvöllur
  4. Einbreiðar brýr á Austurlandi

Bara nokkur dæmi um fórnir sem ríkissvaðjan gæti kjamsað hressilega á. 

Verður einhver hissa? Nei!

Verða einhverjir sárir? Já!

 

En það skiptir ríkisvaldið engu, - Austurland skaffar samt!


mbl.is Munu mögulega hætta við verkefni
Tilkynna um óviðeigandi tengingu við frétt

Því verr gefast heimskra manna ráð...... Fækka ráðherrum?

Þorgerður Katrín Gunnarsdóttir vill fækka í ráðherraliðinu. Það gáfulegasta sem lengi hefur sést á prenti.

Ein­fald­asta til­lag­an er nátt­úru­lega bara að fækka ráðherr­um og hafa þá 10 eða 11 eins og þetta var í upp­hafi þess­ar­ar stjórn­ar,“ seg­ir hún og seg­ir að það myndi senda skýr skila­boð til al­menn­ings um að rík­is­stjórn­inni væri raun­veru­lega annt um að ná tök­um á rík­is­út­gjöld­un­um.

„En þau sem hafa stjórn­tæk­in og hafa allt emb­ætt­is­manna­kerfið með sér, hafa all­ar þess­ar stóru flokks­skrif­stof­ur með sér, eru ekki til­bú­in með þá út­færslu sem við þurf­um að heyra hvernig á borga 80 millj­arða. Það er ekki verið að stjórna þessu landi.

Þá gildir hið fornkveðna.

Því verr þykir mér sem oss muni duga heimskra manna ráð, er þau koma fleiri saman.

Hins vegar má spurja. 

Er ekki bara best að ráðherrar sinni sínum verkum niður í ráðuneytinu?

Það virkaði vel í einu fjósinu um árið þegar spurt var.

Er ekki bara best að kjósa Framsókn?

 

 

 


mbl.is VG tekið Sjálfstæðisflokkinn í „bóndabeygju“
Tilkynna um óviðeigandi tengingu við frétt

Komi þeir sem koma vilja.....

Í gegnum aldirnar hafa Íslendingar verið flokkaðir sem frekar einfaldar sálir og kjánalega þenkjandi.   Þeir hafa verið þekktir fyrir stuttar boðleiðir og eru snöggir að taka ákvarðanir, ekki endilega alltaf skynsamar.

Í Fóstbræðra sögu segir frá því að Þorgeir Hávarsson hjó saklausan mann eingöngu af því að hann studdist fram á staf sinn og stóð svo vel til höggsins.

Ekki er verið að hvetja til slíkrar útfærslu í okkar tíð, þvert á móti væri ráðamönnum hollt að temja sér að í upphafi skyldi endinn skoða.  Margar samþykktir Alþingis eru því miður því marki brenndar að málin hafa hvorki fengið nægjanlega faglega umræðu né málefnalega.  Mörg dapurleg dæmi eru um það, sérstaklega þegar skipanir frá ESB flæða í gegn án gagnrýnnar umræðu. Tillögur, sem margar hverjar eru Trójuhestar, saklausir að sjá en innihaldið eitrað og íþyngjandi.

Á jólum, segir í þjóðsögum, þegar búið var að þrífa öll híbýlin hátt og lágt voru allir álfar boðnir velkomnir með þessum orðum:

Komi þeir sem koma vilja, veri þeir sem vera vilja, og fari þeir sem fara vilja, mér og mínum að meinlausu.

Nú er öldin önnur.  Allir eru boðnir velkomnir til Íslands með sambærilegri kveðju og hér að framan.  Það er vel, - en að svo margir bj-álfar fylgi með kallar á aðgerðir.

Þá kemur að því að skoða það sem er nefnt fyrr í þessari færslu og er í samhengi við reglur ESB og þjóðsöguna um álfana. 

Er eitthvað í tilskipunum frá ESB, sem hindrar það að við getum sent innflytjendur til síns heima, brjóti þeir gegn íslenskum lögum?

Er eitthvað í tilskipunum frá ESB, sem hindrar það að við getum meinað brottvísuðum innflytjendum um alla framtíð að snúa aftur til Íslands?

Má ekki spara umtalsverðar upphæðir við uppihald og laun brotamanna, með því að vísa þeim úr landi?

Má ekki þá spara umtalsverðar upphæðir vegna bygginga lúxushótela fyrir þessa tegund brotamanna?


Horfir einhver ennþá á Gísla Martein?

Allt á sömu bókina lært hjá RÚV:

  • Of margir lélegir dagskrárliðir og óvönduð vinnubrögð.
  • Vinna með kjaftasögur án heimildaröflunar.
  • Hafa fólk í vinnu, sem uppvís hafa verið um vafasöm vinnubrögð.
  • Hengja sig á buddu landsmanna á fölskum forsemdum.
  • Geta í krafti ríkisstuðnings hrakið samkeppni af markaðnum.

Hvað er verið að púkka uppi með slíkt náttröll?

Lausn:

  1. Selja Rás 2.
  2. Sameina RÚV, Sinfóníuna og Þjóðleikhúsið í eitt fyribrygði.
  3. Taka upp menningaratburði og senda út til allra landsmanna.

Fyrst þá er hægt að sætta sig við einhvern stuðning við menningatengdan ríkisrekstur.


mbl.is Einar ósáttur við grín Gísla Marteins
Tilkynna um óviðeigandi tengingu við frétt

Fjármálalæsi Alþingismanna og Pisa könnunin

Reglulegt upphlaup verður á Íslandi, þegar niðurstaða Písakönnunarinnar er gerð opinber.  Þá er rokið til og farið á nornaveiðar og sökudólgurinn skal finnast og svara til saka.

Hvað er málið?

Skortur á fjármálalæsi hefur lengi verið viðvarandi vandamál á Íslandi, ekki síst á hinu háa Alþingi, að ekki er verið að hagræða né að sýna fyrirhyggju eða hófsemi í skattlagningu.

Þetta kristallast í umræðuna um innflutning flóttamanna.  Þar virðist þingheimur ekki hafa neina glóru hvernig þjóðfélag okkar er uppbyggt.  Maður veltir fyrir sér hvort ekki þurfi að koma á 101 námsefni fyrir verðandi þingmenn um samfélagsmyndina, sem við lifum og hrærumst í áður en þeir fá það ábyrgðamikla verkefni að stjórna landinu af löggjafaþinginu. 

Lengi virðist það hafa verið aðalvinnan margra Alþingismanna, að finna leiðir til að seilast sem dýpst í vasa landsmanna og skreyta gjörninginn með mismunandi nöfnum s.s. komu- og þjónustugjöld. 

Grímulaust heitir þetta að skattpína almenning.

Það virðist algjörlega óháð því að Alþingismenn eru í vellaunaðri vinnu hjá landsmönnum og eiga að reka samfélag þeirra á þann hátt að það sé ekki meira íþyngjandi fyrir íbúana en öðrum sambærilegum þjóðum.  

Dæmi um óráðssíuna.

  1. Bensínskattur var lagður á jarðefnaeldsneyti til að fjármagna lagningu og viðhald þjóðvega. Í hvað eru þeir peningar notaðir?  Hvernig hefur hlutfallið breyst í fjárlögum og hvernig hefur það skilað sér til að bæta vegakerfið?
  1. Náttúrhamfarasjóður var settur á koppinn og safnað í hann fé. Hvar eru peningarnir úr honum?
  1. Ofanflóðasjóður, er hann til? Hvað eru miklir fjármunir til í honum?  Hvað er búið að borga mikið úr fé sjóðsins til stjórnarmanna?
  1. Þjóðarsjóður?? Enn eitt bixið til að hafa fé af landsmönnum í eitthvað allt annað en í það verkefni sem talað er um í upphafi.
  1. Tímabundin hækkun á virðisaukaskatti til að mæta áföllum. a) Fljótlegt að setja hann á en nánast ógjörningur að færa hann í fyrra horf.
  1. Tímabundin hækkun á virðisaukaskatti til að byggja þjóðarhöll. Sjá 5.a.

Þetta er bara til að nefna smá dæmi um hvernig fjármagni landsmanna er sóað, oftast í annað en þeir voru hugsaðir í upphafi.  

Þessu verður að linna og Alþingismenn verða að fara að vinna vinnuna sína fyrir þá sem borga launin þeirra.


Austri 15.12.1976. Eysteinn Jónsson

Rakst á þetta fróðlega viðtal í jólablaði Austra frá 1976.  Það er upp á fimm síður og fróðlegur spegill fortíðar, sem vert er að lesa og segir að útlendingar hverfi brátt úr landhelginni vegna útfærslu hennar. Í lokin nefnir hann hvaða skoðun hann hefur á framtíð Austurlands.

https://timarit.is/page/5313398?iabr=on#page/n13/mode/2up/search/Vattarnesskri%C3%B0ur

Litið um öxl og fram á við

— Ég efast ekki um að Austurland á glæsilega framtíð. Einangrun þess er rofin. Útlendingar hreinsaðir af fiskimiðunum að mestu og senn alveg. Mikið landrými. Fjölbreytt og óvenjufagurt landslag. Orkulindir miklar. Ég ræðst ekki í að gera áætlun fyrir Austurland og því síður spár. Heilræði ræðst ég heldur ekki í að gefa Austfirðingum utan eitt, sem ég trúi að sé heilræði: Látið ekki útlendinga ná tökum á orkulindum Austurlands og gerið ykkur ekki háða atvinnurekstri þeirra.


Við Egilsstaðabúar erum öll undir kjörþyngd

Nú keppast allir við að leggja af og léttast eftir ofát jóla og áramóta.  Um daginn var verið að benda á heilsutengingu við gömlu mánaðarheitin, Mörsugur, Þorra og Góu. 

Mörsugur er frá miðjum desember til u.þ.b. ellefta janúar og því er tengin augljós við ofát jólanna.  Gott íslenskt orð og lýsandi fyrir starfsemi World Class og ætti það fyrirtæki að skipta því út nú þegar fyrir hinu kjarnyrta, lýsandi, íslenska orði, - MÖR-SUGUR.

Svo aðeins um staðlana um hver þyngdin á að vera til að teljast í kjötþyngd. Einn staðall fyrir konur og annar fyrir  karlmenn.  Svo er mikil vinna fyrir kynsegin og alla þá sem glíma við dagsformið um kynvitund sína, að framkalla viðeigandi staðla fyrir hvern flokk.

Þetta er ekki vandamál á Egilsstöðum.  Við erum öll undir kjörþyngd þegar miðað er við hæð,

- yfir sjávarmáli.


Grófleg vanvirðing við gestgjafana

Á Íslandi er mikið umburðarlyndi fyrir skoðnum annarra, en oft vill hinsvegar brenna við að þeir sem hafa sterkar skoðanir virða hvorki almennar leikreglur samfélagsins, sem elur önn fyrir þeim né virða það að aðrir hafa einnig fullan rétt á tjáningarfrelsi, lögum samkvæmt.

Þannig getur matvælaráðherran verið í nöp við hvalveiðar, en verður að fylgja lögum, þó lögin séu þvert á persónulega upplifun ráðherrans.

Einhverjum kann að finnast fáránlegt að keyra á hægri kantinum, en það sjá allir heilvita menn að það leiðir ekkert gott af sér að fara ekki að lögum í umferðinni.

Austurvöllur er ekki skilgreindur staður fyrir útilegu frekar en hólminn í Tjörninni. Fyrir nokkrum árum tjaldaði einstaklingur í Varphólmanum. Uppi varð fótur og fit út af einum einstaklingi og eftir stutta stund dreif að lögreglumenn með tæki og tól og fjarlægði mótmælandann.

Nú er öldin önnur og undilægjuhátturinn og meðvirknin nær nýjum hæðum, sem er ekki í neinu samhengi við lög á Íslandi né er sýnd háttvísi gagnvart gestgjafaþjóðinni.

Á hvaða vegferð eru þeir sem eru að hrópa á torgum um að tjaldbúarnir á Austurvelli eigi fullan rétt á þessum aðgerðum?

Þeir geta, eins og aðrir, mótmælt á Austurvelli á hófsamari hátt og í anda þess sem tíðkast hefur á þessum stað. 

Annað er helber dónaskapur.

 

 


mbl.is Ekki eðlilegt að breyta Austurvelli í tjaldbúðir
Tilkynna um óviðeigandi tengingu við frétt

Setjum Verðbólgudrauginn í megrun

Um síðustu aldamót var ég í samninganefnd FFR (Félag flugmálastarfsmanna ríkisins) og var þá búinn að búa til nokkrar útgáfur af útreikningi á launatöflu í EXCEL.  Unnið var með formúlur sem breytt gátu launatöflum á ýmsa vegu og létti á okkur í vinnu og einfölduðu kröfugerð okkar.

Þriggja þrepa samningur.
Hér með er lagt til að n.k. samningstíma verði skipt í þrjú jafnlöng tímabil, með þremur mismunandi reikniaðferðum á samningstímanum.

Fyrsta þrepið.
Ein útfærslan í hugsun minni var um launatöflu, sem var þannig útfærð að hægt var að setja umsamda krónutölu á lægsta launaflokkinn og láta EXCEL reikna sig í gegnum töfluna þannig að hæsti flokkurinn fengi núll krónur eða aðra upphæð sem væri valin.  Þetta er í einskonar andhverfan við prósentuhækkun, sem úthluta ávallt lægstu launaflokkunum fæstu krónunum í umslagið við undirritun samninga en þeir í efstu launaflokkunum bera mest út bítum.  Breytt fyrirkomulag yrði löngu tímabært verkefni við að leiðrétta áskapa skekkju í launatöflunum með prósentuútreikningi og ekki þarf að vera að flagga mismunandi útgáfum af eingreiðslu til þeirra lægstlaunuðu.

Með þessari útfærslu mundu þeir lægst launuðu fá mest strax, sem ávallt er yfirlýst markmið samninganefnda, en jafnan með sáralitlum árangri.

Annað þrepið.
Það er krónutöluhækkun upp alla launatöfluna, sem þá er í gildi.

Þriðja Þrepið.
Síðasta þrepið yrði síðan þessi sígilda prósentutölu hækkun á gildandi launatöflu.

Veikleikarnir.
Auðvita verður lítil hamingja hjá þeim sem fylla hæstu launaflokkana, en fram að þessu hafa þeir ávallt borið mest úr býtum og ættu því að geta setið á þjóhnöppum sínum í þetta sinn án þess að mögla.  Þessi útfærsla varðar þjóðarhag. 

Því ættu flestir að geta unað glaðir við sitt, því allir vinna ef verðbólgudraugurinn verður settur í stífa megrun eftir hátíðarnar.


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband