Framleiðslan á Austurlandi en milljörðum eytt í Reykjavík

Nú er Landsvirkjun að fara að byggja yfir stjórnstöðvar sínar í bæjarfélagi, engin raforkuframleiðsla er á vegum fyrirtækisins.  Það hefði þótt nokkuð galið ef Landsbanki Íslands hefði valið að flytja höfuðstöðvar sínar á Gjögur, án þess að vera með útibú á staðnum.

Samkvæmt fréttum RÚV eru lóðirnar þrjár, sem Landsvirkjun er að helga sér við Bústaðaveg og voru seldar í einu lagi á um 1,3 milljarðar króna.   Á Fljótsdalshéraði er helmingur allrar orku framleidd, orka sem Landsvirkjun fær á spottprís. 

Á sama tíma er verið að „gelda“ Austurland stjórnsýslulega séð og engin opinber stofnun mun verða þar.  Það rímar hins vegar illa við fögur fyrirheit stjórnvalda um að færa opinber störf á landsbyggðina.  Ekki það að nokkur hrökkvi við, en fúslega viðurkennt að það er mjög fúlt.

Austfirðingar hafa mátt þola ítrekuð svikin loforð um flesta hluti, sem átt hefur að færa til betri vegar.  Þar toppaði formaður Framsóknarflokksins alla hina, þegar hann reið um héröð, sem innviðarráðherra (samgönguráðherra) á Austurlandi, veifandi gúmmítékka framaní alla og lofaði Axarvegi, endurbótum á Egilsstaðaflugvelli og Fjarðarheiðagöngum, svo fátt eitt sé nefnt.  Þegar þrengt var að honum um efndir, vísaði hann á fjármálaráðherra, sem vildi ekki viðurkenna gúmmítékkann.  Engar breytingar urðu þó við að sami ráðherrann fór í stólaleikfimi og hafnaði í stól sem fjármálaráðherra.

Nú er tækifæri að snúa málin Austurlandi í hag, vinna eftir stefnu stjórnvalda og byggja höfuðstöðvar Landsvirkjunar á Fljótsdalshéraði.  Þar er næg orka til að lýsa og hita upp stórhýsi, ódýrar lóðir, góðar samgöngur, tengingar við netkerfin, frábær staður veðurfarslega og mannauður, sem þar mun líða vel.

Flutningur höfuðstöðva Landsvirkjunar á Fljótsdalshérað er hér með lagður til!

 

Skuldlausar eilífðarvélar besti arfurinn

Hver treystir VinstriGrænum?

Spurningin hlýtur að bergmála um allt.

Svarið við þeirri spurningu er á öllum fréttamiðlum í byrjun desember 2024.

En síðan er rétt að velta eftirfanandi fyrir sér.

Hver er lesskilningur VinstriGrænna

Hver treystir VG?

Hvar eru fulltrúar flokksins á PISA-skalanum?
- í lesskilningi?
- í stærfræðikunnáttu?

VG eru heppnastir í heimi að það sé ekki til PISA mæling á heilbrigðri skynsemi (common sense).

Einari sé greinilega ekki treystandi

Var ekki einfaldara>>>

>>>að fella bara trén í Öskjuhlíðinni?

Segi bara svona.

Meirihlutinn er sprunginn

Hver er ábyrgur - flækjustig stjórnsýslunnar eða háskólarnir?

Flækjustig stjórnsýslunnar er athyglivert er varðar skipulag sérstaklega.  Fyrst er lagt upp með að eiga samtal við íbúa samfélagsins og búið til reglugerðafargan svo að ákvarðanir og verkferlar verði rekjanlegir.  Við þetta er síðan saumaður sérstakur sarpur til að „einfalda“ alla umgerðina. 

Þegar upp er staðið er lítið sem ekkert samráð haft við íbúa samfélagsins, flækjustig reglugerðanna eru í senn lítt skiljanlegar og íþyngjandi og listin um ábyrgðamenni þannig útfærður að nánast enginn ber ábyrgð, vegna þess að þar vísar hver á annan ef eitthvað fer úrskeiðis. 

Þá virðast málaferli vera eina leiðin þegar öll sund virðast lokuð.  Hér er „kerfið“ búið að sníða sér þannig stakk að allir fá eitthvað fyrir sinn snúð og almenningur látinn blæða.  Þetta er kallað heilbrigð og opin stjórnsýsla til verndar almenningi.

Bera háskólarnir enga ábyrgð? 

Hverjir eru að útskrifa sérfræðinga, sem eiga að hafa vit fyrir sauðsvörtum almúganum?  Arkitektar, verkfræðingar og byggingastjórar, svo dæmi sé tekið.  Sérstaka athygli vekur hve algengt er að hús standist ekki byggingareglugerðir og húsin eiga það til að leka, bæði þök og gluggar. 

Ekki er síður merkileg sú árátta að byggja háhýsi í þéttbýli og taka lítið sem ekkert tillit til skuggavarps, sem nágrannar slíkra bygginga þurfa þola. 

Lítill skilningur virðist vera á hæð sólar í hæstu stöðu á Íslandi, þétting byggðar er sérstök í landi þar sem landgæði eru næg.  Þetta eykur á vanlíðan íbúa að geta ekki nýtt útsýnis og sólarljóss á fullnægjandi hátt. 

Svo eru þeim til halds og trausts margskonar nefndir sveitarfélaga og sjálfsskipað sérfræðingastóð, sem virðist hafa fengið hlutverk samfélagsins til að hafa skoðun á öllu og það þó þeirra sé að engu getið í skipuritum eða landslögum. 

Það er greinilega mikið að í samskiptum almennings, æðri skóla og stjórnsýslunnar, sem verður að bæta.

Ekki ljóst hver kostnaður verður

Kosningaréttur, - hvers réttur er það?

Í nýafstöðnum kosningum var eitt af stóru málunum, týndu utankjörstaðaatkvæðin.

Annað mál var talið brýnt í að loknum kosningum, að tímabært væri að endurskoða kosningalögin, sérstaklega hvað varðaði vægi atkvæða milli Reykjavíkur og landsbyggðarinnar.  Þar þykir halla mjög á Reykjavíkurkjördæmin norður og suður.

Það hallar hins vegar mjög á landsbyggðina í mörgum málum.  Virðisaukaskatturinn leggst t.d. mun þyngra á minni sveitarfélög langt frá Reykjavík. VSK leggst á síðasta stig vöru og þjónustu og verur því krónulega séð hærri upphæð innheimt í sameiginlegan sjóð á stað eins og Raufarhöfn, þegar búið er að leggja pökkunar- og flutningskostnað á vöruna og VSK-urinn bætist ofaná allt. 

Þegar þarf að sækja læknis- og aðra þjónustu um langan veg til Reykjavíkur, er það kostnaðarsamt og lítill skilningur á annmörkum þess að hrúga öllu saman á einn stað, í nafni hagræðingar stærðarinnar  Af mörgum er það talið eðlileg „refsing“ fyrir þá, sem velja að búa langt frá allri þjónustu og verslun.

Það var talið mjög óeðlilegt að aðrir en Reykvíkangar tækju þátt í kosningunni um Reykjavíkurflugvöll á sínum tíma, þó hagsmunir landsbyggðarinnar væru margfaldir á við íbúa borgarinnar. 

Nú er verið að kjósa um laxeldi í Seyðisfirði og eru yfir fimm þúsund manns búið að mótmæla slíku verkefni en heildartala íbúa Seyðisfjarðar er um sjö hundruð, börn meðtalin.

Reykjavík er höfuðborg allra landsmanna.  Sameiginleg verkefni þjóðarinnar eru þar s.s. heilbrigðisþjónusta, stjórnsýsla ríkisins, æðri skólar, flest þjónustufyrirtækin stór og smá.  Þetta eru aðeins fá dæmi.

Samantektin í þessu hlýtur að kalla á umræðuna um hvort ekki sé eðlilegt að allir landsmenn séu kjörgengir við kosningar til borgarstjórnar Reykjavíkur, höfuðborgar allra landsmanna?

Hagsmunir landsbyggðarinnar eru ekki litlir, þegar tekið er tillit til þeirra fjármuna sem renna frá landsbyggðinni til Reykjavíkur.  

Er ekki eðlilegt að allir landsmenn eigi sama rétt til að hafa áhrif á stjórn höfuðborgar Íslands?

Tímabært að stoppa rafbílavælurnar.

Orkuskiptin eru í uppnámi vegna þvermóðsku VinstriGrænna, enda dottnir út af þingi m.a. að stuðla orkusvelti samhliða orkuskiptum. Galin fyrring og skortur á heilbrigðri hugsun.

Heyrst hefur, að sumstaðar þar sem eru hleðslustöðvar í boði, fari dísel rafstöðvar í gang baka til, þega álagið er mikið og of margir örbylgjuofnar á hjólum eru settir í samband.

Rétt er að stoppa allan innflutning á rafbílum þar til næg orka verður í boði til að hlaða rafbíla, svo ekki þurfi að keyra fiskvinnslu á innfluttri olíu eða skammta raforku til heimilsnota.

Allar nýjar vatnsaflsvirkjanir í uppnámi

Noregur lagði undir sig Jan Mayen

 

Marc Lanteig­ne er dós­ent í stjórn­mála­fræði við Norður­slóðahá­skól­ann í Tromsø í Nor­egi.

Getur hann útskýrt hvers vegna Normenn lögðu undir sig Jan Mayen, sem var Íslenskt landsvæði.

Hver er munurinn á Trump og Norska kónginum þegar gjörningurinn fór fram?

Hver svaf á verðinum fyrir Íslands hönd?

Ríkisstjórn Trumps virðist ekki átta sig á málinu

Brostinn draumur um Jökulsá á Fjöllum???

Ný brú yfir Jökulsá á Fjöllum

RÚV 23. janúar 2014.

 

FRÉTTIN UM BRÚARSMÍÐINA:

"Ný brú verður byggð á þjóðvegi eitt yfir Jökulsá á Fjöllum og leysir af hólmi sextíu og sjö ára gamla hengibrú. Kostnaðurinn er áætlaður einn komma einn milljarður króna.

Brúin yfir Jökulsá á hringveginum sunnan við Grímsstaði var byggð árið 1947. Mikið og tignarlegt mannvirki á sínum tíma, en hefur látið verulega á sjá. Brúin er einbreið og aðkoman að henni varasöm og  hámarkshraði hér yfir hefur verið lækkaður í 30 kílómetra. 

„Við þurfum að takmarka þunga yfir brúna og hún hamlar flutningum milli Norður- og Austurlands og þar fyrir utan er hún farin að skemmast töluvert. Þannig að það er ekki seinna vænna að fara að huga að nýrri brú,“ segir Guðmundur Heiðreksson, deildarstjóri hjá Vegagerðinni.

Nýtt brúarstæði verður um hálfum kílómetra sunnan við núverandi brú, upp með Jökulsánni. Með nýrri brú hverfa af hringveginum krappar beygjur sem liggja sitt hvoru megin að gömlu brúnni og nýja brúin verður að sjálfsögðu tvíbreið. 

Ólíkt gömlu brúnni, sem er hengibrú, verður sú nýja lágreist bitabrú, 230 metra löng. Nýr vegur að henni verður 2,6 kílómetra langur og við þetta styttist hringvegurinn um 1.100 metra. Umhverfisáhrifin við framkvæmdina eru ekki talin mikil. 

„Við könnuðum matsskyldu á framkvæmdinni og það var niðurstaðan að þetta væri ekki matsskylt og umhverfisáhrifin væru óveruleg,“ segir Guðmundur. 

Heildarkostnaður við verkið er áætlaður 1,1 milljarður króna. Vegagerðin áætlar að bjóða það út í september þannig að hægt verði að semja við verktaka í janúar 2015 og framkvæmdir gætu hafist þá um vorið. „Við gerum ráð fyrir að verlok verði haustið 2016.“

 

Nú er árið 2024 að renna sitt skeið.  Hver er staða brúargerðar á Jökulsá á Fjöllum.  Er einhver kjörinn fulltrúi Íslands ekki að standa sig?

 

 

Ný brú verður byggð við Goðafoss

Úrelt orðatiltæki vinstri einstaklinga?

Sameinaðir stöndum vér, - sundraðir föllum vér.

Þessa setningu hafa vinstra fólk gert að einni af sinni uppáhalds setningu og hafa oft hampað henni þegar því liggur mikið á hjarta.

En eins og frægt er, þá eru orð og efndir hjá vinstragenginu ekki alltaf á leið að sama endamarkinu.

Ljóst er nú, að ef kraftar þeirra hefðu verið sameinaðir fyrir kosningar hefði einhverjir náð að hoppa yfir lágmarkshæðina og beint inn á Alþingi.

Nú hugnast einhverjum ekki þessar hömlur á leið til frama og vilja lækka þennan þröskuld eða fella hann jafnvel alveg niður.

Þetta fólk man ekki þegar Stefán Valgeirsson yfirgaf Framsóknarflokkinn og stofnaði Samtök um jafnrétti og félagshyggju.

Þá varð uppi sú staða að einum manni tókst nánast að halda Löggjafaþingu í gísling.  Það er að vísu ekki alveg sambærilegt en gæti hæglega gerst ef margir litlir tækju sæti á Alþingi. 

Því fleiri flokkar og flokksbrot, því önugra mun það reynast að mynda starfhæfa ríkisstjón.  

 

Mikið áfall fyrir Vinstri græna

Samhljóma, en ekkert gerist.

(Birtist á xmulaþing.blog.is 4.7.2024)

Sérstæð ritröð birtist á veftímaritinu austurfrett.is.  Þar var farið yfir sérkennilegt veiðileyfi ISAVIA á landsbyggðafólk, að virðist í boði ríkisstjórnar Íslands, þvert á jafnræðisreglu stjórnarskrárinnar og almenn siðferðisleg gildi þjóðarinnar.  Svo til að réttlæta gjörninginn og til að „gæta“ sanngirnis við íbúa landsbyggðarinnar, leggur ISAVIA til að Reykjavíkurflugvöllur sé einn af þeim flugvöllum, sem lendir í skattheimtu ISAVIA.  Það er gert án þess að fram komi hvert er hlutfall borgarbúa í að greiða þennan kostnað. 

Það skal fullyrt hér, að megnið af kostnaði við bílastæðagjöldin í Reykjavík komi beint úr pyngju landsbyggðarinnar vegna þess að stór hluti þeirra, sem frá Reykjavík fara, eru að þjónusta landsbyggðina, íbúa og fyrirtæki þeirra og greiða þar af leiðandi gjald fyrir þá þjónustu og þar með talin þjónustugjöld (skatta) sem ISAVIA telur sig hafa heimild til að innheimta.

Sérkennilegt er að lesa áðurnefnda ritröð sem finna má glefsur úr hér að neðan, en má lesa í fullri lengd í austurfrett.is 

Sammerkt með umræddum höfundum greinanna er að þau eru öll í samstarfi í ríkisstjórn Íslands, en virðast ekki ná eyrum ráðamanna í ríkisstjórnargrúppunni (ríkisstjórninni).   Annað er upp á borðinu þegar kemur að þeim hluta að soga fjármagn frá Austurlandi í hringavitlaus verkefni sitjandi ráðherra.

==================

Bílastæðagjöld á Akureyri og á Egilsstöðum

Höfundur: Ingibjörg Isaksen • Skrifað: 31. maí 2024.https://www.austurfrett.is/umraedan/bilastaedhagjoeld-a-akureyri-og-a-egilsstoedhum

Síðustu misseri hef ég bæði í greinum og í fyrirspurnum á Alþingi lýst áhyggjum mínum af síhækkandi verði á innanlandsflugi síðustu misseri. Flugsamgöngur innanlands skipta þá sem búa á landsbyggðinni miklu máli og mikilvægt er að þær séu raunhæfur kostur fyrir þá sem þar búa.

Enn á ný berast fregnir af aukinni gjaldtöku sem mun nú fyrst og fremst verða íþyngjandi fyrir íbúa landsbyggðarinnar, það er gjaldtaka á bílastæðum við flugstöðvarnar á Akureyri, Egilsstöðum og Reykjavík. Nógur er kostnaðurinn nú fyrir.

===================

Landsbyggðarskattur í uppgangi

Höfundur: Jódís Skúladóttir • Skrifað: 12. júní 2024. https://www.austurfrett.is/umraedan/landsbyggdharskattur-i-uppgangi

Skilningsleysi á stöðu fólks og fyrirtækja á landsbyggðinni virðist síst vera að minnka. Nærtækt er að nefna ófullnægjandi heilbrigðisþjónustu, fullkomlega óboðlegar vegasamgöngur víða um land, óheyrilegan flutningskostnað á vörum og skerta þjónustu svo sem á póstflutningum og í bankarekstri. Nýjasta útspilið er svo landsbyggðaskattur í formi bílastæðagjalda á flugvöllunum í Reykjavík, á Akureyri og á Egilsstöðum.

Það hljómar kannski eins og jafnræði að þessir þrír stóru flugvellir séu felldir undir sama hatt en það er svo sannarlega ekki staðan.

Um flugvöllinn á Egilsstöðu fara til að mynda einstaklingar sem þurfa að fljúga til Reykjavíkur til þess að sækja lífsnauðsynlega heilbrigðisþjónustu. Það hentar kannski fólki sem er búsett nálægt flugvellinum að geyma bílinn heima og láta skutla sér á völlinn. Egilsstaðaflugvöllur þjónar hins vegar gríðarlega stóru svæði og íbúar tveggja stórra sveitarfélaga, Fjarðabyggðar og Múlaþings, telja yfir 10.000, sem mörg hver hafa um langan veg að fara til að nýta sér flugsamgöngur. Nú hafa bæði þessi sveitarfélög bókað andstöðu sína við þá ómanneskjulegu ákvörðun að leggja á gjöld sem eru gróf mismunun gagnvart landsbyggðarfólki.

=====================

Frítt að leggja í fimm daga

Höfundur: Njáll Trausti Friðbertsson • Skrifað: 20.júní 2024

https://www.austurfrett.is/umraedan/fritt-adh-leggja-i-fimm-daga

Það hefur löngum þótt dýrt að fljúga innanlands og með tilkomu fyrirhugaðra bílastæðagjalda leggjast enn frekari álögur á flugfarþega í innanlandsflugi. Vandamálið sem líklega er verið að reyna að sporna við er það að bílum sé ekki lagt á flugvöllunum vikum eða mánuðum saman. Ég hef séð það persónulega þegar bílum er lagt til vetrardvalar, sem gengur auðvitað ekki upp og eðlilegt væri að yrði rukkað fyrir því það er mikilvægt að bílastæðin nýtist sem allra best fyrir flugfarþega.

Fjármálaráðherra hefur nú sagt að þessi gjaldtaka megi hefjast en beinir því til stjórnar að taka tillit til þeirra sem fara í dagsferð í læknisheimsókn. Þetta skilningsleysi á stöðunni er í besta falli hjákátlegt enda verður ógerningur fyrir kerfið að vita hvaða bílnúmer eru komin til að fara í nauðsynlega læknisheimsókn og hver ekki. Það er ekki skynsamlegt ef farþegar þurfa að skila inn upplýsingum, t.d. læknisvottorði, og fá svo endurgreidd bílastæðagjöldin.