Því miður þá er þetta ekki frá Kárahnjúkum enda.....

....lónið að verða fullt af vatni og því fokleirinn kominn á kaf og fýkur ekki.  Þar að auki hef ég staðfestar heimildir um að ekkert fok sé á svæðinu við Kárahnjúka, smá suðaustur af Snæfelli og nokkuð á svæðinu austur af Öskju, þaðan sem oftast má þakka rykið í byggð á Austurlandi.  Leirfok er einnig á Héraðsflóa, en það berst á hafút.

Moldrok og rykmistur á Austfjörðum

Íslenska ríkið taki Vatnsmýrina eignarnámi....

....þar sem ríkir almannahagsmunir eru í húfi.  Reykjavíkurborg á eingöngu lítinn part í Vatnsmýrinni og létt verk ætti að vera slíta þessa fáu fermetra út úr borginni.

Stjórnarskráin segir:

72. gr. Eignarrétturinn er friðhelgur. Engan má skylda til að láta af hendi eign sína nema almenningsþörf krefji. Þarf til þess lagafyrirmæli og komi fullt verð fyrir.

Ef Reykjavíkurborg stendur við sinn keyp, verður að grípa til þeirra meðala sem þarf til að hnekkja því.  Ef skipulgasvaldið í stjórnarskránni er þessari grein yfirsterkari og ekki gengur að knýja fram eignarnám, verður að finna nýrri höfuðborg stað.  Stað þar sem allir þegnar þjóðarinnar verði velkomnir til að þyggja, ekki eingöngu að vera áhorfendur og greiðendur framkvæmda misvitra borgarfulltrúa. 

Þá kemur sterkt inn að fara að dusta rykið hugmyndum Trausta Valsonar og byggja höfuðborg landsins inn á hálendi Íslands og færa alla opinberan rekstur þangað.  Þá verða svipaðar vegalengdir fyrir alla í stjórnsýslu, menntun og á hátæknisjúkrahús.

Tveir vilja flugvöll í Vatnsmýri

Srtætó styrktur af ríki á sama tíma og......

......flugið er skattpínt og rennur það fé beint úr vasa flugfarþega til ríkisins.  Þessi gjöld eru skattur á landsbyggðina, sem greiða bróðurpartinn af öllum farseðlum sem seldir eru í innanlandsflugi, ýmist vegns síns eigin ferða eða farseðla þeirra sérfræðinga sem  koma út á landsbyggðina og eru að selja tíma sinn landsbyggðarmönnum.  Hlutfallslega eru fáir ferðamenn nýta sér flugið vegna kostnaðar.

Er það réttmætt að greiða niður strætó í Reykjavík og allir landsmenn borgi það og skattpína síðan farþega sem nýta flugið og hafa ekki sömu möguleika á að nýta strætó??????

Segja Strætó njóta ólögmætrar ríkisaðstoðar

Frábært framtak.

Nú verða flugvallavinir að sýna samtakamátt sinn og slagkraft við að reka þett ofan í kokið á Gísla Marteini og Degi Bergþórusyni.

Almenningur á landsbyggðinni verður að standa saman í þessu máli, hagsmunirnir eru ríkir.

Í vor verður kosið til sveitastjórnar, þá er tækifæri að kjósa þá inn á lista sem hlynntir eru flugvellinum í Vatnsmýrinni, ekki síst að velja á listana í Reykjavík.

Samhliða sveitastjórnakosningunum, verði mönnum gefinn kostur á að kjósa um flugvöllinn í Reykjavík.  Fyrri kosning, sem ítrekað er vitnað í, var tómt rugl og yfirlýsing þáverandi borgarstjóra af sama tilefni, embættinu til vansæmdar.

Hjartað í Vatnsmýrinni

Það var þá bættur skaðinn.....

....bæjaryfirvöld í Fjarðabyggð eru búin að leyfa áramótabrennu þar undanfarin ár og vírarusl, naglar og riðgaðir járnbútar eiga enga samleið með með flugvéladekkjum.  Auk heldur hefur völlurinn verið spændur upp af hestamönnum, bílaspyrnutöffurum og íþróttafólki, sem höfðu lagt undir sig svæðið, löngu áður en völlurinn var lagður niður sem slíkur.  

Það virðist hafa skapast hefð í Fjarðabyggð og víðar, að flugvellir séu sérstakleg vel fallnir til íþróttaiðkana, gönguferða og bílaspyrnu.  Það er viðvarandi vandamál og svo kostar stórfé að koma þeim í lag ár hvert til að þeir geti þjónað sínu upphaflegu hlutverki og að lokum gefast stjórnendur upp fyrir þessu ofríki og flugvellirnir eru lagðir af.  

Það er ekki bara í henni Reykjavík, sem menn hafa horn í síðu flugvalla.

Flugvélarnar víkja fyrir hundum

Það er ekkert sem bannar.....

....að skipta með sér kostnaði við einkaflugið.  Matsatriði hvað er rekstrarkostnaður á einkflugvél.  

Yfirvöld hafa gengið mjög hart fram í ítrustu kröfum er varðar eftirlitsþáttinn á einkaflugvélum, þannig að rekstur þeirra er á við að reka lítið flugfélag, slíkur er kostnaðurinn og pappírsfarganið.  

Er þá ekki rökrétt framhald fyrir einkaflugmenn, að fara út í einkarekstur?

Einkaflugmenn þurfa leyfi til að fljúga með farþega