Steinaldarmennirnir.

Vilhjálmur Þ og Björn Bjarnason virðast vera að daga uppi í eigin flokki sem minnismerki um löngu liðna tíð þegar stjórnmálamennirnir voru þeir einu sem vissu, gátu og gerðu það sem þeim sýndist. 

Með upplýstu samfélagi hefur meðvitund kjósenda um störf kjörinna fulltrúa og með virku lýðræði, hafa hlutirnir breyst til betri vegar fyrir samfélagið en í "óheppilegri átt" hvað varðar pukur og einkaframtak kjörinna fulltrúa, um að hafa sína hentisemi.

"...umræðrn hefur skaðað flokkinn..." segir Vilhjálmur Þ.  Ekki eru það verk borgarfullrtúa flokksins, fráleitt að leiða svo mikið sem hugann að því.

Björn Bjarnason er ekki hrifinn af hugmyndinni að breyta stjórnarskránni  ".... sem gera myndu kleift að sækja um aðild að Evrópusambandinu."   Enn fremur telur hann  "...að ástæðulaust væri að efna til slíkrar atkvæðagreiðslu nema búið væri að ákveða að sækja um aðild." 

Þorgerður Katrín virðist á allt annari skoðun. 

Þarf ekki að undirbyggja málið til að geta skoða það frekar?  Til þess að hefja umræður þarf að ganga frá formsatriðum hér heima, leiði þær umleitanir ekki til ásættanlegrar niðurstöðu fyrir land og þjóð, - er auðvelt að slíta þeim.

Hvað er í gangi hjá Sjálfstæðisflokknum, þar eru frambjóðendur farnir að tala út og suður eins og í Samfylkingunni. 

Á móti þjóðaratkvæðagreiðslu

Flogið í blíðunni.

Glaðbeittir á Norðfirði.  Hjalti, Benedikt og Þórhallur.

Formaður og ritari Flugklúbbs Egilsstaða brugðu lofti undir væng að kvöldi 12 maí sl.  og flugleiðin á Norðfjörð valin í blíðunni.  Lent á flugvellinum, sem er í ágætu ásigkomulagi og staldrað við um stund og spjallað við flugmenn staðarins sem voru að ljúka æfingum á flugmódelum.

Tvær fisvélar eru komnar með heimilisfestu á Norðfirði og jafnvel von á þeirri þriðju innan tíðar.

Eftir stutt stopp var haldið í loftið á ný, stefnan tekin á Barðsnesið og flogið  með Sandvíkinni og Gerpir skoðaður í návígi.  Þaðan ver stefnan tekin á Stuðlaheiðina, með Eskifjörð og álverið á hægri hönd.  Skriðdalurinn var næsta stöðumið og þaðan inn á flugvöll. 

Góður flugtúr í indælis veðri í fínum félagsskap. 

Er hægt að fara fram á meira?

Rukkað fyrir sitthvor 25 riðin.

Venjulegt húsrafmagn í hýbílum er 220 volt 50 Hz (rið) og síðan um áramótin 2006-2007 hafa notendur fengið tvo reikninga senda heim í stað eins til margra ára.  Annar reikningurinn er frá Rarik sem fyrr á meðan annar "glaðningur" er sendur frá Orkusölunni ohf. 

Þetta er einhver óskiljanleg "hagræðing", vegna þess að þorri íslendinga getur ekki skipt við önnur fyrirtæki hvað varðar kaup á raforku, en að skipta við þessi tvö fyrrnefndu fyrirtæki.

Þjónustan hefur hins vegar versnað til muna og langt er um liðið síðan rafmagnsleysi hefur hrjáð austfirðinga jafn oft og jafn lengi í senn og í vetur.  Auðvita voru menn ekki lengi að tengja þetta álverinu á Reyðarfirði, en það furðar mann mjög ef svo er, vegna þess að það er sjálfstætt orkuver fyrir þá starfsemi og tvær frístandandi raflínur frá virkjun að vegg álversins.

Lausnin er hins vegar sú, að skipta starfsemi Rarik og Orkuveitunnar upp í landshlutafélög, þannig að skipulag, eftirlit og ákvarðanataka verði í fjórðungnum og fjármunirnir einnig.

 

Léttsýrð mjólk frá Akureyri á Austurlandi.

Hagræðingin heldu allstaðar innreið sína, nú er það mjólkin.  Það eru búið að loka fyrir mjókurvinnslu í mjólkurbúinu á Egilsstöðum, þrátt fyrir fögur fyrirheit um annað. 

Fyrst er mjólkinni ekið frá bændum og safnað saman á Egilsstöðum.  Frá Egilsstöðum er henni ekið og pakkað á Akureyri til að hægt sé að senda strax hana viðstöðulaust til baka í verslanir á Austurlandi. 

Vont er þegar það vantar mjólk í kælana í kaupfélaginu, verra er að fólk missi vinnu sína vegna stjórnsýslunnar í öðrum sóknum en allra verst er þó, að mjólkin endist mun verr en áður og verður fyrr bragðvond. 

Skal engan furða, - hún er orðin bílveik blessuð mjókin. 

Lausnin er að gefa beljunum bílveikitöflur fyrir mjaltir. 

Flugklúbbur Egilsstaða.

Í nokkrum sveitarfélögum á Austurlandi voru byggðir flugvellir og á þá stundað áætlunarflug í mislangan tíma eftir sveitarfélögum.  Við Hánefsstaði var kostað talsverðu til að koma Seyðisfirði í samband loftleiðis við aðra staði.  Á Bakkafirði og Fáskrúðsfirði gegndi sama máli, en áætlunarflug og nýting flugvallanna náði aldrei flugi, svo notað sé nærtækt líkingamál.

Stjórn Flugklúbbs Egilsstaða hefur nú samþykkt að hafa það sem verkefni í samvinnu við þau sveitarfélög, er hafa innan fjallahringsins aflagða flugvelli að freista þess að koma þeim í gagnið aftur.  Til þess að svo megi verða, þarf að vinna koma til samvinna sveitarfélagsins, Fugstoða ohf og Flugmálastjórnar Íslands.  Þetta er gert með það í huga, að auka öryggið í einkaflugi og skemmtanagildi þess sports að geta nýtt fleiri staði til að tylla niður lítilli einkaflugvél eða fisi.

Verkefni þetta getur kallast “Að taka flugvöll í fóstur”.  Ofantaldir eru þeir flugvellir sem flugklúbburinn hefur augastað á núna og auk þess að byggja upp og bæta lendingastaði á hálendinu, nú fyrst  á Sauðármel (ca. 64°50’ N - 16°02’ W).  Lendingastaðurinn þar er staðsettur á mel og vel útfærður frá náttúrunnar hendi.  Ekki þarf að færa til efni, einungis valta hann árlega og laga hatta og vindpoka.  Klúbbfélagar munu alfarið sjá um þetta verkefni.

Erindi hafa verið send inn til Flugmálastjónar Íslands, Flugstoða ohf og Egilsstaðabæjar.  Munnlegt leyfi hefur fengist frá landeigenda.  Auk þessa er fyrirhugað að koma upp aðstöðu fyrir klúbbfélaga og byggja við fluskýlið vegna vaxandi flugflota.  Nú er bara að að fara að bretta upp ermarnar, - verkefnin eru næg.  

Banna ber filter sígarettur með lögum.

Reykingamenn menga þegar þeir reykja og sumt fólk lendir í óbeinum reykingum, oft gegn vilja sínum.  Þetta er mengun sem búið er að taka á og gera reykingar útlægar frá nær öllum stöðum þar sem almenningur hefur aðgang að.  Það var til verulegra bóta, en eftir stendur að oft þarf að brjótast í gegnum þykkt reykský þegar þarf að fara um útidyr fyrirtækja og stofnana, vegna starfsmanna í reykingapásum.

Annar hluta vandamálsins, sem ekki hefur verið tekið á, eru stubbarnir sem liggja vítt og breytt, hvort sem er utan við fyrirtæki, verlsanir, flugstöðvar eða á áningastöðum ferðamanna.  Verst af öllu eru filterin, sem eru búin til úr efnum sem leysast seint og illa upp í náttúrunni og er þar af leiðandi ein mesta og hvimleiðasta sjónmengum sem fylgir nútímafólki. 

Því miður ber sumt reykingafólk ekki meiri virðingu fyrir umhverfi sínu en það, að stubbunum er fleygt að lokinni notkun þar sem viðkomandi reykingamaður stóð síðast við athöfn sína.

Hér með legg ég til, að bannað verði að flytja inn og selja sígarettur með filteri, að viðlagðri refsingu við broti þessu með sektagreiðslu.

 

 

Árinni kennir illur ræðari.

Sjálfstæðismenn eru nú í mikilli kreppu í Reykjavík, sem eru í sjálfu sér ekki einkennilegt, komnir í bullandi andstöðu við íbúa borgarinnar í stóra flugvallarmálinu, á kafi í REI pyttinum og ekki búnir að bíta úr nálinni með þá örvæntingu sem skók flokkinn, þegar Vilhjálmur missti tökin á borgarmálunum.

Þessi fyrrverandi borgarstjóri skilur heldur ekkert í því hvers vegna ný könnun Gallup sýnir fylgishrun Sjálfstæðisflokksins, en að  mati Vilhjálms er nærtækasta skýringin að ".....umræðan hefur verið flokknum erfið......". 

Þá hafið þið það. 

Það er umræðan sem tætir af flokknum fjaðrirnar.  

Eru ekki allir rosalega hissa.

Það sem kemur mest á óvart í þessari könnun, að flokkurinn skuli þó fá þetta fylgi með þessa líka stjórnendurna í borginni.  Svo er verið að tala um þá bræður Gísla, Eirík og Helga, sem einhverja furðufugla.

Fylgi Sjálfstæðisflokks minnkar mikið í Reykjavík

Væri ekki rétt að breyta nafninu á Elliðavogi í Brákarsund....

... þ.e.a.s.  ......Olíubrákarsund.....

Olíuhreinsun gengur vel

Mér stendur ekki lengur á sama.

Það er sjálfsagt að bera í bakkafullan lækinn að reyna frekar að fjalla um flugvallarmál í Vatnsmýrinni, minnihluti þeirra sem vilja leggja niður núverandi starfsemi, er enn við sama heygarðshornið.  Þangað inn bíta engin rök það er eingöngu bullað út í eitt um það að flugvöllurinn hverfi úr miðbænum í Reykjavík. 

Flugmenn hafa bent á það með gildum rökum að flugvöllurinn verði þar áfram og veðurfræðingar eru sama sinnis.  Það er meira mark á þeim takandi en borgarfulltrúum í Reykjavíkurborg, sem hafa minna vit á flugmálum, en hundar á harmonikku.

Aftur og aftur kemur upp umræðan um að þyrlur geti þetta og þyrlur geti hitt.  Oft er búið að reyna leiðrétta þetta, en allt kemur fyrir ekki.  Þyrlur eru góðar til síns brúks, en afleitar í lang- og blindflugi en koma að gagni þegar þarf að komast að veikum eða slösuðum þar sem önnur tæki eiga ekki hægt um vik. 

Flugvalla-niðurlagninga-umræða er orðin að  þráhyggju.  Hún er í raun einelti á íbúa landsbyggðarinnar, sem nýta flugvöllinn lang mest.  Ýmist eru landsbyggðarmennirnir að fara á eigin vegum eða þurfa að greiða fyrir þjónustu þeirra sem koma út á landsbyggðina að sinna þeim, þar með talið allan ferðakostnað.

Með því að rústa innanladsfluginu í núverandi mynd, leggjast meiri álögur á þá sem fyrir þessa þjónustu þurfa að greiða.  Fargjaldið í rútu milli Reykjavíkur og Keflavíkur er nú 1.200 ÍKR hvora leið og ekki verður það ódýrara með hraðlest.

Rúmlega 500 þúsund íslendingar ferðast um Reykjavíkurflugvöll ár hvert og ef að líkum lætur mun sá fjöldi fara vaxandi.  Eins og staðan er í dag gerir þetta um 1.200.000.000 IKR (einn komma tveir milljarðar) í auka skattheimtu á landsbyggðina og einhverjum þykir nóg um nú þegar.

Hefur flugvalla-niðurlagninga-hópurinn hugleitt þetta??