Bloggfærslur mánaðarins, janúar 2008

Reykjavíkurflugvöll áfram í Vatnsmýrinni.

Það má þakka fyrir að ekki fór verr með laus sæti í ókyrrð. 

Einnig má Svandís prísa sig sæla, að hugmyndir félaga Dags B Eggertssonar hafa enn ekki náð fram að ganga.  Hugmyndir hans um að leggja niður Reykjavíkurflugvöll og bæta á sjúklinga þeirri kvöl og pínu ofan á sjúkraflugið, að fara erfiða leið frá Keflavíkurflugvelli á sjúkrahús í Reykjavík. 

Núna, þegar Svandís Svavarsdóttir hefur þurft að reyna þetta á eigin skinni, ætti hún að skilja betur áhyggjur okkar á Austurlandi og annara sem búa á landsbyggðinni.


mbl.is „Það er allt í lagi með mig"
Tilkynna um óviðeigandi tengingu við frétt

Híbýli foreldra okkar eru fornminjar barna okkar.

Það er einkennilegt af þjóð, sem leggur miljónir í það að eiga flottustu og nýustu bílana, skuli vera heltekin af gömlu kofarusli, og það á besta og dyrasta stað Íslands.  Er ekki allt í lagi með þessa þjóð?  

Það er einkennlileg staða sem komin er upp í Reykjavík.  Eigandi gamalla kofa vill rífa þá til að byggja hótel, komim með öll leyfi upp á vasann, þá vakna allt í einu nokkrir borgarbúar og fara að berjast um á hæl og hnakka og sjá einhver verðmæti í rusli.  Þessir drullukofar voru ekki fallegir þegar þeir voru byggðir þeir urðu ekki fallegri þó þeim væri ítrekað breytt og fráleitt eru þeir fallegir núna.

Það er marg búið að umturna húsunum og breyta án þess að þeir skáni hætis hót.  Upp í hugann kemur sagan um gamla manninn, sem fékk hamar hjá afa sínum og hafði átt hann í rúm sextíu ár og hélt mikið upp á gripinn.  Hann var búinn að skipta þrisvar um hausinn á honum og fimm sinnum um skaft, en þetta var samt alltaf sami gamli góði hamarinn.

Húsfriðunarnefnd sá ekkert verðmætti í kofunum og gaf leyfi til að fjarlægja þá.  Það kemur því nokkuð spanskt fyrir sjónir þegar nefndin rumskar á elleftu stundu og breytir  ákvörðun sinni.  Það er hreint með ólíkindum að þegar Húsfriðunarnefnd er farin að vinna eins og Samfylkingin og þá er ekki von á góðu.  Húsfriðunarnefnd tók faglega ákvörðun en þorir svo ekki að standa við hana þegar ljós kom að einhverjir eru nefndinni ósammála og hafa hátt.  Húsfriðunarnefndin fó á taugum og beygði af.  Því miður er hér of seint í rassinn gripið og rétt að Húsfriðunarnefnd fái sjálf að hafa áhyggjur af vinnubrögúm sínum í þessu máli.

Í miðborg Reykjavíkur er vilji til að hlutirnir blómstri og að líf sé í borginni.  Hvað er betra en að byggja hótel á þessum stað til þess að laða ferðamenn að miðborginni?  Er ekki vilji  til þess að nýta kaffihús í 101 Rvík?  Er ekki vilji að nýta aðra ferðatengda þjónustu sem er í boði í miðborginni?  Er ekki verið að byggja tónlistarhús við höfnina? 

Er ekki hægt að átta sig á því að byggingar gærdagsins eru menningarverðmæti morgundagsins og fornminjar?  Áttið ykkur á því, einu sinni voru þessi kofaskrifli nýbyggingar, þá og aðeins þá voru einhver verðmæti fólgin i þeim.

Það er einnig erfitt að átta sig á þessu söfnunaræði Reykvíkinga, nema láta hugann hvarfla til leikstykkisins "Hellisbúinn" þar sem kerlingarnar eru safnarar en karlarnir veiðimenn.  Einkennilegt hvað margar "kerlingar" af báðum kynjum búa í Reykjavík.

Einkavinavæðingin ekki dauð.

Það er gaman að skoða ráðningu Guðna A. Jóhannessonar og líffræðingsins Ólöfu Ýrr Atladóttur í samhengi.  Í tilfelli Guðna er mikið lagt upp úr yfirgrips mikilli þekkingu hans, en hjá Ólöfu skiptir menntun í faginu ekki máli.

Það er því ljóst að dagsformið hjá Össuri ræður ferðinni, -nema pólitíkin hafi hlaupið með ráðherrann í gönur.

Hins vegar getur varla nokkur maður verið hissa á svona verklagi.  Síðan Samfylkingin komst á koppinn hefur stefnan verið ein í dag og önnur á morgun og ekkert í takt við það sem hún var í gær. 

Frambjóðendur í Reykjavík hafa einnig haft allt aðrar pólitískar áherslur en þingmenn flokksins á landsbyggðinni.


mbl.is Segir Guðna hafa sterka framtíðarsýn fyrir Orkustofnun
Tilkynna um óviðeigandi tengingu við frétt

Hrós til starfsmanna Egilsstaðaflugvallar

Andri Ólafsson skrifar í Vísi, 06. jan. 2008 eftirfarandi:

"Fólkið á Egilsstöðum stóð sig eins og hetjur
 
Halldóra Bergsdóttir skrifstofukona er ein þeirra tæplega 200 flugfarþega sem voru að koma frá Kanarí í leiguflugvél sem reyndi tvær misheppnaðar aðflugstilraunir í Keflavík og þurfti á endanum að lenda á Egilsstöðum.Hún segir að starfsfólk sem tók á móti sér og öðrum farþegum á flugvellinum á Egilsstöðum hafi staðið sig eins og hetjur.

Nokkrar fréttir hafa borist af þessari flugferð enda gekk mikið á áður en tókst að lenda í Egilstöðum. Margir hafa lýst flugerðinni sem hreinni martröð.

Halldóra Bergsdóttir telur að í hamagangnum við að rifja upp dramatíkina í flugvélinni hafi gleymst að minnast á gott starf þeirra sem falið var að hlúa að ferþegunum þegar þangað var komið.

"Þarna voru konur sem smurðu samlokur langt fram á nótt og dreifðu teppum. Svo voru þarna aðrir sem geru hvað eina sem þeir gátu til að aðstoða okkur. Það var kannski ekki mikið hægt að gera enda erfitt að vera viðbúinn því að fá 200 manna hóp með svona stuttum fyrirvara en ég var djúpt snortinn að sjá hvernir allir lögðust á eitt um að gera þetta eins bærileg fyrir okkur og mögulegt var," segir Halldóra Bergsdóttir og bætir því við að hún sé þess fólki innilega þakklát."

 


Hættan í flugi.

Oft hef ég róað eiginkonu mína og nána ættingja þegar ég hef farið í flugtúr á einkavél minni, með þeim orðum, að eini hættulegi kaflinn í flugtúrnum sé að aka til og frá flugvellinum í bílnum.

Þetta hef ég sagt oft og mörgu sinnum og stend við það.  Þetta hefur greinilega síast inn, vegna þess að þegar alnafni minn kom með foreldrum sínum austur um jólin, til að heiðra ömmu og afa með nærveru sinni, var sem oftar notast við þjónustu Flugfélags Íslands.

Í miðjum klíðum kvað sá stutti úpp úr með það að hann ætlaði að verða flugmaður þegar hann yrði stór.

"Er það ekku svo hættulegt?" spurði manna hans.

"Hva.... ertu hrædd um að ég lendi í bílslysi?" spurði sá stutti á móti.

Segið svo að börnin taki ekki eftir því sem fyrir þeim er haft. LoL


Sýnir nauðsyn þess að hafa góðan varaflugvöll.....

....á Íslandi, vegna þess að það getur komið upp að Keflavík lokist.  Oftast eru það ekki nema um þrjár til sex klukkustundir sem það ástand varir, örsjaldan lengri tími.

Margir sem fóru af á Egilsstöðum voru heimamenn, en gefið er í skyn í fréttum að fjöldi manns hafi farið af eingöngu vegna hræðslu.

Það sem brást í þessu tilfelli er aðstaða fyrir fólkið á Egilsstöðum.  Það er úr nægjanlegu húsrými að spila á þessum árstíma, en vegna áhugaleysis er lítið gert í málinu.  Á þessum tímapunkti var ekki hægt að komast inn í Valaskjálf, vegna þess að nýr eigandi hefur takmarkaðan áhuga á að sýna þjónustu.  Eiðar geta hýst um 100 manns og skólinn á Hallormsstað eitthvað um 80 manns.  En sama sagan enginn áhuginn enginn og lítil þjónustulund.

Gisting á Hótel Hérað var í góðu lagi og eins á Gistihúsinu á Egilsstöðum, sem hafði nokkur herbergi laus.  Sama gilti um nokkra eigendur smærri gistiþjónustu í nágrenni flugvallarins.

Hér þurfa heimamenn að taka myndarlega á málunum og laga hlutina  Þetta er ekki í fyrsta skipti sem þessi staða kemur upp og fráleitt sú síðasta.

Sjá meira um flugvallarmál Egilsstaða á bloggi mínu: 

http://pelli.blog.is/blog/pelli/entry/386814/

http://pelli.blog.is/blog/pelli/entry/387308/

http://pelli.blog.is/blog/pelli/entry/385866/


mbl.is Héldu að þetta væru endalokin
Tilkynna um óviðeigandi tengingu við frétt

« Fyrri síða

Innskráning

Ath. Vinsamlegast kveikið á Javascript til að hefja innskráningu.

Hafðu samband