Við kusum þetta yfir okkur....

....og fengum það sem við áttum skilið. 

Þjóðin á að vera búin að læra það, að kommar geta ekki stjórnað fjármálum.  Þeir festast í gömlum úreltum lausnum, sem hingað til hafa engu skilað.  Gömlu skattpíningaráðin duga skammt, allra síst í því árferði sem nú ríkir.  Annað hvert fyrirtæki er á hausnum og hin róa lífróðri til að halda sér á floti.  Það er ekki lengur borð fyrir báru, hvorki hjá þeim sem hafa vinnu, geta borgað af skuldum sínum eða eru að reka fyrirtæki. 

Hver á að borga brúsann, ef þorri þjóðarinnar missir vinnuna, vegna aðgerða VG?

Er nægjanlegt fé í atvinnuleysistryggingasjóði?

Í upphafi skyldi endinn skoða.

 

Stórtækir auðlindaskattar

Athugasemdir

[Magnús Sigurðsson, 2.10.2009 kl. 09:25]

Lýsi því hér með yfir að ég hvorki kaus þennan óskapnað yfir mig og né á þetta skilið.

  

[Ásgrímur Hartmannsson, 2.10.2009 kl. 09:57]

Ég kaus þetta lið bara ekki neitt.

[Alvin (IP-tala skráð) 2.10.2009 kl. 13:06]

Ég kaus þá og myndi gera aftur.

Ótrúlegt hvað fólk er fljótt að gleyma hverjir komu okkur í þá stöðu sem við erum í núna.

Sælir eru einfaldir.

[Benedikt V. Warén, 2.10.2009 kl. 15:03]

Það kaus enginn bankastjórana, sem bera höfuðábyrgð. 

Sjálfstæðisflokkurinn og Framsóknarflokkurinn voru að vinna eftir reglugerðafargani ESB um einkavæðingu.  Þetta hafa þau Jóhanna forsætisráðherra og Ólafur forseti einnig samþykkt.  Menn eru búnir að gleyma þessu, eða vilja ekki sjá það erða skilja. 

Við vorum með ríkis-útvarp, ríkis-banka, ríkis-skóla, ríkis-sjúkrahús, ríkis-síma, ríkis-áfengi, ríkis-útgerð og svona mætti lengi telja.  Þetta "harmonerar" ekki við reglugerðafargan ESB og því var verið að reyna að losa um ríkistökin. 

Það tókst hins vegar mjög óhönduglega, svo ekki sé meira sagt.  Gleymum ekki því að Björgvin G Sigurðsson var viðskiptaráðherra á þessum tíma og átti að hafa alla þræði í gegnum skrifborðið hjá sér og vera meðvitaður um hvert stefndi.  En....hann sagði nokkrum vikum fyrir hrunið og bloggaði einnig um það, að hér væri allt í stakasta lagi.  Blogginu eyddi hann snarlega við hrunið.

Svo illa sem öllum hinum flokkunum tekst til við að stjórna, - þá eru kommar þó ávallt hálfu verri.