Verðugt verkefni fyrir VG að vera á móti.

Þórunn Sveinbjarnardóttir, umhverfisráðherra, er búin að fara á fjörurnar við umhverfisráðherra Norðurlandanna og fleiri ríkja að þeir taki tillit til sérstöðu Íslands þegar kemur að losunarheimildum vegna flugsamgangna. 

Ég man ekki betur en umrædd Þórunn sé ítrekað búin að fjalla um að hvika hvergi frá Kyoto bókununinni, þegar kemur að losun gróðurhúsalofttegunda.

Ef VG ætla að vera sjálfir sér samkvæmir, rísa þeir öndverðir upp og verða á móti öllum tilslökunum. 

Það skal vera hægt fyrir VG að "gera eitthvað annað" til að komast á milli staða, - eða hvað?

Tekið verði tillit til landfræðilegrar sérstöðu Íslands

Hvernig taka "Staksteinar" Mbl. á þessu?

Ég hef sjaldan verið jafn spenntur að bíða eftir að lesa álit Staksteina í Morgunblaðinu eins og nú.  Fram að þessu hefur sá ágæti vetvangur verið fljótur til að gagnrýna ýmsar gjörðir manna í samfélaginu, sérstaklega þeirra sem ekki eru í Sjálfstæðisflokknum.

En eins og skrifað er í góðri bók, þó nú um stundir sé deilt um þýðingu hennar, þá reikna ég með að  Staksteinar sjái eins og venjulega ... flís í auga náugans en ekki bjálkann í sínu eigin (flokksmanna-) auga.......

Rétt til að rifja upp frétt í DV um umrætt mál þann 20 des 2007:
"Ég er ekki sammála áliti nefndarinnar," segir Árni Matthiesen sem í dag skipaði Þorstein Davíðsson dómari við Héraðsdóm Austurlands og Héraðsdóm Norðurlands eystri , þvert á álit nefndar sem falið var að kanna hæfi þeirra fimm umsækjenda sem voru um stöðuna. Af þessum fimm taldi nefndin þrjá umsækjendur hæfari en Þorstein.

Þorsteinn Davíðsson skipaður héraðsdómari

Jólakötturinn - Jólamarkaður

Jólamarkaður Félags skógarbænda á Héraði, Barra h/f, Skógræktar ríkisins á Hallormsstað og Héraðs- og Austurlandsskóga var í „gamla“ Barrahúsinu við Kaupvang í dag og þar var ýmislegt á dagskrá. 

Þar var ýmislegt til sölu:
Skógarbændur og Skógræktin seldu jólatré og ýmislegt nýtilegt jólaskreytinguna og arinvið út austfirskum skógum.
Þar voru handverkskonur með sokka, peysur, kökur og annað handverk.
Listiðjan Eik var með ýmsa muni, flesta úr íslenskum efnivið
Kalli sveins með harðfisk og hákarl
Kakó og vöfflur í höndum kvennfélagsins í Hróarstungu.
Kærleikskúlur voru boðnar til sölu af Soroptimistaklúbbi Austurlands

.
Annað sem var á boðstólonum var:
Keppni um best reykta hangikjötið.
Rússasúpa og ketilkaffi að hætti skógarbænda.

Harmonikkutónlist

Alla næstu viku frá kl. 13 -17 verða seld jólatré í Barrahúsinu (gamla).

Þarna var samankomið mikið fjölmenni og þessi atburður var hressilegt innlegg jólahaldið og gaman að koma og vera þáttakandi.  Spurningin um framhaldið fyrir næstu jól.

Hvað ef stórslys hendir...............?

Sem betur fer höfum við verið laus við mjög alvarleg hópslys á Austurlandi í mörg ár.  Nokkrir hafa þó slasast í stærri óhöppum, en sem betur fer, fáir mjög alvarlega.  Það breytti þó ekki þeirri staðreynd, að þegar rúta fauk útaf við Akranes um árið, hvarflað hugurinn til þess, hvað ef þetta hefði gerðist hér á Austurlandi?  

Hvað ef atburðurinn hefði átt sér stað t.d. á Fagradal í aftakaveðri, sem var hér um svipað leiti og syðra. Fagradalurinn var ófær, en hægt með harðfylgi að fara þar um á öflugum tækjum en ekkert skyggni og Oddskarðið gjörsamlega ófært. Það hefði verið þrekraun að brjótast með slasaða á fjórðungssjúkrahúsið á Neskaupstað og borin von að fara aftur yfir Oddskarðið með stórslasaða einstaklinga á flugvöllinn á Egilsstöðum til að koma þeim í frekari aðhlynningar syðra.

Að koma með tuttugu stórslasaða einstaklinga á Heilsugæslustöðina á Egilsstöðum, er hugsun, sem setur í mann verulegan hroll, svo ekki sé meira sagt. Á Egilsstöðum er flugvöllur og fimm sinnum á dag, lenda fimmtíu manna flugvélar og enginn getur sagt fyrir um hvort og/eða hvenær verður þar óhapp. Hvað þá?  

Á Fljótsdalshéraði eru vegamót Austurlands og margir að fara þar um, sér í lagi á sumrin þegar Norræna er full á farþegum sem geysast út á þjóðvegakerfið og margar stórar rútur á ferðinni.  Vegna þess hve stór hluti ferðamanna eru á ferðinni á og í nágrenni við Fljótsdalshérað er mjög umhendis að fara með sjúka og/eða slasaða til Norðfjarðar.

Með heilborun ganga á Austurlandi má bæta verulega úr þessum málum.  Með því að bora fyrst milli Héraðs og Norðfjarðar kæmist stór hluti svæðisins í samband við sjúkrahúsið og fullbúinn flugvöllur í um 20 mín akstursfjarlægð frá sjúkrahúsinu.  Ef slík göng kæmust einhvern tíma í gagnið yrði hægt að bora frá Eskifirði annarsvegar og Seyðisfirði hinsvegar, hliðargöng inn í aðalgöngin.  Þannig yrðu gatnamót um það bil undir Fönn og allir þessir kaupstaðir varanlega tengdir.  Þá skiptir ekki lengur máli hvar fjóðrungssjúkrahúsið væri staðsett.

Verði þverskallast við þessum vegabótum, verður ekki lengur litið fram hjá því, að þörfin kallar á verulegar úrbætur í sjúkrahúsmálum á Héraði og það strax.

Það er meira en kaldhæðni að berja höfðinu endalaust við steininn og telja að málin séu í góðum farvegi við núverandi fyrirkomulagi, - það hrein og yfirgengileg heimska.

A4 er málið.

Það er að verða sama hvar borið er niður í okkar ágæta samfélagi, A4 er farið að gilda í einu og öllu.  Hér er átt við vélritunarblað af stærðinni A4.  Þökk sé misvitrum þingmönnum.

Það er sama hvað hlutirnir eru verðmætir, þeir eru það ekki fyrr en einhver nefnd (stjórnsýslustig)hefur haft rænu á að koma því á A4 og þá fyrst eru hlutirnir orðnir "löglega" verðmætir.

Það væri einnig fróðlegt að fá að vita hverjir eru í húsfriðunarnefnd, sem hafa þetta ægivald að ákveða hvað er merkilegt og hvað ekki.

Það er einnig athyglivert viðtalið við fulltrúa húsfriðunarnefndar, þar sem hann tíundar gildi þessarar innréttingar og sögu hennar og hússins.

En það breytir engu um það, húsið og innréttingarnar eru best geymdar í sinni heimabyggð, - á Seyðisfirði.

Innréttingarnar ekki friðaðar

Vér mótmælum allir.

Hér er enn ein aðförin að hinum dreyfðu byggðum landsins.  Hér eru misvitrir ráðamenn í Reykjavíkurhreppi að ráðast gegn menningarverðmæturm landsbyggðarinnar með það eitt í huga að setja þær upp í sínum hreppi, sér og gestum sínum til yndisauka.

Eins og kemur fram í fréttinni eru um gamlar sögulegar minjar að ræða, sem hvergi annarsstaðar eiga heima en á Seyðisfirði.  Þar hefur verið lyft grettistaki í að gera upp gömul hús á undanförnum árum og þessi aðför eru hrein og klár skemmdarstarfsemi.

Skora hér með á alla landsmenn að mótmæla þessum gjörningi kröftuglega.

Svei þeim, sem standa fyrir þessu niðurrifi.

Sjá frekar um umfjöllun fornminjar hér neðar.

Innréttingar ríkisins skemmdar

Hvernig er fjármagni betur varið til flugvallamála?

Mikilvægt er að mörkuð verði ákveðnari stefna í flugmálum og ekki skipt takmörkuðu fjármagni í marga staði á sama tíma.  Fara verður vel með fjármuni skattborgaranna og velta því yfirvegað fyrir sér, hvað kemur best fyrir samfélagið í heild. 

Eins og fram kemur hér á blogginu, var við undirbyggingu núverandi flugbrautar á Egilsstöðum, gert ráð fyrir lengingu í 2700 metra og frumhönnun verksins er til á teikniborðinu hjá Flugstoðum ( áður Flugmálastjórn) og aðstæður eru ákjósanlegar frá landfræðilegu sjónarmiði. 

Stöðugt er verið að knýa á um að bætt öryggi á millilandaflugvöllum.  Gerðar eru auknar kröfur um dýran öryggisbúnað til að mæta því, m.a. með því að gegnumlýsa allar töskur, handfarangur og skoðun á farþegum.  Auk þess þarf fullkominn og dýran búnað til að hlaða og afhlaða stórar flugvélar, bæði í farþega- og fraktflugi. 

Ljóst er að ekki verður grundvöllur til þess að margir flugvellir verði þannig búnir, vegna mikils stofnkostnar, í þrjúhundruð manna samfélagi.  Hverjum flugvelli fylgir einnig mikill kostnaðar við að þjálfa starfsfólks og búa flugvellina viðeigandi tækjakosti og síðan fylgir rekstrarkostnaðar og viðhald á tækjum og búnaði. 

Hér þarf að forgangsraða og ljúka því sem byrjað er á, ella stöndum frammi fyrir því að við höfum nokkra flugvelli, sem ekki eru í stakk búnir að geta tekið við þeim flugvélum sem þó gætu nýtt sér Keflavíkurflugvöll.  Stórar flugvélar geta t.d. ekki athafnað sig innan fjallahringsins á Akureyri, sama hve löng brautin þar yrði.

Hvort sem okkur dreyfbýlismönnum líkar það betur eða verr, eru ákveðnar staðreyndir sem ekki er hægt að líta framhjá.  Það er meira fjölmenni á suð-vesturhorninu og þar af leiðandi eru mestar líkur á að auka flug þangað, auk þess er best búni flugvöllur Íslands í Keflavík.   Nýting hans gæti orðið mun betri, við að koma upp góðum varaflugvelli á Egilsstöðum.  

Tækifærin eru þarna úti,- okkar er að grípa þau.  Það kemur öllum landsmönnum til góða.

Keflavíkurflugvöllur vs. Egilsstaðaflugvöllur.

Með því að lengja flugbrautina á Egilsstöðum í 2700 metra skapast nýir og fjölbreyttari möguleikar á nýtingu Keflavíkurflugvallar.  Möguleikinn felst í að markaðssetja Keflavíkur- og Egilsstaðaflugvöll sem “par”.  Þar yrði sýnt fram á að Íslendingar hefðu upp á að bjóða flugvelli, sem bættu hvorn annan upp.  Enginn annar flugvöllur utan Keflavíkur, hefur í dag tærnar þar sem Egilsstaðaflugvöllur hefur hælana. 

Þessir flugvellir eru á sitthvoru veðursvæðinu og hverfandi líkur á að þeir lokist báðir á sama tíma.  Flugfélög geta þá með hátt í 99.9% öruggi planað flug til Íslands á stórum flugvélum eins og Boeing 747. Enn sem komið er, ekki annar valkostur fyrir stærri vélar, sem nýta Keflavíkurflugvöll til að taka eldsneyti, en að nota Glasgow eða Prestwick sem varaflugvelli og er því sparnaður nær enginn.  

Flugfélög eins og t.d Cargolux, velja því að nota þá flugvelli frekar til eldsneytistöku, en að lenda á Íslandi.  Í rekstri fyrirtækja skiptir máli að halda kostnaði í lámarki og ná inn hámarks tekjum.  Í flugi gilda sömu lögmálin.  Þegar flogið er á milli staða þarf að gera ráð fyrir eldsneyti, það er á kosntað fraktarinnar, sem verður minni eftir því sem vegalengdirnar verða lengri og ágóðinn á viðkomandi fluglegg minnkar. 

Flugvélar þurfa að millilenda reglulega til að taka eldsneyti og Ísland er staður, sem mundi henta mörgum flugfélögum mjög vel til eldsneytistöku.  Ef varaflugvöllur væri innan seilingar, kæmi Keflavíkurflugvöllur enn  sterkari inn sem áhugaverður staður fyrir eigendur stærri flutningavéla. 

Þegar flugvél lendir, er ýmiskonar umstang og umsýsla því samfara.  Það þarf mannskap, tæki og tól til að afgreiða flugvélar.  Við slíka millilendingu skapast miklir möguleikar á fraktflutningum til og frá Íslandi.  Það mundi jafnframt opna á möguleika á að nýta betir þau mannvirki, sem standa á Keflavíkurflugvelli.

Hriktir í stoðum velferðakerfisins.

Það er alltaf jafn fróðlegt að lesa um það í byrjun aðventu undanfarið, um hinn mikla tekjuafgang fjárlaga ríkisins, sem fjármálaráðherra kynnir ár hvert og sjá síðan endalausan vandræðaganginn við að leysa rekstrarvanda sjúkrahúsanna.  Ríkisstjórnin er þarna að bregðast í veigamiklum málaflokki og með ólíkindum að ekki skuli vera hægt í yfirlýstu góðæri, að höggva af þennan skluldahala.

Vissulega er hægt að færa eihvern hluta heilbrigðiskerfisins frá ríkinu til einkageirans, en það á eingöngu við um þéttbýlustu staði landsins.  Hlutfallslega standa minni staðirnir verr, þar sem þeir þurfa ár eftir ár að sæta því, að lifa langt fyrir neðan hungurmörk í heilsugæslunni, vegna ákvarðana ríkistjórnarinnar.   

VG: Einkavæðing heilsugæslu framundan

Næst besti flugvöllur íslendinga?

Egilsstaðaflugvöllur var tekinn í formlega notkun 23. sept 1993 eftir gagngerar endurbætur og hefur frá þeim tíma þjónustað flugflotann.  Frá því í desember 1995 hafa verið 24 tíma vaktir á flugvellinum alla daga ársins og hefur hann síðan þjónað sem varaflugvöllur fyrir millilandaflug og yfirflug fyrir þær vélar sem nýtt geta völlinn.  Vægi Egilsstaðaflugvallar er mjög vanmetið hjá öðrum en þeim sem stunda flugrekstur.  Varla líður sú klukkustund, að Egilsstaðflugvöllur er ekki skráður varaflugvöllur hjá einhverju flugfélagi.

Flugvélar Flugleiða, Boeing 757 og 767 nota oftast Egilsstaðaflugvöll sem varaflugvöll og það munu nýjar flugvélar þeirra, Boeing 787 einnig geta.  Flugrekendur Boeing 747 hafa engan varaflugvöll á Íslandi ef þeir hyggjast nýta sér Keflavíkurflugvöll.  Við núverandi aðstæður getur Egilsstaðaflugvöllur ekki sinnt fullkomlega því hlutverki sem að var stefnt, að vera aðal varaflugvöllur fyrir Keflavík fyrir allar flugvélar.  Það dregur úr áhuga flugrekenda Boeing 747 að nýta Ísland sem valkost til eldsneytistöku. 

Flugbrautin á Egilsstöðum er malbikuð og skráð 2000 x 45 metrar með burðarlagi til að taka við flugvélum með hámarksflugtaksþunga allt að 250 tonnum (PCN 35).  Einn hængur er þó á, að Þjóðvegur 1 liggur það nálægt suðurenda brautarinnar að lendinga punkturinn (touch down) færist inn á brautina og rýrir hana um 153 metra þegar lent er til norðurs. 

Þetta er bagalegt fyrir stærri vélar þegar brautarskilyrði eru slök, t.d. vegna þess að krapi, snjór eða ís er á brautinni og/eða hliðarvindur.  Við erfiðustu veðurskilyrðin á svæðinu, þarf því að nota skerta braut vegna legu Þjóðvegar 1, sem lítið mál er að færa.  Með frekari lengingu um 700 metra, verður flugbrautin fær um að taka við flestum vélum, sem eru í notkun um þessar mundir, þar með talin Boeing 747 og trúlega einnig Airbus 380.